ءتاڭىرتاۋ تورابى   ›   جاڭالىقتار   ›   سپورت الەمى

شي جينپيڭ بەينەجازبا ارقىلى دۇنيە جۇزىندەگى دوستاردى 2022 - جىلى بەيجيڭدە باس قوسۋعا شاقىردى

23 - كەزەكتى قىسقى وليمپيادا كورەيانىڭ پيونچان قالاسىندا جابىلدى

  شينحۋا اگەنتتىگىنىڭ 25 - اقپاندا پيونچاننان بەرگەن حابارى (ءتىلشى جي يە). 23 - كەزەكتى قىسقى وليمپيادا 25 - اقپان كەشتە پيونچان وليمپيادا دەنە تاربيە الاڭىندا جابىلدى. كەلەسى كەزەكتەگى قىسقى وليمپيادانى وتكىزۋشى ەل رەتىندە جۇڭگو جابىلۋ سالتاناتىندا «2022 - جىلى بەيجيڭدە باس قوسايىق» تاقىرىبىندا 8 مينۋتتىق كونسەرتتىك قويىلىم ۇسىندى. مەملەكەت ءتوراعاسى شي جينپيڭ بەينەجازبا ارقىلى دۇنيە جۇزىنە 2022 - جىلى بەيجيڭدە باس قوسايىق دەگەن ىقىلاستى شاقىرۋ جاريالادى.

  پيونچان وليمپيادا دەنە تاربيە الاڭى ادامعا لىق تولدى، بولاشاققا نازار تاقىرىبىنداعى جابىلۋ سالتاناتىنىڭ كونسەرتتىك قويىلىمى ايرىقشا تاماشا ءوتتى. 17 كۇندىك قيان - كەسكى جارىسقا تۇسكەن سپورتشىلار جانە كورەرمەندەر وليمپيادا سپورتىنىڭ پيونچانداعى دوداسىنا نۇكتە قويىلعانىنا بىرگە كۋا بولدى. جابىلۋ سالتاناتىنىڭ سوڭىن الا «بەيجيڭ 8 مينۋت» كونسەرتتىك قويىلىمى سپورت الاڭىنىڭ دۋمانىن تاعى ءبىر مارتە بيىككە كوتەردى.

  ساحنادا دوڭگەلەكتى كونكي تەبەتىن 22 سپورتشى، «مىسىق ايۋ ەلشىسى» بولىپ جاسانعان 2 سپورتشى، سونداي - اق 24 اقىلدى قۇلتەمىر بىرگە حوككەي، كەرلينگ، شاڭعى سياقتى قىسقى سپورت تۇرلەرىنەن ونەر كورسەتتى. دوڭگەلەكتى كونكي سپورتشىلاردىڭ جۇرگەن ىزىمەن جانە جوعارى تەحنيكامەن جاسالعان بەينە - كەسكىن وزگەرىسى ارقىلى جۇڭگو تۇيىنشەگى، جۇڭگو ايداعارى، سامۇرىق، جوعارى قارقىندى تەمىر جول، ۇلكەن ۇشاق، عارىش اسپابى سياقتى جۇڭگو ەلەمەنتتەرى ىركەس - تىركەس كورىنىس بەرىپ، جۇڭگونىڭ تاريحي مادەنيەتى مەن ءداۋىر كەلبەتىن ايگىلەدى؛ بەيجيڭ قىسقى وليمپياداسىنىڭ جارىس گەربى «قىسقى ارمان»، كوك ءتۇستى جەر شارى، بالالاردىڭ شاتتىق بەينەسى، ءزايتۇن بۇتاعىمەن جانە ورىك گۇلىمەن توقىلعان گۇل شەڭبەر سياقتىلار ىركەس - تىركەس كورسەتىلىپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتكەن ءىرى ەلدىك جاۋاپكەرلىگىن ايگىلەدى.

  وسى ساتتە 2 «مىسىق ايۋ ەلشىسى» ەكرانعا شىقتى، ولار جۇڭگونىڭ ءار جەرىنەن جۇڭگو حالقىنىڭ دۇنيە جۇزىنە جولداعان ىقىلاستى شاقىرۋىن جيناپ ءجۇردى. وسىدان سوڭ، ەكراننان شي جينپيڭ كورىندى. ول بەينەجازبادا: «مەن جانە ميلليارد جۇڭگو حالقى دۇنيە جۇزىندەگى بارلىق دوستاردىڭ 2022 - جىلى بەيجيڭدە باس قوسۋىن قارسى الامىز! سىزدەردى قارسى الامىز، دوستاردى قارسى الامىز!»، - دەدى.

  ءسوز اياقتاي بەرە «مىسىق ايۋ ەلشىلەر» جۇڭگونىڭ دوستىق ىقىلاسىن كانۆەرتكە سالىپ، پيونچان وليمپيادا دەنە تاربيە الاڭىنا اكەلدى. ىلە - شالا ساحنانىڭ قاق ورتاسىنان ۇلكەن كانۆەرت كورىندى. كانۆەرت اشىلىپ، شي جينپيڭنىڭ جانە جۇڭگو حالقىنىڭ كۇلىمدەگەن جۇزدەرى جارقىراپ كورىنىپ، دۇنيە جۇزىنە شاقىرۋ جولدادى. كانۆەرتتىڭ استىڭعى جاعىنان 1924 - جىلعى تۇڭعىش قىسقى وليمپيادادان بەرگى 23 كەزەك قىسقى وليمپيادا وتكىزىلگەن جىلدار ىركەس - تىركەس كورسەتىلدى. جۇڭگونىڭ دوڭگەلەكتى كونكي سپورتشىلارى دوڭگەلەكتى كونكيمەن سىرعاناپ ساحناعا «2022» دەگەن جازۋ ءتۇسىرىپ، بەيجيڭ قىسقى وليمپياداسىنا دەگەن ارمان مەن تىلەكتى بەينەلەدى.

  8 مينۋتتىق كونسەرتتىك قويىلىمنان بۇرىن، حالىقارالىق وليمپيادا كوميتەتىنىڭ ءتوراعاسى باح وليمپيادا تۋىن بەيجيڭ قالاسىنىڭ باستىعى، بەيجيڭ قىسقى وليمپياداسىن ۇيىمداستىرۋ كوميسسياسىنىڭ اتقارۋشى ءتوراعاسى چىن جينيڭنىڭ قولىنا تاپسىردى. دەنە تاربيە الاڭىندا جۇڭحۋا حالىق رەسپۋبليكاسىنىڭ مەملەكەت ءانى اسقاق ورىندالىپ، بەس جۇلدىزدى نارت قىزىل تۋ كوتەرىلدى.

  مەملەكەت ءتوراعاسى شي جينپيڭنىڭ ەرەكشە ۋاكىلى، مەملەكەتتىك كەڭەستىڭ ورىنباسار زۇڭليى ليۋ ياندۇڭ جابىلۋ سالتاناتىنا قاتىناستى.

  2015 - جىلى 31 - شىلدەدە بەيجيڭ جاڭجياكوۋ قالاسىمەن بىرگە 2022 - جىلعى قىسقى وليمپيادانى وتكىزۋ ۇقىعىنا يە بولدى. پيونچان قىسقى وليمپيادا الاۋىنىڭ باياۋ سونۋىمەن قىسقى وليمپيادانىڭ «بەيجيڭ پەريودى» باستالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى