6 – اقپان، ۆاشينگتون. قازىر مىندەت وتەپ جاتقان دۇنيە جۇزىندەگى ەڭ قۋاتتى «الىپ قىران» تاسىمال راكەتاسى «تەسلا» ماركالى ءبىر قىزىل ەلەكترلى جارىس اۆتوموبيلىن تيەپ الىپ 6 – اقپاندا مارسقا قاراي ۇشتى.
سول جەر ۋاقىتى بويىنشا 15 ساعات 45 مينۋتتا (بەيجيڭ ۋاقىتى 7 – اقپان 4 ساعات 45 مينۋت) «الىپ قىراننىڭ» 27 قوزعاۋشى تۇتىگى ءبىر ۋاقىتتا وت بۇركىپ، فلوريدا شتاتى كەننەدي عارىش ايلاعىنىڭ 39A ۇشۋ تۇعىرىنان اسپانعا كوتەرىلدى.
«الىپ قىران» ءۇش دانا 1 – دارەجەلى «بۇركىت 9» راكەتا وزەگىنە ماتالعان. راكەتا اتىلىپ 8 مينۋتتان استام ۋاقىتتان كەيىن تاسىمال راكەتاسىنىڭ ەكى جاعىنداعى راكەتا وزەكتى ۇشىرۋ تۇعىرىنىڭ ماڭىنداعى قايتارىپ الۋ ورنىنا قوندى. وسىدان كەيىن ورتاداعى راكەتا وزەگى اتلاند مۇحيتىنداعى ماتروسسىز كەمەگە قونادى، دەپ جوسپارلاندى. حابار جاريالانعانعا دەيىن ورتاعى راكەتا وزەگىنىڭ قونۋ جاعدايى جاريا ەتىلمەدى.
قازىر تاسىمال راكەتاسى 2 – دارەجەلى وت بۇرىككىش راكەتامەن جەرشارى مەن مارستىڭ ارالىعىنداعى ەلليپيس فورمالى كۇن وربيتاسىندا زىمىراپ بارادى.
