تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايون شينجياڭعا كومەكتەسۋشى ولكە، قالالاردىڭ الدىڭعى شەپ قولباسشىلىق شتابى مەن ورتالىق ورىنداردان شينجياڭعا كومەككە كەلگەن كادرلاردىڭ ءوزىن باسقارۋ كوميسسياسى جاۋاپتىلارىنىڭ ءماجىلىسىن وتكىزدى

  چىن چۋانگو بەكىتپە جازدى، لي پىڭشين ءسوز سويلەدى

  ءتىلشىمىز دۇڭ شاۋحۋا 28 - اقپاندا ۇرىمجىدەن حابارلايدى. اۆتونوميالى رايون 28 - اقپاندا شينجياڭعا كومەكتەسۋشى ولكە، قالالاردىڭ الدىڭعى شەپ قولباسشىلىق شتابى مەن ورتالىق ورىنداردان شينجياڭعا كومەككە كەلگەن كادرلاردىڭ ءوزىن باسقارۋ كوميسسياسى جاۋاپتىلارىنىڭ ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ءبىرىنشى، ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، تاجىريبەلەردى قورىتىندىلاپ جانە اۋىستىرىپ، جاعدايدى زەرتتەپ، تالداۋ جاساپ، بيىلعى شينجياڭعا كومەكتەسۋ قىزمەتتەرىن ورنالاستىرۋدى باسا دارىپتەدى.

  اۆتونوميالى رايوندىق پارتكومنىڭ شۋجيى چىن چۋانگو كادر - دارىندىلار ارقىلى شينجياڭعا كومەكتەسۋ قىزمەتى جونىندە بەكىتپە جازدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن ءماجىلىستى باسقاردى، اۆتونوميالى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ءتوراعا جاڭ چۇنلين ءسوز سويلەدى. بيڭتۋان پارتكومىنىڭ تۇراقتى مۇشەسى، ورىنباسار ساياسي كوميسسارى، ۇيىمداستىرۋ ءبولىمىنىڭ باستىعى ليۋ جيانميڭ ماجىلىسكە قاتىناستى.

  چىن چۋانگو كادر - دارىندىلار ارقىلى شينجياڭعا كومەكتەسۋ قىزمەتىندە ءبىر جىلدان بەرى قول جەتكىزگەن كورنەكتى تابىستاردى جانە شينجياڭعا كومەككە كەلگەن كادرلاردىڭ شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ساۋلەلەندىرگەن ماڭىزدى رولىن تولىق تۇراقتاندىردى. چىن چۋانگو مىنانى اتاپ كورسەتتى: بيىل پارتيا 19 - قۇرىلتايىنىڭ رۋحىن دايەكتىلەندىرۋدىڭ باستاما جىلى، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋدەگى، «13 - بەسجىلدىق» جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ءبىر جىل، شينجياڭعا كومەكتەسۋ قىزمەتى جونىنەن دە وتە ماڭىزدى. قاتىستى تاراپتار مەن شينجياڭعا كومەككە كەلگەن كادر - دارىندىلار ۇيتقىنى قورعاۋعا ءتىپتى دە تاباندىلىقپەن ادال بولۋ، «4 تانىمدى» شىنايى كۇشەيتىپ، باس شۋجي شي جينپيڭنىڭ پارتيا ورتالىق كوميتەتىندەگى، بۇكىل پارتياداعى ۇيتقىلىق ورنىن باستاماشىلدىقپەن قورعاپ، ساياسي تۇرعى، ساياسي باعدار، ساياسي پرينسيپ، ساياسي جولدا قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ؛ سەنىم نەگىزىن ءتىپتى دە سانالىلىقپەن بەكەمدەۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، بەرىك سەنىم ورناتۋ، ابسوليۋتتى ادال بولۋ، بورىش، جاۋاپكەرلىك ارقالاۋ؛ نازاردى باس نىساناعا ءتىپتى دە ىرىقتىلىقپەن شوعىرلاندىرىپ، «3 قيان - كەسكى شايقاستى» شىنىمەن ويداعىداي جۇرگىزۋ، «ءبىر حالىقتىق سوعىستا» جەڭىسكە جەتۋ، «3 بىرلەسىپ قيمىلداۋدى» ورىنداۋ، قوعامدىق جالپى جاعدايدىڭ جاراسىمدىلىعى، ورنىقتىلىعى بارىسىندا ءتىپتى دە ۇلكەن جاۋاپكەرلىك ارقالاۋىن ىلگەرىلەتۋ؛ شينجياڭعا كومەكتەسۋ قىزمەتىن ءتىپتى دە ءونىمدى ىلگەرىلەتىپ، «التىدان اۋىتقىماۋ» سىندى ءتۇيىندى مىندەتتى ارقاۋ ەتىپ، شينجياڭنىڭ رەفورماسىنا، دامۋىنا، ورنىقتىلىعىنا قاتىستى ءتۇبىرلى، نەگىزگى، ۇزاق بولاشاقتىق ماسەلەلەرگە دالمە - ءدال كۇش سالىپ، شينجياڭعا باعىتتامالى كومەكتەسۋ كولەمىنىڭ كەڭەيۋىنە، تەرەڭدەۋىنە، كۇشەيۋىنە كۇش سالۋ؛ تاماشا وبراز ورناتۋعا ءتىپتى دە ءمان بەرىپ، ساياسي تارتىپكە، ۇيىمدىق تارتىپكە، پاكتىك تارتىبىنە، قىزمەت تارتىبىنە، تۇرمىس تارتىبىنە جانە بولشەكتەۋشىلىككە قارسى تۇرۋ كۇرەسىنىڭ تارتىبىنە قاتاڭ بويسۇنىپ، تاماشا بەينەمەن، تىڭعىلىقتى قىزمەت ناتيجەسىمەن كەرەمەت جاۋاپ قايتارىپ، جۇڭگوشا سوتسياليستىك شينجياڭ قۇرۋ ءۇشىن ءتىپتى دە زور ۇلەس قوسۋ كەرەك.

  ماجىلىستە مىنالار اتاپ كورسەتىلدى: شينجياڭعا باعىتتامالى كومەكتەسۋ قىزمەتىن ويداعىداي ىستەۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنە قاراپ ساپ تۇزەۋدەگى جاندى اماليات، شينجياڭنىڭ بۇكىل ەلمەن بىرگە جاپپاي دوڭگەلەك داۋلەتتى قوعام ورناتۋىنا دەم بەرۋدەگى، بىرگە اۋقاتتانۋعا قادام تاستاۋىنداعى ستراتەگيالىق شارا بولۋمەن بىرگە، جاڭا داۋىردە جوعارى ساپالى، ماماندانعان كادرلار قوسىنىن قۇرۋداعى ماڭىزدى تەكشە سانالادى. شينجياڭعا كومەكتەسەتىن كادر - دارىندىلاردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن شىنايى بىرلىككە كەلتىرىپ، پارتيا ورتالىق كوميتەتىنىڭ ورنالاستىرۋ، تالاپتارىمەن بىرلىككە كەلتىرىپ، بەرىك بەكىممەن باس شۋجي شي جينپيڭنىڭ پارتيا ورتالىق كوميتەتىندەگى، بۇكىل پارتياداعى ۇيتقىلىق ورنىن قورعاۋداعى ءىس جۇزىندىك ارەكەتىنە اينالدىرۋلارىن، جاڭا داۋىردە شينجياڭعا باعىتتامالى كومەكتەسۋ قىزمەتىندەگى سان سالالى قىزمەتتەردى ويداعىداي ىستەپ، شينجياڭعا كومەكتەسۋ ارقىلى كەدەيلەردى سۇيەمەلدەۋ، كاسىپ سالاسى ارقىلى شينجياڭعا كومەكتەسۋ، عىلىم - تەحنيكا، وقۋ - اعارتۋ ارقىلى شينجياڭعا كومەكتەسىپ، دارىندىلار ارقىلى شينجياڭعا كومەكتەسىپ، ۇلتتار ىنتىماعى مەن نەگىزگى ساتى قۇرىلىسىنىڭ جاڭا جاعدايىن جاراتۋعا قۇلشىنۋلارىن ءۇمىت ەتەمىن.

  ءماجىلىس مىنالاردى اتاپ كورسەتتى: شينجياڭعا كومەكتەسەتىن كادر - دارىندىلار ساياسي قۇرىلىستى كۇشەيتىپ، «4 تانىمدى» بەرىك ورناتۋى؛ يدەيالىق قۇرىلىستى كۇشەيتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋدى تاباندىلىقپەن ويداعىداي مىقتى يگەرۋى؛ قابىلەت قۇرىلىسىن كۇشەيتۋدە شينجياڭنىڭ رەفورما، دامۋ، ورنىقتىلىعىنا قاتىستى ماسەلەدە ءتىپتى دە زور جاۋاپكەرشىلىك ارقالاۋدى كۇشەيتۋى؛ ستيل قۇرىلىسىن كۇشەيتۋدە قىزمەتتى شوگەلدىكپەن، جان قيارلىقپەن ىستەپ، شينجياڭعا كومەكتەسەتىن كادر - دارىندىلاردىڭ ادال، پاك، جاۋاپكەرشىلىك ارقالاۋداي تاماشا وبرازىن سومداۋدى كۇشەيتۋى قاجەت. ماجىلىستە مىنالار باسا دارىپتەلدى: نازاردى باس نىساناعا شوعىرلاندىرىپ، ورنىقتىلىقتى قورعاۋ قىزمەتىن كۇش سالا ويداعىداي ىستەپ، شينجياڭنىڭ كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋىنە قولداۋ كورسەتىپ، كومەككە يە بولعان ورىنداعى بۇقارانىڭ سول ماڭدا كاسىپتەنۋى مەن ىشكى ولكەگە بارىپ كاسىپتەنۋ ءورىسىن كەڭەيتىپ، وقۋ - اعارتۋ ارقىلى شينجياڭعا كومەكتەسۋ، نەگىزگى ساتى نەگىزدىك قۇرىلىسى قاتارلى قىزمەتتەردى جالپىلىق ورنالاستىرۋدى ويداعىداي جۇرگىزۋى كەرەك.

  ماجىلىستە فۋجيان ولكەسى، حۋنان ولكەسى، گۋاڭدۇڭ ولكەسى، بەيجيڭ قالاسى، جىجياڭ ولكەسى، لياۋنيڭ ولكەسى جانە حىنان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنداعى جانە ورتالىقتاعى ورىنداردان شينجياڭعا كومەككە كەلگەن كادرلاردىڭ ءوزىن باسقارۋ كوميسسياسىنىڭ ۋاكىلدەرى ءوزارا پىكىر اۋىستىردى.

  اۆتونوميالى رايوننىڭ جانە بيڭتۋاننىڭ قاتىستى تاراۋىنداعى جاۋاپتى جولداستار، سونداي - اق 9 - توپتا شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنداعى جانە ورتالىقتاعى ورىنداردان شينجياڭعا كومەككە كەلگەن كادرلاردىڭ ءوزىن باسقارۋ كوميسسياسىنىڭ قاتىستى جولداستارى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.