ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

جاڭا داۋىردەگى ەمتيحان بەرۋشى بولا بىلەيىك

  − تۇتاس رايونىمىزداعى ءار دارەجەلى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى ادىستە جاڭالىق اشىپ، بۇقارالىق قىزمەتتى ويداعىداي ىستەدى

  ءتىلشىمىز ۋاڭ يۇڭفي

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە − جاڭا ءداۋىر، جاڭا بەينە، جاڭا تەبىن

  باس شۋجي شي جينپيڭ پارتيا 19 - قۇرىلتايىنىڭ بايانداماسىندا «حالىقتىڭ نەگىزگى تۇلعالىق ورنىنا، پارتيانى حالىق ءۇشىن قۇرۋعا، بيلىكتى حالىق ءۇشىن جۇرگىزۋگە، ءسوز جوق، تاباندى بولىپ، بۇكىل ىنتا - پەيىلمەن حالىق ءۇشىن قىزمەت ەتۋ ءتۇبىرلى ماقساتىن ورىنداپ، پارتيانىڭ بۇقارالىق لۋشيانىن ەل باسقارىپ، بيلىك جۇرگىزۋدىڭ تۇتاس بارىسىنا ءسىڭىرىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، حالىققا سۇيەنىپ، تاريحي ۇلى ىستەر ىستەۋ قاجەت» دەگەندى اتاپ كورسەتتى. پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ: «ءداۋىر − ەمتيحان الۋشى، ءبىز ەمتيحان بەرۋشىمىز، حالىق ەمتيحان دۇرىستاۋشى» دەگەندى باسا دارىپتەدى.

  اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايونىمىزداعى ءار دارەجەلى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋىنا ساي، بۇقارالىق قىزمەتتى ىستەۋگە شەبەر بولۋ باسىمدىعىن تولىق ساۋلەلەندىرىپ، حالىقتى وزەك ەتۋ ۇستانىمىن بەرىك ورناتىپ، حالىق بۇقاراسىمەن قاي - قاشان دا ەتەنە بايلانىستى ساقتاپ، حالىق بۇقاراسىمەن قاي - قاشان دا زەينەتتە دە، بەينەتتە دە بىرگە بولىپ، بۇقارانى شىنايى اتتانىسقا كەلتىرىپ، شىنايى ۇيىمداستىرىپ، شىنايى ۇيىستىرىپ، قوعام ورنىقتىلىعى مەن باياندى تىنىشتىقتى ىلگەرىلەتەتىن جويقىن كۇشتى شوعىرلاندىرىپ، جاڭا ءداۋىردىڭ «ەمتيحان بەرۋشىسى» بولا ءبىلدى.

  بۇقارامەن قويۋ بايلانىس: پارتيا مەن بۇقارانىڭ، كادرلار مەن بۇقارانىڭ «ەتەنە سۇيىسپەنشىلىگىن» ارتتىردى

  پارتيا 19 - قۇرىلتايىنىڭ بايانداماسىندا «حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش» دەپ اتاپ كورسەتىلدى.

  شينجياڭنىڭ ەكونوميكالىق، قوعامدىق دامۋى مەن ورنىقتىلىعىن قورعاۋدا ءدوپ كەلگەن قاتاڭ دا كۇردەلى جاعداي بىزدەن، ءسوز جوق، بۇقارامەن قويۋ بايلانىس جاساۋدى، بۇقارادان ءبىر ساتتە دە قول ۇزۋگە بولمايتىندىعىن بۇرىنعىدان ارمان تالاپ ەتتى. تاياۋ جىلداردان بەرى، اۆتونوميالى رايون اۋدان دارەجەلىدەن جوعارى ورگان كادرلارىن قىستاقتا (الەۋمەتتىك اۋماق) تۇرىپ، «ۇعىسۋ، تيىمدىلىك جاساۋ، توعىستىرۋ» قىزمەتىن ورىستەتۋگە ۇيىمداستىردى، مۇندا جالپى 43 مىڭ 852 قىزمەت اترەتىن، 275 مىڭ 800 ادام تومەنگە جىبەرىلدى. قىستاقتا (الەۋمەتتىك اۋماق) تۇراتىن قىزمەت اترەتتەرى «حالىقتىڭ جاعدايىن ۇعىسۋ» تالابىن مۇقيات تياناقتاندىرىپ، وتباسىلاردى ارالاپ، بۇقارادان جاعداي ۇعىستى، بۇقارانى كەڭ كولەمدە اتتانىسقا كەلتىردى، بۇقاراعا كۇش سالا قىزمەت كورسەتتى. 2017 - جىلى قىزمەت اترەتىنىڭ مۇشەلەرى 31 ميلليون 670 مىڭ 100 وتباسىنان (رەت) احۋال ۇعىسىپ، 629 مىڭ 900 قايشىلىقتى ءبىر - بىرلەپ اداقتادى، شەشتى.

  ۇلتتار ىنتىماعى − شينجياڭنىڭ ەڭ ۇلكەن بۇقارالىق قىزمەتى. اۆتونوميالى رايوندىق پارتكوم الۋان فورماداعى ۇلتتار ىنتىماعى، العاباسارلىعىنداعى وزاتتاردان بولۋ قيمىلىن تىنباي ورىستەتىپ، 2016 - جىلى قازاننان باستاپ، تۇتاس رايونىمىزدا «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلىن ورىستەتتى. اۆتونوميالى رايوننىڭ باسشىلارى الدىمەن ۇلگى كورسەتىپ، ءار دارەجەلى اكىمشىلىك، ءىسورىندارىنداعى، كاسىپورىندارداعى پارتيا مۇشەلەرى مەن كادرلاردان، جۇمىسشى - قىزمەتكەرلەردەن ءار ادام كەمىندە نەگىزگى ساتىداعى (الەۋمەتتىك اۋماق) ءبىر وتباسىمەن جۇپ قۇراپ، بايلانىس ورناتتى. كەزەكتە تۇتاس رايونىمىزدا جالپى ءبىر ميلليون 100 مىڭنان استام كادر، جۇمىسشى - قىزمەتكەر ءبىر ميلليون 600 مىڭ وتباسىن قامتىعان نەگىزگى ساتىداعى ءار ۇلت بۇقاراسىمەن تۋىستاستى، 2017 - جىلى ۇلتتار ىنتىماعىنىڭ بىرلەسكەن دوستىق قيمىلى 160 مىڭ 800 (رەت) ورىستەتىلىپ، وعان 18 ميلليون 301 مىڭ 200 ادام (رەت) قاتىناستى.

  حى ۋي اۆتونوميالى رايوندىق ءوندىرىس حاۋىپسىزدىگىن باقىلاۋ - باسقارۋ مەكەمەسىنىڭ حوتان قالاسىنىڭ ءىلچى اۋىلى جالپاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، 60 جاستاعى قىستاق تۇرعىنى مايدىن احات حى ۋيدىڭ تۋىسى. مايدىن ناۋقاس سەبەپتى ەركىن ءجۇرىپ - تۇرا المايتىن، حى ۋي اپتا سايىن بارىپ، ونىڭ احۋالىن ۇعىسىپ تۇردى. مايدىن وتباسىندا ەڭبەككۇش تاپشى بولعاندىقتان، حى ۋي ونىڭ كوكتەمگى، كۇزگى ەگىس جۇمىسىنا كومەكتەستى؛ مايدىن سىرقاتتانىپ قالعاندا، حى ۋي ونىڭ ءدارىسىن ىشكىزەتىن. مايدىننىڭ قىزى اسەرلەنگەن بەينەدە: مەن زاۆودتا جۇمىس ىستەيمىن، قىزمەتىم وتە قاربالاس، حى اترەت باستىعى مەن قىزمەت اترەتىنىڭ مۇشەلەرى ۇنەمى ۇيىمىزگە كەلىپ، اكەمە جانە بالالارىما كومەكتەسىپ تۇرادى، ولارعا ايرىقشا العىس ايتامىن، - دەدى.

  حۋ ۋي مەن مايدىن سياقتى تۋىستار ارالاسقان سايىن ەتەنە بولىپ، دوستىق سۇيىسپەنشىلىكتەرى بارعان سايىن قويۋلاي ءتۇستى. «ۇعىسۋ، تيىمدىلىك جاساۋ، توعىستىرۋ» جانە «ۇلتتار ىنتىماعىنىڭ بەرەكەلى شاڭىراعى» قيمىلىندا تۇتاس شينجياڭداعى ءار ۇلت كادرلارى مەن جۇرتشىلىعى ەتەنە سۇيىسپەنشىلىك ورناتىپ، كوڭىلدەرىن توعىستىرىپ، بەينە سانسىزداعان سىلدىراپ اققان بۇلاق سۋىنداي ۇلتتار ىنتىماعىنىڭ تەڭىزىنە قۇيىلدى.

  وقۋ - اعارتۋدا بۇقاراعا جەتەكشىلىك ەتۋ: پارتيا مەن بۇقارانىڭ «جۇرەكتەرىن توعىستىراتىن كوپىرگە» اينالدى

  پارتيا 19 - قۇرىلتايىنىڭ بايانداماسىندا، يدەولوگيا قىزمەتىنە بولعان باسشىلىق ۇقىقتى مىقتى يگەرۋ كەرەكتىگى اتاپ كورسەتىلدى.

  بىلتىر قازان ايىنىڭ سوڭىنان بەرى، قىستاقتا تۇراتىن قىزمەت اترەتتەرى لابا، ۇگىت تاقتاسى، اڭگىمەلەسۋ، ۇگىت - لەكسيا سياقتى ۇدايىلانعان ۇگىت ءتاسىلى ارقىلى، سونداي - اق وتباسىلاردى ارالاپ، احۋال ۇعىسۋ، مەرەكەلىك باس قوسۋ، مادەنيەت، دەنە تاربيە قيمىلى، وندىرىسكە كومەكتەسۋ سياقتى ورايلاردان پايدالانىپ «پارتيا 19 - قۇرىلتايىنىڭ رۋحىن سان مىڭداعان وتباسىلارىنا جەتكىزۋ» قيمىلىن ىشكەرىلەي ورىستەتىپ، بۇقاراعا پارتيا 19 - قۇرىلتايىنىڭ رۋحىن ۇگىتتەپ، نەگىزگى ساتى بۇقاراسىنىڭ يدەياسىن پارتيا 19 - قۇرىلتايىنىڭ رۋحىمەن شىنايى بىرلىككە كەلتىردى.

  قىستاقتاردا تۇراتىن قىزمەت اترەتتەرى ءاربىر قىستاقتا ەڭ كەمىندە ءبىر مادەنيەت اترەتىن، ءبىر سپورت كومانداسىن، ءبىر ەرىكتىلەر قىزمەت كورسەتۋ اترەتىن قۇرىپ، بۇقارالىق مادەنيەت قيمىلدارىن جاپپاي ورىستەتىپ، وسى زامانعى مادەنيەت ۇستانىمى مەن ارەكەت ءتاسىلىن كۇش سالا تاراتىپ، عىلىم رۋحىن ساۋلەلەندىرىپ، عىلمي بىلىمدەردى جالپىلاستىردى؛ قىستاق تۇرعىندارىنا قىزمەت كورسەتۋ ورتالىعىنىڭ رولىن تولىق ساۋلەلەندىرىپ، بۇقارانى زايىرلى، وسىزاماندانعان وركەنيەتتى تۇرمىس كەشىرۋگە جەتەكتەدى؛ شارۋالار كەشكى مەكتەبىن اشىپ، بۇقارانىڭ مەملەكەتتە ءبىر تۇتاس قولدانىلاتىن ءتىل - جازۋ ورەسىن، زاڭ - ءتۇزىم تانىمىن جانە ەڭبەك شەبەرلىگىن ءوسىردى.

  قىستاقتاردا تۇراتىن قىزمەت اترەتتەرى پارتياعا العىس ايتۋ تاربيەسىن ىشكەرىلەي ورىستەتىپ، جاڭا - كونە وزگەرىستەردى شوعىرلى تۇردە ۇگىتتەۋ، جانىنداعى ادامداردىڭ ءوز جانىنداعى ىستەردى اڭگىمەلەۋى سياقتى فورمالاردى قولدانىپ، پارتيانىڭ ساياساتىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، بۇكىل ەل حالقىنىڭ قالتقىسىز كومەگىن، شينجياڭداعى زور وزگەرىستەردى اڭگىمەلەدى.

  شاۋەشەك قالاسى شينچىڭ ءمالىسى قاراۇڭگىر الەۋمەتتىك اۋماعىندا تۇراتىن 71 جاستاعى سالىقجان ەمەن ءوز ماڭايىنداعى ادامدار ارقىلى ءوز ماڭايىنداعى ىستەردى اڭگىمەلەۋدىڭ ءتيپى. 9 جىلدان بەرى، ول ءۇيىنىڭ اۋلاسىندا 300دەن استام - رەت مەملەكەت تۋىن شىعارۋ، ۇگىت - لەكسيا سويلەۋ قيمىلىن ورىستەتتى، 30 مىڭنان استام - رەت ادام بۇدان تاربيە الدى. ول ءوزىنىڭ وتانشىلدىق سۇيىسپەنشىلىگىن وسىنداي وزگەشە ءتاسىلمەن بەينەلەپ، پارتياعا دەگەن العىسىن ناقتى ارەكەتىمەن جەتكىزدى.

  ۇعىسۋعا قاراعاندا، 2017 - جىلى قىستاقتاردا تۇراتىن قىزمەت اترەتتەرى پارتياعا العىس ايتۋ جونىندە 824 مىڭ رەت ۇگىت - تاربيە قيمىلىن ورىستەتىپ، بۇدان تاربيە الۋشىلاردىڭ سانى 107 ميلليون ادام - رەتكە جەتكەن، دۇيسەنبى كۇنى مەملەكەت تۋىن شىعارۋ، ۇگىت - لەكسيا جاساۋ قيمىلىنا قاتىناسۋعا تيىستىلەر تۇگەل قاتىناسقان.

  سونىمەن قاتار، قىستاقتاردا تۇراتىن قىزمەت اترەتتەرى ۇنامدى جاقتان ۇگىتتەۋ، كەشىرمەلەرى ارقىلى زاڭ سويلەۋ، دەلوعا تالداۋ جاساۋ سياقتى تاسىلدەردى قولدانىپ، «ءۇش ءتۇرلى كۇشتىڭ» سۇرقيا قاسكۇنەمدىگىن اشكەرەلەپ، سىن تەزىنە الىپ، دىنگە سەنەتىن بۇقارانى قىراعى بولىپ، اق پەن قارانى ايىرىپ، دۇرىس سەنىم ورناتىپ، ءدىني ۇشقارى يدەياعا سانالى تۇردە قارسى تۇرىپ، «ەكىبەتكەيلەرگە» جانە «ءۇش ءتۇرلى كۇشكە» قارسى باتىل كۇرەس جۇرگىزۋگە جەتەكتەدى.

  بۇقاراعا شىن نيەتپەن قىزمەت ەتىپ، حالىققا تيىمدىلىك جاسايتىن، پايدا جەتكىزەتىن «دوڭگەلەك داۋلەت جولىن» كەڭەيتتى

  باس شۋجي شي جينپيڭ: «بۇقارانىڭ جاقسى تۇرمىس كەشىرۋىنە مۇمكىندىك جاساۋ − ءبىزدىڭ بارلىق قىزمەتىمىزدىڭ شىعار ءتۇيىنى جانە تابان تىرەر تياناعى» دەپ اتاپ كورسەتتى.

  «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتتەرى حالىق تۇرمىسىنا پايدالى ىستەردى كوبىرەك ويلاستىرىپ، حالىق تۇرمىسىنداعى قيىنشىلىقتاردى كوبىرەك شەشىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تىلەگىنە ساي كەلەتىن، حالىق تۇرمىسىنا يگىلىك اكەلەتىن ناقتى ىستەردى كوبىرەك ىستەپ، ءار ۇلت بۇقاراسىن الاڭداتقان ماسەلەلەردى كوبىرەك شەشىپ، وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن كومەككە زارۋلەردى كومەكتەن يگىلىكتەندىرۋ جاقتارىندا ۇزدىكسىز تىڭ ىلگەرىلەۋشىلىككە قول جەتكىزىپ، بۇقارالىق قىزمەتتى شىنايى، بۇقارانى رازى ەتە وتىرىپ ىستەپ، ءار ۇلت بۇقاراسىنىڭ الاڭسىز تىرشىلىك ەتۋىنە مۇمكىندىك جاسادى.

  جۇڭگو تەلەگراف جارنا شەكتى سەرىكتەستىگى شينجياڭ بولىمشە سەرىكتەستىگىنىڭ اقتاۋ اۋدانى ويتاۋ قالاشىعى شالما ارىق قىستاعىندا تۇراتىن قىزمەت اترەتىنىڭ ورىنباسار باستىعى جاڭ ۋي وسى قىستاقتا تۇراتىن اقيول اكبار ەسىمدى تۇرعىننىڭ قۇرىلعىلى اۋىل شارۋاشىلىعىن دامىتۋ ويى بار ەكەنىن بىلگەن سوڭ، دەرەۋ سول ماڭداعى جىلىجايدا كوكونىس ەگەتىن ءىرى ەگىمشىلىك وتباسىلارىمەن حابارلاسادى ءارى ونى ەرتىپ بارىپ، ەگۋ تەحنيكاسىن ۇيرەتەدى. قىسقا عانا ۋاقىت ىشىندە جاڭ ۋي وعان كومەكتەسىپ 1.5 مۋ جەرگە كوكونىس ەگەتىن جىلىجاي سالىپ بەرەدى. جاڭ ۋيدىڭ دەن قويا كومەكتەسىپ، جەتەكشىلىك ىستەۋىنىڭ ناتيجەسىندە ءبىر جىلدان بەرى، اقيولدىڭ جىلىجايدان تاپقان تابىسى 20 مىڭ يۋانعا جەتتى.

  ساناققا قاراعاندا، 2017 - جىلى قىستاقتاردا تۇراتىن قىزمەت اترەتتەرى 526 ميلليون يۋان قارجى سالىپ، ءبىر ميلليون 862 مىڭ 900 وتباسىنان (رەت) حال سۇراعان؛ ءبىر ميلليارد 313 ميلليون يۋان قارجى سالىپ، بۇقاراعا 479 مىڭ 500 ناقتى ءىس، يگى ءىس ىستەپ بەرگەن. قىستاقتاردا تۇراتىن قىزمەت اترەتتەرى وزدەرى تۇراتىن قىستاقتىڭ اۋىل - قىستاق جولىن سالۋعا، سۋ يگىلىگى قۇرىلعىلارىن سالۋعا، ەلەكتر تورىن جاڭالاۋعا، ينتەرنەت، راديو - تەلەۆيزور سياقتى ىستەرىنە كومەكتەستى، بۇكىل حالىقتىڭ دەنساۋلىعىن تەگىن تەكسەرۋ ءىسىن تياناقتاندىردى، مەكتەپكە دەيىنگى تاربيەنى يگەرىپ، وقۋ جاسىنداعى بالالاردىڭ مۇمكىندىكتىڭ بارىنشا مەكتەپكە تۇسۋىنە شىنايى كەپىلدىك ەتىپ، بۇقارانىڭ ءتول مۇددەسىنە ساياتىن ماسەلەلەردى شەشۋگە كومەكتەسىپ، مۇمكىندىكتىڭ بارىنشا جۇرتتىڭ رازىلىعىن الىپ، جۇرت تىلەگىن توعىستىردى.

  «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇرۋ قىزمەتىندە بۇقارالىق قىزمەت سىندى «اسىلدان» ويداعىداي جاندى تۇردە پايدالانىپ، حالىقتى وزەك ەتكەن دامۋ يدەياسىنا تاباندى بولىپ، ءار ۇلت بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددەلىك ماسەلەلەردى كۇش سالا شەشە العاندا عانا، مۇمكىندىكتىڭ بارىنشا بۇقارانى اتتانىسقا كەلتىرۋگە، ۇيىمداستىرۋعا، ىنتىماقتاستىرۋعا بولاتىنىن اماليات دالەلدەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 3-كەزەكتى «ەرتەگى قالا، بۋىرشىن ءدامى» اتىنداعى ءدامدى تاعامدار مەرەكەسىنىڭ شىمىلدىعى اشىلدى
  • نارات كورىنىستىك اۋماعى ساياحاتتىڭ قاۋىرت ماۋسىمىنا ءوتتى
  • [شينجياڭ جاقسى جەر] ۇلۋجان كورىنىس رايونىندا ساياحاتشىلاردىڭ اياعى ۇزىلمەدى
  • كوركەم شينجياڭدا كوڭىلدى ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى