ايدىندى دا ءدۇبىرلى ءداۋىر كارتيناسىندا تەك تالپىنىپ، كۇرەس جاساعاندار عانا وشپەس ءىز قالدىرعان، كۇرەس جاساپ، العا ۇمتىلعاندار عانا، جالىنداعان جاستىق ارىنىنان تايماعان.
«جاڭا ءداۋىر − كۇرەسكەرلەردىڭ ءداۋىرى»، «كۇرەس جۇرگىزۋدىڭ ءوزى باقىت، تەك كۇرەس جۇرگىزگەن ءومىر عانا، باقىتتى ءومىر سانالادى». باس شۋجي شي جينپيڭ 2018 - جىلعى كوكتەم مەرەكەسى بايلانىسىمەن وتكىزىلگەن توپتىق شاعانشىلاۋ جينالىسىندا «كۇرەس جاساۋ» دەيتىن وسى داۋىرلىك كىندىك ءسوزدى قايتالاي دارىپتەپ، تاسقىنداعان، اسقاق جىگەرلى سوزدەرمەن ۇلى ىستەرگە ءوزىن ارناپ، قاجىرلىلىقپەن كۇرەس جاساپ جاتقان، ۇلى جورىقتىڭ جولىن قالتقىسىز ەڭبەگىمەن نۇرلاندىرعان ادامدارعا شابىت بەردى.
ۋاقىت − ەڭ وبيەكتيۆ كۋاگەر. وتكەن ءبىر جىلدا، جۇڭگوشا سوتسياليزمنىڭ ءتۇرلى ىستەرىندە قول جەتكەن زور ىلگەرىلەۋشىلىكتەر قاجىماي - تالماي كۇرەسكەندەردىڭ باسقان جولىنا كۋا بولدى، سونىمەن بىرگە الداعى ۇزدىكسىز كۇرەس جاساۋ ساپارىن دا بەلگىلەدى. عىلىم - تەحنيكادا جاڭالىق اشۋدان، كەدەيلىكتەن قۇتىلدىرۋدان قامال الۋعا دەيىن، ارميا قۇرىلىسىنان مەملەكەتتى زاڭمەن جونگە سالۋعا دەيىن، سان مىڭداعان كۇرەسكەر وزدەرىنىڭ اقىل - پاراساتى مەن ماڭداي تەرى ارقىلى ءبىر ۇلتتىڭ تابىس سەزىمى مەن كەنەلۋ سەزىمىن نارلەندىردى. قيىنشىلىق قىسپاعىندا، حاۋىپ - قاتەر تونگەندە اتويلاپ الدا ءجۇرىپ، جەكە باسىنىڭ پايداسىن كۇيتتەمەيتىن ادامدار؛ شىلىڭگىر ىستىق پەن قاقاعان ايازدا، دۇلەي بوران - شاشىندا سانسىز وتباسىن قورعاعان ادامدار؛ وقتاي زىمىراعان پويەزدە ۇيىنە قايتىپ بارا جاتقانداردى قارسى الىپ، امان - ەسەن جولعا سالىپ، بايەك بولىپ جاتقان ادامدار... انە سولاردىڭ كۇرەسى مەن ۇلەسى ءبىزدى باقىتتى تۇرمىسقا كەنەلتتى ءارى ءوزىنىڭ قۇنى مەن تابىسىن دا ماعىنالى ەتتى.
«ۇلى ءىستىڭ ۇلى بولۋىنىڭ سەبەبى وسى ءىستىڭ ادىلەتتى، ۇلى بولعاندىعىندا عانا ەمەس، ونىڭ ۇستىنە وسى ءىستىڭ نەبىر بۇراڭدىقتاردى باستان كەشكەندىگىندە». جۇڭحۋا ۇلتىنىڭ ۇلى گۇلدەنۋى سىندى سوزدىكتە «وڭاي» دەيتىن ءسوز جوق. سوندىقتان باس شۋجي شي جينپيڭ: كۇرەس جاساۋدىڭ ءوزى باقىت، كۇرەس − جاپا - ماشاقاتتى، ۇزاق ۋاقىتقا جالعاسادى، جولى بۇرالاڭ، جاپا - ماشاقات بولماسا، ناعىز كۇرەس ەسەپتەلمەيدى، - دەپ اتاپ كورسەتتى. كۇرەس جاساۋ رۋحىنىڭ ارداقتى بولاتىن سەبەبى ول قيىنشىلىق قانداي اۋىر، قايشىلىق قانداي كۇردەلى بولعان سايىن، ادامداردىڭ كۇش - قۋاتىن سونشالىق زور دارەجەدە قوزداتىپ، ونى جەڭۋگە جىگەرلەندىرەتىندىگىندە. جاڭا بورىش ارقالاپ، جاڭا ساپارعا قادام تاستادىق، ءبىز دامۋدىڭ ساپاسى مەن ونىمدىلىگىنىڭ جوعارى بولماۋى، جاڭالىق اشۋ قۋاتىنىڭ كۇشتى بولماۋى، حالىق تۇرمىسى سالاسىندا ولقىلىقتاردىڭ ورىن تەبۋى سياقتى ءالسىز بۋىندارداعى قيىنشىلىقتاردى جەڭۋ ءۇشىن، پارتيا 19 - قۇرىلتايىنىڭ بايانداماسىندا دارىپتەلگەندەي «قاجىرلىلىقپەن كۇرەس جۇرگىزۋ، داندايسىماۋ، ۇشقالاقتىققا سالىنباۋ ستيلىن ساقتاپ»، «ۋاقىت ۇتا ءبىلۋ، تەز قيمىلداۋ رۋحىمەن» ءداۋىر جۇكتەگەن بورىشتى ءتىپتى دە باتىلدىقپەن ۇستىمىزگە الۋىمىز كەرەك.
بۇل ۇلى ءداۋىر، جەكەلەگەن قۇلشىنىستىڭ ءبارى الىپ ايدىندا توعىسادى. قوعام جونىنەن العاندا، كۇرەس جاساۋ − ءداۋىردى العا جىلجىتاتىن قوزعاۋشى كۇش؛ ال جەكە ادام جونىنەن العاندا، كۇرەس جاساۋ − ەسەيىپ - ەرجەتۋ ساتىسى. ماركس بىلاي دەگەن: «تاريح ورتاق مۇرات ءۇشىن ەڭبەك ەتىپ، سول ارقىلى ءوزى ارداقتىعا اينالعان ادامدى ۇلى تۇلعا دەپ مويىندايدى؛ تاجىريبە كوپ ساندى ادامعا باقىت اكەلگەن ادامدى ەڭ باقىتتى ادام دەپ ماداقتايدى»، جاڭا ءبىر جىلدا ءبىز حالىقتىڭ تاماشا تۇرمىسقا دەگەن تالپىنىسىن باستان - اياق كۇرەس نىسانامىز ەتۋدەن جازباي، باستان - اياق حالىق ءۇشىن تىنباي كۇرەس جاساپ، حالىقپەن بىرگە كۇرەس جاساپ، باسەكەلەسە كۇرەس جاساپ، ىنتىماقتاسا كۇرەس جاساعاندا عانا، قىزمەتىمىزدى ءوزىمىزدىڭ ءومىر ساپارىمىزدا ايگىلەپ، ىستەرىمىزدى وتاننىڭ كەڭ − بايتاق دالاسىندا ايشىقتاپ، ارمانىمىزدى مەملەكەتتىڭ، ۇلتتىڭ شۇعىلالى بولاشاعىمەن ساباقتاستىرا الامىز.
جاڭا داۋىردەگى ۇلى ساپاردا كۇرەس جاساۋ − كۇرەسكەردىڭ ماڭگىلىك ۇرانى. كۇرەس جاساعاندا عانا، تاماشا بولاشاق جاراتۋعا بولادى، كۇرەس جاساعاندا عانا، ءوزىمىزدى ءتىپتى دە كەمەلدەندىرە تۇسەمىز. جاڭا ساپارعا جول العان 2018 - جىلى ءبىز جۇمىلا كۇرەس جاساپ، باقىتتى سەزىنىپ، ارماندى ىسكە اسىرايىق!
(شينحۋا اگەنتتىگىنىڭ 14 - اقپاندا بەيجيڭنەن بەرگەن حابارى)
