تيانشان تورى
تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

نەگىزگى ساتى ۇيىمدارىن كۇشەيتىپ، نەگىزگى ساتى قورعانىن بەكەمدەيىك

  − شينجياڭداعى ءار دارەجەلى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرى پارتيا تۋىن قىستاق تۇرعىندارىنىڭ جۇرەگىندە جەلبىرەتتى

  ءتىلشىمىز دۇڭ شاۋحۋا

  30 - قاڭتاردا باي اۋداندىق راديو - تەلەۆيزيا ستانسياسىنان باي قالاشىعىنىڭ كوكتاتشىلىق قىستاعىنا تۇسكەن قىزمەت اترەتىنىڭ مۇشەسى مامەت الىم (سولدان 1 - ) قىستاق تۇرعىنى شاۋانامعا 2018 - جىلعى ««ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىن تانىستىرۋدا.

  جاڭا ءداۋىردىڭ تۋى بيىك جەلبىرەدى؛ جاڭا ساپاردىڭ اق جەلكەنى كوتەرىلدى. پارتيانىڭ 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم اۆتونوميالى رايونداعى ءار ۇلت حالقىن ىنتىماقتاستىرىپ جانە جەتەكتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، «4 تانىمدى» بەرىك ورناتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىم - ورنالاستىرۋىن بۇلجىتپاي تياناقتاندىردى، ورنىقتىلىق پەن دامۋ قىزمەتتەرىندە تىڭ جەتىستىكتەرگە قول جەتىپ، ءار ۇلت كادر - جۇرتشىلىعى ونان تەرەڭ شابىت الدى.

  تۋ باعىت − باعداردى ايقىندايدى، جول تاعدىرىمىزدى بەلگىلەيدى. بۇگىننەن باستاپ، گازەتىمىز «شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستايىق» ارناۋلى ايدارىن اشىپ، اۆتونوميالى رايونىمىزدىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن دايەكتىلەندىرگەن، تياناقتاندىرعان جاندى امالياتىن ىشكەرىلەي ۇگىتتەپ، بۇكىل شينجياڭداعى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋگە ىنتالاندىرادى.

  باس شۋجي شي جينپيڭ «نەگىزگى ساتىنى يگەرۋدى، نەگىزدى بەكەمدەۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق بولاشاقتىق شاراسى جانە تۇبەگەيلى ءادىسى ەتىپ، نەگىزگى ساتى پارتيا ۇيىمدارىن بۇقاراعا قىزمەت ەتىپ، ورنىقتىلىقتى قورعاپ، بولشەكتەۋشىلىككە قارسى تۇراتىن بەرىك جاۋىنگەرلىك قورعانعا اينالدىرۋعا قۇلشىنىپ، پارتيا تۋىن ءاربىر نەگىزگى ساتى شەبىندە بيىك جەلبىرەتۋ كەرەك» دەپ باسا دارىپتەدى.

  نەگىزگى ساتى وركەندەسە، بۇكىل شينجياڭ وركەندەيدى، نەگىزگى ساتى ورنىقتى بولسا، بۇكىل شينجياڭ ورنىقتى بولادى. اۆتونوميالى رايوندىق پارتكوم «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە ايرىقشا ءمان بەرىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تياناقتاندىراتىن ماڭىزدى شارا رەتىندە يگەرىپ، 4 جىلدان بەرى جالپى 43 مىڭ 852 قىزمەت اترەتىن جانە 275 مىڭ 800 ادام - رەت كادر جىبەرىپ، شينجياڭدى ورنىقتىرۋ، شينجياڭنىڭ تىنىشتىعىن ساقتاۋ تۇرعىسىنان، ءار ۇلت جۇرتشىلىعىنىڭ الاڭسىز تىرشىلىك ەتۋىن تىعىز ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك ورنالاستىرىپ، حالىق تۇرمىسىنا ءتيىمدى ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت جۇرتشىلىعىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرىپ، قوعام ورنىقتىلىعى مەن باياندى تىنىشتىقتىڭ تاعانىن قۇلشىنا بەكەمدەدى.

  بۇگىنگى كۇندە، نەگىزگى ساتى پارتيا ياچەيكالارىنىڭ شۋجيى جەتىلىپ، القاسى تولىقتانىپ، نەگىزگى ساتى قىزمەت قاراجاتى مولىعىپ، شەپ كەڭەيدى... پارتيا تۋى تيانشاننىڭ تۇستىگى مەن تەرىستىگىندەگى ءاربىر نەگىزگى ساتى شەبىندە بيىك جەلبىرەدى.

  قۇرىلىمدى شيراتىپ، ساياسي باسشىلىق قابىلەتىن نىعايتتى

  «العاشىندا جۇمىستىڭ بابىن تاپپاي قينالدىم، تاڭعى جيىننان كەيىن نە ىستەرىمدى بىلمەيتىنمىن. قىستاقتا تۇراتىن قىزمەت اترەتىنىڭ كومەگى مەن جەتەكشىلىگىنىڭ ارقاسىندا، قازىر اۋىر جۇككە ارقا توسەيتىن حالگە جەتتىم»، مارالباسى اۋدانى داۋلەتباق اۋىلى اياققى قاراكۇلنور قىستاعى پارتيا ياچەيكاسىنىڭ جاڭا شۋجيى ابليكىم ابدىرەيىم قازىر قىستاق كادرلارىن جيىنعا شاقىرۋ، وتباسىلارىن ارالاپ جاعداي ۇعىسۋ، قىستاق دارەجەلى ىستەردى ورنالاستىرۋ سياقتى جۇمىستارعا ابدەن توسەلىپ، باپانداي بولىپ الىپتى.

  بىلتىر قىستاقتا تۇرۋ قىزمەتى باستالعاننان بەرى، وسى قىستاق پارتيا ياچەيكاسىنىڭ ءبىرىنشى شۋجيى، اۆتونوميالى رايوندىق ساياسي كەڭەس ورگانىنىڭ قىستاقتا تۇراتىن قىزمەت اترەتىنىڭ باستىعى شىڭ چۇنشۋ ابليكىممەن «بىرگە ءبىر» كومەك بايلانىسىن ورناتىپ، قىستاق ياچەيكاسىنىڭ جيىنىن اشۋ، حالىققا ءتيىمدى قاراجاتتاردى تاراتۋ، جينالىس اشىپ، ۇگىت - لەكسيا سويلەۋ... سياقتى ىستەر بويىنشا بەتپە - بەت وي قوسىپ، تاجىريبە ۇيرەتىپ، تالاپتار قويىپ، جۇك ارتىپ، ونىڭ جۇمىس ۇستىندە بۇقاراعا قىزمەت كورسەتۋ قابىلەتىن نىعايتۋىنا قول ۇشىن بەرىپ، قىستاق تۇرعىندارى اراسىنداعى بەت - بەدەلىنىڭ كوتەرىلۋىنە مۇمكىندىك تۋدىردى.

  جاقسى «جەتەكشىنىڭ» بولۋى − نەگىزگى ساتىنى كۇشەيتۋ مەن نەگىزدى بەكەمدەۋدىڭ تەتىگى. وسى ءۇشىن، وتكەن جىلى اۆتونوميالى رايوندىق پارتكوم «ۇزدىك كادرلاردى قىستاقتاردىڭ (الەۋمەتتىك اۋماق) ءبىرىنشى شۋجيلىگىنە تاڭداپ جىبەرۋ قىزمەتىن جاقسى ىستەۋ جونىندەگى جەتەكشى پىكىردى» شىعارىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرىنىڭ باستىقتارى مەن مۇشەلەرىنەن 7966 ادامدى قىستاق پارتيا ۇيىمىنىڭ ءبىرىنشى شۋجيى مىندەتىن قوسىمشا وتەۋگە ىرىكتەپ الىپ، ۇيرەتۋ، جاردەمدەسۋ، جەتەكتەۋ ارقىلى قىستاق دارەجەلى قوسالقى ۇيىمدار مەن زاپاس كۇشتەردى تاربيەلەۋدى مىقتى يگەرىپ، نەگىزگى ساتى پارتيا ۇيىمدارىنىڭ ۇيىمشىلدىق، جۇمىلدىرعىشتىق، جاۋىنگەرلىك قابىلەتتەرىن جاپپاي جوعارىلاتىپ، نەگىزگى ساتى ۇيىمدارىن «ماڭگى تاپجىلماس» قىزمەت اترەتتەرىنە اينالدىرۋعا كۇش سالدى.

  سونىمەن قابات، بۇكىل اۆتونوميالى رايونداعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرى قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، نەگىزگى ساتى پارتيا ۇيىمدارىنىڭ قۇرىلىسىن كۇشەيتۋدى تۇبەگەيلى شارا ەتىپ، ءالسىز، بىتىراڭقى نەگىزگى ساتى پارتيا ۇيىمدارىن كۇش سالا رەتكە سالىپ، «جۇلدىزدى» نەگىزگى ساتى پارتيا ۇيىمدارىنىڭ قۇرىلۋىن ىلگەرىلەتىپ، قىستاق «ەكى كوميتەتتەرىنىڭ» القاسىن سارالاپ جانە نىعايتىپ، قىستاق دارەجەلى پارتيا ۇيىمدارىنىڭ ولشەمدەنۋ قۇرىلىسىن كۇشەيتىپ، نەگىزگى ساتىداعى پارتيا مۇشەلەرى مەن كادرلاردى تاربيەلەۋ تەبىنىن ارتتىردى... قىستاق دارەجەلى پارتيا ۇيىمدارىن شىن مانىندە بۇقاراعا قىزمەت ەتىپ، ورنىقتىلىقتى قورعاپ، بولشەكتەۋشىلىككە قارسى تۇراتىن پارمەندى جاۋىنگەرلىك قورعان ەتىپ قۇرىپ شىقتى.

  تۋ باستان تۇنىتىپ، يدەيالىق جەتەكشىلىك قابىلەتىن جوعارىلاتتى

  بىلتىر قىستاقتا تۇرعاننان بەرى، شينجياڭ ەكونوميكا - قازىنا ۋنيۆەرسيتەتىنىڭ ماكىت اۋدانى بازار ءجامي اۋىلى جۋانباس ءدوڭ قىستاعىندا تۇراتىن قىزمەت اترەتى 200 رەتكە جۋىق ۇگىت - لەكسيا جاساپ، ۇشقارىلىقتى الاستاۋ تاقىرىبى بويىنشا 10 نەشە مارتە تاربيە جۇرگىزىپ، باتىل ءۇن قاتۋ، ايقىن پوزيتسيا ءبىلدىرۋ سياقتى قيمىلداردى ءۇرتىس قانات جايدىرىپ، قىستاق تۇرعىندارى «ءۇش ءتۇرلى كۇشكە» جۇمىلا قارسى تۇرعان پارمەندى جاعدايدى ونان ارى بەكەمدەي ءتۇستى. اسىرەسە، قىزمەت اترەتىنىڭ جەتەكشىلىگىندە، قىستاق كادرلارى، پارتيا مۇشەلەرى، ءدىني قايراتكەرلەر جانە بۇقارا ىرىقتىلىقپەن ورتاعا شىعىپ، اشىق كوزقاراس ءبىلدىرىپ، 1000 ادام - رەتتەن اسا باتىل ءۇن قاتىپ، ايقىن پوزيتسيا ءبىلدىردى.

  قازىر قىستاق تۇرعىندارىنىڭ زاڭدى قۇرمەتتەۋ، زاڭعا بويسۇنۋ ساناسى ايتارلىقتاي نىعايىپ، ءدىني ۇشقارى يدەيالاردىڭ زاردابى جونىندەگى تانىمى ايقىندالا ءتۇستى. قىستاق تۇرعىنى اكبار نۇرمامەت: ءدىني ۇشقارى يدەيا ادامدى تىرىدەي جۇتاتىن الباستىنىڭ ءوزى، بۇرىن ونىڭ زالالىن جەتە تانىماعان ەكەنمىن، ۇيرەنۋ ارقىلى بىزگە كىمنىڭ جاقسىلىق جاساپ وتىرعانىنا كوزىم جەتتى. مەن ماڭگى پارتياعا ىلەسەمىن، - دەدى.

  4 جىلدان بەرى، بۇكىل شينجياڭداعى قىستاقتا تۇراتىن قىزمەت اترەتتەرى پارتياعا العىس ايتۋ، ۇلتتار ىنتىماعى، زاڭمەن جونگە سالۋ سياقتى ۇگىت جانە ءتالىم - تاربيە قيمىلدارىن بار كۇشپەن قانات جايدىرىپ، ءار ۇلت بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىردى؛ دوستاسۋ، جۇپ قۇراۋ قيمىلدارىن بەلسەندى تۇردە ورىستەتىپ، ءار ۇلت بۇقاراسىن ارالاسۋعا، ىشتەسۋگە، توعىسۋعا جەتەكتەدى. كادرلاردىڭ ارىنى كۇشەيىپ، قىستاق تۇرعىندارىنىڭ جۇزىنەن كۇلكى ەسىپ، ءار ۇلت بۇقاراسىنىڭ پارتياعا العىس ايتۋ، پارتيانىڭ ءسوزىن تىڭداۋ، پارتياعا ىلەسۋ سەنىمى مەن بەكىمى ونان ارى نىعايدى.

  بۇگىنگى كۇندە، ءار دۇيسەنبى سايىن مەملەكەت تۋى شىعارىلادى، سەنبىلىك ساۋىقتار ۇيىمداستىرىلادى، ايلىق ارناۋلى تاقىرىپتار بەلگىلەنەدى، مەرەكە - مەيرام ءتىپتى دۋماندى وتەدى، وزىق مادەنيەت كوكتەم سامالىنداي جۇرتشىلىقتىڭ كەۋدە سارايىن جارقىراتىپ، جۇرەگىن جىلىتىپ، كوڭىلدەرىن توعىستىرا ءتۇستى. نەگىزگى ساتى شەپتەرى قىستاق كادرلارىنىڭ كەڭسە ورتالىعىنا، پارتيا مۇشەلەرى مەن بۇقارانىڭ ونەر - سپورت ورتالىعىنا، جاستار مەن ايەلدەردىڭ وقۋ - قيمىل ورتالىعىنا، قىستاق تۇرعىندار كوميتەتى قىستاقتاعى ەڭ دۋماندى ورتاعا، بۇقارا باس قوسۋعا اسىعاتىن ەڭ ىستىق ۇياعا اينالدى.

  زەيىن - زەردە مەن كۇش - قۋاتتى شوعىرلاندىرىپ، بۇقارانى ۇيىمداستىرۋ قابىلەتىن كوتەردى

  «ءار كۇنى قىستاقتان سىزدەردىڭ اسىعىس جۇرگەن بەينەلەرىڭىزدى كورەمىن، شارۋالار كووپەراتيۆتەرىن ۇيىمداستىرىپ، اۋىلداستاردىڭ اي سايىن تابىس تابۋىنا مۇمكىندىك جاسادىڭىزدار؛ ءبىزدىڭ ۇيىمىزگە كومەكتەسىپ، ءبيداي ورىستىڭىزدار، اۋاحان اپايدىڭ اۋرۋدان ايىعۋىنا قول ۇشىن بەرىپ، قىزىنىڭ وقۋىنا قارجىلاي جاردەم جاسادىڭىزدار... قىستاقتا تۇراتىن قىزمەت اترەتىنە مىڭ العىس... سىزدەردىڭ بولعاندارىڭىز قانداي جاقسى». بۇل كەريا اۋدانى تۋراقاز اۋىلى باشقۇمباق قىستاعىنىڭ تۋماسى، چۇڭچيڭ ۋنيۆەرسيتەتىنىڭ ستۋدەنتى سالاماتحان ابدىلازەزدىڭ مەكتەپكە قايتقاننان كەيىنگى العاشقى حاتى، حات وسى قىستاقتىڭ ءبىرىنشى شۋجيى، شينجياڭ ءتۇستى مەتال توبىنىڭ قىستاقتا تۇراتىن قىزمەت اترەتىنىڭ باستىعى ابىلەت ابىلاعا جازىلعان. حاتتىڭ ءار سوزىنەن «ۇعىسۋ، تيىمدىلىك جاساۋ، توعىستىرۋ» قيمىلىنىڭ قىستاققا اكەلگەن وزگەرىستەرى مەن مۇندالاپ، قىزمەت اترەتىنىڭ اۋىل - قىستاققا باۋىر باسىپ، ەل - جۇرتپەن ەتەنە ارالاسىپ، حالىقتى ءسۇيىپ، حالىققا پايدا جەتكىزگەن شىنايى سۇيىسپەنشىلىگى بايقالادى.

  «تۇرمىس جاقسارعاننان كەيىن، رۋحاني جاقتان دا تۇلەۋ قاجەت». قىستاقتا تۇرعاننان بەرى، ابىلەت قىستاق «ەكى كوميتەتى» مەن قىزمەت اترەتىنىڭ مۇشەلەرىنە جەتەكشىلىك ەتىپ، ءماندى دە ءساندى ونەر - سپورت قيمىلدارىن ەتەك الدىرىپ، حالىققا ءتيىمدى شارالاردى تياناقتاندىرىپ، پارتيا ۇيىمىنىڭ تەبىنى مەن ومىرشەڭدىگىن ارتتىرىپ، نەگىزگى ساتى پارتيا ۇيىمىن بۇقارانىڭ ارقا سۇيەنىشىنە اينالدىردى.

  4 جىلدان بەرى، بۇكىل شينجياڭداعى قىزمەت اترەتتەرى بورىشتى ەستە بەرىك ساقتاپ، جۇمىستىڭ ارقاۋىن بوساتپاي، جاۋاپكەرشىلىككە ارقا توسەپ، نەگىزگى ماقسات تانىمىن كۇشەيتىپ، بۇقاراعا شىنايى قىزمەت كورسەتتى. تەك وتكەن جىلدىڭ وزىندە شينجياڭ بويىنشا 9409 قىستاق حالىق تۇرمىسىنا ءتيىمدى 10 مىڭ 355 نىساندى ورنالاستىردى جانە تياناقتاندىردى، بۇعان جالپى 8 ميلليارد 290 ميلليون يۋان قارجى سالىندى، ءسويتىپ، قىستاقتاردىڭ بەت - بەينەسىندە زور وزگەرىستەر جارىققا شىعىپ، حالىقتىڭ قالاۋىن تاۋىپ، جۇرتتىڭ تىلەگىن بىرىكتىردى.

  «جاڭا داۋىردە جاڭا بەينە بولۋى، جاڭا ناتيجەلەر دە بولۋى كەرەك. الداعى جەردە <ۇعىسۋ، تيىمدىلىك جاساۋ، توعىستىرۋ> قيمىلى بويىنشا قىستاقتا تۇرۋ قىزمەتىن ءۇرتىس تۇردە ويداعىداي ورىستەتىپ، كەڭ اۋقىمدى، عىلمي، تياناقتى، ءونىمدى جۇمىس جۇرگىزەتىن نەگىزگى ساتى ۇيىمدىق جۇيەسىن قالىپتاستىرۋعا كۇش سالىپ، ۇيىمداستىرۋ قابىلەتىن كوتەرىپ، پارتيا تۋىن نەگىزگى ساتى شەپتەرىندە بيىك جەلبىرەتىپ، ونان سايىن ايشىقتاي تۇسەمىز»، - دەدى اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى لين ۋي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.