حۋبەي ولكەسى ۋحان قالاسىنىڭ تۇرعىنى تاماعىن ازايتۋ ارقىلى ارىقتاۋ ماقساتىنا جەتەدى. ءبىراق، قازىر ونىڭ دەنساۋلىعى ناشارلاپ، باس اينالۋ، وڭاي شارشاۋ، جۇرەگى قاعۋ، سۋىق تەر شىعۋ قاتارلى اۋرۋ بەلگىلەرى بايقالادى. شيپاحاناعا تەكسەرىلسە، قانداعى قانت مولشەرى ازايعان دەگەن دياگنوز قويىلعان.
سوندىقتان، ماماندار «ارىقتاۋ باسقىشىندا، الدىمەن قورەكتىك قۇرامىنىڭ جەتىسۋ - جەتىسپەۋى تۋرالى ويلانۋ كەرەك، عىلمي تۇردە ارىقتاۋ ماقساتىنا جەتۋ ءۇشىن، جاقسى تاماقتانۋ كەرەك. بولماعاندا، دەنساۋلىققا كەرى اسەرى بولادى»،-دەپ ەسكەرتەدى.
حانكوۋدا تۇراتىن شياۋ نيڭ 3 اي ىشىندە 80 كيلوگرام سالماقتان 62.5 كيلوگرامعا ءتۇسىپ، 15 كيلوگرامنان استام سالماق تاستايدى. ارىقتاۋ ءۇشىن، ول ءار كۇنى تۇزسىز، مايسىز تەك سۋعا قايناتىپ پىسىرىلعان كوكونىس جانە جۇمىرتقا سياقتى ازىقتىقتارمەن تاماقتانادى. ءبىراق، ول تەك ارىقتاپ قانا قالماستان، دەنساۋلىعى سىر بەرە باستايدى.
حۋبەي ولكەلىك جۇڭگوشا شيپاحاناسى سەمىزدىكتى ارناۋلى ەمدەۋ ءبولىمىنىڭ مەڭگەرۋشىسى شياۋ ميڭجۇڭ بىلاي دەيدى: ارىقتاۋ بارىسىندا، كۇندەلىكتى دەنساۋلىققا قاجەتتى قورەكتىكتى تولىقتاپ وتىرۋ كەرەك ءارى ەنەرگيا مولشەرىن تەجەۋ، ەت جانە نەگىزگى ازىقتىقتاردان بۇكىلدەي تەجەلۋ دۇرىس ەمەس. ويتكەنى، ادام ءار كۇنى 70 گرامنان جوعارى بەلوك، ەت، جۇمىرتقا، بالىق، ءسۇت سياقتى قورەكتىكتەردى تۇتىنۋى قاجەت. وسىلاردى تۇتىنعاندا عانا قاجەتتى بەلوكتى تولىقتاۋعا بولادى.
شياۋ ميڭجۇڭ بىلاي دەدى: دەنە سالماعىن ازايتۋ دەگەنىمىز تەك عانا ارتىق سالماقتان ارىلۋ ەمەس، دەنەدەگى ماي قۇرامىن ازايتۋ دەگەندىك. ەگەردە قاجەتتى قورەكتىكتى ۋاعىندا تولىقتاماساڭ، دەنەدەگى ماي مەن قوسا بۇلشىق ەتتەردە ازايىپ، تەك جالاڭ سالماق تاستاۋ ماقساتىنا جەتەسىڭ. بۇلاي بولعاندا، قانداعى قانت قۇرامىنىڭ ازايۋى، قان ازدىق، قالقانشا بەز قىزمەتىنىڭ السىرەۋى، ىشكى سەكراتسيانىڭ بۇزىلۋى، اس قورىتۋ جۇيەسىنىڭ السىرەۋى، سۇيەك بوستىق، نەرۆ سيپاتتى تاماققا تابەتسىزدىك سياقتى اۋرۋلارعا شالدىعۋ مۇمكىنشىلىگى زورايادى.
سوندىقتان، ارىقتايمىن دەسەڭىز، قورەكتىك قۇرامىنىڭ بىركەلكى، كەمەلدى بولۋىنا كەپىلدىك ەتىپ، ماي قۇرامى، قانت قۇرامى، تۇز قۇرامى كۇشتى تاعامداردى از تۇتىنۋ كەرەك. تاڭعى استا ۋاعىمەن تاماقتانۋ، تۇسكى استا تويا تاماقتانۋ، كەشكى استى از مولشەردە ءىشۋ، كوپ ارەكەت جاساۋ ارقىلى دا عىلمي ارىقتاۋىڭىزعا بولادى.