− پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ تۋرالى (1)
قۇرىلىمدار رەفورماسى − ءبىر رەتكى وزىندىك توڭكەرىس، ءبىر رەتكى مەملەكەتتى جونگە سالۋداعى تەرەڭ وزگەرىس.
پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە «ج ك پ ورتالىق كوميتەتىنىڭ پارتيا مەن مەملەكەتتىڭ قۇرىلىمدار رەفورماسىن تەرەڭدەتۋ جونىندەگى قارارى» مەن «پارتيا مەن مەملەكەتتىڭ قۇرىلىمدار رەفورماسىن تەرەڭدەتۋ جوباسى» قاراپ ماقۇلداندى، بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ دامۋ جالپى جاعدايى تۇرعىسىنان، جاڭا داۋىردەگى جۇڭگوشا سوتسياليزمنىڭ دامۋ تالابىنا ساي شىعارعان ماڭىزدى شەشىمى مەن ورنالاستىرۋى، رەفورمانى جاپپاي تەرەڭدەتۋ باس نىساناسىن جۇزەگە اسىرۋدى كوزدە ۇستاعان كەلەلى تۇزىمدىك ورنالاستىرۋى، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى تەرەڭ وزگەرىس، پارتيانىڭ بيلىك جۇرگىزۋ قابىلەتى مەن باسشىلىق ەتۋ ورەسىن جوعارىلاتۋ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن كەڭ كولەمدە جۇمىلدىرۋ، مەملەكەت پەن قوعامدى ۇتىمدى جونگە سالۋ، پارتيا مەن مەملەكەت ىستەرىنىڭ دامۋىن جەبەۋ جونىنەن جاپپاي ماڭىزدى ءمان الادى ءارى ماڭىزدى رول اتقارادى.
پارتيا مەن مەملەكەت قۇرىلىمدارىنىڭ فۋنكتسيالىق جۇيەسى − جۇڭگوشا سوتسياليستىك ءتۇزىمنىڭ ماڭىزدى قۇرامداس ءبولىمى، پارتيامىزدىڭ ەل باسقارۋداعى ماڭىزدى كەپىلى. پارتيا 18 - قۇرىلتايىنان بەرى، پارتيامىز جۇڭگوشا سوتسياليستىك ءتۇزىمدى كەمەلدەندىرۋ، دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ باس نىساناسىن مىقتاپ ارقاۋ ەتىپ، رەفورمانى جاپپاي تەرەڭدەتتى. پارتيانىڭ باسشىلىعىن كۇشەيتىپ، ماسەلەنى نىشان ەتۋدەن جازباي، ءتۇيىندى سالالاردى كورنەكتىلەندىرگەن 5 جىلدان استام ۋاقىتتان بەرى، پارتيامىز پارتيا مەن مەملەكەت قۇرىلىمدارى رەفورماسىن كۇش سالا تەرەڭدەتىپ، ءبىرسىپىرا ماڭىزدى سالالار مەن شەشۋشى بۋىنداردا ەلەۋلى ىلگەرىلەۋشىلىككە قول جەتكىزىپ، پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزۋدى، تاريحي سيپاتتى وزگەرىستەر تۋدىرۋدى پارمەندى قامتاماسىزداندىردى.
ايتسەدە مىنالاردى دا، ءسوز جوق، كورە ءبىلۋىمىز كەرەك: جاڭا ءداۋىر، جاڭا مىندەت العا قويعان جاڭا تالاپ پارتيا مەن مەملەكەت قۇرىلىمدارىن قۇرۋ جانە فۋنكتسياسىن سەپتەۋ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوبالاپ ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ تالابىمەن دەرلىكتەي ۇيلەسىپ كەتكەن جوق، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جۇزەگە اسىرۋ تالابىمەن دەرلىكتەي ۇيلەسىپ كەتكەن جوق. ماسەلەن، ءىشىنارا سالالاردا پارتيا قۇرىلىمىن قۇرۋ مەن فۋنكتسياسىن سەپتەۋ ءالى كەمەلدى، پارمەندى ەمەس، پارتيانىڭ جان - جاقتى باسشىلىعىن قامتاماسىزداندىرۋ، پارتيانى جاپپاي قاتاڭ جونگە سالۋ ءتۇزىلىسىن ىلگەرىلەتۋ مەحانيزمىن ءالى كەمەلدەندىرە تۇسۋگە تۋرا كەلەدى؛ ءىشىنارا ۇكىمەت قۇرىلىمدارىن سەپتەۋ جانە قىزمەت جاۋاپكەرشىلىگىن ايىرۋ دەرلىكتەي عىلمي ەمەس، قىزمەت جاۋاپكەرشىلىگى ورىندالماۋ، ونىمدىلىك جوعارى بولماۋ ماسەلەسى كورنەكتى، ۇكىمەت فۋنكتسياسىنا بۇرىلىس جاساۋ ءالى جەتەرسىز؛ ءىشىنارا سالالاردا ۇقىق جۇرگىزۋدى تەجەۋ، باقىلاۋ مەحانيزمى كەمەلدى ەمەس، قىزمەت ۇقىعىن الباتى ىستەتۋ، ۇقىعىنان پايدالانىپ قارا باسىنىڭ قامىن كۇيتتەۋ ماسەلەسى ءالى دە ورىن تەبۋدە، ت ب. وسى ماسەلەلەر مىقتى يگەرىلمەيتىن بولسا، پارتيا 19 - قۇرىلتايىندا تۇراقتاندىرىلعان ايبىندى نىسانانىڭ جۇزەگە اسۋىنا نۇقسان جەتەدى، پارتيا مەن مەملەكەت ىستەرىنىڭ ءساتتى دامۋىنا ىقپال جەتەدى.
جاڭا داۋىردە پارتيامىز ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرۋ ءۇشىن، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى، ءسوزسىز جەدەلدەتىپ، ءتىپتى دە تولىسقان، ءتىپتى دە تۇراقتى جۇڭگوشا سوتسياليزم ءتۇزىمىن قۇلشىنا قالىپتاستىرۋ كەرەك. بۇل پارتيامىزدىڭ الدىنداعى اۋىر مىندەت. ەلىمىز دامۋىنىڭ جاڭا تاريحي ورنىندا ەلىمىز قوعامىنداعى باستى قايشىلىق وزگەردى، پارتيا 19 - قۇرىلتايىندا سۋرەتتەلگەن جاڭا ءداۋىردىڭ ۇلى جوباسى ءبىزدىڭ قۇرىلىمداردى عىلمي سەپتەۋ، فۋنكتسيانى ۇيلەسىمدى سايكەستىرۋ، شتاتتى ءبىر تۇتاس پايدالانۋ، ءتۇزىلىس مەحانيزمىن كەمەلدەندىرۋ ارقىلى بايلىقتى ورنالاستىرۋدا بازارعا شەشۋشى رول اتقارتۋىمىزدى، ۇكىمەتتىڭ رولىن ءتىپتى دە جاقسى ساۋلەلەندىرۋىمىزدى، پارتيا مەن مەملەكەت ىستەرىنىڭ دامۋىن ءتىپتى دە ويداعىداي ىلگەرىلەتۋىمىزدى، حالىقتىڭ كۇننەن - كۇنگە ارتقان تاماشا تۇرمىسقا دەگەن سۇرانىسىن ءتىپتى دە جاقسى قاناعاتتاندىرۋىمىزدى، ادامنىڭ جاپپاي دامۋىن، قوعامنىڭ جاپپاي العا باسۋىن، حالىقتىڭ بىرگە بايۋىن ءتىپتى دە جاقسى ىلگەرىلەتۋىمىزدى شۇعىل تالاپ ەتىپ وتىر. وسى ماعىنادان العاندا، پارتيا مەن مەملەكەت قۇرىلىمدارى رەفورماسىن تەرەڭدەتۋ سىندى مەملەكەتتى جونگە سالۋدى وسىزامانداندىرۋدى ىلگەرىلەتەتىن تەرەڭ وزگەرىس، ءسوز جوق، ەلىمىز ەكونوميكاسىنىڭ، قوعامىنىڭ دامۋىندا تەرەڭ وزگەرىس بولۋىن ىلگەرىلەتەدى.
بيىل رەفورما جاساپ، ەسىك اشۋدىڭ 40 جىلدىعى. رەفورمانى ەسكە الۋدىڭ ەڭ ابزال ءتاسىلى اسۋلاردى باعىندىرىپ، وزەندەردى نوقتالاۋ رۋحىمەن رەفورما جاساپ، ەسىك اشۋدا ۇزدىكسىز تىڭ تابىستارعا قول جەتكىزىپ، رەفورمانى سوڭىنا دەيىن جالعاستىرۋ. پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جاڭا داۋىردە جۇڭگوشا سوتسياليزمگە تاباندى بولۋدىڭ جانە مۇنى دامىتۋدىڭ تابيعي تالابى، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن كۇشەيتۋدىڭ تابيعي تالابى، سوتسياليستىك ءتۇزىمىنىڭ ءوز - ءوزىن كەمەلدەندىرۋى مەن دامىتۋىنىڭ تابيعي تالابى، «قوس 100 جىلدىق» كۇرەس نىساناسىن ىسكە اسىرۋدىڭ، سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن ىسكە اسىرۋدىڭ تابيعي تالابى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ رۋحىن دەن قويا ۇيرەنىپ، يدەيانى بىرلىككە كەلتىرىپ، سەنىمدى بەكەمدەپ، ورايدى مىقتاپ يگەرىپ، جىگەرلەنە رەفورما جاساپ، پارتيا مەن مەملەكەت قۇرىلىمدارىنىڭ فۋنكتسيا جۇيەسىندە ساقتالعان كەدەرگىلەر مەن ولقىلىقتاردى الاستاپ، جۇيەسى كەمەلدى، عىلمي دا ولشەمدى، اينالىمى ۇتىمدى پارتيا مەن مەملەكەت قۇرىلىمدارىنىڭ فۋنكتسيا جۇيەسىن ۇزدىكسىز قۇرىپ، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋ، سوتسياليستىك وسىزاماندانعان مەملەكەت قۇرۋدىڭ تىڭ اياق الىسىن جاپپاي باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن پارمەندى ءتۇزىم كەپىلىن ازىرلەۋىمىز كەرەك.
