12 - اقپاندا، ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى ءمالىسى ىنتىماق جاڭا قىستاعى الەۋمەتتىك اۋماعى «ۇيگە قايتار جول . مەرەكەلىك وزگەشە تاعام» كوكتەم مەرەكەسى ەرەكشە قيمىلىن وتكىزدى. قاراستى رايونداعى تۇرعىنداردىڭ حاتكەرلىك اۋەسكەرى ناق مايداندا بوساعالىق جازدى
سۋىق ءساي، پالاۋ، قوي ەتى سورپاسى، 12 - اقپان تۇستە، ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى ءمالىسى ىنتىماق جاڭا قىستاعى الەۋمەتتىك اۋماعى كوكتەم مەرەكەسى باس قوسۋ داستارقانى قاراپايىم ءارى مەيىرگە تولى ءوتتى.
سول كۇنى، كوكتەم مەرەكەسى مەزگىلىندە قىزمەت ورنىنان تاپجىلماي قىزمەت ىستەپ وتىرعاندارعا مەرەكەلىك ءدامدى تاعامداردان يگىلىكتەندىرىپ، جىلۋلىق سەزىندىرۋ ءۇشىن، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) كوميتەتى ۇگىت ءبولىمى قاراستى مەكەمە - ورىندارمەن بىرلەسىپ، ىنتىماق جاڭا قىستاعىندا «ۇيگە قايتار جول . مەرەكەلىك وزگەشە تاعام» كوكتەم مەرەكەسى ەرەكشە قيمىلىن وتكىزدى. قاراستى رايونداعى تۇرعىنداردى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىن، الەۋمەتتىك اۋماق قىزمەتكەرلەرىن، سىرتتان كەلىپ جۇمىس ىستەپ جاتقان جۇمىسكەرلەردى شاقىرىپ، مەرەكەلىك ءدامدى تاعامداردان ءدام تاتقىزىپ، ولارعا مەرەكەلىك تىلەك تىلەدى.
قيمىل مايدانىندا الەۋمەتتىك اۋماق ءبي اترەتىنەن سىرت، حور ۇيىرمەسى ورىنداعان ءان - ءبي نومىرلەرى، حاتكەرلىك اۋەسكەرلەرى داييىنداعان بوساعالىق بار بولىپ، ءدامدى تاعامدارعا قاتىستى حيكايانى ورتاقتاستى.
ىنتىماق جاڭا قىستاعى الەۋمەتتىك اۋماعىنىڭ ورىنباسار شۋجيى لي شۇيپيڭنىڭ الەۋمەتتىك اۋماق قىزمەتىن ىستەگەنىنە ون نەشە جىل بولدى، ادەتتە قىزمەتى تىم قاربالاس بولعاندىقتان، ۇيىنە قايتىپ تاماقتانۋعا مۇرساسى تيمەيدى. بىلتىر ۇلتتار ىنتىماعى بويىنشا «تۋىستاسۋ» قيمىلىنا قاتىناسقاندا، ءبىر كۇندىك جۇمىستارىن اقىرلاستىرىپ، تۋىسىنىڭ ۇيىنە بارعاندا كەشكى ساعات توعىزدان اساتىن، تۋىسىنىڭ ءوزىن كۇتىپ تاماقتانباي وتىراتىنىن ويلاپ كورمەگەن ەدى.
«بۋى بۇرقىراعان تاعامنان باقىت، ىنتىماقتىڭ، كوكتەم مەرەكەسىنىڭ لەبى ەستى، قاراستى رايونداعى تۇرعىندار، قىزمەت اترەتى بىرلىكتە باس قوسۋ داستارقانىندا بولىپ، مەرەكەنى ءماندى وتكىزدى»،-دەدى لي شۇيپيڭ.
قاراستى رايونداعى تۇرعىن تۇرسىنگۇل مامەتتىڭ دە ءدامدى تاعامعا قاتىستى حيكاياسى بار. 11 جىلدىڭ الدىندا، تۇرسىنگۇل مەن تومەنگى قاباتتا تۇراتىن سۇي شۋجۋان قارت كورشى بولعان، قارتتاردىڭ ۇنەمى جەڭىل - جەلپى تاماقتانا سالاتىنىن كورگەن ول قارتتارعا تاماق جەتكىزىپ بەرۋ بەكىمىنە كەلەدى. «ءۇيدىڭ تاماعى قاراپايىم بولعانىمەن، ءدامى وزگەشە»،-دەيدى تۇرسىنگۇل.
حيكايا جۇرەككە جەتتى. قاراپايىم باس قوسۋ داستارقانى كوپشىلىككە مەرەكەنىڭ مەرەيىن سەزىندىردى.
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) كوميتەتى ۇگىت ءبولىمى اقپارات كەڭسەسىنىڭ ورىنباسار مەڭگەرۋشىسى نان چۇننىڭ تانىستىرۋىنشا، ءار جىلى كوكتەم مەرەكەسىنىڭ الدىندا، قاراستى رايوندار قىزمەت ورنىنان تاپجىلماي قىزمەت ىستەگەن قىزمەتكەرلەرگە، سىرتتان كەلىپ جۇمىس ىستەپ جاتقان جۇمىسكەرلەرگە، سونداي - اق قاراستى رايونداعى تۇرعىندارعا باس قوسۋ داستارقانىن جايىپ، بىرلەسپە قيمىل وتكىزىپ مەرەكەنى قارسى الىپ، ولاردى مەرەكەلەرىمەن قۇتتىقتاپ، باقىت تىلەيدى.
