شينحۋا اگەنتتىگىنىڭ 30 - قاڭتاردا بەيجيڭنەن بەرگەن حابارى. جۇڭگو حالىق ساياسي - ءماسليحات كەڭەسى مەملەكەتتىك 12 - كەزەكتى كوميتەتى تۇراقتى كوميتەتىنىڭ 24 - رەتكى ءماجىلىسى جۇڭگو حالىق ساياسي - ءماسليحات كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسىن 2018 - جىلى 3 - ناۋرىزدا بەيجيڭدە اشۋدى ۇيعاردى.
ءماجىلىستىڭ ۇسىنىس ەتىلگەن باستى كەڭەستىك ءتارتىبى مىناداي: جۇڭگو حالىق ساياسي - ءماسليحات كەڭەسى مەملەكەتتىك كوميتەتى تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭداۋ جانە قاراۋ؛ جۇڭگو حالىق ساياسي - ءماسليحات كەڭەسىنىڭ ۋستاۆىنا وزگەرىس ەنگىزۋ جوباسىن قاراپ ماقۇلداۋ؛ جۇڭگو حالىق ساياسي - ءماسليحات كەڭەسى مەملەكەتتىك 13 - كەزەكتى كوميتەتىنىڭ ءتوراعاسىن، ورىنباسار ءتوراعالارىن، باس حاتشىسىن جانە تۇراقتى مۇشەلەرىن سايلاۋ؛ جۇڭحۋا حالىق رەسپۋبليكاسىنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ ءارى تالقىلاۋ، نەگىزگى زاڭعا وزگەرىس ەنگىزۋ جوباسىنىڭ العاشقى جوباسىن جانە باقىلاۋ - تەكسەرۋ زاڭىنىڭ العاشقى جوباسىن تالقىلاۋ سياقتىلار.