ءتاڭىرتاۋ تورابى   ›   ۇيرەنۋ   ›   شولۋ

سان مىڭداعان وتباسىلارى جاقسى بولسا، مەملەكەت جاقسى بولادى

  وتباسى − ەڭ كىشكەنە مەملەكەت، مەملەكەت سان مىڭداعان وتباسىنان قۇرالادى. «سان مىڭداعان وتباسىلارى جاقسى بولسا عانا، مەملەكەت جاقسى بولادى، ۇلت جاقسى بولادى»، «وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، جەكەنىڭ ارمانىن، وتباسىنىڭ ارمانىن جۇزەگە اسىرۋدى مەملەكەت ارمانىنا، ۇلت ارمانىنا سىڭىرەيىك»، باس شۋجي شي جينپيڭنىڭ 2018 - جىلعى كوكتەم مەرەكەسى بايلانىسىمەن توپتىق شاعانشىلاۋ جينالىسىندا سويلەگەن ءسوزى مول گۋمانيتارلىق قامقورلىقپەن، شالقىعان مەملەكەت سۇيىسپەنشىلىگىمەن، ءىرى ەلگە ءتان پەيىلمەن مەملەكەت، وتباسى جانە جەكەنىڭ قاتپارلى قاتىناسىن تەرەڭ ءتۇسىندىرىپ، جۇڭگو ارمانىنىڭ وزەكتى قۇنى مەن كۇش - قۋات قاينارىن ايقىن كورسەتىپ، جۇڭحۋا ۇلتىنىڭ تاعدىرلاس ورتاق تۇلعاسىنىڭ نەگىزىن ونان ارى بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى قوزعاۋشى كۇش قوستى.

  «دۇنيەنىڭ نەگىزى مەملەكەتتە، مەملەكەتتىڭ نەگىزى وتباسىندا». مەملەكەتتىڭ باي، قۇدىرەتتى بولۋى، ۇلتتىڭ گۇلدەنۋى، ەڭ سوڭىندا، سان مىڭداعان وتباسىنىڭ تۇگەلدەي باقىتتى، تاتۋ - ءتاتتى بولۋىنان ايگىلەنەدى، سان ميلليونداعان حالىقتىڭ تۇرمىسىنىڭ ۇزدىكسىز جاقسارۋىنان ايگىلەنەدى. پارتيا 18 - قۇرىلتايىنان بەرى تۇرعىنداردىڭ كىرىسىنىڭ ارتۋ قارقىنى GDPنىڭ ارتۋ قارقىنىنان اسىپ ءتۇستى، ورتا ەسەپپەن ءار جىلى 10 ميلليوننان استام ادام كەدەيلىكتەن قۇتىلدى، ورتا ەسەپپەن ءار كۇنى 40 مىڭ بازار تۇلعاسى جاڭادان قوسىلدى، 5 جىلدا جاڭادان مولايعان جۇمىستانۋشىلاردىڭ سانى ۇلى بريتانيانىڭ جان سانىمەن بارابار بولدى... حالىقتى وزەك ەتكەن دامۋ يدەياسىنان جازباۋ، حالىقتى باقىتقا كەنەلتۋدى ەڭ زور ساياسي ناتيجە رەتىندە قاراۋدان جازباۋ سىندى ءبىر ساياسي پارتيانىڭ وزگەرمەس اۋەلگى ماقساتى، ءبىر مەملەكەتتىڭ بەرىك ساقتاۋعا ءتيىستى قۇنى − سان - ساناقسىز جاي ادامنىڭ باقىت سەزىمىن، تابىس سەزىمىن، حاۋىپسىزدىك سەزىمىن ۇزدىكسىز ارتتىرىپ، «جۇڭگو» اتتى الىپ كەمەنىڭ جاڭا سۋ ايدىنىنا كىرۋىن جەبەدى.

  دامۋدىڭ تۇپكىلىكتى ماقساتى − حالىقتى باقىتقا كەنەلتۋ. باس شۋجي شي جينپيڭ تالاي رەت «جۇڭگو ارمانى، تۇپتەپ كەلگەندە، حالىقتىڭ ارمانى، ءسوزسىز، حالىققا تىعىز ارقا سۇيەۋ ارقىلى جۇزەگە اسىرۋ، ءسوزسىز، حالىقتى ۇزدىكسىز باقىتقا كەنەلتۋ كەرەك» دەپ باسا دارىپتەدى. جۇڭحۋا ۇلتىنىڭ ۇلى گۇلدەنۋگە بەت الۋ بارىسى حالىق تۇرمىسىندا وراسان زور وزگەرىستەردىڭ تۋىلۋ بارىسى. مەيلى ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي سەكىرىس بولسىن، الدە «ءداۋىردى قۋىپ جەتۋدەن» «ءداۋىر كوشىن باستاۋعا» وتۋدەي ۇلى سەكىرىس بولسىن، بارعان سايىن جاقىنداعان جۇڭگو ارمانى جەكەنىڭ ارمانىن كەڭ - بايتاق كەڭىستىككە يە ەتتى. وسى ماعىنادان العاندا، كوپتىڭ اۋزىنان تۇسپەيتىن جۇڭگو ارمانى، ۇلت ارمانى ءبىر - بىرلەگەن «ناقتى دا شاعىن» جەكە ارمانىنىڭ، وتباسى ارمانىنىڭ جۇزەگە اسۋى بارىسىندا ايگىلەنەدى؛ حالىقتىڭ تاماشا تۇرمىسقا دەگەن تالپىنىسىنا جاۋاپ قاتىپ، جەكەنىڭ كىسىلىك ومىردە تابىسقا كەنەلۋ ورايىنا دەگەن ارمانىن قاناعاتتاندىرۋ جۇڭگو ارمانىنىڭ ەڭ زور باۋرامدىلىققا يە تاراۋلارى ەسەپتەلەدى.

  كوكتەم مەرەكەسى سان مىڭداعان وتباسىلارىنىڭ باس قوساتىن كەزى. باس قوسۋ دوس - جارانداردىڭ باس قوسۋى، وتباسىنداعىلاردىڭ باس قوسۋى عانا بولىپ قالماستان، ونان دا ماڭىزدىسى، جۇڭحۋا ۇلتىنىڭ تاعدىرلاس ورتاق تۇلعاسىنىڭ قاۋىشۋى، ءوزىن جەتىلدىرۋ، وتباسىن جاقسارتۋ، مەملەكەتتى جونگە سالۋ، دۇنيە جۇزىنە ادىلەت ورناتۋ، مەملەكەت سۇيىسپەنشىلىگى سياقتى ءداستۇرلى مادەنيەت قۇنىنا دەگەن ورتاق تانىم. ەگەر «داريادا سۋ قالماسا، وزەن تارتىلىپ قالادى» دەگەن تاعدىرلاس ورتاق تۇلعا لوگيكاسىن تۇسىندىرەدى دەسەك، «وزەندە سۋ بولسا، داريا تولادى» دەگەن دامىپ العا باسۋدىڭ قوزعاۋشى كۇش مەحانيزمىن كورسەتەدى. كەدەيلەردى سۇيەمەلدەۋدىڭ ءبىرىنشى شەبى، شارۋاشىلىق قۇرۋدىڭ الدىڭعى قاتارى، زاۆود سەحتەرى، اتىز باستارى... ءسىز تۇرعان جەر ءسىزدىڭ ساحناڭىز، وتباسىن ءسۇيۋ مەن وتاندى ءسۇيۋدى بىرلىككە كەلتىرىپ، جەكەنىڭ ارمانىن، وتباسىنىڭ ارمانىن جۇزەگە اسىرۋدى مەملەكەت ارمانىنا، ۇلت ارمانىنا سىڭىرگەندە، 400 ميلليوننان استام وتباسى، ءبىر ميلليارد 300 ميلليوننان استام حالىق جۇدىرىقتاي جۇمىلىپ، جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تاسقىنداعان كۇشىن ۇيىستىرادى.

  باس قوسۋدان قۋانىشتى، تورتەۋ تۇگەل بولۋدان باقىتتى، بەرەكە - بىرلىكتەن قۋاتتى ءىس جوق. جاڭا ساپاردا قول ۇستاسا العا ىلگەرىلەۋدە، ءار ادام جۇڭگونىڭ «بىرەگەي قوسىنىنىڭ» ءبىر مۇشەسى، ءار وتباسى جۇڭحۋا ۇلتى ۇلى شاڭىراعىنىڭ كەم بولسا بولمايتىن ورگانيكالى قۇرامداس ءبولىمى. حالىق بۇقاراسىن رەفورما جاساپ دامۋعا ەڭ زور دارەجەدە باۋراعاندا، جاپپاي دوڭگەلەك داۋلەتتى بىرگە ورناتۋدى، ورتاقتاسۋدى ەڭ زور دارەجەدە جەبەگەندە، تۇتاس حالىقتى جۇڭگو ارمانىن ءبىر نيەتپەن تۇلعالاۋعا ەڭ زور دارەجەدە جۇمىلدىرعاندا، مەملەكەتىمىز بەن ۇلتىمىز اناعۇرلىم جاقسى بولادى، ۇلى ىستەرىمىز اناعۇرلىم ارىندى بولا تۇسەدى.

 (شينحۋا اگەنتتىگىنىڭ 15 - اقپاندا بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى