جاڭا جىلدىڭ ءبىرىنشى كۇنى تۇستەن بۇرىن شينجياڭ قۇرىلىس توبى 6 - قۇرىلىس ينجەنەريا شەكتى جاۋاپكەرلىك سەرىكتەستىگىنىڭ 11 قىزمەتكەرى تاڭەرتەڭ ەرتە ءپايزاۋات اۋدانى گۇللۇك اۋىلى جالعىزتال قىستاعىنا تۋىسشىلاي كەلدى، ولار تۋىستارىنىڭ ۇيىنە بارىپ وتكەن - كەتكەندى ايتىپ، بولاشاق جونىندە اڭگىمە شەرتىستى. 2 كۇننەن بەرى 6 - قۇرىلىس سەرىكتەستىگىنەن كەلگەن ءار ۇلت قىزمەتكەرلەرى تۋىستارىمەن كەدەيلىكتەن قۇتىلۋدىڭ جولى جونىندە ىشكەرىلەي اڭگىمەلەستى.
جالعىزتال قىستاعى ءپايزاۋات اۋدانىنداعى اۋىر كەدەي قىستاق. بىلتىر 86 وتباسى بويىنشا جيىنى 358 ادامعا ارحيۆ تۇرعىزىپ، كارتچكا بەرىلدى.
65 جاستاعى قىستاق تۇرعىنى ءابي قاسىم 6 - قۇرىلىس سەرىكتەستىگىنىڭ قىزمەتكەرى ۋاڭ جينشيا، جاڭ يۇنفىڭ جانە توحتى وبۇلقاسىمنىڭ تۋىسى. «ءبىز ءابي اعايمەن ەگىمشىلىكتەن باسقا تاعى باعىمشىلىق كاسىبىن دامىتۋدى اقىلداستىق»، - دەدى ۋاڭ جينشيا تىلشىگە. ول تاعى بىلاي دەدى: «ۇشەۋىمىز كوكتەم مەرەكەسىنەن كەيىن اعايعا 5 قوي ساتىپ اپەرىپ، اعايدىڭ كىرىسىن ارتتىرۋعا كومەكتەسپەكشىمىز».
بىلتىر جىل باسىندا ۋاڭ جينشيا، جاڭ يۇنفىڭ، توحتىلارمەن جۇپ قۇراپ، تۋىس بولعاننان باستاپ، 16 مۋ جەردەگى ەگىنىن ەگۋدەن جيىپ الۋعا دەيىنگى جۇمىستىڭ بارىندە وسى تۋىستارى باسى - قاسىندا بولىپ كومەكتەسكەندىگى ءابيدىڭ انىق ەسىندە. «2016 - جىلعى كىرىسىم 7000 يۋان ەدى، 2017 - جىلى ءبىر جولاتا 12 مىڭ يۋانعا جەتتى. وسىنىڭ ءبارى تۋىستارىمنىڭ قالتقىسىز كومەگىنىڭ ارقاسى، ولارعا شىن كوڭىلمەن العىس ايتامىن!»، - دەدى ءابي.
قىستاق تۇرعىنى ازەزحان الماستىڭ ۇيىندە 6 جان، 17 مۋ جەرى بار. ەگىمشىلىك تەحنيكاسىنان حابارسىز بولعان سوڭ، اتىزىنداعى ماقتا مەن ءبيدايدىڭ ءتۇسىمى تومەن بولاتىن.
ازەزحاننىڭ تۋىسى بولعان لي چۋانجين مەن ابدۇمامەت ابدۇعايني دا اۋىل شارۋاشىلىق ەگىمشىلىك تەحنيكاسىنا جەتىك ەمەس ەدى. ابدۇمامەت بىلاي دەدى: «ءبىز قولىمىزدان كەلگەنىنشە كومەكتەسسەك تە ءونىمى بولماپ ەدى، سونىمەن ەگىس جۇمىسىنا شەبەر اۋىلداستاردان سۇراپ، اڭگىمەلەسۋ ارقىلى اۋىستىرىپ ەگۋ، ەگىس داقىلدارىنىڭ ءتۇرى جانە باسقارۋدىڭ ءبارىنىڭ ءونىم مولشەرىن ارتتىرۋداعى شەشۋشى فاكتور ەكەنىن بىلدىك».
«ءبىز وسى جولى قارىنداسىمىز ازەزحاندى ەگىمشىلىك بىلىمدەرىنەن ساۋاتتاندىرۋعا كەلدىك، كوكتەمگى ءوندىرىس باستالعان كەزدە تەحنيك مامانداردى ۇسىنىس ەتىپ، ونىڭ اتىزىنا قاي تۇردەگى ماقتا تۇقىمىن ەگۋدى اقىلداسامىز. تاعى ءبىر شارۋا، سەرىكتەستىك بىلتىر قاراشادا ونىڭ 100 شارشى مەترلىك جىلىجاي سالۋىنا 3000 يۋان قارجىلاي كومەك بەرگەن بولاتىن، ونىڭ ەككەن ەرتە پىساتىن ءپايزاۋات قاۋىنى ادەتتەگى ءپايزاۋات قاۋىنىنان ءبىر اي بۇرىن پىسادى، ءبىر رەتكى ەككەننەن كەم دەگەندە 2500 يۋان پايدا تابۋعا بولادى»، - دەدى لي چۋانجين.
«تۋىستارىمنىڭ كومەگىنىڭ ارقاسىندا، كەدەيلىكتەن قۇتىلاتىندىعىما سەنەمىن!»، - دەدى ازەزحان قۋانىپ.
ديڭ شۇيچيڭ، پۋ شينمەي جانە جۋ جۋ كەدەي وتباسى قۇربان سالەيدىڭ سەمياسىمەن تۋىس بولدى.
بىلتىر جىل باسىندا ول ۇشەۋى قىستاققا العاش كەلگەن كەزدە بىرەۋلەردەن قۇربان سالەيدىڭ جالقاۋ، ايەلىنىڭ اۋرۋشاڭ، قۇرباننىڭ كۇندە تەمەكى تارتىپ، اراق ءىشىپ، كۇندەرىن بوسقا وتكىزەتىن ادام ەكەنىن ەستىگەن بولاتىن. ولار قۇربانمەن ءبىر مەزگىل ارالاسقاننان كەيىن ونىڭ جۋاس، اق كوڭىل ادام ەكەنىن بايقاپ، وعان قالاي ءجون كورسەتۋدى اقىلداسادى.
ميجىت كۋان قىستاقتاعى اۋقاتتانۋ شەبەرى، جاسى دا قۇربانمەن قارايلاس 40 نەشە جاس شاماسىندا، ميجىت بانكەدەن قارىز الىپ اۆتوموبيل ساتىپ العاننان كەيىن، جاڭا ءۇي جانە قوي قورا سالىپ الدى.
ديڭ شۇيچيڭ، پۋ شينمەي جانە جۋ جۋ قۇربانعا قىستاقتاعى اۋقاتتانۋداعى تيپتىكتەردى مىسالعا كەلتىرىپ، جول كورسەتىپ، ونى العا باسۋعا جىگەرلەندىردى.
تۋىستاردىڭ شابىت بەرىپ كومەكتەسۋىنىڭ ارقاسىندا، بىلتىر تامىزدا قۇربان قىستاق تۇرعىندار گرۋپپاسىنىڭ باستىعى بولدى. «باستىق بولعاننان كەيىن ول گرۋپپاسىن جاقسى باسقارۋمەن بىرگە، ۇنەمى كەدەي وتباسىلارىنا يدەيالىق قىزمەت ىستەيتىن بولدى. اۋىلداستاردىڭ كوبى بۇرىنعى جالقاۋ قۇربان وزگەردى دەسەدى»، - دەدى پۋ شينمەي. ول تاعى بىلاي دەدى: «وسى جولى تۋىسشىلاۋدا ءبىز وسى گرۋپپا باستىعىنا شابىت بەرىپ جىگەرلەندىرۋمەن بىرگە، ونىڭ 9 مۋ جەرىندەگى ەگىس جۇمىسىنا كومەكتەسىپ، كەدەيلىكتەن ەرتەرەك قۇتىلىپ، اۋقاتتانۋىنا مۇمكىندىك جاراتامىز. وعان كومەكتەسىپ وسى جۇمىستاردى ويداعىداي ىستەسەك، ونىڭ اۋىلداستاردىڭ ورتاسىنداعى بەدەلى دە بارعان سايىن جوعارىلاي تۇسەدى!»
