ءتاڭىرتاۋ تورابى   ›   جاڭالىقتار   ›   اۋىل تىنىسى

كۇنەستە قار - مۇز ساياحات مەرەكەسى باستالدى

  

   باقىتبەك ءجۇمادىل ۇلى حابالايدى. اتى الەمگە جايىلعان اسەم نارات ساحاراسىنىڭ تاۋ - دالاسى اقشا قار جامىلىپ، ساي - سالادان سىڭعىرلاي اققان كۇمىس بۇلاقتار مەن كوگىلدىر وزەندەرى مۇز قۇرسانعان اقپان ايى باستالىسىمەن، كۇنەستە الىس - جۋىقتى ەلەڭدەتكەن «جۇڭگو نارات قار - مۇز ساياحات مەرەكەسى» دابىرالى باستالدى.

  «جەر ۇيىعى قىسقى اۋەن ناراتقا ماحاببات» دەگەن باس تاقىرىپپەن ناۋرىز ايىنىڭ ورتا شەنىنە دەيىن جالعاساتىن وسى مەرەكە، سان الۋان قىزىعارلىق قيمىلداردى جەلى ەتىپ، نارات ساحاراسىنىڭ قىسقى ساياحاتىن تانىستىرادى.

  3 - اقپان كۇنى كۇنەس اۋدانىنىڭ ىرگەسىندەگى قامىستى قار شاڭعى الاڭىندا وسى رەتكى قار- مۇز ساياحاتى مادەنيەت مەرەكەسىنىڭ باستالۋ سالتى وتكىزىلدى. دابىرالى باستالۋ سالتىندا كوركەمونەر نومىرلەرى قويلىپ، سوڭىنان شاڭعىمەن تەز سىرعاناۋ، قارلى دالا موتوسيكلمەن جارىسۋ، ءيت جۇگىرتىپ، قۇس سالۋ، قارلى مايداندا بالۋان سالۋ سياقتى سپورتتىق جانە سالت - سانالىق قىزىقتى قيمىلدار وتكىزىلىپ، قار - مۇز ساياحات مەرەكەسىنىڭ باستالۋ سالتىن تاماشالاۋعا جينالعان 6 مىڭ 500 دەن ارتىق ساياحاتشىلاردى باۋرادى.

  باستالۋ سالتىنىڭ سوڭى مىڭ ادام وتتىقتى قازان سورپاسىن ءىشۋ، ۇلتتىق ءدامدى اس - تاعامداردان ءدام تاتۋ سياقتى ساحارا اس - سۋ مادەنيەتىن تانىسترۋعا جالعاستى. اۋداننىڭ ءارقايسى اۋىل - قالاشىقتارىنان كەلگەن قولونەرشىلەر الۋان ءتۇرلى قولونەر تۋىندىلارىن، جەرگىلىكتى ەرەكشە ونىمدەردى جايما ەتىپ، ۇلتتىق ءتۇس العان ساياحات ەستەلىك بۇيىمدارىن الىس - جۋىقتان كەلگەندەرگە تانىستىردى.

  سول كۇنى كەشتە، قامىستى قار شاڭعى الاڭىندا «الاۋ مۋزىكا كەشى» وتكىزىلىپ، تاۋ اراسىنداعى كەشكى  وت شاشۋدى تاماشالاۋ، دالالىق شاتىر تىگىپ قارلى دالادا تۇنەۋ سىندى قيمىلداردا وتكىزىلدى. 

ءتىلشىنىڭ قىزمەت ورنى : ىلە وبلىستىق مادەنيەت، دەنەتاربيە، رايو - كينو - تەلەۆيزيا مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى