جينالىستى چىن چۋانگو باسقاردى، شوكىرات زاكىر ءسوز سويلەدى
شاۋكەت يمىن، نۇرلان ءابىلماجىن ۇلى، جۋ حايلۇن، لي پىڭشين جينالىسقا قاتىناستى
اۆتونوميالى رايونىمىز 14 - اقپان كۇنى 2018 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىن وتكىزدى. اۆتونوميالى رايوندىق پارتكومنىڭ شۋجيى، شينجياڭ اسكەري رايون پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باستاعان پارتيا، ۇكىمەت، ارميا، بيڭتۋان باسشىلارى ءار ۇلت، ءار سالا ۋاكىلدەرىمەن ءبىر اراعا باس قوسىپ، كوكتەم مەرەكەسىن بىرگە قارسى الدى. سۋرەتتى ءتىلشىمىز سۇي جىجيان تۇسىرگەن
توپتىق شاعانشىلاۋ جينالىسىنان ىلگەرى، چىن چۋانگو، شوكىرات زاكىر قاتارلىلار ءار ۇلت، ءار سالا ۋاكىلدەرىمەن ىقىلاستى قول الىسىپ، مەرەكەلىك ىزگى تىلەك ءبىلدىردى.
اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو توپتىق شاعانشىلاۋ جينالىسىن باسقارىپ، اۆتونوميالى رايوندىق پارتكوم، حالىق قۇرىلتايى، حالىق ۇكىمەتى، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى اتىنان بۇكىل رايونىمىزداعى ءار ۇلت حالقىنا، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى بولىمدەرىندەگى وفيتسەر - جاۋىنگەرلەرگە، قوعام حاۋىپسىزدىگى كادر - ساقشىلارىنا، ءوندىرىس - قۇرىلىس بيڭتۋانىنداعى جۇمىسشى - قىزمەتشىلەرگە، دەموكراتيالىق پارتيا - توپتارداعى، ساۋدا - ونەركاسىپشىلەر بىرلەستىگىندەگى، پارتيادا، توپتا جوق قايراتكەرلەرگە، بۇقارالىق ۇيىمدارعا، دەمالىسقا، پەنسياعا شىققان ساقا جولداستارعا، شينجياڭنىڭ ورنىقتىلىعىنا، دامۋىنا كوڭىل بولگەن جانە قولداۋ كورسەتكەن دوستارعا جاڭا جىل بايلانىسىمەن ىزگى تىلەك ايتىپ، باقىت تىلەدى.
چىن چۋانگو بىلاي دەدى: ءار داۋىردەگىلەردىڭ وتەيتىن ءوز بورىشى، ءار داۋىردەگىلەردىڭ ارقالايتىن ءوز جاۋاپكەرشىلىگى بار. شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەي تاريحي كەلەلى مىندەت بىزگە جۇكتەلدى، ءبىز باس شۋجيدىڭ تاپسىرماسىن، ءسوز جوق، ەستە بەرىك ساقتاپ، ءار ۇلت حالقىنىڭ كۇتكەن ۇمىتىنەن شىعىپ، پارتياعا، مەملەكەتكە ءوزىن ارناۋ، پارتيانىڭ، مەملەكەتتىڭ ءۇمىتىن اقتاۋ اسقاق جىگەرىمەن «وتان ءۇشىن باسىن ءباي تىگۋ» جاۋاپكەرشىلىگىمەن شينجياڭدى ويداعىداي ورنىقتىرۋعا، ويداعىداي قورعاۋعا، ويداعىداي دامىتۋعا بارىنشا كۇش سالۋىمىز كەرەك. چىن چۋانگو مىنانى اتاپ كورسەتتى: ايبىندى جوبا جاسالدى، اتوي سالۋ ۇندەۋى شىعارىلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، شينجياڭ قىزمەتىنىڭ باس نىساناسىن ىشكەرىلەي دايەكتىلەندىرىپ، «4 تانىمدى» كۇشەيتىپ، «4 سەنىمدى» بەكەمدەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتىپ، جاڭا ءداۋىردىڭ تاريحي داستانىن ويداعىداي جازىپ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ جولىندا تالىقپاي كۇرەس جۇرگىزۋىمىز كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر توپتىق شاعانشىلاۋ جينالىسىندا ءسوز سويلەپ بىلاي دەدى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجيدىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» باتىل ويداعىداي اتقاردى. ەكونوميكانىڭ دامۋ ساپاسى مەن اينالىم ونىمدىلىگى كورنەكتى جوعارىلاپ، حالىققا تيىمدىلىك جاساۋ ساياساتتارى دەر كەزىندە تياناقتانىپ، حالىققا تيىمدىلىك جاساۋ ينجەنەريالارى تىڭعىلىقتى ىلگەرىلەدى، «ۇلتتار ىنتىماعىنىڭ بەرەكەلى شاڭىراعى» قيمىلى جاپپاي ەتەك الىپ، ءار ۇلت جۇرتشىلىعىنىڭ باقىت سەزىمى، تابىس سەزىمى ۇزدىكسىز كۇشەيدى، تۇتاس رايونىمىزدا جوعارىدان تومەنگە دەيىن قوعام ورنىقتى، حالىق الاڭسىز بولىپ، كۇش ونان ارى ۇيىستى. بۇل تابىستارعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس باستاۋىندا، بۇكىل ەلىمىزدەگى ءار ۇلت حالقىنىڭ قالتقىسىز كومەك كورسەتۋىندە، تۇتاس شينجياڭداعى 23 ميلليوننان استام ءار ۇلت كادرلارى مەن بۇقاراسىنىڭ كۇرەس جۇرگىزۋىنىڭ ارقاسىندا قول جەتتى.
شوكىرات زاكىر بىلاي دەدى: جاڭا جىلدا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن، بۇكىل ەل حالقىنىڭ بارىنشا قولداپ - قۋاتتاۋىن وراسان زور رۋحاني قوزعاۋشى كۇشكە اينالدىرىپ، پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، «4 تانىمدى» اناعۇرلىم بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، «باس نىسانا» تانىمىن ونان ارى بەرىك ورناتىپ، لاڭكەستىككە ونان ارى باتىل قارسى تۇرىپ، ورنىقتىلىقتى قورعاپ، حالىق تۇرمىسىن ونان ارى قامتاماسىزداندىرىپ، دامۋدى ونان ارى عىلمي ىلگەرىلەتىپ، ۇلتتار ىنتىماعىن ونان ارى تەرەڭدەتىپ، بەكەمدەپ، ەكولوگيالىق وركەنيەت قۇرىلىسىن ونان ارى تىڭعىلىقتى ىلگەرىلەتىپ، ءار ۇلت بۇقاراسىمەن بىرگە ويلاپ، بىرگە ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋىمىز كەرەك.
ليۋ ۋانلۇڭ، لي ۋي، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي قاتارلى اۆتونوميالى رايوندىق پارتكومنىڭ، حالىق قۇرىلتايىنىڭ، حالىق ۇكىمەتىنىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلارى جانە دەمالىسقا، پەنسياعا شىققان ءىشىنارا ساقا جولداستار، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، قارۋلى ساقشى شينجياڭ باس اترەتىنىڭ، اۋە ارمياسىنىڭ ۇرىمجىدەگى بازاسىنىڭ، شينجياڭ قوعام حاۋىپسىزدىگى شەكارا قورعانىسى باس اترەتىنىڭ، شينجياڭ قوعام حاۋىپسىزدىگى ءورت ءسوندىرۋ، ورتتەن ساقتانۋ باس اترەتىنىڭ، قوعام حاۋىپسىزدىگى مەڭگەرمەسى قورعاۋشىلار مەكەمەسىنىڭ نەگىزگى جاۋاپتى جولداستارى، اۆتونوميالى رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى، پارتيا 19 - قۇرىلتايىنىڭ ۇرىمجىدەگى ۋاكىلدەرى جانە مەملەكەتتىك حالىق قۇرىلتايىنىڭ ۇرىمجىدەگى ءىشىنارا ۋاكىلدەرى، مەملەكەتتىك ساياسي كەڭەستىڭ ۇرىمجىدەگى ءىشىنارا مۇشەلەرى، اۆتونوميالى رايوندىق حالىق قۇرىلتايىنىڭ، ساياسي كەڭەستىڭ تۇراقتى مۇشەلەرى، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۋاكىلدەرى، ءار ۇلت، ءار سالانىڭ جانە ءدىن سالاسىنىڭ، شينجياڭعا باعىتتامالى كومەكتەسكەن كادرلاردىڭ ۋاكىلدەرى، مەملەكەتتىك جانە اۆتونوميالى رايوندىق ەڭبەك ەرلەرىنىڭ، وزات كوللەكتيۆتەردىڭ ۋاكىلدەرى، ۇلتتار ىنتىماعى، العاباسارلىعىنداعى ۇلگىلى جەكەلەر مەن وزات كوللەكتيۆتەردىڭ ۋاكىلدەرى، ارميانى قولداپ، اسكەريلەردىڭ وتباسىنداعىلارعا قامقورلىق جاساۋداعى ۇلگىلەردىڭ، ۇكىمەتتى قولداپ، حالىقتى سۇيۋدەگى ۇلگىلەر مەن قاھارمان ۇلگىلەردىڭ ۋاكىلدەرى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرىنىڭ ۋاكىلدەرى، حالىققا قولايلى ساقشى پۋنكتتەرىنىڭ ۋاكىلدەرى توپتىق شاعانشىلاۋ جينالىسىنا قاتىناستى.
توپتىق شاعانشىلاۋ جينالىسىندا ءار ۇلت ادەبيەت - كوركەمونەرشىلەرى تارتىمدى ويىن نومىرلەرىن كورسەتتى.
