تيانشان تورى
تيانشان تورى   ›   ۇيرەنۋ   ›   شولۋ

ءتۇيىندى كورنەكتىلەندىرىپ، اۋىل - قىستاقتاردى كوركەيتۋ ستراتەگياسىن تىڭعىلىقتى ىلگەرىلەتەيىك

  − اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە

  اۆتونوميالى رايوندىق اۋىل - قىستاق قىزمەتى ماجىلىسىندە اۋىل - قىستاقتاردى كوركەيتۋ ستراتەگياسىنىڭ قىزمەت ءتۇيىنىن كورنەكتىلەندىرىپ، اۋىل - قىستاقتاردى كوركەيتۋ ستراتەگياسىن تىڭعىلىقتى تۇردە العا ىلگەرىلەتۋ اتاپ كورسەتىلدى.

  اۋىل - قىستاقتاردى كوركەيتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايى تۇرعىسىنان، «قوس 100 جىلدىق» كۇرەس نىساناسىن ىسكە اسىرۋدى كوزدەپ، مىڭ، ميلليونداعان شارۋالاردىڭ تاماشا تۇرمىسقا دەگەن تالپىنىسىنا سايكەسە وتىرىپ شىعارعان ماڭىزدى شەشىمى. اۆتونوميالى رايوندىق پارتكومنىڭ اۋىل - قىستاق قىزمەتى ماجىلىسىندە قوعام ورنىقتىلىعى مەن باياندى تىنىشتىق باس نىساناسى تىعىز ارقاۋ ەتىلىپ، اۆتونوميالى رايونىمىزدىڭ اۋىل - قىستاقتاردى كوركەيتۋ ستراتەگياسىن اتقارۋداعى ءتۇيىندى قىزمەتتەرىنە ورنالاستىرۋ جاسالدى. ءبىز وسى رەتكى ءماجىلىستىڭ رۋحىن باتىل دايەكتىلەندىرىپ، ۇتىمدى جاعدايدا، ىرىقتى تۇردە ناتيجەلى ەڭبەك ەتىپ، اۋىل شارۋاشىلىعىنىڭ جاپپاي كوتەرىلۋىن، اۋىل - قىستاقتاردىڭ جاپپاي العا باسۋىن، شارۋالاردىڭ جاپپاي دامۋىن بار كۇشپەن ىلگەرىلەتۋگە ءتيىسپىز.

  اۋىل - قىستاقتاردى كوركەيتۋ ستراتەگياسىن ىلگەرىلەتۋ ءۇشىن، اۋىل شارۋاشىلىعى مەن اۋىل - قىستاقتاردىڭ وسىزاماندانۋىن جەدەلدەتىپ، اۋىل - قىستاقتاردى جۇرتتىڭ ءبارى اڭسايتىن كورىكتى مەكەنگە اينالدىرۋ كەرەك. قالا مەن اۋىلدىڭ توعىسپالى دامۋىن كۇش سالا ىلگەرىلەتىپ، جاڭاشا قالا - قالاشىقتاندىرۋ مەن اۋىل - قىستاقتاردى كوركەيتۋدى تەڭ يگەرۋگە تاباندى بولىپ، ونەركاسىپ ارقىلى اۋىل شارۋاشىلىعىن تولىقتاۋعا، قالالار ارقىلى اۋىل - قىستاقتاردى جەتەكتەۋگە تاباندى بولىپ، قالا مەن اۋىلدىڭ توعىسپالى دامۋ ءتۇزىلىسى مەن مەحانيزمىن اقاۋسىزداندىرىپ، ونەركاسىپ پەن اۋىل شارۋاشىلىعى، قالا مەن اۋىل اراسىندا ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىلدار ءبىرىن - ءبىرى تولىقتايتىن، جاپپاي توعىسىپ، قاتار گۇلدەنگەن جاڭاشا قاتىناس ورناتۋعا قۇلشىنۋ كەرەك. اۋىل - قىستاقتاردىڭ نەگىزگى شارۋاشىلىق ءتۇزىمىن كۇش سالا كەمەلدەندىرىپ، اۋىل - قىستاقتاردىڭ مەنشىك ءتۇزىمىن كەمەلدەندىرىپ، اۋىل - قىستاق فاكتور بازارىنىڭ ۇلەستىرۋ مەحانيزمىن اقاۋسىزداندىرىپ، اۋىل - قىستاقتاردىڭ كوركەيۋىنە تۇزىمدىك كەپىلدىك ازىرلەۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن كۇش سالا تەرەڭدەتىپ، اۋىل شارۋاشىلىعىنىڭ ءتۇسىمنىڭ ارتۋىن باعدار ەتۋدەن ساپانىڭ كوتەرىلۋىن باعدار ەتۋگە بۇرىلىس جاساۋىن جەبەپ، اۋىل - قىستاقتاردا 1 -، 2 -، 3 - كاسىپتەردىڭ بىرلەسە دامۋىن ىلگەرىلەتۋ كەرەك. اۋىل - قىستاقتاردىڭ جاسىل دامۋىن كۇش سالا جەبەپ، اۋىل - قىستاقتاردىڭ تابيعي بايلىقتارىنىڭ جەدەل قۇندانۋىن ىلگەرىلەتىپ، تاماشا ەكولوگيالىق ورتانى حالىق تۇرمىسىنىڭ ارتۋ نۇكتەسىنە، اۋىل - قىستاقتاردى كوركەيتۋدىڭ سۇيەنىشىنە اينالدىرۋ كەرەك.

  اۋىل - قىستاقتاردى كوركەيتۋ ينجەنەرياسىن ىلگەرىلەتۋ ءۇشىن، حالىقتى وزەك ەتكەن دامۋ يدەياسىنا تاباندى بولىپ، ءتۇيىندى يگەرىپ، ولقىلىقتاردى تولىقتاپ، وسال تۇستاردى نىعايتىپ، ءار ۇلت جۇرتشىلىعىن دامۋ جەتىستىكتەرىنەن تەڭ يگىلىكتەندىرۋ كەرەك. اۋىل - قىستاقتاردا حالىق تۇرمىسىن قامتاماسىز ەتۋدىڭ دەڭگەيىن كۇش سالا جوعارىلاتىپ، شارۋالار ەڭ كوڭىل بولەتىن، ەڭ تىكە، ەڭ ناقتى مۇددە ماسەلەلەرىن ارقاۋ ەتىپ، ءىستى بىردەن - بىردەن تىندىرىپ، جۇمىستى جىلدان - جىلعا ۇدەتىپ، اۋىل - قىستاقتارداعى ارتىق ەڭبەككۇشتەردىڭ جۇمىسقا ورنالاسۋىن، اۋىل - قىستاقتاردىڭ وقۋ - اعارتۋ ءىسىن الدىمەن دامىتۋدى، اۋىل - قىستاقتاردىڭ ەمدەۋ - دەنساۋلىق ساقتاۋ دەڭگەيىن جوعارىلاتۋدى، اۋىل - قىستاقتاردىڭ قوعامدىق قامتاماسىزداندىرۋ جۇيەسىنىڭ قۇرىلىسىن كۇشەيتۋدى باسا يگەرىپ، اۋىل - قىستاق جۇرتشىلىعىنىڭ تۇرمىسىن شىن مانىندە جاقسارتۋ كەرەك. اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋ شايقاسىن كۇش سالا جۇرگىزىپ، كەدەيلىكتەن قۇتىلدىرۋدان قامال الۋ مەن اۋىل - قىستاقتاردى كوركەيتۋ جونىندەگى ساياساتتاردىڭ ۇشتاسۋىن، مەحانيزمدەردىڭ بىرىگۋىن جانە قىزمەتتەردىڭ ءبىر تۇتاس جوسپارلانۋىن جاقسى يگەرىپ، اۋىر كەدەي وڭىرلەردى نازارعا الىپ، كەدەيلىكتەن قۇتىلدىرۋ ولشەمىن قاتايتىپ، ساياساتتاردىڭ دالمە - ءدال اتقارىلۋىن كۇشەيتىپ، جاۋاپكەرشىلىكتىڭ تياناقتانۋىن ىلگەرىلەتىپ، كەدەي حالىقتىڭ كوزەۋلى ۋاقىتتا كەدەيلىكتەن قۇتىلۋىنا كەپىلدىك ەتىپ، اۋىل - قىستاقتاردىڭ كوركەيۋىنە بەرىك نەگىز قالاۋ كەرەك.

  اۋىل - قىستاقتاردى كوركەيتۋ ستراتەگياسىن ىلگەرىلەتۋ ءۇشىن، اۋىل - قىستاقتاردىڭ جونگە سالۋ جۇيەسى مەن جونگە سالۋ قابىلەتىنىڭ وسى زاماندانۋىن جەدەلدەتىپ، ءار ۇلت جۇرتشىلىعىنىڭ الاڭسىز تىرشىلىك ەتۋىنە مۇمكىندىك جاساۋ كەرەك. اۋىل - قىستاق مادەنيەتىنىڭ مارقايۋىن كۇش سالا ىلگەرىلەتىپ، ماتەريالدىق وركەنيەت پەن رۋحاني وركەنيەتتى تەڭ يگەرۋگە تاباندى بولىپ، اۋىل - قىستاقتاردىڭ يدەيا - ءمورال جانە الەۋمەتتىك مادەنيەت قۇرىلىستارىن كۇشەيتىپ، اۋىل - قىستاقتاردىڭ يدەولوگيالىق حاۋىپسىزدىگىن قورعاپ، اۋىل - قىستاقتاردىڭ رۋحىن كوتەرىپ، شارۋالاردىڭ بەرەكە - بىرلىگىن نىعايتىپ، قوعامدىق سالتتى جاقسارتىپ، اۋىل - قىستاق وركەنيەتىنىڭ تىڭ تىنىسىن قاۋلاتۋ كەرەك. اۋىل - قىستاقتاردى جونگە سالۋ جۇيەسىن كۇش سالا جاڭالاپ، اۋىل - قىستاقتاردى جونگە سالۋدىڭ پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن قامتاماسىز ەتىلەتىن وسى زامانعى جۇيەسىن ورناتىپ جانە اقاۋسىزداندىرىپ، اۋىل - قىستاقتارداعى نەگىزگى ساتى پارتيا ۇيىمدارىنىڭ قۇرىلىسىن كۇشەيتىپ، اۋىل - قىستاقتاردى جونگە سالۋ مەحانيزمىن جەتىلدىرىپ، تىنىش اۋىل - قىستاق قۇرىلىسىن ويداعىداي يگەرىپ، اۋىل - قىستاق قوعامىنىڭ ومىرشەڭدىككە تولى، جاراسىمدى، ءتارتىپتى بولۋىن ىلگەرىلەتۋ كەرەك. ءتۇزىلىس پەن مەحانيزمدى كۇش سالا اقاۋسىزداندىرىپ جانە كەمەلدەندىرىپ، اۋىل شارۋاشىلىعى جانە اۋىل - قىستاق رەفورماسىن شىنايى تەرەڭدەتىپ، اۋىل شارۋاشىلىعىن قورعاۋ، قولداۋ ءتۇزىمىن كەمەلدەندىرىپ، اۋىل - قىستاقتاردا حالىققا قولايلى قىزمەت كورسەتۋ جۇيەسىن اقاۋسىزداندىرىپ، اۋىل - قىستاقتاردىڭ بايلىق فاكتورلارىن قۇلشىنا جانداندىرىپ، قالىڭ شارۋالاردىڭ بەلسەندىلىگى مەن جاسامپازدىعىنا قوزعاۋ سالىپ، قوعامنىڭ اۋىل شارۋاشىلىعىن قولداۋ، دەمەۋ، گۇلدەندىرۋگە كۇش جۇمىلدىرۋىنا مۇمكىندىك جاساۋ كەرەك.

     شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدىڭ ەڭ اۋىر مىندەتتەرى اۋىل - قىستاقتاردا. سەنىمدى بەكەمدەپ، اۋىل - قىستاقتاردى كوركەيتۋ ستراتەگياسىن تىڭعىلىقتى تۇردە ىلگەرىلەتىپ، جاڭا داۋىردە اۋىل شارۋاشىلىعى، اۋىل - قىستاق جانە شارۋالار قىزمەتىنىڭ جاڭا جاعدايىن اشا بەرۋىمىز كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.