2-ايدىڭ 24 -كۇنى، ايالا ( سولدان 3 - ورىندا) بامبۋك تاقتايشانى قولىنا الىپ شە مىڭياۋ مەن بىرگە( سولدان 2 - ورىندا) وتباسىنداعىلارعا ۇلتتار ىنتىماعى تۋرالى تاقپاق ايتىپ بەرۋدە
بوساعالىق جاپسىرىپ، شىراقتارادى اسىپ، كوكتەم مەرەكەسىندە ىنتىماعىمىز جاراستى.ءاربىر وتباسىنا بارىپ، تۋىسشىلاپ، جاڭا جىلدى قۇتتى قاداممەن قارسى الدىق.
2-ايدىڭ 24 - كۇنى، شينجياڭ شيحۋ قالاسى جاڭا قالا رايونى ۋىن -دى جولى الەۋمەتتىك اۋماعىنىڭ كىشكەنتاي ۇگىتشىسى ايالا ەربول قىزى ۇيىنە كەلگەن تۋىستارىنا قولىنا بامبۋك تاياقشاسىن الىپ، ۇلتتار ىنىتىماعى تۋرالى اسەرلى اڭگىمەلەرىن تاقپاقتاپ ايتىپ بەردى. تۋىستارى قىزۋ شاپالاق ۇنىمەن ونىڭ ونەرىن القاستى.
ايالا مەن شە مىڭياۋ ەكەۋى ءارى كورشى ءارى ساباقتاس. كوپ جىلداردان بەرى ەكى سەميانىڭ قارىم - قاتىناسى ايتارلىقتاي جاقسى. ارالاسىپ، بارىپ - كەلىپ جۇرگەندىكتەن، بالالارى دا جاقسى دوس بولىپ كەتتى. ايالا شە مىڭياۋ ەكەۋىنىڭ اراسىنداعى قىزىقتى اڭگىمەلەردى « كوڭىلدى اپەكە - سىڭىلدەر» دەگەن اتپەن تاقپاق قىلىپ، تالاي رەتكى لەكسيا جارىسىندا ايتىپ شىقتى، سونىمەن قاتار، جاقسى ناتيجەلەرگە دە قول جەتكىزدى.
وسى جولى ولاردىڭ كوكتەم مەرەكەسىندەگى 3 - رەتكى باس قوسۋى، شاعانعا قاراعان ءتۇن مەن جاڭا جىلدىڭ 1- كۇنى ايالا اتا -اناسىن ەرتىپ، دۋتاي اۋىلى جانە جيۋجيانلۋ اۋىلدىعىنا تۋىستارىن مەرەكەمەن قۇتتىقتاعالى كەلدى. ءبىر شاڭىراق استىندا، بىرلىكتە تاماقتانىپ، ۇيىنە قايتقاننان كەيىن، كورگەن - بىلگەنىن تۋىس - تۋعان دوس - جاراندارىنا تاقپاق ارقىلى جەتكىزدى. ول « كوكتەم مەرەكەسى — جۇڭحۋا ۇلتتارىنىڭ ورتاق مەرەكەسى، بيلىعى كوكتەم مەرەكەسى وتكەن جىلداعىدان وزگەشە، ءماندى دە ماعىنالى بولدى. كورشىلەر ارا، ساباقتاستار ارا ىنتىماقتى بولىپ، بارلىعىمىز الەۋمەتتىك اۋماقتا ءجيى باس قوسىپ تۇراتىن بولايىق! »، - دەپ اندەتتى.
ايالا كىشكەنتاي بولعانىمەن، ءار جولى الەۋمەتتىك اۋماقتاعى تۇرعىندارعا تاقپاق ايتىپ بەرىپ، ۇلتتاردىڭ ىنتىماعىن جىرلايدى. ول لەكسيا سويلەۋ بارىسىندا دۇڭ فىڭنۇي اپايدىڭ تۇرمىسىندا قيىنشىلىعى بار ەكەندىگىن ەستىگەننەن سوڭ، ول كىسىگە ءوزىنىڭ مەرەكەلىك اقشالارىن جيناپ، ءبىر مويىن سالى الىپ ۇسىنادى.
«اپا، مەرەكەڭىز قۇتتى بولسىن» ،- دەپ شىنايى سۇيىسپەنشىلىگىن جەتكىزگەن ايالاعا، دۇڭ فىڭنۇي اپاي: «بالام، راحىمەت! مەنىڭ جانە ءبىر نەمەرە قىزىم بار بولدى»،-دەپ قاباعات قۋاندى.
