تاياۋدا اۆتونوميالى رايوندىق پارتكوم ايماقتىق، وبلىستىق، قالالىق پارتكوم شۋجيلەرىنىڭ نەگىزگى ساتى پارتيا قۇرىلىسىن يگەرۋى بويىنشا قىزمەتتەن ەسەپ بەرۋ، باعالاۋ، تەكسەرۋ جونىندە تەلەۆيزور - تەلەفون ءماجىلىسىن اشتى.
اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، جۋ حايلۇن، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى. ورتالىق كوميتەت ۇيىمداستىرۋ ءبولىمىنىڭ قاتىستى تاراۋىنداعى جاۋاپتى جولداس ماجىلىسكە قاتىناسىپ جەتەكشىلىك ەتتى.
ماجىلىستە ايماقتىق، وبلىستىق، قالالىق پارتكومداردىڭ شۋجيلەرى جانە اۆتونوميالى رايونعا توتە قاراستى ورگاندار قىزمەت كوميتەتىنىڭ، وقۋ - اعارتۋ قىزمەت كوميتەتىنىڭ، مەملەكەت مەنشىگىندەگى مال - مۇلىك قىزمەت كوميتەتى پارتكومىنىڭ، جاڭادان قۇرىلعان ۇيىمدار پارتيا قىزمەتى كوميتەتىنىڭ، ينتەرنەت ينفورماتسياسى پارتيا قىزمەتى كوميتەتىنىڭ شۋجيلەرى قىزمەتتەرىنەن ەسەپ بەردى. چىن چۋانگو ءبىر - بىرلەپ باعا بەردى. چىن چۋانگو بىلاي دەپ اتاپ كورسەتتى: قىزمەتتەن ەسەپ بەرۋ، باعالاۋ، تەكسەرۋ ارقىلى نەگىزگى ساتى پارتيا قۇرىلىسى قىزمەتىندە ورىن تەۋىپ وتىرعان ءالسىز بۋىنداردى اناعۇرلىم ءداپ باسىپ تاۋىپ، تۇزەتۋ بەتالىسىن ايقىندادىق. پارتيانى باسقارۋ، پارتيانى جونگە سالۋ تانىمىن ۇزدىكسىز كۇشەيتىپ، نەگىزگى ساتىنىڭ نەگىزىن يگەرۋدىڭ ايقىن باعىتىن ورناتىپ، ەسەپ بەرۋ، باعالاۋ جەتىستىكتەرىن نەگىزگى ساتى پارتيا قۇرىلىسىن كۇشەيتۋدىڭ، پارتيانى جاپپاي قاتاڭ جونگە سالۋدى ىلگەرىلەتۋدىڭ ناقتى ارەكەتىنە شىن مانىندە اينالدىرۋ كەرەك.
چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ جالپى تالابىنا ساي، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي ىشكەرىلەي دامۋىن شىن مانىندە ىلگەرىلەتىپ، پارتيانىڭ نەگىزگى ساتىداعى جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن ۇزدىكسىز كۇشەيتۋ كەرەك.
ءبىرىنشى، ساياسي قۇرىلىستى ماڭداي الدى ورىنعا قويۋعا تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋ كەرەك. «4 تانىمدى» مىقتاپ ورناتىپ، قاشاندا يدەيالىق جاقتا ۇيتقىنى بارىنشا مويىنداپ، ساياسي جاقتا ۇيتقىنى باتىل قورعاپ، ۇيىمدىق جاقتا ۇيتقىعا سانالى تۇردە بويسۇنىپ، ارەكەت جاعىندا ۇيتقىعا تىعىز ىلەسىپ، ۇيتقىنى باتىل قورعاپ، ۇيتقىعا ابسوليۋتتى ادال بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنۋ كەرەك.
ەكىنشى، وي - سانانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرۋعا تاباندى بولىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا شىن مانىندە كۇش سالۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، مۇقيات ۇيرەنىپ، قايتا - قايتا ۇيرەنىپ، ىشكەرىلەي ۇيرەنىپ، ساناعا ۇيالاتىپ، ارەكەتتە ايگىلەپ، ادالدىقپەن العان بەتىنەن قايتپاي، سەنىمنەن اينىماي، بۇلجىماستان شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاباندى سەنۋشىلەرى جانە ادال اتقارۋشىلارى بولۋ كەرەك.
ءۇشىنشى، پارتيا قۇرىلىسىن ويداعىداي يگەرۋدى ەڭ ۇلكەن قىزمەت ناتيجەسى ەتۋگە تاباندى بولىپ، پارتيانى جاپپاي قاتاڭ جونگە سالۋدى ماڭگى جولدا دەيتىن بەكىممەن ونان ارى تەرەڭدەتۋ كەرەك. ءار دارەجەلى پارتيا ۇيىمى شۋجيلەرى پارتيا قۇرىلىسىن ويداعىداي يگەرۋ − مىندەتىم، پارتيا قۇرىلىسىن يگەرمەۋ − مىندەتتى وتەمەگەندىك، پارتيا قۇرىلىسىن ويداعىداي يگەرمەۋ − قىزمەتتىڭ ۇددەسىنەن شىعا الماعاندىق دەگەن ۇستانىمدى مىقتاپ ورناتىپ، پارتيا قۇرىلىسىن نەگىزگى جاۋاپكەرلىك، نەگىزگى جۇمىس ەتىپ، وزەكتى قىزمەتپەن بىرگە جوبالاپ، بىرگە ورنالاستىرىپ، بىرگە تەكسەرىپ، شۋجي يگەرۋ، شۋجيدى يگەرۋ، ءبىر دارەجە ءبىر دارەجەنى يگەرۋ، ساتىلار بويىنشا تياناقتاندىرۋدى يگەرۋ سىندى نەگىزگى ساتى پارتيا قۇرىلىسى قىزمەتىنىڭ جاعدايىن قالىپتاستىرۋ كەرەك.
ءتورتىنشى، نەگىزگى ساتى پارتيا قۇرىلىسىن باس نىسانانى ارقاۋ ەتە جوبالاۋعا جانە ىلگەرىلەتۋگە تاباندى بولىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىل ازىرلەۋ كەرەك. بۇلجىماستان باس نىسانانى كوزدەۋ ءتۇيىنى جانە كۇش سالۋ ءتۇيىنى، نەگىزگى ساتىنى يگەرىپ، نەگىز قالاۋدى شينجياڭدى ورنىقتىرۋدىڭ، تىنىشتاندىرۋدىڭ ۇزاق بولاشاقتىق جوسپارى مەن تۇپكىلىكتى شاراسى ەتىپ، باس نىسانانى مىقتاپ ارقاۋ ەتە وتىرىپ نەگىزگى ساتى پارتيا قۇرىلىسى قىزمەتىن جوبالاپ جانە ىلگەرىلەتىپ، نەگىزگى ساتى پارتيا قۇرىلىسىنىڭ ناتيجەلەرىن تەكسەرىپ، نەگىزگى ساتى پارتيا ۇيىمىن بۇقاراعا قىزمەت ەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ مىزعىماس جاۋىنگەر قامالى ەتىپ شىن مانىندە قۇرىپ شىعۋ كەرەك.
بەسىنشى، بولشەكتەۋشىلىككە قارسى كۇرەس ءتارتىبىن قاتايتۋعا تاباندى بولىپ، «ەكىبەتكەيلەردى»، «ەكىبەتكەيلىكتى» باتىل تەكسەرىپ ءبىر جاقتى ەتۋ كەرەك. بولشەكتەۋشىلىككە قارسى تۇرۋ، قوعام ورنىقتىلىعىن قورعاۋ سياقتى كەلەلى پرينسيپتىك ماسەلەلەردە ءار دارەجەلى پارتيا ۇيىمى شۋجيلەرى ايقىن تۋ ۇستاپ، تۇرعىنى بەكەمدەپ، باتىل ءۇن قاتىپ، باتىل پوزيتسيا ءبىلدىرۋ، بولشەكتەۋشىلىككە قارسى كۇرەستە «ەكىبەتكەيلىك» تانىتىپ، «ەكىبەتكەي» بولعانداردى ءتارتىپ، زاڭ بويىنشا قاتاڭ ءبىر جاقتى ەتىپ، باتىل سوققى بەرۋ كەرەك.
التىنشى، كىرشىكسىز سالت، دۇرىس ستيلدى ساۋلەلەندىرۋگە تاباندى بولىپ، ورتالىقتىڭ «8 ءتۇرلى بەلگىلەمەسىنىڭ» رۋحىن بۇلجىتپاي تياناقتاندىرۋ كەرەك. ۇدايىلىق پەن باياندىلىققا، قاتاڭدىق پەن ناقتىلىققا، تەرەڭدىك پەن ىجداعاتتىلىققا كۇش سالىپ، ورتالىقتىڭ «8 ءتۇرلى بەلگىلەمەسىن»، سونداي - اق ونى اتقارۋ ەرەجەسىن باتىل تياناقتاندىرىپ، اۆتونوميالى رايوندىق پارتكومنىڭ بەلگىلەمەلەرىن قاتاڭ اتقارىپ، تاباندىلىقپەن ستيلدى تۇزەتىپ، ءتارتىپتى قاتايتىپ، «4 ءتۇرلى بۇرىس ستيلدى»، «4 تەرىس پيعىلدى»، اسىرەسە، فورماشىلدىقتى، تورەشىلدىكتى تاباندىلىقپەن وڭاپ، ستيل قۇرىلىسىنىڭ ۇزاققا سوزىلاتىن شايقاسىن شەگە قاعۋ رۋحىمەن ويداعىداي جۇرگىزىپ، پارتيا ستيلىنىڭ، ۇكىمەت ستيلىنىڭ ۇزدىكسىز جاقسارۋىن ىلگەرىلەتۋ كەرەك.
جەتىنشى، ۇستىنەن وڭاۋ مەن تۇبىرىنەن وڭاۋدى تەرەڭدەتۋگە تاباندى بولىپ، ءىرىپ - شىرۋگە قارسى كۇرەستىڭ تەگەۋرىندى جەڭىسىنە قول جەتكىزۋ كەرەك. ەرەكشەلەنبەۋ يدەياسىن مىقتاپ ورناتىپ، ءبىر جاعىنان بولشەكتەۋشىلىككە قارسى كۇرەستى يگەرۋگە، ءبىر جاعىنان پارتيا ستيلى، پاكتىك قۇرىلىسىن جانە ءىرىپ - شىرۋگە قارسى كۇرەستى يگەرۋگە تاباندى بولىپ، تيىم سالىنعان ءوڭىر بولماۋدان، جاپپاي قامتۋدان، نولدىك توزىمدىكتەن جازباي، اۋىزدىقتاۋعا ءمان بەرۋگە، قىسىمدى كۇشەيتۋگە، ۇزاق ۋاقىت سەس كورسەتۋگە تاباندى بولىپ، ءىرىپ - شىرۋگە قارسى كۇرەستى ءبىر مەزەت توقتاتپاي ىشكەرىلەي ىلگەرىلەتىپ، سالتى كىرشىكسىز، ستيلى دۇرىس ساياسي ەكولوگيانى قۇلشىنا قالىپتاستىرۋ كەرەك.
سەگىزىنشى، پارتيا قۇرىلىسى بويىنشا تەكسەرۋدى قاتايتۋعا تاباندى بولىپ، نەگىزدى كۇشەيتىپ، تاعاندى بەرىكتەۋدىڭ تاماشا بەتالىسىن قالىپتاستىرۋ كەرەك. تەكسەرۋ ناتيجەسىن قولدانۋدى كۇشەيتىپ، نەگىزگى ساتى پارتيا قۇرىلىسى قىزمەتىن يگەرۋدىڭ ناتيجەلەرىن پارتكومنىڭ باسشىلىق القاسى مەن پارتكوم شۋجيىنىڭ ساياسيدا تاباندى بولعان - بولماعانىن، ناتيجەسىنىڭ جاقسى بولعان - بولماعانىن، ستيلىنىڭ دۇرىس بولعان - بولماعانىن، قىزمەت ۇددەسىنەن شىعا العان - شىعا الماعانىن باعالاۋدىڭ ماڭىزدى ولشەمى ەتىپ، پارتيا قۇرىلىسىنا ءمان بەرۋ، نەگىزگى ساتىنى يگەرۋ، نەگىزدى كۇشەيتۋ باعىتىن قالىپتاستىرىپ، نەگىزگى ساتى پارتيا قۇرىلىسى قىزمەتى دەڭگەيىنىڭ ءوسۋىن ۇزدىكسىز ىلگەرىلەتىپ، پارتيانىڭ شينجياڭداعى بيلىك جۇرگىزۋ ورنىن بەكەمدەپ، پارتيانىڭ شينجياڭداعى بيلىك جۇرگىزۋ نەگىزىن نىعايتۋ كەرەك.
اۆتونوميالى رايوندىق پارتكوم پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى، اۆتونوميالى رايوندىق پارتكوم ۇيىمداستىرۋ ءبولىمى ءبولىم ىستەرى كەڭەسىنىڭ مۇشەلەرى، اۆتونوميالى رايونعا توتە قاراستى قاتىستى تاراۋلارداعى نەگىزگى جاۋاپتى جولداستار، اۆتونوميالى رايوندىق پارتيا قۇرىلتايىنىڭ نەگىزگى ساتىداعى ءبىر ءبولىم ۋاكىلدەرى ماجىلىسكە قاتىناستى. ماجىلىستە قىزمەتتەن ەسەپ بەرگەن جولداستاردىڭ نەگىزگى ساتى پارتيا قۇرىلىسى قىزمەتىن يگەرۋ جاعدايىنا باعا بەرىلدى.
