شينحۋا اگەنتتىگىنىڭ 31 - قاڭتاردا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 32 - رەتكى ءماجىلىسى جۇڭحۋا حالىق رەسپۋبليكاسىنىڭ مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسىن 2018 - جىلى 5 - ناۋرىزدا بەيجيڭدە اشۋدى ۇيعاردى.
ءماجىلىستىڭ ۇسىنىس ەتىلگەن كەڭەستىك ءتارتىبى مىناداي: ۇكىمەت قىزمەتىنەن باياندامانى قاراۋ؛ 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2018 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى تەكسەرۋ؛ ورتالىق پەن جەرگىلىكتى ورىننىڭ 2017 - جىلعى مەجە ەسەبىنىڭ اتقارىلۋ احۋالى جانە ورتالىق پەن جەرگىلىكتى ورىننىڭ 2018 - جىلعى مەجە ەسەپ جوباسى جونىندەگى باياندامانى تەكسەرۋ؛ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن (العاشقى جوبا)» قاراۋعا ۇسىنۋ جونىندەگى كەڭەستىك جوباسىن قاراۋ؛ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭىنا وزگەرىس ەنگىزۋ جوباسىن ( العاشقى جوبا)» قاراۋعا ۇسىنۋ جونىندەگى كەڭەستىك جوباسىن قاراۋ؛ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى قاراۋ؛ ەڭ جوعارى حالىق سوتى مەكەمەسىنىڭ قىزمەتىنەن باياندامانى قاراۋ؛ ەڭ جوعارى حالىق پروكۋراتۋراسىنىڭ قىزمەتىنەن باياندامانى قاراۋ؛ مەملەكەت قۇرىلىمىنىڭ قۇرامىنداعىلاردى سايلاۋ جانە مىندەتكە تاعايىنداۋ شەشىمىن جاساۋ سياقتىلار.
