تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

«شينجياڭنىڭ ەنەرگيا جالپىلىق رەفورماسىن تۇيىندەردە سىناق ەتۋدىڭ اتقارۋ پىكىرى (2018 − 2020)» اتقارۋعا باسىپ تاراتىلدى

  اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، جۋىقتا «شينجياڭنىڭ ەنەرگيا جالپىلىق رەفورماسىن تۇيىندەردە سىناق ەتۋدىڭ اتقارۋ پىكىرى (2018 − 2020)» (تومەندە قىسقارتىلىپ «پىكىر» دەپ الىندى) اتقارۋعا باسىپ تاراتىلدى. «پىكىر» ەنەرگيا سالاسىندا بازارعا كىرۋگە رۇقسات ەتۋ اياسىن كەڭەيتۋ، قۇبىر تورىنا 3 - جاقتىڭ ءادىل كىرۋ مەحانيزمىن ىلگەرىلەتۋ، ەنەرگيا بازارىنىڭ باعا مەحانيزمىن كەمەلدەندىرۋدى جەبەۋ، ەنەرگيا بازارىنىڭ ساۋدا جۇيەسى قۇرىلىسىن ىلگەرىلەتۋ، ەنەرگيا ىستەرىن باقىلاۋ - باسقارۋدى كۇشەيتۋ، ساياساتتىق باقىلاۋدى كۇشەيتۋ سياقتى جاقتاردى ءتۇيىن ەتە وتىرىپ، رەفورما مىندەتىنىڭ ءتۇيىنىن، جۇمىس ءبولىسىن جانە مىندەتتى ورىنداۋ ۋاقىت شەگىن اناعۇرلىم ايقىنداپ، ەنەرگيا جالپىلىق رەفورماسىن ىشكەرىلەي ورىستەتۋدى ىلگەرىلەتەدى.

  شينجياڭنىڭ ەنەرگيا جالپىلىق رەفورماسىن تۇيىندەردە سىناق ەتۋ قىزمەتى جالپى بەتتىك ىلگەرىلەتۋ مەن تۇيىندەردەن قامال الۋدى ءوزارا ۇشتاستىرۋ پرينسيبىنە ساي، ەنەرگيانىڭ قامداۋ جاعىنداعى قۇرىلىمدىق رەفورماسىن نەگىزگى جەلى ەتىپ، باسەكەلىك سيپاتتى كاسىپتەردى ءتارتىپتى ىرقىنا قويا بەرىپ، قوعامدىق كاپيتالدىڭ قارجى قوسۋىن جەبەپ، كوپ نەگىزدى بازار سۋبيەكتىلەرىن جەتىلدىرىپ، باعانىڭ قالىپتاسۋ مەحانيزمىن جاپپاي رەتكە سالىپ، تازا، تومەن كومىرتەكتى، حاۋىپسىز، جوعارى ءونىمدى ەنەرگيا جۇيەسىن جانە ءبىر تۇتاس اشىق ۇستالعان، باسەكەسى ءتارتىپتى ەنەرگيا بازارى جۇلگەسىن ورناتۋ نىساناسىن بىرتىندەپ ىسكە اسىرادى.

  كەلەسى قادامدا اۆتونوميالى رايوندىق دامۋ جانە رەفورما كوميتەتى ءارقايسى ايماقتارمەن (وبلىس، قالا) جانە قاتىستى تاراۋلارمەن بىرگە مىندەت ءبولىسى بويىنشا شارالاردى اشالاپ، جاۋاپكەرلىكتى كۇشەيتىپ، ەنەرگياعا قاتىستى ءتۇيىندى سالالار مەن شەشۋشى بۋىنداردىڭ رەفوماسىن تىڭعىلىقتى، ورنىقتى ىلگەرىلەتىپ، رەفورما قىزمەتىن ناقتاپ تياناقتاندىرۋعا كەپىلدىك ەتىپ، ەنەرگيا بازارىنىڭ دامۋ قۋاتىن جانداندىرىپ، باياندى اقاۋسىز دامۋدى جەبەيدى.

   اۆتونوميالى رايوندىق دامۋ جانە رەفورما كوميتەتىنىڭ قاتىستى جاۋاپتىسىنىڭ تانىستىرۋىنشا، قازىر رايونىمىزدىڭ ەنەرگيا جالپىلىق رەفورماسى ءتۇيىندى سالالار مەن شەشۋشى بۋىندارداعى رەفورمادا بەلسەندى ىلگەرىلەۋشىلىككە قول جەتكىزىپ، بازارلانۋ دەڭگەيى ۇزدىكسىز جوعارىلاپ كەلەدى. 2018 - جىلى رايونىمىز نازاردى ۇزدىكسىز ەنەرگيا جالپىلىق رەفورماسىنداعى ءتۇيىندى سالالار مەن شەشۋشى بۋىندارعا شوعىرلاندىرىپ، ءبىر تۇتاس جوسپارلاپ، جۇيەلى ىلگەرىلەتىپ، رەفورمانىڭ جۇيەلىلىگىن، جالپىلىعىن، سايكەسىمدىلىگىن شىنايى كۇشەيتىپ، وسى زامانعى ەنەرگيا بازارى جۇيەسىن ونان ارى كەمەلدەندىرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.