ءتاڭىرتاۋ تورابى   ›   ۇيرەنۋ   ›   شولۋ

«ءداۋىر كوشىن باستاۋداعى» تاريحتىڭ جاڭا پاراعىن جازايىق

  «ەسكى جاپىراق ورنىنان جاڭا بۇرشىك ونەدى، الدىڭقى تولقىن جول بەرىپ، كەيىنگى تولقىن كەلەدى». جۇڭگو جاڭا ءداۋىردىڭ تىڭ پاراعىن اشقاندا، تاريحتىڭ التىن ارىپتەرىمەن ايشىقتالىپ جازىلارى حاق.

  «ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، تاۋ جولىقسا، جول سالاتىن، اعىن كەزدەسسە، كوپىر سالاتىن ءورىس اشۋ رۋحىمەن ۇلى قوعامدىق توڭكەرىستە ۇزدىكسىز جاڭا جاعداي اشىپ، ۇلى وزىندىك توڭكەرىستە قاجىر - قايراتتى ارتتىرۋىمىز، بايتاق تەرريتوريامىزدا ءبىر ميلليارد 300 ميلليوننان استام جۇڭگو حالقىنىڭ ۇلى كۇرەس تاريحىنىڭ جاڭا تاراۋلارىن جالعاستىرا جازۋىمىز كەرەك!». باس شۋجي شي جينپيڭنىڭ 2018 - جىلعى كوكتەم مەرەكەسى بايلانىسىمەن وتكىزىلگەن توپتىق شاعانشىلاۋ جينالىسىندا جۇڭگونىڭ «ءداۋىردى قۋىپ جەتۋدەن» «ءداۋىر كوشىن باستاۋعا» وتۋدەي ۇلى سەكىرىستى جۇزەگە اسىرعانىنا ىستىق ىقىلاستى ماداق ايتىپ، بۇكىل پارتيانى قاي - قاشان دا حالىق ءۇشىن تىنباي كۇرەس جۇرگىزۋگە، حالىقپەن بىرگە كۇرەس جۇرگىزۋگە ىنتالاندىرىپ، ءبىر ميلليارد 300 ميلليوننان استام حالىقتىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىراتىن قۋاتتى كۇشىن قوزداتتى.

  تاريحي ورىندى ءدال تاپقاندا عانا، العا باسۋ باعىتىن انىق كورۋگە بولادى. جاڭا جۇڭگو العاش قۇرىلعان كەزدە، «جۇڭگو حالقى ەڭسە كوتەردى» دەگەن ءۇن ءۇشىن قانشاما جۇڭحۋا پەرزەنتتەرىنىڭ كوزىنە ىستىق جاس العانى، جۇرەگى جارىلا قۋانعانى، جۇڭحۋا ۇلتىنىڭ سول ساتتەن باستاپ بەلىن جازىپ، ەڭسە كوتەرگەنى ءالى ەسىمىزدە. «ءبىز ءداۋىردى قۋىپ جەتۋىمىز كەرەك، بۇل رەفورما جاساۋدا جەتۋگە ءتيىستى ماقسات» دەگەن ءسوز حالىق جۇرەگىن تەبىرەنتىپ، جۇڭگونى وسىزاماندانۋدا «كەشىككەن ەلدەن» وسىزامانداندىرۋدى «ىسكە اسىرۋ ورتالىعىنا» اينالدىردى. پارتيا 18 - قۇرىلتايىنان بەرگى جان - جاقتى، ءورىس اشار تابىستار، تەرەڭ قاتپارلى، ءتۇبىرلى وزگەرىستەر جۇڭگونى شىت جاڭا بيىككە شىعاردى. ەڭسە كوتەرۋدەن، بايۋدان قۇدىرەتتەنۋگە دەيىنگى، «ءداۋىردى قۋىپ جەتۋدەن» «ءداۋىر كوشىن باستاۋعا» دەيىنگى بارىس جۇڭحۋا ۇلتى ءۇشىن، بۇكىل ادامزات ءۇشىن ماڭىزدى مانگە يە ۇلى سەكىرۋ سانالادى. مىنە وسى تاريحي بارىسقا كۋا بولىپ جانە وعان ات سالىسىپ، «ءداۋىر كوشىن باستاۋداعى» تاريحتىڭ جاڭا پاراعىن جالعاستىرىپ جازۋ ءبىزدىڭ ءاربىرىمىز ءۇشىن ومىرلىك باق، تەڭدەسسىز داڭق بولىپ تابىلادى.

  «ءداۋىر كوشىن باستاۋداعى» تاريحتىڭ جاڭا پاراعىن جازۋ ءۇشىن، جاڭا يدەيانى وياتاتىن جەتەكشى ۇلى كۇش كەرەك. تاريح شىڭىنان ارتىمىزعا قايىرىلا قارساق، ءبىز تاريح پاراعىنا جازعان سول تابىستاردىڭ داۋىرگە نۇر توككەن يدەيا ساۋلەسىنەن باستاۋ الماعانى جوق ەكەنىن كورەمىز. شي جينپيڭنىڭ جاڭا ءداۋىر جۇڭگوشا سوتسياليزم يدەياسى سوتسياليزمنىڭ العاشقى ساتىسىنداعى جاڭا جاعدايدى ءدال پايىمداپ، قازىرگى جۇڭگو مەن الەم ءدوپ كەلگەن ماسەلەلەرگە جۇيەلى جاۋاپ بەرىپ، كورەگەن كوز ايامەن، تەرەڭ ويمەن ءداۋىر ەمتيحانىنا كوممۋنيستەردىڭ جاۋابىن جازىپ، جۇڭگو اتتى الىپ كەمەنىڭ تولقىن جارا العا ىلگەرىلەۋىنە جاڭا باعىت سىلتەدى. جاڭا يدەيا ارقىلى ءداۋىر كوشىن باستاۋ، جاڭا بورىش ارقىلى جاڭا جورىقتى باستاۋ ءۇشىن، ءسوز جوق، تەرەڭدەي ۇيرەنۋ، جەتە ءتۇسىنۋ، شىنايى ىستەپ، ناقتى ءىس تىندىرۋ، رەفورما، دامۋ، ورنىقتىلىق مىندەتتەرىن تياناقتاندىرىپ، حالىققا ءتيىمدى قىزمەتتەردى ناقتى جۇرگىزۋ كەرەك.

  «ءداۋىر كوشىن باستاۋداعى» تاريحتىڭ جاڭا پاراعىن جازۋعا حالىققا تەرەڭ تامىر تارتقان جاسامپاز ۇلى كۇش قاجەت. پارتيا 19 - قۇرىلتايى تاماشا بولاشاق كەسكىندەپ، بۇكىل قوعامدا ءىس تىندىرىپ، ناتيجە شىعارۋدىڭ قىزۋ ورلەۋىن كوتەردى. 2018 - جىلعا ارناعان قۇتتىقتاۋ سوزىندە، باس شۋجي شي جينپيڭ تەرەڭ سۇيىسپەنشىلىكپەن: مەن جۇڭگو حالقىنىڭ ارىنداعان جاسامپازدىق كۇشىنە ماداق ايتامىن! - دەدى. شيۇڭ - ان جاڭا رايونىنىڭ قۇرىلىس الاڭىنان كەدەيلىكتەن دالمە - ءدال قۇتىلدىرۋدان قامال الۋدىڭ ءبىرىنشى شەبىنە دەيىن، الىس عارىشقا ۇڭىلەتىن «اسپان كوزىنەن» بايتاق دالا توسىندە جۇيتكىگەن جۇڭگو - ەۆروپا باعىتىنداعى پويەزدەرگە دەيىن جاڭا داۋىرگە وتكەن جۇڭگونىڭ جەر - جەرىنەن «بىلەك سىبانا ىستەگەن» اسەرلى كورىنىستەر، ەڭ كوركەم، ەڭ جاڭا ارمان قۋعان كەسكىندەر قايتالانۋدا. ءار ۇرپاقتىڭ وزىنە ءتان بورىشى بولادى، «جۇڭگونىڭ ۇلى دامۋ جەتىستىگىن جۇڭگو حالقى وزدەرىنىڭ قوس قولىمەن جاراتقان، ءار ۇرپاق جۇڭگولىقتار كۇش جالعاپ كۇرەس جاساۋ ارقىلى جاراتقان». ۇلتتىڭ گۇلدەنۋىن جۇزەگە اسىرۋ ءۇشىن، اركىمنىڭ ۇلەس - كۇشى كەم بولسا بولمايدى، ءار ادام وزىنە ءتان كەرەمەتىن جازسا، كۇللى دۇنيەنىڭ بارلىق كەرەمەتىن جارىققا شىعارا الادى.

  تاعى ءبىر كوكتەم كەلىپ، كيەلى توپىراقتان كوكتەمنىڭ جاڭا لەبى ەستى. «قۇدىرەتتەنۋ» ءبىر ءداۋىردىڭ بەلگىسىنە، «ءداۋىر كوشىن باستاۋ» ميلليارد جۇڭگو حالقىنىڭ جۇرەك ۇنىنە اينالعان كەزدە، ءبىز، ءسوز جوق، ۋاقىتتىڭ كوشىن باستاپ، جاڭا داۋىردە تولقىن جارىپ، بۇگىنگى كۇرەسىمىز ارقىلى ەرتەڭگى داڭققا جول اشا الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى