ءتاڭىرتاۋ تورابى   ›   جاڭالىقتار   ›   اۋىل تىنىسى

شاۋەشەك قالاسى جاس وسپىرىمدەردىڭ قىسقى ساياحاتتاۋ قيمىلىن ورىستەتتى

  گۇلميرا مانتاي قىزى حابارلايدى. شاۋەشەك قالاسى ساياحات كاسىبىن دامىتۋ، جۇرتشىلىق قاۋىمىنىڭ ءجۇرىپ - تۇرۋىنا قولايلى بولعان اۋە قاتىناسىن ۇگىتتەۋ، ەكى قالانىڭ دوستىعىن نىعايتۋ، جاس وسپىرىمدەردىڭ ءوزارا مادەنيەت الماستىرۋىن جەبەۋ ءۇشىن، 8 - اقپاننان 10 - اقپانعا دەيىن ءۇش كۇندىك ۋاقىتپەن جاس وسپىرىمدەردىڭ شاۋەشەك قالاسىنان، التاي قالاسىنا بارىپ ساياحاتتاۋ قيمىلىن ورىستەتتى.

  وسى قيمىلعا جاۋاپتى بولىپ جاس وسپىرىمدەرمەن بىرگە التاي قالاسىنا ساياحاتتاۋعا بارىپ كەلگەن شاۋەشەك قالالىق ساياحات مەكەمەسىنىڭ قىزمەتكەرى سەرىك جۇماقان ۇلى قيمىل بارىسىن بىلاي دەپ جەتكىزدى : «شاۋەشەك قالالىق پارتكوم مەن ۇكىمەتتىڭ قولداپ – قۋاتتاۋىندا، شاۋەشەك قالالىق ساياحات مەكەمەسى جانە شياۋبايياڭ ساياحاتقا كەڭەس بەرۋ ورتالىعى بىرىگىپ، 18 وقۋشىدان ۇيىمداسقان التاي قالاسىنا ساياحاتتاۋ قيمىلىن وزدىردىق. بۇندا، 8 - اقپان تۇستە، ءار ۇلتتان قۇرالعان 18 وقۋشىنى باستاپ، ايروپلانعا وتىرىپ التايعا اتتاندىق. بارا سالعانداعى ءبىرىنشى بەكەتىمىز التاي قالاسىنىڭ كينوحاناسى بولىپ، وقۋشىلار قىزىقتى مۋلت فيلىمدەردى كورسە، كەشىندە گەنارال تاۋى قار- مۇز شاڭعى الاڭىنداعى مۇزدان جاسالعان كورىنستەردى تاماشالادى. ال ەكىنشى كۇنى شاڭعى تەبۋ جانە باسقادا قار - مۇز ويىندارىن ويناپ، كەشتە كىتاپ ساتۋ ورتالىعىنا كەلىپ قىزىقتى دا تارتىمدى ءبىر مايدان كونسەرت نومىرلەرىن تاماشالادى ءارى ەكى قالانىڭ وقۋشىلارى ءبىر – بىرىنە دوستىق كارتچكاسىن ۇسىنىپ، تەلەفون، ءۇنحات نومىرلەرىن قالدىرىپ، ءوزارا دوستاسقان ءماندى دە ماعىنالى قيمىل بولدى. ودان كەيىن سول كىتاپحانانىڭ ەكىنشى قاباتىنداعى ونەرگە تاربيەلەۋ ورتالىعىن ەكسكۋرسسيالادى، مۇندا كىشكەنتاي دوستاردىڭ ورىنداعان كوركەم تۋىندىلارىن، قولجازبالارىن تاماشالادىق، 10 - اقپان كۇنى تاڭەرتەڭ التاي قالالىق مادەني مۇراجايىن ەكسكۋرسسيالادىق جانە حۋالين باۋ – باقشا الاڭىن ارالاۋ بارىسىندا، ءتۇرلى قيمىلدار وتكىزىپ، ءماندى دە ماعىنالى بولعان قيمىلىمىز ساتىمەن اياقتادى، قيمىلدى وزدىرۋداعى ماقساتىمىز — ەكى قالانىڭ دوستىعىن نىعايتۋ، اۋە قاتىناسىنىڭ قولايلىعىن ءار ۇلت حالقىنا ۇگىتتەۋ، ەكى قالانىڭ ساياحات ىستەرىن دامىتۋ، جاس وسپىرىمدەردىڭ ءوزارا دوستاسىپ، مادەنيەت الماستىر ىنا نەگىز قالاۋ»،-دەدى.

  ءتىلشىنىڭ قىزمەت ورنى : شاۋەشەك قالالىق مادەنيەت، دەنەتاربيە، راديو - كينو - تەلەۆيزيا مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • «ۇلتتار ىنتىماعىنىڭ بەرەكەلى شاڭىراعى» قيمىلى ۇلتتار ىنتىماعىن ونان ارى بەكەمدەي ءتۇستى
  • بۇقارانىڭ قيىنشىلىعىن جۇمىلا شەشتى
  • قىزمەت اترەتى قايدا جۇرسە دە حالىق جاعدايىن ويلايدى
  • قىزمەت اترەتىندەگى كادرلار شوجەنى اقىسىز تاراتتى
  • قايىرىمدى قارت
بىزبەن بايلانىس جارناما قىزمەتى لەبىز قالدىرۋ ءبىز تۋرالى