تىلشىلەرىمىز حي حۇڭۋي، سۇي يۇنيان، سۋ لۋپيڭ
、«جاڭا جىل قۇتتى بولسىن!». «جاڭا جىل قۇتتى بولسىن، قانەكي، تورلەتىڭىز». 16 - اقپان تۇستە − ديقاندار كالەندارى بويىنشا جاڭا جىلدىڭ تۇڭعىش كۇنى، جۋ شيفىن ءيت جىلىنداعى كوكتەم مەرەكەسىنە قۇتتى بولسىن ايتىپ كەلگەن العاشقى قوناقتاردى قابىلدادى، تۋىسى الىم مامەت ءۇي ىشىمەن ەرتەلەتىپ كەلگەن ەكەن. الىم مەن ايەلى رۋحيا ءوز ۇيىندە دايىنداپ قويعان داپانجي، پالاۋ، ساۋميان سياقتى ءدامدى تاعامداردى الا كەلىپتى. «ءبارى دە ءسىز ۇناتىپ جەيتىن تاعامدار، ءبىز جاڭا جىلدى بىرگە تويلايىق». «سەندەردىڭ كەلگەندەرىڭە وتە قۋانىپ تۇرمىن». جۋ شيفىن ءماز بولدى.
«اجە، جاڭا جىلىڭىز قۇتتى بولسىن!». الىمنىڭ كىشى ۇلى ءازىر الىم ەكى قولىن جۇپتاپ جۋ شيفىنگە سالەم بەردى، ونىڭ سۇيكىمدى بەينەسى جۇرتتى دۋ كۇلدىردى. جۋ شيفىن تاڭ بوزىنان ۇستەلگە ءتۇرلى - ءتۇستى كامپيتتەر مەن قۇرعاق جەمىستەردى ءۇيىپ قويىپ، الىم وتباسىنىڭ جولىنا قاراپ وتىرعان. «الىم جاڭا جىلدا باس قوسايىق دەپ باياعىدان بەرى ايتىپ جۇرگەن، بۇگىن سونشا كوپ تاعام ازىرلەپ الا كەلىپتى، ءبارىمىز جاڭا جىلدى مارە - سارە تويلايتىنىمىز وتە جاقسى بولدى»، - دەدى جۋ شيفىن.
73 جاستاعى جۋ شيفىن زەينەتكە شىققان باستاۋىش مەكتەپ مۇعالىمى، سونداي - اق قارت پارتيا مۇشەسى، 2002 - جىلى قۇتىبي اۋدانى قۇتىبي قالاشىعى بەيمىن الەۋمەتتىك اۋماعىنداعى حۇيمين شاعىن رايونىنا كوشىپ بارعان. دىر - دۋماندى قالايتىن جۋ شيفىن ءار كۇنى تۇستەن كەيىن الەۋمەتتىك اۋماقتىڭ قيمىل ورتالىعىنا بارىپ ءجۇرىپ، سول جەردە شاعىن رايونداعى كورشىسى الىممەن تانىسىپ قالادى.
تانىسقاننان كەيىن، جۋ شيفىن الىمنىڭ سول كەزدە جۇمىسسىز ەكەنىن، ايەلىنىڭ اۋىل - قالاشىق باستاۋىش مەكتەبىندە ساباق بەرەتىنىن، 2 ۇلىنىڭ مەكتەپتە ەكەنىن بىلەدى. ول الىم وتباسىمەن تۋىس بولۋ تۋرالى ويعا كەلەدى، «مەن شەكاراعا كومەكتەسۋ كەزىندە شينجياڭعا كەلگەنمىن، قۇتىبيدا تۋىسىم جوق، بۇدان كەيىن ونىڭ 2 بالاسىنىڭ ساباق پىسىقتاۋىنا كومەكتەسسەم بولعانداي».
2015 - جىلى جەلتوقساندا جۋ شيفىن شاي، كامپيت سياقتى سالەم - ساۋقىتتار الىپ الىمنىڭ ۇيىنە بارىپ، ءوزىنىڭ ويىن ايتادى. الىم سول كەزدەگى كورىنىستى ەسكە العاندا، تەبىرەنىستى لەبىزبەن: سول كۇنى سەنبى بولاتىن، بالالاردىڭ ءبارى ۇيدە ەدى، جۋ شەشەم ۇيگە كەلىپ، بىزبەن تۋىس بولعىسى كەلەتىنىن ايتقاندا، ءبىز ءۇي ىشىمىزبەن قاتتى قۋاندىق، - دەدى.
تۋىس بولۋ اۋىز جۇزىندە قالماۋى كەرەك، جۋ شيفىن بىلاي دەدى: «2 بالا مەنىڭ نەمەرەم، تۋعان نەمەرەلەرىممەن بىردەي». كيىم - كەشەك، ءتاتتى - ءدامدى ساتىپ الىپ، جۋ شيفىن سۇيىسپەنشىلىگىن بالالاردىڭ بويىنا ءسىڭىردى، جايشىلىقتا ۇيرەنۋگە پىسىقتاۋ جاساۋدى ءبىر كۇن دە اقساتپادى، بالالاردىڭ ناتيجەسى تىك سىزىق بويىنشا كوتەرىلدى. الىم دا جۋ شيفىننىڭ شابىتتاندىرۋىمەن قىزمەت تاپتى.
وتكەن جىلى شىلدەدە الىمنىڭ ۇلكەن ۇلى ءاتىر الىم كولىك شىرعالاڭىنا ۇشىراپ، ەرلى - زايىپتى ەكەۋىن قاتتى ساستىرادى. جۋ شيفىن بۇل حاباردى ەستىگەن سوڭ ءارى - ءسارى بولماستان 2000 يۋان اقشا شىعارىپ، ەكەۋىنىڭ ىستەتە تۇرۋىنا بەرىپ، ەكەۋىن ءوز جۇمىستارىمەن قاربالاس بولۋعا جىبەرىپ، ءوزى شيپاحانادا اتىرگە قارايدى. رۋحيا تىلشىگە: سول كەزدە رۇقسات الا المادىم، جۋ شەشەمنىڭ كومەكتەسكەنى بۇنداي جاقسى بولار ما. بالالار اجەلەرىمەن وتە جاقىن، اجەلى - نەمەرەلى عانا ەمەس، ءتىپتى دوس سياقتى، - دەدى.
اقىلدى ءاتىر اجەسىنىڭ جاقسىلىعىن ءبىر ءسات تە ەستەن شىعارمايدى: «كولىك شىرعالاڭىنان كەيىن وزىمە سەنبەيتىن بولدىم، وقۋ ناتيجەم ىلەسە الماي قالا ما، ءتۇرىم كورىكسىز بولىپ قالا ما دەپ الاڭدادىم. اجەم ءار كۇنى قاسىمدا بولىپ، ماعان اقىل ايتتى. مەن جاقسى وقىپ، اجەمنىڭ ءۇمىتىن اقتايمىن».
ەكى ءۇيدىڭ ادامدارى ارالاسا ءجۇرىپ ءبىر ءۇيدىڭ ادامىنا اينالدى، ءتىپتى، ءبىر ءۇيدىڭ ادامدارىنان دا جاقىن بولىپ كەتتى. 2017 - جىلى ورتاڭعى كۇز مەرەكەسىندە الىم وتباسى مەن رۋحيانىڭ ءسىڭلىسىنىڭ وتباسى ءار ءتۇرلى ءدامدى تاعامداردى الىپ جۋ شيفىننىڭ ۇيىنە كەلىپ، ورتاڭعى كۇز مەرەكەسىن قۋانىشپەن باس قوسىپ تويلايدى. الىمنىڭ اكە - شەشەسى بىرنەشە جىل بۇرىن قايتىس بولعان، جۋ شيفىننىڭ كەلۋى وعان انا ماحابباتىن قايتا سەزىندىردى، بالالار دا اجەنىڭ سۇيىسپەنشىلىگىنە بولەندى. باس قوسۋ كەزىندە، مىنەزى بۇيىعى الىم ءوزىن ۇستاي الماي جۋ شيفىندى «شەشە» دەپ شاقىرادى.
جۋ شيفىن ءوزىنىڭ كىشكەنتاي ارمانىمەن ءبولىستى: «كوزىم جۇمىلعانشا مىنا 2 بالانى ستۋدەنت ەتىپ تاربيەلەيمىن».
