12 - اقپان تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن قارۋلى ساقشى شينجياڭ باس اترەتىنىڭ ۇرىمجىدەگى بەلگىلى بولىمىنە كەلىپ، قارۋلى ساقشى كوماندير - جاۋىنگەرلەرىنەن حال سۇراپ، مەرەكەلىك ىزگى تىلەك ءبىلدىردى.
شاۋكەت يمىن مىنانى اتاپ كورسەتتى: وتكەن 2017 - جىل − پارتيامىز بەن مەملەكەتىمىز تاريحىندا داۋىرلىك مانگە يە ءبىر جىل، اۆتونوميالى رايون شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تياناقتاندىرىپ، نازاردى باس نىساناعا شوعىرلاندىرىپ، «كەشەندى شارالاردى» ويداعىداي اتقارىپ، سان سالالى ىستەردە كورنەكتى ناتيجەگە قول جەتكىزگەن ءبىر جىل ءارى اۆتونوميالى رايوندىق حالىق قۇرىلتايى تۇراقتى كوميتەتى باس نىسانا تۋىن بيىك ۇستاپ، ءتۇرلى قىزمەت جاۋاپكەرشىلىگىن زاڭ بويىنشا ادا ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ەلەۋلى ۇلەس قوسقان ءبىر جىل بولدى. قول جەتكىزگەن وسى تابىستار، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەندىگىنىڭ ناتيجەسى، اۆتونوميالى رايوندىق پارتكومنىڭ حالىق قۇرىلتايى قىزمەتىنە كوڭىل ءبولىپ، قولداۋ كورسەتكەندىگىنىڭ ناتيجەسى. ۇزاق ۋاقىتتان بەرى، قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى كوماندير - جاۋىنگەرلەر باستان - اياق تۋدى بيىك ۇستاپ، پارتيانىڭ قولباسشىلىعىنا بويسۇنىپ، بورىشتى ادالدىقپەن وتەپ، مىندەتتى باتىلدىقپەن ارقالاپ، ورنىقتىلىقتى قورعاۋ، حاۋىپسىزدىكتى قورعاۋ، مىندەت وتەۋ، سوعىس دايىندىعى، قىزمەت وتەۋ، قامتاماسىزداندىرۋ سياقتى جاقتاردا، اتويلاپ العا شىعىپ، شايقاستىڭ ەڭ الدىڭعى لەگىندە ءجۇرىپ، حالىق قۇرىلتايى تۇراقتى كوميتەت ورگانى مەن شينجياڭ حالىق سارايىنىڭ حاۋىپسىزدىگىنە، ورنىقتىلىعىنا شىنايى كەپىلدىك ەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە تيەسىلى ۇلەس قوستى.
شاۋكەت يمىن مىنانى باسا دارىپتەدى: بيىلعى جىل − پارتيا 19 - قۇرىلتايىنىڭ رۋحىن دايەكتىلەندىرۋدەگى باستاما جىل، رەفورما جاساپ، ەسىك اشقانعا 40 جىل تولعان جىل، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەگى، «13 - بەسجىلدىق» جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولۋداعى شەشۋشى جىل ءارى جاڭا كەزەكتى حالىق قۇرىلتايى تۇراقتى كوميتەتى قىزمەت مىندەتىن زاڭ بويىنشا اتقارۋدىڭ ءبىرىنشى جىلى. تۇراقتى كوميتەت پارتيا باسشىلىق گرۋپپاسى اسكەري ءبولىم رەفورماسىنا، قۇرىلىسىنا بۇرىنعىداي ءمان بەرىپ جانە قولداپ - قۋاتتاپ، قوس قولداۋ قىزمەتىن ونان ارى جاقسى ىستەپ، اناعۇرلىم كۇشتى تەبىنمەن، اناعۇرلىم ناقتى شارالارمەن، اسكەري ءبولىم دامۋىنىڭ مىزعىماس تىرەگى بولىپ، ارميا مەن ۇكىمەتتىڭ، ارميا مەن حالىقتىڭ قۇرىشتاي ىنتىماعىن ۇزدىكسىز بەكەمدەيدى جانە دامىتادى. قارۋلى ساقشى شينجياڭ باس اترەتىنىڭ ۇرىمجىدە تۇراتىن بەلگىلى بولىمىندەگى كوماندير - جاۋىنگەرلەردىڭ قاشاندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ قولباسشىلىعىنا بويسۇنۋداي ارميانى قۇدىرەتتەندىرۋ رۋحىن باتىل سومداپ، سوعىسا الۋ، سوعىستا جەڭىسكە جەتۋدەي ارميانى قۇدىرەتتەندىرۋ تەتىگىن مىقتى يگەرىپ، ارميانى زاڭ بويىنشا جونگە سالۋ، ارميانى قاتاڭ جونگە سالۋداي ارميانى قۇدىرەتتەندىرۋ نەگىزىن بەكەمدەپ، جاڭا ءداۋىردى تياناق ەتىپ، جاڭا ىسكەرلىك تانىتىپ، دەرەۋ اتتانىسقا كەلەتىن، كەلە سالا سوعىس مايدانىنا كىرەتىن، سوعىسسا جەڭە الاتىن سىعايلانعان قوسىندى قۇلشىنا سومداپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزەتىن، ستيلى تاڭداۋلى ىسىلعان قوسىن قۇرىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، قوعام ورنىقتىلىعىن قورعاۋ قاسيەتتى بورىشىن سانالى تۇردە ارقالاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا مۇنان دا زور ۇلەس قوسۋدى ءۇمىت ەتەمىن.
