7 - اقپاندا اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ رۋحىن جاپپاي دايەكتىلەندىردى، تياناقتاندىردى، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىردى، تياناقتاندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىردى، تياناقتاندىردى، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۋىل - قىستاقتاردى كوركەيتۋ ستراتەگياسىن اتقارىپ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن ۇزدىكسىز اشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جۇڭگوشا سوتسياليستىك شينجياڭ قۇرۋعا مىعىم نەگىز قالاۋدى ورنالاستىردى. وسى جولعى ءماجىلىستىڭ رۋحىن دايەكتىلەندىرۋ، تياناقتاندىرۋ رايونىمىزدىڭ يدەيانى بىرلىككە كەلتىرىپ، تانىمدى تەرەڭدەتىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، جاڭا داۋىردەگى اۋىل - قىستاقتاردى كوركەيتۋدىڭ جاڭا داستانىن قۇلشىنا جازۋىندا، ءسوز جوق، اسا ماڭىزدى جەبەۋ رولىن اتقارادى.
شينجياڭ ءىرى ەگىن، مال شارۋاشىلىعى رايونى، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزى زور، مىندەتى جاپالى. اۋىل شارۋاشىلىعى، اۋىل - قىستاق، شارۋالار ماسەلەسى − مەملەكەت جوسپارىنا، حالىق تۇرمىسىنا ساياتىن تۇپكىلىكتى ماسەلە، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا ماڭىزدى دا تەرەڭ ىقپال جاسايدى. اۋىل شارۋاشىلىعى، اۋىل - قىستاق وسىزاماندانباسا، شينجياڭ وسىزاماندانبايدى، اۋىل - قىستاقتىڭ جاراسىمدى، ورنىقتىلىعى بولمايدى، شينجياڭنىڭ جاراسىمدى، ورنىقتىلىعى بولمايدى. جاڭا داۋىردە شينجياڭنىڭ اۋىل - قىستاقتارىن كوركەيتۋدىڭ جاڭا داستانىن قۇلشىنا جازۋدا ءبىز، ءسوز جوق، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، جالپى تالاپتى يگەرىپ، نىسانا - مىندەتتەردى ايقىنداپ، نەگىزگى پرينسيپكە بويسۇنىپ، جاعدايعا قاراي ىستەپ، ىرىقتىلىقپەن ىستەپ، ءتىپتى زور بەكىم، ءتىپتى ايقىن نىسانا، ءتىپتى پارمەندى شارالار ارقىلى، اۋىل شارۋاشىلىعىنىڭ دەڭگەيىنىڭ جاپپاي ءوسۋىن، اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن كۇش سالا ىلگەرىلەتۋىمىز كەرەك.
يدەيا − ارەكەتتىڭ جەتەكشىسى. جاڭا داۋىردە شينجياڭنىڭ اۋىل - قىستاقتارىن كوركەيتۋدىڭ جاڭا داستانىن ويداعىداي جازۋدا ەڭ الدىمەن اۋىل - قىستاقتاردى كوركەيتۋ ستراتەگياسىنىڭ كەلەلى ماڭىزىن جەتە تانۋىمىز كەرەك. اۋىل - قىستاقتاردى كوركەيتۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايىن ارقاۋ ەتىپ، «قوس 100 جىلدىق» كۇرەس نىساناسىن جۇزەگە اسىرۋعا، 100 ميلليونداعان شارۋانىڭ تاماشا تۇرمىسقا دەگەن تالپىنىسىنا سايكەس شىعارعان كەلەلى شەشىمى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەگى، جاپپاي سوتسياليستىك وسىزاماندانعان مەملەكەت قۇرۋداعى كەلەلى تاريحي مىندەت، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى، ول ءداۋىردىڭ ءۇنىن، دامۋدىڭ سوزسىزدىگىن، حالىقتىڭ تىلەگىن بەينەلەيدى. ورتالىقتىڭ اۋىل - قىستاق قىزمەتى اۋىل - قىستاقتاردى كوركەيتۋ ستراتەگياسىن اتقارۋدىڭ اتتانىسقا كەلتىرۋ بۇيرىعىن جاريالادى، باس شۋجي شي جينپيڭنىڭ ماجىلىستەگى ماڭىزدى ءسوزىنىڭ ستراتەگيالىق سيپاتى، يدەيالىق سيپاتى، كورەگەندىك سيپاتى، جەتەكشىلىك سيپاتى وتە كۇشتى، اۋىل - قىستاقتاردى كوركەيتۋ ستراتەگياسىن اتقارۋدىڭ ارەكەت باعدارناماسى، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ ءتۇبىرلى ولشەمى. ءسوزدى مۇقيات ۇيرەنىپ، ءمانىن تۇسىنگەندە عانا، پارتيا ورتالىق كوميتەتىنىڭ اۋىل - قىستاقتاردى كوركەيتۋ ستراتەگياسىن اتقارۋداعى ستراتەگيالىق وي - ماقساتىن ويداعىداي ءتۇسىنىپ، ايتارلىقتاي تياناقتاندىرا الامىز.
شىنايى ىستەگەندە عانا، تابىسقا جەتۋگە بولادى. ورتالىقتىڭ اۋىل - قىستاقتاردى كوركەيتۋ ستراتەگياسىن اتقارۋى ءبىزدىڭ جاڭا داۋىردەگى «اۋىل شارۋاشىلىعى، اۋىل - قىستاق، شارۋالار» قىزمەتىن جاقسى ىستەۋىمىزگە ماڭىزدى وراي ازىرلەپ بەردى. ءبىز اۋىل - قىستاقتاردى كوركەيتۋ ستراتەگياسىنىڭ قىزمەت تۇيىندەرىن كورنەكتىلەندىرىپ، قالا مەن اۋىلدىڭ توعىسپالى دامۋىن كۇش سالا ىلگەرىلەتىپ، اۋىل - قىستاقتىڭ نەگىزگى شارۋاشىلىق ءتۇزىمىن بەكەمدەپ، كەمەلدەندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اۋىل - قىستاقتاردىڭ جاسىل دامۋىن ىلگەرىلەتىپ، اۋىل - قىستاقتىڭ حالىق تۇرمىسىن قامتاماسىز ەتۋ ورەسىن جوعارىلاتىپ، اۋىر كەدەي وڭىرلەردە كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتىپ، اۋىل - قىستاق مادەنيەتىنىڭ گۇلدەنۋىن ىلگەرىلەتىپ، اۋىل - قىستاقتىڭ جونگە سالۋ جۇيەسىنە جاڭالىق ەنگىزىپ، ءتۇزىلىس - مەحانيزمدەردى كەمەلدەندىرىپ، اۋىل - قىستاقتاردى كوركەيتۋ ستراتەگياسىن تىڭعىلىقتى العا ىلگەرىلەتۋىمىز كەرەك.
پويەزدىڭ تەز ءجۇرۋى پاراۆوزعا بايلانىستى. اۋىل - قىستاق ىستەرىن جاقسى ىستەپ، اۋىل - قىستاقتاردىڭ كوركەيۋىن ىسكە اسىرۋدىڭ كىلتى پارتيادا. اۋىل - قىستاقتاردى كوركەيتۋ ستراتەگياسىنا ۇيىمدىق باسشىلىقتى شىن مانىندە كۇشەيتىپ، جاۋاپكەرشىلىكتىڭ تياناقتاندىرىلۋىن قاتايتىپ، كادرلار قوسىنىن قۋاتتى ەتىپ قۇرىپ، ۇسىنىلىممەن قامتاماسىز ەتۋدى كۇشەيتىپ، جوبا ارقىلى جەتەكشىلىك ەتۋگە تاباندى بولىپ، تاماشا راي قالىپتاستىرۋ كەرەك. ءار دارەجەلى پارتكوم مەن ۇكىمەت باسشىلىق جاۋاپكەرشىلىكتى تياناقتاندىرىپ، اۋىل - قىستاقتاردى كوركەيتۋدى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەگى بارىنەن ماڭىزدى قىزمەت ساناپ، الدىڭعى ورىنعا قويىپ، پارتيا مەن ۇكىمەتتىڭ ءبىرىنشى باسشىسى ءوزى يگەرىپ، اۋىل شارۋاشىلىعىن، اۋىل - قىستاقتى الدىمەن دامىتۋ تالابىن شىن مانىندە ناقتاپ تياناقتاندىرۋى كەرەك. تاراۋلار، ورىندار وزدەرىنىڭ فۋنكتسيالىق ورنىمەن ۇشتاستىرىپ، قىزمەت وي جەلىسىن ايقىنداپ، شينجياڭنىڭ رايون جاعدايىن جانە ۇقساماعان تيپتەگى رايون ەرەكشەلىگىن تياناق ەتە ءبىر تۇتاس ويلاستىرىپ، ساياسات - شارالاردى اشالاپ، بايلىق فاكتورلارىمەنقولداۋدى جانە تۇزىمدىك قامداۋدى كۇشەيتىپ، اۋىل - قىستاقتاردىڭ كوركەيۋىن جەبەۋدىڭ قۇدىرەتتى بىرىككەن كۇشىن قالىپتاستىرۋى كەرەك.
دابىل جەدەل قاعىلىپ، جورىق شۇعىل باستالدى. ءبىرىنشى 100 جىلدىق كۇرەس نىساناسىن ۋاعىندا جۇزەگە اسىرۋدىڭ ءارى ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ ەڭ جاپالى، ەڭ اۋىر مىندەتى اۋىل - قىستاقتا، ەڭ كەڭ، ەڭ قاتپارلى نەگىزى اۋىل - قىستاقتا، ەڭ ۇلكەن مۇمكىندىگى مەن سەرپىنى دە اۋىل - قىستاقتا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى تىعىز ىنتىماقتاسىپ، قايراتتانا ۇمتىلىپ، تىڭعىلىقتى قىزمەت ىستەپ، شوگەلدىلىكپەن، شىنايى ىستەپ، ۇزاق ۋاقىت ۇلەس قوسىپ، جاڭا داۋىردە اۋىل - قىستاقتاردى كوركەيتۋدى ىلگەرىلەتۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ جولىندا قۇلشىنا كۇرەس جۇرگىزەيىك.
