شينجياڭ تەلەۆيزياسى پارتكومىنىڭ مۇشەسى، تەلەۆيزيانىڭ ورىنباسار باستىعى
ياسىن ءومار
تۇتاس شينجياڭنىڭ بارلىق جەرىندە باتىل ءۇن قاتىپ، ايقىن پوزيتسيا ءبىلدىرۋ قيمىلى ەتەك العاننان بەرى، ءار ۇلت كادرلارى مەن بۇقاراسى ۇزبەي باتىل ءۇن قاتىپ، ايقىن پوزيتسيا ءبىلدىرىپ، تانىمداعى كۇڭگىرتتىكتى الاستاپ، ادىلدىكتى جاقتاپ، سۇرقيالىقتان اۋلاق بولىپ، باسىنان تۇزەپ، «ءۇش ءتۇرلى كۇشپەن» جانە «ەكىبەتكەيلەرمەن» بولعان ءتۇتىنسىز كۇرەستە ىرىقتىلىقتى يەلەدى.
ءپانىسلاميزم، پانتۇركيزم يدەياسى − «ءۇش ءتۇرلى كۇشتىڭ» يدەيالىق نەگىزى، ەكەۋىنىڭ ناقتى ءمانى ۇقساس، ەكەۋى دە سۇرقيا تاسىلمەن الداپ - ارباپ، بۇقارانى ماجبۇرلەپ، «ۇلت»، «ءدىندى» جەلەۋ ەتىپ، شينجياڭنىڭ «3 تاريحىن» بۇرمالاپ، پارتيانىڭ ۇلت، ءدىن ساياساتىن قارالاپ، ءدىني اپتىقپالىققا جەلىكتىرىپ، ۇلتتار ارا وشپەندىلىك تۋدىرىپ، وتاندى بولشەكتەۋ سىندى زۇلىم ماقساتتارىنا جەتۋگە ۇرىندى. ءپانىسلاميزم، پانتۇركيزم يدەياسىنىڭ ۋىتىن الاستامايىنشا، «ءۇش ءتۇرلى كۇش» سىندى ۋلى وسپەنى سىلىپ تاستامايىنشا، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىنىڭ جۇزەگە اسۋى قيىن.
كوپ جىلدار بويى پارتيا تاربيەلەپ جەتىلدىرگەن پارتيالى كادر رەتىندە، مەن كۇڭگىرت تانىمدى ايقىنداپ، كادرلار مەن بۇقارانى تار ءورىستى ۇلتشىلدىقتىڭ كولەڭكەسىنەن شىعۋعا باستاپ، ءپانىسلاميزم، پانتۇركيزم يدەياسىنا باتىل قارسى تۇرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭنىڭ ىنتىماقتىلىعى، ورنىقتىلىعى ءۇشىن مىزعىماس يدەيالىق نەگىز ورناتۋعا مىندەتتىمىن جانە بورىشتىمىن.
يدەولوگيا قىزمەتى پارتيانىڭ اسا ماڭىزدى قىزمەتى. ءبىز قوسىنىمىزداعى ءپانىسلاميزم، پانتۇركيزم يدەياسىنىڭ اۋىر ىقپالىنا ۇشىراعان، پارتيا مەن حالىققا وپاسىزدىق جاساعان، «ءۇش ءتۇرلى كۇشكە» قول شوقپار بولعان «ەكىبەتكەيلەردى» سەرگەكتىكپەن تاني ءبىلۋىمىز كەرەك، ولار قولىنداعى قىزمەت بيلىگىنەن پايدالانىپ، سۇرقيا تاسىلدەردى قولدانىپ، ءپانىسلاميزم، پانتۇركيزم يدەياسىن كوككە كوتەرە ۋاعىزداپ، سول ارقىلى ۇلتتار ىنتىماعىن ءبۇلدىرۋ، وتاندى بولشەكتەۋ سىندى قىلمىستى ماقساتتارىنا جەتپەكشى بولدى. ءتۇرلى فاكتتەر «ەكىبەتكەيلەردىڭ» «ءۇش ءتۇرلى كۇشتەن» دە اككى، زىميان، ءتىپتى دە قورقىنىشتى، زالالى ۇزاق ۋاقىت سوزىلاتىندىعىن جانە تەرەڭ ەكەندىگىن انىق كورسەتتى.
قالىڭ كادرلار مەن بۇقارا تۋى ايقىن تۇردە ءپانىسلاميزم، پانتۇركيزم يدەياسىن سىن تەزىنە الىپ، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، «5 ورتاق تانىمدى» ۇزدىكسىز كۇشەيتۋى قاجەت. جۇڭگو كوممۋنيستىك پارتياسىنىڭ باسشىلىعى مەن ۇلى وتانىمىزدىڭ قورمال، قامقورلىعى بولماسا، شينجياڭنىڭ كوركەيىپ، دامۋى مەن ءار ۇلت حالقىنىڭ باقىتتى تۇرمىسى بولمايتىندىعىن سەرگەكتىكپەن جەتە تانۋىمىز كەرەك. قىراعىلىقتى ارتتىرىپ، ساياسي سەزگىرلىكتى كۇشەيتىپ، قىم - قۋىت تۇسىنىكسىز قاۋەسەتتەردى، الدامشى كوزقاراستاردى، الداپ سوعاتىن يدەيالىق اعىمداردى، جۇرت جۇرەگىن اربايتىن داقپىرتتاردى مۇقيات پارىقتاپ، باتىلدىقپەن تۇزەتىپ جانە سىن تەزىنە الىپ، وتاننىڭ تۇتاستىعىن، ۇلتتار ىنتىماعىن جانە قوعامنىڭ ورنىقتىلىعىن سانالى قورعاۋىمىز كەرەك.
پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تاباندى دايەكتىلەندىرۋ، تياناقتاندىرۋ، اۆتونوميالى رايوندىق پارتكومنىڭ ءتۇرلى شەشىمدەرىن، ورنالاستىرۋلارىن باتىل، تاباندى دايەكتىلەندىرۋ، تياناقتاندىرۋ قاجەت، تاباندا كەسىم جاساۋ رۋحىمەن، «سۇيەكتى قىرىپ، ۋىتتى سىلىپ الىپ تاستايتىن» باتىلدىقپەن باس نىسانانى جاپپاي تياناقتاندىرۋ كەرەك.
شينجياڭنىڭ قازىر ءدوپ كەلىپ وتىرعان قاتاڭ دا كۇردەلى جاعدايىن جىعا تانىپ، يدەولوگيا قىزمەتىنىڭ ىرىقتى شايقاسىن ويداعىداي جۇرگىزىپ، تەلەۆيزيا پروگراممالارىن تەكسەرىپ تاراتۋدىڭ ەرەجە - تۇزىمدەرىن قاتاڭ تياناقتاندىرىپ، ءبىر پروگراممادا، ءبىر ساۋىق كەشتە، ءبىر جارنامادا، ءبىر شۋماق ولەڭدە، ءبىر اڭگىمەدە، ءبىر شالقىمادا، ءبىر ءان سوزىندە ءپانىسلاميزم، پانتۇركيزم يدەياسىنىڭ ساقتالۋىنان نەمەسە جاسىرىنىپ جاتۋىنان قاتاڭ ساقتانۋ قاجەت، سوزدەگى بوگىدە ماعىنانى، اۋەندەگى بوگىدە ءۇندى شەبەرلىكپەن بايقاپ، قورعانىستى قاتايتىپ، يدەيا، مادەنيەت، ۇگىت شەبىن باتىل قورعاۋ، جاۋ كۇشتەر مەن ۇلتتىق بولشەكتەۋشى ەلەمەنتتەرگە ەشقانداي وراي بەرمەۋ كەرەك. سونىمەن ءبىر ۋاقىتتا، بۇكىل تەلەۆيزيادا «ەكىبەتكەيلەرمەن» باتىل كۇرەسۋ ارناۋلى قيمىلىن ىشكەرىلەي ورىستەتىپ، ءپانىسلاميزم، پانتۇركيزم يدەياسىنىڭ ۋىتىن تۇبەگەيلى الاستاپ، يدەولوگيا سالاسىنىڭ ابسوليۋتتى حاۋىپسىزدىگىنە شىنايى كەپىلدىك ەتۋ كەرەك.
