ەرمۇرات قابىل ۇلى حابارلايدى. ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەش» اتىنداعى ساۋىق كەشى 9 -اقپان تۇستەن كەيىن، اۋداندىق جۇمىسشىلار ۇيىمى ورتالىعىندا دۋماندى باستالدى. كونسەرتكە ءار ۇلت حالىق جۇرتشىلعىنىڭ وزدەرى دايىنداعان تاماشا كوركەمونەر نومىرلەرى جاڭا داۋىردەگى ءدوربىلجىن اۋدانىنىڭ جاڭا بەت - بەينەسىن ايگىلەدى.
ساۋىق كەشتىڭ شىمىلدىعى «كورىكتى جۇڭگو» اتىنداعى توپتىق بيىمەن اشىلدى. ءار ۇلت ونەرپازدارى ساحنادا بۇرالا بيگە باسىپ شاتتىقا شومدى. وتكەن تاۋىق جىلىندا اۋدانىمىزداعى ءار ۇلت حالقىنىڭ ورتاق قۇلشىنىستارى ارقىلى تولاعاي تابىستارعا قول جەتكىزىپ، نەگىزگى قۇرىلعىلار كەمەلدەنىپ، حالىقتىڭ باقىت كورسەتكشى ۇزدىكسز جوعارىلادى. كىشكەنتاي بالدىرعانداردىڭ «ارمانعا قانات» اتتى توپتىق حورى پارتيانىڭ شۇلەن شۇعىلاسىنا شومعان وسىپىرىمدەردىڭ اقاۋسىز ەرجەتىپ، باقىتتى زاماندا جاساپ جاتقاندىعىن ايگىلەسە، ءۇش ادامدىق يۇيجۇي تەاترى قارتتاردىڭ بۇگىنگى باقىتتى تۇرمىسىن بەينەلەدى.
ساۋىق كەشكە دايىندالعان باي مازمۇندى كونسەرت نومىرلەرى كورەرمەندەردى شاتتىققا كەنەلتىپ، قۇتپان جىلىنداعى كوكتەم مەرەكەسىنىڭ مەرەيىن اسىردى.
ءتىلشىنىڭ قىزمەت ورنى : ءدوربىلجىن اۋداندىق پارتكوم ۇگىت ءبولىمى