ەرگۇل مۇقاتاي قىزى حابارلايدى. شاۋەشەك قالاسى 5-باستاۋىش مەكتەپتىڭ دۋبەك كوشە ءىس باسقارماسى حۇڭتۋ الەۋمەتتىك اۋعامىندا تۇراتىن قىزمەت اترەتىندەگىلەر الەۋمەتتىك اۋماق كادرلارىن ۇيىمداستىرىپ، قىزمەت اترەتىندەگىلەر مەن جۇپ قۇراعان وتباسى قاتارلى 6 ۇلتتان قۇرالعان 50 گە جۋىق ادامدى ۇيىمداستىرىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتتى.
قيمىلدا ءار ۇلت كادرلارى توپتىق حور «تۋىستار»ءانىن ايتىپ، قازاقشا جەكە ءان «تۋعان جەر»، «قاراجورعا» ءبيى جانە ساياساتتاردى جىرلاعان تاقپاق قاتارلى باي مازمۇندى ويىن نومىرلەرى ءار ۇلت حالقىنىڭ جۇرەك جاردى تىلەكتەرىن بەينەلەپ، جۇپ قۇراعان وتباسىلارى مەن قىزمەت اترەتىندەگىلەر ويىندى تاماشالاي وتىرىپ، اقتارىلا اڭگىمەلەسىپ، كوپشىلىك دۋماندى ءان - كۇي اراسىندا ءوزارا ءتۇسىنىسىپ، سۇيىسپەنشىلىكتەرىن تەرەڭدەتىپ، بارلىق حالىق بۇقاراسى مەن نەگىزگى ساتىعا تۇسكەن كادر بۇقارانىڭ كوڭىلىن ءبىر سەرپىلتىپ تاستادى.
بۇل رەتكى قيمىلدا كادرلار مەن بۇقارا ءوزارا تەرەڭ سۇيىسپەنشىلىك ورناتىپ، جۇرەكتەرى توعىسىپ، تۋىستىق قاتىناستارى نىعايىپ، الداعى جۇمىستاردى بىرگە اقىلداسىپ، ورتاق بەكىمگە كەلىپ، شارۋاشىلىقتارىن شالقىتۋدىڭ تىڭ ويلارىن تالقىلادى.
جۇپ قۇراعان وتباسى دۇيسەن ساپار ۇلى : «بۇگىن كوپشىلىك ءبىر اراعا باس قوسىپ، ءبي بيلەپ، ءان ايتىپ، ورتا وتە كوڭىلدى بولدى. وسى وتباسىنداعىلاردىڭ ماڭگى ىنتىماقتى بولىپ، كوبىرەك بارىس-كەلىس جاساپ، ۇنەمى حابارلاسىپ، دوستىعىمىزدىڭ بارعان سايىن تەرەڭدەي ءتۇسۋىن ءۇمىت ەتەمىن، ءبىز ماڭگى ءبىر وتباسىنىڭ ادامدارىمىز»،-دەيدى.
ۇلتتار ىنتىماعى — ءار ۇلت حالقىنىڭ تاتۋ - ءتاتتى بىرگە جاساۋىنىڭ، باقىتتى تۇرمىس كەشىرۋىنىڭ جان تامىرى. بۇل رەتكى قيمىل ارقىلى ءار ۇلت بۇقاراسى «ۇلتتار ىنتىماعىنىڭ بەرەكەلى شاڭىراعىن» شىنايى سەزىنىپ، ۇلتتار ىنتىماعىن جىرلاپ، دوستىق قاتىناس ورناتىپ، ءار ۇلت كادرلارى مەن بۇقاراسىن قول ۇستاسۋعا، جۇرەكتەس بولۋعا، دوستاسۋعا، كىربەڭدىكتى جويۋعا، ءبىر - ءبىرىن تەرەڭ تۇسىنۋگە، بالىق پەن سۋداي ەتەنە بولۋعا، ءوزارا قارايلاسۋعا مۇمكىندىك جاسالعان تاماشا بەت - بەينەنى ايگىلەدى.
ءتىلشىنىڭ قىزمەت ورنى : شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسى
