تيانشان تورى
تيانشان تورى   ›   ۇيرەنۋ   ›   نازاريا

جاڭا داۋىردەگى جۇڭگوشا سوتسياليزمگە تاباندى بولۋعا جانە ونى دامىتۋعا پارمەندى نەگىزگى زاڭ كەپىلىن ازىرلەيىك

  نەگىزگى زاڭ مەملەكەتتىڭ ءتۇبىرلى زاڭى، مەملەكەتتى باسقارىپ، ەلدى الاڭسىز ەتۋدىڭ باس ۋستاۆى، پارتيا مەن حالىق ەركىنىڭ شوعىرلى بەينەلەنۋى. پارتيا 19 - كەزەكتى ورتالىق كوميتەتىنىڭ ەكىنشى جالپى ءماجىلىسى «ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ جونىندەگى ۇسىنىسىن» ماقۇلدادى. نەگىزگى زاڭعا وزگەرىس ەنگىزۋ مەملەكەتتىڭ ساياسي تۇرمىسىنداعى ءىرى ءىس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ جالپى جاعدايى مەن ستراتەگيالىق تۇرعىسىنان جاساعان كەلەلى شەشىمى ءارى مەملەكەتتى زاڭمەن جاپپاي جونگە سالۋدى ىلگەرىلەتۋدەگى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى كەلەلى شاراسى. نەگىزگى زاڭعا وزگەرىس ەنگىزۋ ارقىلى پارتيا 19 - قۇرىلتايى تۇراقتاندىرعان ماڭىزدى نازاريالىق كوزقاراستار مەن ماڭىزدى باعىت - ساياساتتاردى مەملەكەتتىڭ ءتۇبىرلى زاڭىنا كىرگىزىپ، پارتيا مەن مەملەكەت ىستەرى دامۋىنىڭ تىڭ جەتىستىكتەرىن، تىڭ تاجىريبەلەرىن، تىڭ تالاپتارىن ايگىلەۋ − جاڭا داۋىردەگى جۇڭگوشا سوتسياليزمگە تاباندى بولۋعا جانە ونى دامىتۋعا، ءسوزسىز، پارمەندى نەگىزگى زاڭ كەپىلىن ازىرلەيدى.

  ءبىرىنشى، ەلىمىزدە قازىر جۇرگىزىلىپ وتىرعان نەگىزگى زاڭ مەملەكەت جاعدايىنا، ءىس جۇزىندىككە، ءداۋىردىڭ دامۋ تالابىنا ۇيلەسەتىن سارا نەگىزگى زاڭ، وعان، ءسوزسىز، ۇزاق ۋاقىت تاباندى بولۋ، جان - جاقتى دايەكتىلەندىرۋ كەرەك

  ەلىمىزدە قازىر جۇرگىزىلىپ وتىرعان نەگىزگى زاڭ پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى تۇراقتاندىرعان لۋشيان، باعىت - ساياساتتارعا ساي، 1982 - جىلى 4 - جەلتوقساندا مەملەكەتتىك 5 - كەزەكتى حالىق قۇرىلتايىنىڭ 5 - ماجىلىسىندە ماقۇلدانعان ءارى جاريالانىپ اتقارىلعان. ونان ارى قاراساق، 1982 - جىلعى نەگىزگى زاڭدى 1949 - جىلعى ۋاقىتتىق نەگىزگى زاڭ رولىنا يە «جۇڭگو حالىق ساياسي ءماسليحات كەڭەسىنىڭ ورتاق پروگرامماسىنىڭ»، 1954 - جىلعى «جۇڭحۋا حالىق رەسپۋبليكاسىنىڭ نەگىزگى زاڭىنىڭ» جالعاسۋى جانە دامۋى دەۋگە بولادى. ەلىمىزدىڭ نەگىزگى زاڭىنىڭ 70 جىلعا تاياۋ دامۋ بارىسىنا قايىرىلا قاراساق، ەلىمىزدىڭ نەگىزگى زاڭى پارتيا مەن حالىق جۇرگىزگەن ماشاقاتتى كۇرەسى مەن شۇعىلالى تابىستارىمەن تىعىز بايلانىستى، پارتيا مەن حالىق اشقان العا ىلگەرىلەۋ جولىمەن جانە جيناقتاعان قىمباتتى تاجىريبەسىمەن تىعىز بايلانىستى ەكەنىن بارىنشا سەزىنەمىز.

  ەلىمىزدىڭ نەگىزگى زاڭى مەملەكەتتىڭ ءتۇبىرلى زاڭى فورماسىمەن جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ توڭكەرىس، قۇرىلىس، رەفورما جۇرگىزۋدەي ۇلى كۇرەسىن جانە ءتۇبىرلى جەتىستىكتەرىن تۇراقتاندىرىپ، جۇمىسشى تابى باسشىلىعىنداعى جۇمىسشى - شارۋالار وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەتتىڭ مەملەكەت قۇرىلىمى مەن حالىق ۋاكىلدەرى قۇرىلتايى تۇزىمىندەي بيلىك قۇرىلىمىن ورناتىپ، مەملەكەتتىڭ ءتۇبىرلى مىندەتىن، باسشىلىق ۇيتقىسىن، جەتەكشى يدەياسىن، دامۋ جولىن، كۇرەس نىساناسىن تۇراقتاندىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي ءماسليحات ءتۇزىمىن، ۇلتتىق تەرريتوريالىق اۆتونوميا ءتۇزىمىن جانە نەگىزگى ساتىلارداعى بۇقارانىڭ ءوزىن - ءوزى باسقارۋ ءتۇزىمىن بەلگىلەدى، سوتسياليستىك زاڭمەن جونگە سالۋ پرينسيبىن، دەموكراتيالىق ورتالىقتاندىرۋ ءتۇزىمى پرينسيبىن، ادامدىق ۇقىققا قۇرمەت ەتۋ جانە قامتاماسىزداندىرۋ پرينسيبىن، پارتيا مەن مەملەكەتتىڭ جاڭا داۋىردەگى ءبىر قىدىرۋ كەلەلى باعىت - ساياساتتارى مەن ارەكەت ولشەمدەرىن، ت.ب بەلگىلەپ، ەلىمىزدەگى ءار ۇلت حالقىنىڭ ورتاق ەركى مەن ءتۇبىرلى مۇددەسىن ايگىلەدى.

  نەگىزگى زاڭ تۇبىرلىلىككە، جالپىلىققا، ورنىقتىلىققا، ۇزاق ۋاقىتتىلىققا يە. ەلىمىزدە قازىر جۇرگىزىلىپ وتىرعان نەگىزگى زاڭ جاريالانىپ اتقارىلعاننان بۇگىنگە دەيىن 36 جىل بولدى، اماليات مىنانى تولىق دالەلدەدى: نەگىزگى زاڭ ءوزىنىڭ ەڭ جوعارى زاڭدىق ورنى مەن قۇدىرەتتى زاڭدىق كۇشى ارقىلى جۇڭگو كوممۋنيستىك پارتياسىنىڭ باسشىلىعىندا پارمەندى تۇردە تاباندى بولىپ، حالىقتىڭ قوجا بولۋىن پارمەندى تۇردە قامتاماسىز ەتىپ، رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن پارمەندى تۇردە جەبەپ، سوتسياليستىك زاڭمەن جونگە سالۋ ءۇردىسىن پارمەندى تۇردە ىلگەرىلەتىپ، مەملەكەتتىڭ تۇتاستىعىن، ۇلتتار ىنتىماعىن، قوعامنىڭ ورنىقتىلىعىن پارمەندى تۇردە قورعادى، ول مەملەكەتىمىز بەن حالقىمىزدىڭ ءتۇرلى قيىنشىلىقتار مەن حاۋىپ - قاتەرلەردىڭ سىنىنان ءوتىپ، باستان - اياق جۇڭگوشا سوتسياليزم جولىمەن العا ىلگەرىلەۋىنىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىنىڭ ءتۇبىرلى زاڭدىق كەپىلى. ەلىمىزدىڭ نەگىزگى زاڭى تۇراقتاندىرعان ءبىر قىدىرۋ ءتۇزىم، پرينسيپ جانە بەلگىلەمەلەر، ءبىر قىدىرۋ ءىرى باعىت - ساياساتتار ايقىن باسىمدىققا، بەرىك نەگىزگە جانە قۇدىرەتتى ومىرشەڭدىك كۇشكە يە، ءسوزسىز، ۇزاق ۋاقىت تاباندى بولۋ، جان - جاقتى دايەكتىلەندىرۋ كەرەك.

  ەكىنشى، نەگىزگى زاڭ تەك ۇزدىكسىز جاڭا جاعدايعا سايكەسكەندە، جاڭا تاجىريبەلەردى قابىلداعاندا، جاڭا جەتىستىكتەردى تۇراقتاندىرعاندا، جاڭا بەلگىلەمەلەر جاساعاندا عانا، باياندى ومىرشەڭدىك كۇشكە يە بولادى

  ماتەرياليستىك تاريحي كوزقاراس زاڭ قوندىرمانىڭ ماڭىزدى قۇرامداس ءبولىمى رەتىندە بازيستىڭ وزگەرۋىنە ىلەسىپ وزگەرۋى كەرەك دەپ قارايدى. ەلىمىزدىڭ نەگىزگى زاڭىنىڭ دامۋ بارىسى دا وسىنداي. 1954 - جىلى ەلىمىزدىڭ تۇڭعىش نەگىزگى زاڭى دۇنيەگە كەلگەننەن قازىرگە دەيىن ەلىمىزدىڭ نەگىزگى زاڭى ىزدەنۋ امالياتى مەن ۇزدىكسىز كەمەلدەنۋ بارىسىن باستان كەشىرىپ كەلەدى، ارالىعىندا كەيبىر بۇرالاڭ جولداردى دا باستى.

  1982 - جىلى نەگىزگى زاڭ اتقارىلعاننان كەيىن، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ امالياتى مەن دامۋىنا ساي، پارتيا ورتالىق كوميتەتىنىڭ باسشىلىعىندا مەملەكەتتىك حالىق قۇرىلتايى 1988 - جىلى، 1993 - جىلى، 1999 - جىلى، 2004 - جىلى ىلگەرىندى - كەيىندى 4 رەت 1982 - جىلعى نەگىزگى زاڭنىڭ، ياعني ەلىمىزدە قازىر جۇرگىزىلىپ وتىرعان نەگىزگى زاڭنىڭ جەكەلەگەن تارماقتارىنا جانە ءىشىنارا مازمۇندارىنا قاجەتتى ءارى اسا ماڭىزدى وزگەرىستەر ەنگىزىپ، جيىنى نەگىزگى زاڭنىڭ 31 تارماعىنا وزگەرىس ەنگىزۋ جوباسىن ماقۇلدادى. مۇنىڭ ىشىندە 1988 - جىلعى 2 تارماققا وزگەرىس ەنگىزۋ جوباسى، 1993 - جىلعى 9 تارماققا وزگەرىس ەنگىزۋ جوباسى، 1999 - جىلعى 6 تارماققا وزگەرىس ەنگىزۋ جوباسى، 2004 - جىلعى 14 تارماققا وزگەرىس ەنگىزۋ جوباسى بار.

  جيناقتاپ ايتقاندا، نەگىزگى زاڭعا ەنگىزىلگەن 4 رەتكى وزگەرىستىڭ نەگىزگى مازمۇنى مىنالار: ءبىرىنشى، نەگىزگى زاڭنىڭ العى ءسوزىنىڭ 7 - ابزاتىسىنداعى قاتىستى مازمۇنعا ىلگەرىندى - كەيىندى 3 رەت وزگەرىس ەنگىزىپ، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، سوتسياليزمنىڭ العاشقى كەزەڭى، جۇڭگوشا سوتسياليزم جولى، سوتسياليستىك بازار شارۋاشىلىعىن دامىتۋ، زاتتىق وركەنيەتتىڭ، ماتەريالدىق وركەنيەتتىڭ، ساياسي وركەنيەتتىڭ جانە رۋحاني وركەنيەتتىڭ سايكەستى دامۋىن جەبەۋ، ەلىمىزدى باي، قۇدىرەتتى، دەموكراتيالى، وركەنيەتتى سوتسياليستىك ەل ەتىپ قۇرۋ سياقتى مازمۇنداردى جەكە - جەكە نەگىزگى زاڭعا جازىپ كىرگىزدى. ەكىنشى، نەگىزگى زاڭنىڭ العى ءسوزىنىڭ 10 - ابزاتىسىنداعى قاتىستى مازمۇنعا 2 رەت وزگەرىس ەنگىزىپ، جۇڭگو كوممۋنيستىك پارتياسى باسشىلىق ەتكەن كوپ پارتيا سەلبەستىگى مەن ساياسي ءماسليحات كەڭەسى ءتۇزىمىن جانە ەڭبەكشىلەر، قۇرىلىسشىلار مەن وتانشىلداردى قامتىعان كەڭ كولەمدى وتانشىلدىق بىرلىكساپتى جەكە - جەكە نەگىزگى زاڭعا جازىپ كىرگىزدى. ءۇشىنشى، نەگىزگى زاڭنىڭ 5 - تارماعىنا وزگەرىس ەنگىزىپ، مەملەكەتتى زاڭمەن جونگە سالۋدى جۇرگىزۋدى، سوتسياليستىك زاڭمەن جونگە سالىناتىن مەملەكەت قۇرۋدى بەلگىلەدى. ءتورتىنشى، نەگىزگى زاڭنىڭ 6 - تارماعىنا وزگەرىس ەنگىزىپ، سوتسياليزمنىڭ العاشقى كەزەڭىندەگى نەگىزگى شارۋاشىلىق ءتۇزىمى مەن ءبولىس ءتۇزىمىن بەلگىلەدى. بەسىنشى، نەگىزگى زاڭنىڭ 8 - تارماعىنا 2 رەت وزگەرىس ەنگىزىپ، وتباسىلاردىڭ كوتەرمەگە الۋى نەگىز ەتىلگەن، تيجاراتتىڭ ءبىرىڭعايلىق پەن بىتىراندىلىق ۇشتاستىرىلعان قوس جۇيەلى ءتۇزىلىسىن ەنگىزۋدى بەلگىلەدى. التىنشى، نەگىزگى زاڭنىڭ 11 - تارماعىنا ىلگەرىندى - كەيىندى 3 رەت وزگەرىس ەنگىزىپ، جالپىلىق مەنشىككە جاتپايتىن شارۋاشىلىقتىڭ ورنى مەن مەملەكەتتىڭ جالپىلىق مەنشىككە جاتپايتىن شارۋاشىلىق جونىندەگى باعىت - ساياساتتارىن بەلگىلەدى. جەتىنشى، نەگىزگى زاڭنىڭ 14 - تارماعىنا وزگەرىس ەنگىزىپ، مەملەكەتتىڭ ەكونوميكانىڭ دامۋ ورەسىنە ساي كەلەتىن قوعامدىق قامتاماسىزداندىرۋ ءتۇزىمىن ورناتۋىن جانە كەمەلدەندىرۋىن بەلگىلەدى. سەگىزىنشى، نەگىزگى زاڭنىڭ 15 - تارماعىنا وزگەرىس ەنگىزىپ، مەملەكەتتىڭ سوتسياليستىك بازار شارۋاشىلىعىن جۇرگىزۋىن بەلگىلەدى. توعىزىنشى، نەگىزگى زاڭنىڭ 33 - تارماعىنا وزگەرىس ەنگىزىپ، مەملەكەتتىڭ ادامدىق ۇقىققا قۇرمەت ەتۋىن جانە ونى قامتاماسىز ەتۋىن بەلگىلەدى. ونىنشى، نەگىزگى زاڭنىڭ 81 - تارماعىنا وزگەرىس ەنگىزىپ، مەملەكەت ءتوراعاسىنىڭ مەملەكەت ىستەرى قيمىلدارىن جۇرگىزۋىن بەلگىلەدى. مۇنان سىرت، جەردەن پايدالانۋ ۇقىعىن زاڭ بويىنشا وتكەرمەلەۋگە بولادى، ازاماتتاردىڭ زاڭدى جەكە مال - مۇلكىنە سوقتىعۋعا بولمايدى، ازاماتتاردىڭ جەكە مال - مۇلكىن پايدالانۋعا الۋ، جيناپ الۋ جانە تولەم بەرۋ، اۋدان، اۋىل حالىق قۇرىلتايلارىنىڭ مىندەت ۋاقىتىن 3 جىلدان 5 جىلعا وزگەرتۋ، شۇعىل جاعداي، ەلىمىزدىڭ مەملەكەت ءانى سياقتىلارعا تولىقتاۋ جاسالدى جانە كەمەلدەندىرىلدى.

  جالپى العاندا، نەگىزگى زاڭعا جاسالعان 4 رەتكى وزگەرىس ەنگىزۋدىڭ مازمۇنى پارتيانىڭ حالىققا باسشىلىق ەتىپ جۇرگىزگەن رەفورما جاساپ، ەسىك اشۋىنىڭ جانە سوتسياليستىك وسىزامانداندىرۋ قۇرىلىسىنىڭ ءساتتى تاجىريبەلەرىن تولىق ايگىلەپ، جۇڭگوشا ەرەكشەلىككە يە سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ دامۋ جەتىستىكتەرىن تولىق ايگىلەپ، ەلىمىزدىڭ ساياسي، ەكونوميكاسىنا جانە قوعامدىق تۇرمىسىنا، وندىرىسىنە اسا ماڭىزدى ىقپال جاسادى. نەگىزگى زاڭعا 4 رەت وزگەرىس ەنگىزۋ ارقىلى ەلىمىزدىڭ نەگىزگى زاڭى جۇڭگوشا سوتسياليزمنىڭ ۇلى امالياتىندا ءداۋىردىڭ ىلگەرىلەۋ قادامىنا تىعىز ىلەسىپ، داۋىرمەن بىرگە ۇزدىكسىز ىلگەرىلەپ، پارتيا مەن مەملەكەت ىستەرىنىڭ دامۋىن پارمەندى ىلگەرىلەتتى جانە قامتاماسىزداندىردى، ەلىمىزدىڭ سوتسياليستىك زاڭمەن جونگە سالۋ قۇرىلىسىن پارمەندى ىلگەرىلەتتى جانە كۇشەيتتى.

  ءۇشىنشى، جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ جاڭا جاعدايىنا، جاڭا امالياتىنا ساي، ەلىمىز نەگىزگى زاڭىنىڭ ۇلاسپالىلىعىن، ورنىقتىلىعىن، بەدەلدىلىلىگىن ساقتاۋ نەگىزىندە ەلىمىزدىڭ نەگىزگى زاڭىنا لايىقتى وزگەرىس ەنگىزۋ قاجەتتى بولدى

  جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقان 40 جىلعا جۋىق ۋاقىتتان بەرى، نەگىزگى زاڭ پارتيامىزدىڭ ەل باسقارۋ قيمىلىندا اسا ماڭىزدى ورىنعا جانە رولعا يە بولىپ كەلەدى. پارتيا 18 - قۇرىلتايىنان بەرى، باس شۋجي شي جينپيڭ مىنانى كوپ رەت دارىپتەدى: مەملەكەتتى زاڭمەن جونگە سالۋعا تاباندى بولۋدا، ەڭ الدىمەن، مەملەكەتتى نەگىزگى زاڭمەن جونگە سالۋعا تاباندى بولۋ، زاڭ بويىنشا بيلىك جۇرگىزۋگە تاباندى بولۋدا، ەڭ الدىمەن، نەگىزگى زاڭ بويىنشا بيلىك جۇرگىزۋگە تاباندى بولۋ كەرەك. نەگىزگى زاڭ − مەملەكەتتىڭ ءتۇبىرلى زاڭى، ەڭ جوعارعى زاڭى. نەگىزگى زاڭنىڭ جاڭا داۋىردەگى جۇڭگوشا سوتسياليزمگە تاباندى بولۋداعى جانە ونى دامىتۋداعى، مەملەكەتتى جاپپاي زاڭمەن جونگە سالۋدى ىلگەرىلەتۋدەگى ماڭىزدى رولىن ونان ارى ويداعىداي ساۋلەلەندىرۋ ءۇشىن، نەگىزگى زاڭعا لايىقتى وزگەرىس ەنگىزۋدى ويلاستىرۋ قاجەت بولدى.

  پارتيا 19 - قۇرىلتايى بايانداماسىن جانە 19 - قۇرىلتايداعى پارتيا ۋستاۆىن دايىنداۋ بارىسىندا، جەر - جەر، تاراۋلار پارتيا 19 - قۇرىلتايىنىڭ رۋحىن ۇيرەنۋ بارىسىندا كوپتەگەن ورىندار مەن جولداستار مىنانى ورتاعا قويدى: پارتيا 19 - قۇرىلتايىنىڭ رۋحىنا ساي، ەلىمىزدىڭ نەگىزگى زاڭىنا قاجەتتى وزگەرىس ەنگىزگەن ءجون، پارتيا مەن حالىقتىڭ امالياتتا قول جەتكىزگەن ماڭىزدى نازاريالىق جاڭالىق اشۋ، امالياتتىق جاڭالىق اشۋ، تۇزىمدىك جاڭالىق اشۋ تابىستارىن، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مەملەكەتتىڭ ءتۇبىرلى زاڭى ارقىلى تۇراقتاندىرىپ، ونى بۇكىل ەلدەگى ءار ۇلت حالقىنىڭ ورتاق ولشەمىنە اينالدىرۋ، مەملەكەت ىستەرىنىڭ، ءار جاقتاعى قىزمەتتىڭ قيمىل ولشەمىنە اينالدىرۋ كەرەك.

  پارتيا ورتالىق كوميتەتىنىڭ نەگىزگى زاڭعا لايىقتى وزگەرىس ەنگىزۋ جونىندەگى ۇيعارىمى قايتا - قايتا تولعانۋ، ءار جاقتاعى جاعدايدى جان - جاقتىلى ويلاستىرۋ ارقىلى جاسالعان، ونىڭ ماقساتى وزگەرىس ەنگىزۋ ارقىلى ەلىمىز نەگىزگى زاڭىنىڭ حالىقتىڭ ەركىن اناعۇرلىم تولىق ايگىلەۋىنە، جۇڭگوشا سوتسياليستىك ءتۇزىمنىڭ باسىمدىعىن اناعۇرلىم ويداعىداي ايگىلەۋىنە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ تالابىنا اناعۇرلىم ويداعىداي ۇيلەسۋىنە مۇمكىندىك جاساۋ. پارتيا 19 - قۇرىلتايىندا بەلگىلەنگەن ماڭىزدى نازاريالىق كوزقاراستار مەن ماڭىزدى باعىت - ساياساتتار، پارتيا مەن مەملەكەت ىستەرىنىڭ دامۋىنداعى جاڭا تابىستار، جاڭا تاجىريبەلەر، جاڭا تالاپتار، شي جينپيڭنىڭ جاڭا ءداۋىر جۇڭگوشا سوتسياليزم يدەياسى، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ءتۇبىرلى ەرەكشەلىگى، مەملەكەت ءتوراعاسىنىڭ مىندەت وتەۋ مەرزىمى، مىندەت وتەۋ ءتۇزىمىن كەمەلدەندىرۋ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ سياقتى نەگىزگى زاڭعا وزگەرىس ەنگىزۋگە ساياتىن مازمۇنداردى مەملەكەتتىڭ ءتۇبىرلى زاڭىنا ەنگىزۋ ەرەكشە قاجەتتى، كەزەك كۇتتىرمەيدى. بۇل پارتيانىڭ 19 - قۇرىلتايىنىڭ رۋحىن جانە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋدە، مەملەكەتتى زاڭمەن جونگە سالۋدى تەرەڭدەتۋدە، مەملەكەتتى نەگىزگى زاڭمەن جونگە سالۋدا، زاڭمەن جونگە سالۋ ارناسىندا جۇڭگوشا سوتسياليزمگە ءتىپتى دە جاقسى تاباندى بولۋ جانە ونى دامىتۋدا، بۇكىل ەلدەگى ءار ۇلت حالقىن جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋگە كەڭىنەن جۇمىلدىرۋدا جانە ۇيىمداستىرۋدا كەلەلى جانە تەرەڭ مانگە يە.

  ءتورتىنشى، نەگىزگى زاڭعا وزگەرىس ەنگىزۋدە، ءسوز جوق، پارتيانىڭ باسشىلىعىنا تاباندى بولۋ، دەموكراتيانى تولىق ساۋلەلەندىرۋ، زاڭ بويىنشا، ءتارتىپ بويىنشا قاتاڭ جۇرگىزۋ، نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ كەرەك، ۇلكەن وزگەرىس جاسالمايدى

  پارتيانىڭ نەگىزگى زاڭعا وزگەرىس ەنگىزۋگە باسشىلىق ەتۋىنە تاباندى بولۋ كەرەك. پارتيانىڭ باسشىلىعى − مەملەكەتتى زاڭمەن جونگە سالۋدى جاپپاي ىلگەرىلەتىپ، سوتسياليستىك زاڭمەن جونگە سالىناتىن مەملەكەت قۇرۋدىڭ ەڭ ءتۇبىرلى كەپىلى. جاڭا جۇڭگونىڭ نەگىزگى زاڭ ءتۇزىمىنىڭ 70 جىلعا جۋىق دامۋ بارىسىنان الىپ قاراعاندا، نەگىزگى زاڭ جاساۋ، الدە نەگىزگى زاڭعا وزگەرىس ەنگىزۋلەر بولسىن، بارلىعى جۇڭگو كوممۋنيستىك پارتياسىنىڭ باسشىلىعىندا جۇرگىزىلگەن. پارتيا حالىققا باسشىلىق ەتىپ نەگىزگى زاڭدى جاساپ، نەگىزگى زاڭدى اتقارىپ، نەگىزگى زاڭدى قورعايدى، بۇل ەلىمىز نەگىزگى زاڭى قيمىلىنىڭ كورنەكتى ەرەكشەلىگى، سونداي - اق، ءسوز جوق، تاباندى بولاتىن جانە دايەكتىلەندىرەتىن ماڭىزدى پرينسيپ. بۇل رەت نەگىزگى زاڭعا وزگەرىس ەنگىزۋدە، ءسوز جوق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەپ، جۇڭگوشا سوتسياليستىك ساياسي دامۋ جولىنان جانە جۇڭگوشا سوتسياليستىك زاڭمەن جونگە سالۋ جولىنان اۋىتقىماي، پارتيانىڭ ورتالىقتانعان ءبىر تۇتاس باسشىلىعىن نەگىزگى زاڭعا وزگەرىس ەنگىزۋ قىزمەتىنىڭ جالپى بارىسىنا جانە ءار جاعىنا ساباقتاستىرىپ، نەگىزگى زاڭعا وزگەرىس ەنگىزۋ قىزمەتىنىڭ دۇرىس ساياسي باعىتىنا كەپىلدىك ەتۋ كەرەك.

  نەگىزگى زاڭعا وزگەرىس ەنگىزۋدە، ءسوز جوق، دەموكراتيانى تولىق ساۋلەلەندىرىپ، كوپتىڭ اقىلىن قورىتۋ كەرەك. نەگىزگى زاڭعا وزگەرىس ەنگىزۋ جالپى جاعدايعا سايادى، ونىڭ ىقپالى كەڭ ءارى تەرەڭ، پارتيا مەن حالىق ىستەرىنىڭ دامۋ تالابىنا ۇيلەسۋمەن بىرگە، نەگىزگى زاڭ مەن زاڭداردىڭ دامۋ زاڭدىلىعىنا دا بويسۇنۋ كەرەك. ەلىمىزدە نەگىزگى زاڭ جاسالۋ جانە وعان بىرنەشە رەت وزگەرىس ەنگىزىلۋ بارىسىندا تۇگەلدەي الەۋمەتتىڭ كەڭىنەن ات سالىسۋىنا ايرىقشا ءمان بەرىلگەن. نەگىزگى زاڭ جوباسىنىڭ جاريالانۋى 1954 - جىلى نەگىزگى زاڭنىڭ جاسالۋىنان باستالادى. 1982 - جىلى نەگىزگى زاڭعا وزگەرىس ەنگىزگەن كەزدە، مەملەكەتتىك 5 - كەزەكتى حالىق قۇرىلتايى تۇراقتى كوميتەتى نەگىزگى زاڭ جوباسىن اشىق جاريالاپ، كەڭىنەن پىكىر جيناعان. قازىر اتقارىلىپ وتىرعان نەگىزگى زاڭعا نەشە رەتكى وزگەرىس ەنگىزۋدىڭ بارىندە پارتيانىڭ ىشكى دەموكراتياسى مەن حالىق دەموكراتياسىنىڭ جالپىلىق باسىمدىعىن ساۋلەلەندىرۋگە ءمان بەرىلىپ، ءتۇرلى فورمالار جانە ارنالار ارقىلى تولىق پىكىر جينالىپ، مەملەكەتتىك حالىق قۇرىلتايى ۋاكىلدەرىنىڭ پىكىر - ۇسىنىستارى مۇقيات تىڭدالىپ، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە حالىقتىق ۇيىمداردىڭ پىكىر - ۇسىنىستارى مۇقيات تىڭدالىپ، زەرتتەۋ، دالەلدەۋ جانە كەڭەس الۋ قىزمەتى كۇشەيتىلگەن. بۇكىل پارتيانىڭ، بۇكىل ەلدىڭ پاراساتىن شوعىرلاندىرۋ ارقىلى قوعامنىڭ ءار سالاسىن نەگىزگى زاڭعا وزگەرىس ەنگىزۋ تۋرالى ورتاق تانىمعا كەڭىنەن ۇيىستىرۋعا، نەگىزگى زاڭنىڭ پارتيا مەن حالىقتىڭ ورتاق ەركىن بەينەلەۋىنە كەپىلدىك ەتۋگە، بۇكىل پارتيانىڭ، بۇكىل ەلدەگى ءار ۇلت حالقىنىڭ شىن جۇرەكتەن قولداۋىنا قول جەتكىزۋگە بولادى.

  نەگىزگى زاڭعا وزگەرىس ەنگىزۋدى زاڭ بويىنشا، ءتارتىپ بويىنشا جۇرگىزۋ كەرەك. نەگىزگى زاڭنىڭ 64 - تارماعىنىڭ 1 - تارماقشاسىندا: «نەگىزگى زاڭعا وزگەرىستەر ەنگىزۋدى مەملەكەتتىك حالىق قۇرىلتايىنىڭ تۇراقتى كوميتەتى نەمەسە مەملەكەتتىك حالىق قۇرىلتايى ۋاكىلدەرىنىڭ بەستەن بىرىنەن كوبى ۇسىنادى، سونداي - اق مەملەكەتتىك حالىق قۇرىلتايى جالپى ۋاكىلدەرىنىڭ ۇشتەن ەكىسىنەن كوبىنىڭ داۋىسىمەن قابىلدانادى» دەپ بەلگىلەنگەن. «ج ك پ ورتالىق كوميتەتىنىڭ مەملەكەتتى زاڭمەن جونگە سالۋدى جاپپاي ىلگەرىلەتۋدەگى كەلەلى ماسەلەلەر جونىندەگى قارارىندا» بىلاي دەپ ورتاعا قويىلعان: «پارتيا ورتالىق كوميتەتى مەملەكەتتىك حالىق قۇرىلتايىنا نەگىزگى زاڭعا وزگەرىس ەنگىزۋ جونىندە ۇسىنىس بەرەدى، نەگىزگى زاڭدا بەلگىلەنگەن تارتىپتەر بويىنشا نەگىزگى زاڭعا وزگەرىس ەنگىزىلەدى». وسى بەلگىلەمەلەردىڭ رۋحى جانە نەگىزگى زاڭعا وزگەرىس ەنگىزۋدىڭ بۇرىنعى امالياتتارى نەگىزىندە نەگىزگى زاڭعا وزگەرىس ەنگىزۋ 2 كەزەڭگە بولىنەدى. 1 - كەزەڭدە پارتيا ورتالىق كوميتەتى نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ تۋرالى ۇسىنىس ورتاعا قويىپ، مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا تاپسىرادى. 2 - كەزەڭدە مەملەكەتتىك حالىق قۇرىلتايى تۇراقتى كوميتەتى تالقىلاۋ ارقىلى «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن» دايىنداپ، مەملەكەتتىك حالىق قۇرىلتايى ءماجىلىسىنىڭ قاراۋىنا جانە ماقۇلداۋىنا ۇسىنادى. وسى رەت نەگىزگى زاڭعا وزگەرىس ەنگىزۋدە پارتيا ورتالىق كوميتەتى ورتالىق كوميتەتتىڭ ءبىر رەتكى جالپى ءماجىلىسى ارقىلى نەگىزگى زاڭعا وزگەرىس ەنگىزۋ ماسەلەسىن ارنايى تالقىلادى، بۇل پارتيامىز تاريحىندا تۇڭعىش رەت بولىپ وتىر، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نەگىزگى زاڭعا وزگەرىس ەنگىزۋگە ايرىقشا ءمان بەرەتىنىن، مەملەكەتتى زاڭمەن جونگە سالۋعا، مەملەكەتتى نەگىزگى زاڭمەن جونگە سالۋعا ايرىقشا ءمان بەرەتىنىن تولىق ايگىلەدى.

  نەگىزگى زاڭنىڭ ءىشىنارا مازمۇندارىنا وزگەرىس ەنگىزىلەدى، ۇلكەن وزگەرىس جاسالمايدى. نەگىزگى زاڭعا وزگەرىس ەنگىزۋدە، ءسوز جوق، توتەنشە اباي بولۋ، نەگىزگى زاڭنىڭ دامۋ زاڭدىلىعىنا بويسۇنۋ، نەگىزگى زاڭ ءتۇزىمىنىڭ ەرەكشەلىگىن ايگىلەۋ كەرەك. ەلىمىزدىڭ قازىر اتقارىلىپ وتىرعان نەگىزگى زاڭىنىڭ نەگىزگى تۇلعالىق مازمۇنى جاقسى، جالپى جاقتان قاراعاندا ۇيلەسىمدى، وزگەرىس ەنگىزىلەتىن مازمۇندار ءىشىنارا جانە تولىقتاۋ سيپاتىنداعى مازمۇندارعا جاتادى. ءار جاقتىڭ جاپپاي تالابى بويىنشا وزگەرىس ەنگىزىلەتىن، امالياتتان كەمەلدىلىگى دالەلدەنگەن، كەڭ ورتاق تانىمعا يە، نەگىزگى زاڭدا ايگىلەۋ قاجەتتى جۇيەلى، وزگەرتپەسە بولمايتىن مازمۇندارعا قاجەتتى، لايىقتى وزگەرىس ەنگىزۋ؛ وزگەرتسە دە، وزگەرتپەسە دە بولاتىن، قاتىستى زاڭدار نەمەسە نەگىزگى زاڭعا تۇسىنىكتەر ارقىلى ايقىنداۋعا بولاتىن مازمۇنداردى پرينسيپتىك جاقتا وزگەرتپەۋ، نەگىزگى زاڭنىڭ ۇلاسپالىلىعى مەن ورنىقتىلىعىن قۇلشىنا ساقتاۋ، نەگىزگى زاڭنىڭ بەدەلدىلىلىگىن قورعاۋ كەرەك.

  بەسىنشى، نەگىزگى زاڭعا وزگەرىس ەنگىزۋدىڭ جالپىلىق تالابىن دايەكتىلەندىرىپ، جاڭا داۋىردەگى جۇڭگوشا سوتسياليزمگە تاباندى بولۋعا جانە ونى دامىتۋعا پارمەندى نەگىزگى زاڭدىق كەپىل ازىرلەيىك

  وسى رەت نەگىزگى زاڭعا وزگەرىس ەنگىزۋدەگى جالپى تالاپ مىناداي: جۇڭگوشا سوتسياليزم ۇلى تۋىن بيىك ۇستاۋ، پارتيا 19 - قۇرىلتايىنىڭ رۋحىن جاپپاي دايەكتىلەندىرۋ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋ، پارتيانىڭ باسشىلىعىن، حالىقتىڭ قوجا بولۋىن، مەملەكەتتى زاڭمەن جونگە سالۋدى ورگانيكالى ۇشتاستىرۋدان جازباۋ، پارتيا 19 - قۇرىلتايى تۇراقتاندىرعان ەلەۋلى نازاريالىق كوزقاراستار مەن كەلەلى باعىت - ساياساتتاردى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مەملەكەتتىڭ ءتۇبىرلى زاڭىنا ەنگىزۋ، پارتيا مەن مەملەكەت ىستەرىنىڭ دامۋىنداعى جاڭا جەتىستىكتەردى، جاڭا تاجىريبەلەردى، جاڭا تالاپتاردى ايگىلەۋ، ەلىمىزدىڭ قازىرگى نەگىزگى زاڭىنىڭ باياندىلىعى مەن ورنىقتىلىعىن تۇلعالىق جاقتان ساقتاۋ نەگىزىندە نەگىزگى زاڭنىڭ داۋىرمەن بىرگە العا باسۋىن، كەمەلدەنۋىن، دامۋىن جەبەۋ، جاڭا داۋىردەگى جۇڭگوشا سوتسياليزمگە تاباندى بولۋ جانە ونى دامىتۋ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى نەگىزگى زاڭمەن پارمەندى قامتاماسىزداندىرۋ.

  جوعارىدا ايتىلعان جالپى تالاپتى دايەكتىلەندىرىپ، «ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇنىنا وزگەرىس ەنگىزۋ جونىندەگى ۇسىنىسى» «عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن» ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن بىرگە جازىپ، ونىڭ مەملەكەتتىڭ ساياسي جانە قوعامدىق ومىرىندەگى جەتەكشىلىك ورنىن تۇراقتاندىرادى؛ جۇڭگوشا سوتسياليزم ءىسى جونىندەگى تۇلعالىق ورنالاستىرۋ مەن ەكىنشى 100 جىلدىق كۇرەس نىساناسىنىڭ مازمۇنىن رەتتەپ، تولىقتاپ، ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتۋدى ايقىنداپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەيگەن سوتسياليستىك وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرادى؛ مەملەكەتتى زاڭمەن جونگە سالۋ مەن نەگىزگى زاڭدى اتقارۋ شارالارىن كەمەلدەندىرىپ، سوتسياليستىك زاڭمەن جونگە سالۋدى اقاۋسىزداندىرۋدى ايقىنداپ، نەگىزگى زاڭعا سەرت بەرۋ ءتۇزىمىن اتقارىپ، رايون قۇرعان قالالاردىڭ جەرگىلىكتى سيپاتتى زاڭ - ەرەجە شىعارۋ بەلگىلەمەلەرىن ارتتىرادى؛ ەلىمىزدىڭ توڭكەرىس، قۇرىلىس ىستەرىنىڭ دامۋ بارىسىنا قاتىستى مازمۇنداردى تولىقتاپ، كەمەلدەندىرىپ، پارتيا مەن حالىقتىڭ ىنتىماقتاسا كۇرەس جۇرگىزۋ شۇعىلالى بارىسىن ونان ارى كەمەلدەندىرەدى؛ وتانشىلدىق بىرلىكساپ پەن ۇلت قاتىناسى مازمۇنىن تولىقتاپ، كەمەلدەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كەڭ كولەمدە وڭ ەنەرگيا توپتايدى؛ بەيبىت ديپلوماتيالىق ساياسات جاعىنداعى مازمۇنداردى تولىقتاپ، بەيبىت دامۋ جولىنان جازباۋدى ايقىنداپ، ءوزارا پايدا جەتكىزۋ، ورتاق يگىلىكتەنۋ، ەسىك اشۋ ستراتەگياسىنان جازباي، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەيدى؛ جۇڭگو كوممۋنيستىك پارتياسىنىڭ باسشىلىعىنا تاباندى بولۋ جانە ونى نىعايتۋ مازمۇنىن تولىقتاپ، جۇڭگو كوممۋنيستىك پارتياسى باسشىلىعىنىڭ جۇڭگوشا سوتسياليزمنىڭ ەڭ ماندىك ەرەكشەلىگى ەكەندىگىن ايقىندايدى؛ سوتسياليستىك ۇيتقىلىق قۇن كوزقاراسىن دارىپتەۋ مازمۇنىن ارتتىرىپ، بۇكىل پارتيانىڭ، بۇكىل ەلىمىزدەگى ءار ۇلت حالقىنىڭ ىنتىماقتاسا كۇرەس جۇرگىزۋ ورتاق يدەيالىق ءمورال نەگىزىن بەكەمدەيدى؛ نەگىزگى زاڭداعى مەملەكەت ءتوراعاسىنىڭ مىندەت وتەۋ مەرزىم شەگىنە قاتىستى بەلگىلەمەلەرگە وزگەرىس ەنگىزىپ، مەملەكەتتىڭ باسشىلىق ءتۇزىلىسىن نىعايتادى جانە كەمەلدەندىرەدى؛ باقىلاۋ - تەكسەرۋ كوميتەتىنە قاتىستى بەلگىلەمەلەردى كوبەيتىپ، باقىلاۋ - تەكسەرۋ كوميتەتىن قۇرۋدى نەگىزگى زاڭ نەگىزىمەن قامدايدى.

  نەگىزگى زاڭنىڭ عۇمىرى ونىڭ اتقارىلۋىندا، نەگىزگى زاڭنىڭ بەدەلى دە ونىڭ اتقارىلۋىندا. نەگىزگى زاڭدى جاپپاي دايەكتىلەندىرۋ، اتقارۋ − سوتسياليستىك زاڭمەن جونگە سالىنعان ەل قۇرۋداعى ماڭداي الدى مىندەت جانە نەگىزدىك سيپاتتى قىزمەت. نەگىزگى زاڭعا وزگەرىس ەنگىزۋ نەگىزگى زاڭدى ءتىپتى دە ويداعىداي اتقارۋ، نەگىزگى زاڭنىڭ مەملەكەتتىڭ ءتۇبىرلى زاڭىندىق رولىن ءتىپتى دە ويداعىداي ساۋلەلەندىرۋ ءۇشىن بولىپ تابىلادى. ءبىز نەگىزگى زاڭدى اتقارۋدى جاڭا داۋىردە مەملەكەتتى جاپپاي زاڭمەن جونگە سالۋداعى كورنەكتى ورىنعا قويىپ، ءبىرسىپىرا پارمەندى شارالار قولدانىپ، نەگىزگى زاڭدى اتقارۋ جانە باقىلاۋ قىزمەتىن كۇشەيتىپ، نەگىزگى زاڭنىڭ اتقارىلۋىن ساياسي جانە ءتۇزىم جاعىنان پارمەندى قامتاماسىزداندىرۋعا كەپىلدىك ەتىپ، نەگىزگى زاڭعا وزگەرىس ەنگىزۋ بايلانىسىمەن نەگىزگى زاڭدى جاپپاي دايەكتىلەندىرۋدى، اتقارۋدى تىڭ ورەگە كوتەرەيىك.

  (شينحۋا اگەنتتىگىنىڭ 25 - اقپاندا بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.