تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

«تۋىستاسۋ اپتالىعى» قيمىلىنا قاتىناسقان ءبىر كادردىڭ قىزىنا جازعان حاتى

  رەداكتوردان

  تاياۋ كۇندەردەن بەرى اۆتونوميالى رايوندىق ءتارتىپ تەكسەرۋ، باقىلاۋ - تەكسەرۋ مەڭگەرمەسىنەن 3 - توپتا ۇلتتار ىنتىماعى «تۋىستاسۋ اپتالىعى» قيمىلىنا قاتىناسقان جۇپ قۇراپ، تۋىس بولعان كادرلار تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، شىن پەيىلىمەن بەرىلىپ، شىنايى سۇيىسپەنشىلىككە قول جەتكىزدى. تۋىسىنىڭ ۇيىندە 6 كۇن تۇرعان ۋ چياڭ وتباسىنا حات جازىپ، ءوزىنىڭ قىزىنا «تۋىستاسۋ اپتالىعى» كەزىندەگى اڭگىمەلەر مەن قىستاقتاعى تىڭ وزگەرىستەردى باياندادى.

  اياۋلى قىزىم:

  اكەڭ قىستاققا كەلگەلى 6 كۇن بولدى، باسقا 3 اعايىڭمەن بىرگە ءبىر تۋىسىمىزدىڭ وتباسىندا تۇرىپ جاتىرمىز. تۋىسىمىز اسا قوناقجاي ەكەن، ءۇيدىڭ ءىشى جىپ - جىلى، ءسۇپىنىڭ ۇستىندەگى توسەنىشتى قالىڭ سالىپتى، بىزگە بەتى - قولىن جۋسىن دەپ، ءار كۇنى كەشتە سۋدى قايناتىپ قويادى. تۋىسىمىزدىڭ ۇيىندەگى شەشەي تاماقتى ءدامدى جاسايدى، مەن ول جاساعان كەسپە كوجە، لاڭماندى وتە ۇناتىپ جەيمىن. ءبىز بۇل ارادا تۇرعاندا، ءوز ۇيىمىزدە تۇرعانداي بولدىق.

  سەنىڭ تىلەگىڭ بويىنشا، اكەڭ ءوزىڭ تاڭداپ الىپ بەرگەن ويىنشىق جانە اڭگىمە كىتاپتاردى تۋىسىمنىڭ بالاسىنا بەردىم. ويىنشىقتى ءبىر 3 جاستاعى سىڭلىڭە بەردىم، ول سەن بەرگەن ويىنشىقتارعا وتە قىزىقتى، قولىنان تاستامايدى؛ اڭگىمە كىتاپشالاردى 3 - كلاس وقيتىن ءبىر اپەكەڭە بەردىم، ونى كىتاپتى وقي الا ما ەكەن دەپ بايقاپ كوردىم، مەن وعان كىتاپتىڭ ىشىنەن ءبىر اڭگىمەنى وقىپ بەردىم. ول بۇل اڭگىمە كىتاپشالاردى وتە جاقسى كورەدى، تاعى ماعان ساعان كوپ راقىمەت ايتاتىندىعىن ايتتى. قىستاقتاعى بالالاردا ساباقتان سىرتقى كىتاپتار از بولعانىمەن، ءبىراق ولار ۇيرەنۋدى، كىتاپ وقۋدى وتە جاقسى كورەدى، سەن مەنەن جىبەرگەن بۇل كىتاپتار، ءسوز جوق، ءوز رولىن ساۋلەلەندىرىپ، كوپتەگەن بالالار كەزىندە سەن وقىعان اڭگىمەلەردى وقىپ، سەن سياقتى ولاردا قۋانىشقا بولەنەدى.

  اياۋلى قىزىم، قىستاق ءبىر جىلدىڭ الدىندا سول ءبىر جولى ءوزىڭ كەلگەندەگىدەن وزگەرىس وتە كوپ، بالاباقشا كەڭەيىپتى، وتە ادەمى؛ قىستاق تۇرعىندار كوميتەتىنىڭ الدىنا جاڭادان قىستاق تۇرعىندارىنا قىزمەت ەتۋ ورتالىعى سالىنىپتى؛ ەسىك الدىنداعى شىنار اعاشى بيىك ءوسىپتى؛ جول جاعاسىنداعى شىراق كوبەيىپتى؛ سارى قابىرعالى، قىزىل توبەلى جاڭادان سالىنعان ۇيلەر وتە ادەمى؛ ءوزىڭ قورقاتىن الگى ءيت «ماۋلەن» مەنى ءالى ۇمىتپاپتى، اۋەلى، ماعان ەركەلەپ قۇيرىعىن بۇلاڭداتادى.

  اياۋلى قىزىم، جاڭا جىل تاياپ قالدى، اكەڭ اعا - اپەكەلەرىڭمەن بىرگە قىستاققا كوپتەگەن ۇلكەن قىزىل شىراق ىلدىك، مەرەكەلىك بەينە ءبىزدىڭ شاعىن رايونعا قاراعاندا الدەقايدا قىزعىندى. مەن كوپتەگەن سۋرەتتەر ءتۇسىردىم، شەشەڭنىڭ قول تەلەفونىنا جولداپ قويدىم، وقۋدان تاراعان سوڭ اسىقپاي كورەرسىڭ.

  اياۋلى قىزىم، كەزىندە سەن مەنى: اكەم نەگە وڭتۇستىك شينجياڭعا ىسساپارمەن كوپ بارادى؟ - دەپ سۇراۋشى ەدىڭ، مەن ساعان قىزمەتتىڭ قاجەتى دەيتىنمىن. بۇگىن اكەڭنىڭ ساعان ايتارى، ءبىزدىڭ بويتىپ ارپالىسىپ جۇرگەنىمىز مەكەنىمىزدىڭ ءتىپتى دە كوركەيۋى، قىستاق تۇرعىندارىنىڭ ءتىپتى دە جاقسى تۇرمىس كەشىرۋى ءۇشىن. انا سۋرەتتەردى كورگەننەن كەيىن، سەن ءبىزدىڭ ارپالىسىمىزدىڭ ناتيجە بەرگەندىگىن بىلەسىڭ. اكەڭ سەنىڭ بيىلعى بارلىق مەرەكەلەرىڭە، ءتىپتى، تۋىلعان كۇنىڭە دە قاتىناسا الماعان بولسا دا، الايدا اكەڭ سياقتى تاعى دا كوپتەگەن اعاي - اپايلارىڭ دا اكەڭ سياقتى قىزمەت ىستەۋدە، ءبىزدىڭ بىرلىكتە قۇلشىنۋىمىزدا، ءبىزدىڭ مەكەنىمىز، ءسوز جوق، ءتىپتى دە كوركەيە تۇسەدى.

  اياۋلى قىزىم، جاڭا جىل كەلدى، مەن قىستاقتا تۇرىپ، سەنىڭ ۇيرەنۋىڭنىڭ ىلگەرى، شات - شادىمان بولۋىڭدى تىلەيمىن!

  سەنى جانىنداي جاقسى كورەتىن اكەڭ اقتاۋ اۋدانى پىلال اۋىلى سۋلىق قىستاعىنان حات جازىپ وتىر.

2017 - جىلى 300 - جەلتوقسان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى