ەركىنعازى احىمەتباي ۇلى حابارلايدى. كۇيتۇن قالاسى، بيڭتۋان 7 – شىسى، شيحۋ قالاسى، مايتاۋ رايونى سىندى «3 جەر 4 جاق » بىرلەسىپ وتكىزگەن كوكتەم مەرەكەسىن قۇتتىقتاۋ كولەمدى ادەبيەت - كوركەمونەر ساۋىق كەشى 10 - اقپان تۇستەن كەيىن كۇيتۇن قالالىق مادەنيەت - كوركومونەر ورتالىعىندا وتكىزىلدى.
كونسەرتتە پارتيا 19 - قۇرىلتايىنىڭ رۋحى، «ۇلتتار ىنتىماعىنىڭ بەرەكەلى شاڭىراعى»، «كەدەيلىكتەن قۇتىلدىرۋدان قامال الۋ»، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا، الەۋمەتتىك اۋماقتا ءتۇسۋ قىزمەتى باستى تاقىرىپ ەتىلىپ، ءان ايتۋ، ءبي بيلەۋ، كومەديا، تەاتر ورىنداۋ سىندى فورمالارمەن «3 جەر 4 جاقتاعى» ءار ۇلت حالقىنىڭ وتاندى، اتا مەكەندى قىزۋ ءسۇيىپ، پارتياعا ىلەسىپ، جاڭا داۋىرگە قۇلشىنا قادام تاستايتىن رۋحاني بەت - بەينەلەرى بەينەلەندى.
كونسەرت قويۋعا قاتىناسقان كۇيتۇن قالاسى، بيڭتۋان 7 – شىسى، شيحۋ قالاسى، مايتاۋ رايونى سىندى «3 جەر 4 جاقتىڭ» ءارقايسى ورىندارىنداعى قىزمەتكەرلەر وزدەرى دايىنداعان 12 باي مازمۇندى كونسەرت نومىرلەرىن ورىنداپ، «3 جەر 4 جاقتىڭ» رەفورما جاساۋ، ەسىك اشۋ جاقتارىندا، باعىتتامالى كومەكتەسۋدە قول جەتكىزگەن تابىستارىن جىرلاپ، «3 جەر 4 جاقتاعى» ءار ۇلت حالقىنىڭ جۇڭگوشا سوتسياليزمدى دامىتۋ، جۇڭحۋا ۇلتىنىڭ گۇلدەنۋىن، جۇڭگو ارمانىن جۇزەگە اسىرۋ، رەفورما جاساپ، ەسىك اشۋدى، سەكىرمەلى دامۋ مەن باياندى تىنشتىقتى ىسكە اسىرۋدى ىلگەرىلەتۋ سەنىمىن بەكەمدەي ءتۇستى.
كۇيتۇن قالاسىنىڭ، بيڭتۋان 7 – شىسىنىڭ، شيحۋ قالاسىنىڭ، مايتاۋ رايونىنىڭ باسشىلارىن، ەڭبەك وزاتتارىن، ءمورال ۇلگىلەرىن، كوماندير جاۋىنگەرىن، كادر بۇقاراسىن، ورتا تازالىق جۇمىسشىلارىن، وڭتۇستىك شينجياڭنان كەلىپ جۇمىس ىستەپ جاتقان جۇمىسشىلاردى قامتىعان 1200 دەن استام ادام كونسەرتتى تاماشالاپ، باي مازمۇندى كونسەرت نومىرلەرىنەن مول رۋحاني ءلاززات الىپ، جوعارى باعالارىن بەردى.
كونسەرتتى تاماشالاعان كورەرمەندەر ءبىر اۋىزدان : «كۇيتۇن قالاسى، بيڭتۋان 7 – شىسى، شيحۋ قالاسى، مايتاۋ رايونى سىندى ‹3 جەر 4 جاق› بىرلەسىپ وتكىزگەن كوكتەم مەرەكەسىنە ارنالعان كونسەرت باي مازمۇندى، تارتىمدى بولدى. وندا ‹3 جەر 4 جاقتىڭ› وتكەن جىلى قول جەتكىزگەن تابىستارى ءان - ءبي ارقىلى بەينەلەنىپ، ءبىزدى مول رۋحاني ازىقپەن قامداپ، قازىرگىدەن دە تاماشا تابىستارعا قول جەتكىزۋىمىزگە دەم بەردى»،- دەستى.
كورەرمەن لي حانىم بىلاي دەدى : «بيىلعى كوكتەم مەرەكەسىنە ارنالعان كونسەرت وتە تاماشا بولدى. ‹3 جەر، 4 جاقتىڭ› كوپتەگەن ارتيستەرى كونسەرت قويۋعا قاتىناسىپ، باي مازمۇندى كونسەرت نومىرلەرىن قويدى. ‹كەگەنشي اۋىلىنىڭ جاڭا بەت – بەينەسى› اتتى كومەديانى ەرەكشە ۇناتتىم. بۇل كومەديادان قىستاققا تۇسكەن قىزمەت اترەتىنىڭ ناقتىلى جۇمىستار ىستەپ، ەگىنشى – مالشىلاردى اۋقاتتاندىرۋ جولىنا باستاپ، اۋىل – قىستاق بەت – بەينەسىن جاڭالاعان ەڭبەك جەمىستەرىن كورىپ الۋعا بولادى».
ءتىلشىنىڭ قىزمەت ورنى : كۇيتۇن حالىق راديو ستانسياسى
