ەركىنبەك وكەن ۇلى حابارلايدى. جۇڭحۋا ۇلتىنىڭ ءداستۇرلى كوكتەم مەرەكەسى قارساڭىندا، نىلقى اۋدانى مىس اۋىلىنىڭ قوڭىرادىر قىستاعىنداعى ءار ۇلت تۋىسقاندارى ءبىر اراعا باس قوسىپ، «ۇلتتار ىنتىماعىنىڭ بەرەكەلى شاڭىراعى» اتىنداعى ادەبيەت - كوركەمونەر قيمىلدارىن وتكىزدى.
قيمىلدا، قىسقى دەمالىس كەزىندە اۋىلعا ورالعان قىستاقتاعى ستۋدەنتتەر ماڭايداعى تىڭ وزگەرىستەرمەن بىرلەستىرىپ، دايىنداعان پارتيا 19 - قۇرىلتايىندا العا قويىلعان حالىق تۇرمىسىنا قاتىستى ءتيىمدى ساياساتتاردى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، ءار ۇلت باۋىرلاستارىنىڭ ۇلتتار ىنتىماعىن كوز قاراشىعىنداي قورعاپ، ۇلتتار ارا بىتە قايناسقان دوستىعىن، باي - باقىتتى، شالقىعان داۋلەتتى تۇرمىسىن، مەكەنگە تەرەڭ تامىر تارتقان بەرەكە - بىرلىگىن، ۇلتتار ىنتماعىنىڭ ۇلى داستانىن اسەم ءان، كۇمبىرلى كۇي، مىڭ بۇرالعان بيمەن جەتكىزدى.
حۋنان ۋنيۆەرسيتەتىنىڭ ستۋدەنتى ءسابيرا مىڭباي قىزى : «اۋىلعا قايتقان قوڭىرادىر قىستاعىنداعى ستۋدەنتتەر قىستاقتىڭ ءتۇرلى قيمىلدارىنا بەلسەنە قاتىناستىق ءارى جاس ۇگىتشى بولۋ مىندەتىن ۇستىمىزگە الىپ، پارتيا 19 - قۇرىلتايىنىڭ رۋحى مەن حالىققا ءتيىمدى ءتۇرلى ساياساتتاردى الىس وتارعا دەيىن بارىپ كەڭىنەن ۇگىتتەدىك. كوكتەم مەرەكەسى بايلانىسىمەن ستۋدەنتتەر وزدىكتەرىنەن ۇيىمداسىپ، ‹ۇلتتار ىنتىماعىنىڭ بەرەكەلى شاڭىراعى› قيمىلىن باستى تاقىرىپ ەتكەن، وتانىمىزدىڭ بايتاق دالاسىنداعى جاڭالىقتار مەن ماڭايداعى تىڭ وزگەرىستەردى، مەملەكەتىمىزدىڭ اۋىل - قىستاققا قاراتقان ابزال ساياساتىنىڭ ارقاسىندا كۇن - كورىسى جاقسارعان بۇقارانىڭ باقىتتى تۇرمىسىن بەينەلەگەن باي مازمۇندى ويىن نومىرلەرىن قويىپ، ءار ۇلت بۇقاراسىنىڭ ىنتىماعىن، ءبىر - بىرىنە كومەكتەسەتىن قويۋ سۇيىسپەنشىلىگىن قالپىتاستىرۋعا قۇلشىندىق. مەن ءبىر ستۋدەنت بولۋ سالاۋاتىممەن اۋەلگى ماقساتتى ۇمىتپاي، مەكەنىمىزدىڭ كوركەيىپ - گۇلدەنۋى ءۇشىن ۇلەس قوسۋعا، ماڭايىمداعى بولماشى ىستەردەن باستاپ مۇقيات ىسكە كىرىسىپ، پارتياعا العىس ايتۋ سەزىمىمدى تەرەڭدەتىپ، ۇلتتار ىنتىماعىن كوز قاراشىعىمىزداي قورعايمىن»،- دەدى.
وسى رەتكى قيمىلمەن بىرلەستىرىپ، قىسقى دەمالىس كەزىندە اۋىلعا ورالىپ، قىستاق ەكى كوميتەتىنىڭ كۇندەلىكتى امالياتتىق ىستەرىنە ات سالىسىپ، قوعامدىق ىستەرگە بەلسەنە ارالاسقان، مەكتەپتە جاڭا تاپقىرلىقتار مەن ۇزدىك ناتيجە جاراتقان اقىلباي مۋساي ۇلى، سامعار ناقىسبەك ۇلى، گۇلدەن ءامىرقاسىم قىزى قاتارلى ستۋدەنتتەردىڭ ءاربىرىن 1000 يۋانمەن سيلادى.
شينجياڭ اۋىل شارۋاشىلىق ۋنيۆەرسيتەتىنىڭ 4 - جىلدىق وقۋشىسى، 2017 - جىلى قاراشا ايىندا اسپيرانتتققا قابىلدانعان، وقىپ ءجۇرىپ، ەگىس داقىلدارىن اۆتوماتتى سۋارۋ، مال شارۋاشىلىق رايوندارىندا ىستەتىلەتىن مال سۋارۋعا قولايلى اۆتوماتتى ناۋا، قۇمدى ساراپتاۋ جابدىقتارىن جاساپ كورنەكتى ناتيجە جاراتقان، 2017- جىلى شىلدە ايىندا داليان جاراتىلستىق عىلىمدار ۋنيۆەرسيتەتىندە وتكىزىلگەن مەملەكەتتىك سۋ ىستەرى تاپقىرلىق جارىسىنا قاتىناسىپ، 1 - دارەجەلى جۇلدەنى جەڭىپ العان اقىلباي مۋساي ۇلىن سۇحباتقا تارتقانىمدا ول بىلاي دەدى : «مەن 2013- جىلى شينجياڭ اۋىل شارۋاشىلىق ۋەنيۆەرستيتەتىنە قابىلداندىم. ءبىر جىلدىق دايىندىق كلاسىندا وقىعانىمدا كوپتەگەن قيىنشىلىقتار بولدى. بارلىق قيىنشىلىققا مويىمادىم، قايتا، وزىمە وسىمەن عانا توقتاپ قالماي، اسپيرانت، دوكتورلىق وقيمىن دەگەن قاتاڭ تالاپ قويدىم. ءار جىلعى وقۋ ناتيجەم دە جاقسى، كاسىبىم سۋ قۇرىلىسى بولعاندىقتان، ۋنيۆەرسيتەتتىڭ 1- جىلدىعىندا ۇستازىمنىڭ جەتەكشىلىگىندە اۆتوماتتى جەر سۋارۋ جابدىعىن، 2 - جىلدىعىندا جەل كۇشى ارقىلى قۇمدى دارەجەگە ايىرىپ ساراپتاۋ جابدىعىن، 3 - جىلدىعىندا مال سۋرارۋعا قولايلى اۆتوماتتى ناۋانى تاپقىرلاپ، 2017 - جىلى شىلدە ايىندا داليان جاراتىلىستىق عىلىمدار ۋنيۆەرسيتەتىندە وتكىزىلگەن مەملەكەتتىك سۋ ىستەرى تاپقىرلىق جارىسىنا قاتىناسىپ 1 - دارەجەنى جەڭىپ الدىم. بۇدان كەيىن دە ۇزدىكسىز قۇلشىنىپ، ءوز كاسىبىمنەن كوپتەگەن جاڭالىقتار جاراتامىن».
جۇپ قۇراپ تۋىستىق قاتىناس ورناتقان قىستاق تۇرعىنى لي يىڭرۋ مەن لي يىڭجيان وزدەرىنىڭ ستۋدەنت قارىنداستارى گۇلدەن ءامىرقاسىم قىزى مەن ىرزۋانگۇل مەيرامعازى قىزىنىڭ ستۋدەنتتەرمەن بىرگە دايىنداعان الۋان ءتۇرلى، باي مازمۇندى، ويىن نومىرلەرىن كوردى ءارى قارىنداستارىنىڭ وقۋ ناتيجەسى مەن قىستاققا كەلىپ قوعامدىق ىستەرگە بەلسەنە ارالاسىپ، بولاشاقتارىنان ءتىپتى دە زور ءۇمىت بايقاتقانىنا اسەرلەنگەن لي يىڭرۋ قارىنداسى گۇلدەن ءامىرقاسىم قىزىنا، لي يىڭجيان قارىنداسى ىرزۋانگۇل مەيرامعازى قىزىنا ناق مايداندا 5000 مىڭ يۋان اقشا بەرىپ، ولاردىڭ جاقسى وقىپ، پارتيامەن ۇكىمەتتىڭ، وتاننىڭ، قوعامنىڭ كۇتكەن ءۇمىتىن اقتاۋىن ءۇمىت ەتتى ءارى ەكونوميكالىق جاقتان ۇزدىكسىز قارايلاسىپ، قيىنشىلىقتارىنا مۇمكىندىكتىڭ بارىنشا كومەكتەسىپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ قويۋ رايىن قالىپتاستىرىپ، ۇلتتار ىنتىماعى مەن قوعام ورنىقتىلىعىنىڭ تاماشا جاعدايىن بەكەمدەۋگە كۇش سالاتىن بەرىك سەنىمدەرىن ءبىلدىردى.
شىعىس سولتۇستىك پەداگوگيكا ۋنيۆەرسيتەتىندە وقيتىن گۇلدەن ءامىرقاسىم قىزى اعاسى لي يىڭرۋدىڭ قولداپ - قۋاتتاعانىنا ايتار العىسىنىڭ شەكسىز ەكەنىن، بۇدان كەيىن دە جالعاستى جاقسى وقىپ ءوزىنىڭ ۇزدىك ناتيجەسى ارقىلى وتاننىڭ، قوعامنىڭ، اتا - اناسىنىڭ، جەبەۋشى بولعان اعاسىنىڭ ءۇمىتىن اقتايتىنىن ايتا كەلىپ : «قىسقى دەمالىسقا تاراپ اۋىلعا كەلگەننەن كەيىن، قىستاقتىڭ سان- سالالى جۇمىستارىنا كومەكتەستىم، مەملەكەتتىڭ وقۋ - وقىتۋ قوسىمشا قاراجاتتارىن كەشىرىم ەتۋدەي ءتيىمدى ساياساتىنىڭ جەبەۋىندە مەنىڭ ازدا بولسا جەتكەن ناتيجەمدى جوعارى باعالاعان قىستاق ۇيىمى اقشالاي سيلاپ - ماداقتاسا، وسى رەتكى قيمىلعا قاتىناسقان لي يىڭرۋ اعايىمنىڭ دا قۋانشى قوينىنا سيماي ساحنادا تۇرعان ماعان 5000 يۋان اقشا بەرىپ، ءتىپتى دە قۇلشىنا تۇسۋىمە شابىت بەردى. بۇدان كەيىن مەن ۇزدىكىسىز قۇلشىنىپ جاقسى وقىپ، ۇزدىك ناتيجەم ارقىلى پارتيا مەن ۇكىمەتتىڭ شەكسىز قامقورلىعى مەن قىستاق ۇيىمىنىڭ، اتا - انامىنىڭ مەنى قولداعان لي يىڭرۋ اعايىمنىڭ ءۇمىتىن اقتايمىن»،- دەدى.
ۇعىسۋعا قاراعاندا، نىلقى اۋدانىنىڭ مىس اۋىلىنداعى ءار ۇلت ستۋدەنتتەرى قىسقى دەمالىس ۋاقىتتارىنان ۇتىمدى پايدالانىپ، قىستاق پارتيا ياچەيكاسى مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ، سونداي- اق اۆتونوميالى رايوننىڭ ءتۇيىندى ورنالاستىرۋ رۋحىنا ساي، ساياسي مايداندى بەكەمدەپ، اتا مەكەندەرىن گۇلدەندىرۋ سىندى ءتۇرلى قوعامدىق ىستەرگە بەلسەنە ات سالىسىپ، پارتيانىڭ ساياساتىن ۇيرەنىپ، جاس ۇگىتشى بولۋعا، اۋىلداستارىن پارتيانىڭ ءسوزىن تىڭداپ، پارتيانىڭ شاپاعاتىن ۇعىنىپ، پارتياعا ىلەسۋگە ۇندەپ، ۇلتتار ىنتىماعىنا ءتيىمسىز ءسوز - ارەكەتتەردى باتىل تۇردە تەجەپ، ىرىقتىلىقپەن ۇلتتار ىنتىماعىن كوز قاراشىعىنداي قورعاپ، گۇلدەنىپ - كوركەيگەن جاراسىمدى، ورنىقتى، باي - باقىتتى تۇرمىستى قاستەرلەپ، قوعام ورنىقتىلىعى مەن باياندى تىنىشتىق سىندى باس نىسانانى جۇزەگە اسىرۋعا كۇش سالاتىن بەرىك سەنىمدەرىن ءبىلدىردى.
مىس اۋىلى قوڭىرادىر قىستاعىنىڭ پارتيا ياچەيكا شۋجيى، قىستاق باستعى دابىربەك اۋەلبەك ۇلى : «كوكتەم مەرەكەسىن قارسى الۋ بايلانىسىمەن بۇگىن قىستاعىمىزدا ‹ۇلتتار ىنتىماعىنىڭ بەرەكەلى شاڭىراعى› تاقىرىبىندا ستۋدەنتتەردىڭ دايىنداعان الۋان ءتۇرلى، باي مازمۇندى ويىن نومىرلەرى قويىلىپ، ءار ۇلت جۇرتشىلىعىنا رۋحاني ءلاززات باعىشتادى. سونىمەن بىرگە، اۋىلعا قايتىپ، قىستاعىمىزدىڭ ءتۇرلى جۇمىستارىنا بەلسەنە ات سالسىقان، جوعارى مەكتەپتە جاڭا تاپقىرلىقتارىمەن ۇزدىك ناتيجە جاراتقان ستۋدەنتتەردى سيلاۋ - ماداقتاۋ قيمىلىن وتكىزدىك. وتكەن جىلدان باستاپ قىستاعىمىزداعى جوعارى مەكتەپكە قابىلدانعان وقۋشىلاردى قىستاق كولەمىندە سيلاۋ - ماداقتاۋ قيمىلىن جولعا قويعانبىز. بيىل جوعارىدان تومەنگە دەيىن اۋىلعا قايتقان ستۋدەنتتەردىڭ قىستاق قىزمەتىنە كومەكتەسۋ تالابى بويىنشا قىستاعىمىزعا قايتىپ كەلگەن 49 ستۋدەنت قىستاقتىڭ سان - سالالى قىزمەتتەرىنە بەلسەنە كومەكتەستى. قىستاقتا اقىلداسۋ ارقىلى ءار جىلى 14 - اقپاندا جوعارى مەكتەپكە وتكەن ستۋدەنتتەردىڭ ۇيرەنۋدە ۇزدىك ناتيجە، جاڭا تاپقىرلىق جاراتقاندارىن سيلاۋ - ماداقتاۋ جيىنىن اشۋدى بەكىتتىك. ستۋدەنتتەردەن قۇرام تاپقان باسشىلىق گرۋپپا قۇرىپ، قىستاقتاعى ستۋدەنتتەردىڭ ءوزارا ۇيرەنۋى، تاجىريبە الماستىرۋىنا تاماشا شارت - جاعداي ازىرلەدىك ءارى بۇگىنگى قيمىلدا جوعارى مەكتەپتە ۇزدىك ناتيجە جاڭا تاپقىرلىق جاراتقان 9 ستۋدەنتتى اقشالاي سيلاپ، باسقا ستۋدەنتتەردىڭ دە جاقسى وقىپ، جاڭالىق جاراتۋىنا، بالدىرعان بالالاردىڭ وقۋعا ىنتالى بولۋىنا، اتا - انالارىنىڭ بالا وقىتۋعا بولعان تانىمىنىڭ جوعارىلاۋىنا تۇرتكىلىك رول اتقاردىق»،- دەدى.
ءتىلشىنىڭ قىزمەت ورنى : نىلقى اۋدانى مىس اۋىلى پارتكوم ۇگىت كەڭسەسى
