شۋان لي
پارتيا 19 - كەزەكتى ورتالىق كوميتەتىنىڭ ەكىنشى جالپى ءماجىلىسى قاراپ ماقۇلداعان «ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇندارىنا وزگەرىس ەنگىزۋ جونىندەگى ۇسىنىسى» دەموكراتيانى تولىق ساۋلەلەندىرىپ، ورتاق تانىمدى كەڭىنەن ۇيىستىرۋ نەگىزىندە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزۋدى ورتاعا قويدى. بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەپ، پارتيانىڭ دارىپتەمەلەرى مەن حالىقتىڭ ەركىنىڭ وسكەلەڭ بىرلىگىن ايگىلەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسەتىن ورتاق يدەيالىق نەگىزىن بەكەمدەپ، جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋ جونىنەن كەلەلى رەالدىق مانگە جانە تەرەڭ تاريحي مانگە يە.
ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزىپ، پارتيانىڭ جەتەكشى يدەياسىن مەملەكەتتىڭ جەتەكشى يدەياسىنا اينالدىرۋ پارتيا مەن مەملەكەت ىستەرىنىڭ دامۋىنىڭ كوكەي تەستى قاجەتى ءارى ەلىمىزدىڭ نەگىزگى زاڭىنىڭ كەمەلدەنۋىنىڭ، دامۋىنىڭ ىشكى ماندىك تالابى
نەگىزگى زاڭ − مەملەكەتتىڭ ءتۇبىرلى زاڭى، مەملەكەتتى باسقارىپ، ەلدى الاڭسىز ەتۋدىڭ باس ۋستاۆى، پارتيا مەن حالىق ەركىنىڭ شوعىرلى بەينەسى. ەلىمىزدە قازىر اتقارىلىپ وتىرعان نەگىزگى زاڭ جاريالانعاننان بەرى، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تاريحي بارىسىندا، پارتيامىزدىڭ ەل باسقارۋ امالياتىندا اسا ماڭىزدى رول اتقاردى. ەلىمىزدىڭ نەگىزگى زاڭىندا ايقىندالعان ءبىر قىدىرۋ تۇزىمدەر، پرينسيپتەر مەن ەرەجەلەر، تۇراقتاندىرىلعان ءبىر قىدىرۋ ءىرى باعىت - ساياساتتار ەلىمىزدەگى ءار ۇلت حالقىنىڭ ورتاق ەركى مەن ءتۇبىرلى مۇددەسىن بەينەلەدى، ول مەملەكەتىمىز بەن حالقىمىزدىڭ ءتۇرلى قيىنشىلىقتار مەن حاۋىپ - قاتەرلەردىڭ سىنىنان ءوتىپ، باستان - اياق جۇڭگوشا سوتسياليزم جولىمەن العا ىلگەرىلەۋىنىڭ ءتۇبىرلى زاڭدىق كەپىلى. رەفورما جاساپ، ەسىك اشقاننان بەرى ەلىمىزدىڭ ءار جاقتارداعى ىستەردى دامىتۋدا قول جەتكىزگەن زور جەتىستىكتەرىن نەگىزگى زاڭنىڭ كەپىلدىك ەتۋىنەن، ونى ىلگەرىلەتۋىنەن بولە قاراۋعا بولمايدى؛ ەلىمىزدىڭ سوتسياليستىك دەموكراتيالىق زاڭمەن جونگە سالۋ قۇرىلىسى قول جەتكىزگەن زور جەتىستىكتەردىڭ بارىنەن نەگىزگى زاڭ رۋحىنىڭ شۇعىلاسى ساۋلە شاشادى.
1954 - جىلى ەلىمىزدىڭ تۇڭعىش نەگىزگى زاڭى دۇنيەگە كەلگەننەن قازىرگە دەيىن، ەلىمىزدىڭ نەگىزگى زاڭى ىزدەنۋ امالياتى مەن ۇزدىكسىز كەمەلدەنۋ بارىسىن باستان كەشىرىپ كەلەدى. 1982 - جىلى نەگىزگى زاڭ جاريالانىپ اتقارىلعاننان كەيىن، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ امالياتى مەن دامۋىنا ساي، پارتيا ورتالىق كوميتەتىنىڭ باسشىلىعىندا مەملەكەتتىك حالىق قۇرىلتايى 1988 - جىلى، 1993 - جىلى، 1999 - جىلى، 2004 - جىلى 4 رەت 1982 - جىلعى نەگىزگى زاڭنىڭ، ياعني ەلىمىزدە قازىر اتقارىلىپ وتىرعان نەگىزگى زاڭنىڭ ءىشىنارا تارماقتارىنا جانە ءىشىنارا مازمۇندارىنا قاجەتتى ءارى اسا ماڭىزدى وزگەرىستەر ەنگىزىپ، جيىنى نەگىزگى زاڭنىڭ 31 تارماعىنا وزگەرىس ەنگىزۋ جوباسىن ماقۇلدادى، مۇنداعى نەگىزگى ماقسات − پارتيا مەن حالىق جاراتقان ۇلى جەتىستىكتەر مەن قىمباتتى تاجىريبەلەردى مەملەكەتتىڭ نەگىزگى زاڭىنىڭ بەلگىلەمەسى دارەجەسىنە كوتەرۋ. مۇندا، 1999 - جىلى 15 - ناۋرىزدا مەملەكەتتىك 9 - كەزەكتى حالىق قۇرىلتايىنىڭ 2 - ءماجىلىسى ماقۇلداعان نەگىزگى زاڭعا وزگەرىس ەنگىزۋ جوباسىندا 12 - تارماق رەتىندە دىڭ شياۋپيڭ نازارياسى نەگىزگى زاڭعا كىرگىزىلىپ، 2004 - جىلى 14 - ناۋرىزدا مەملەكەتتىك 10 - كەزەكتى حالىق قۇرىلتايىنىڭ 2 - ءماجىلىسى ماقۇلداعان نەگىزگى زاڭعا وزگەرىس ەنگىزۋ جوباسىندا 18 - تارماق رەتىندە «ۇشكە ۋاكىلدىك ەتۋ» ماڭىزدى يدەياسى نەگىزگى زاڭعا كىرگىزىلىپ، ەلىمىزدىڭ رەفورما جاساپ، ەسىك اشۋىندا جانە سوتسياليستىك وسىزامانداندىرۋ قۇرىلىسىندا ماڭىزدى جەتەكشىلىك رول اتقاردى. اماليات نەگىزگى زاڭعا وزگەرىس ەنگىزۋ ارقىلى پارتيانىڭ جەتەكشى يدەياسىن مەملەكەتتىڭ جەتەكشى يدەياسى ەتىپ دەر كەزىندە تۇراقتاندىرىپ، پارتيانىڭ دارىپتەمەلەرىنىڭ، مەملەكەتتىڭ ەركىنىڭ، حالىقتىڭ تىلەگىنىڭ وسكەلەڭ بىرلىگىن جۇزەگە اسىرۋ پارتيا مەن مەملەكەت ىستەرىن دامىتۋ جونىنەن توتەنشە ماڭىزدى ەكەنىن دالەلدەدى. بۇل رەفورما جاساپ، ەسىك اشقاننان بەرگى پارتيامىزدىڭ ەل باسقارۋداعى تابىستى تاجىريبەسى ءارى ەلىمىزدىڭ نەگىزگى زاڭىنىڭ داۋىرمەن بىرگە ىلگەرىلەۋىنىڭ، كەمەلدەنىپ دامۋىنىڭ ىشكى ماندىك تالابى.
پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ كوپتەگەن جاڭا تاريحي ەرەكشەلىكتەرگە يە ۇلى كۇرەستەردى ەرلىكپەن جۇرگىزىپ، جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ كەرەك، جۇڭگوشا سوتسياليزمگە قالاي تاباندى بولۋ جانە ونى دامىتۋ كەرەك دەگەن ماڭىزدى ءداۋىر تاقىرىبىنا جاقسى جاۋاپ بەرۋدى ارقاۋ ەتە وتىرىپ، ەل باسقارۋداعى ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاراتىپ، پارتيا مەن مەملەكەت ىستەرىنىڭ تاريحي جەتىستىكتەرگە قول جەتكىزۋىن، تاريحي وزگەرىستەر تۋىلۋىن ىلگەرىلەتىپ، جۇڭگوشا سوتسياليزمدى جاڭا داۋىرگە وتكىزدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ جاڭا جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكتيۆ اقىل - پاراساتىنىڭ جاۋھارى، بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋى جولىندا كۇرەس جاساۋىنىڭ ارەكەت باعدارلاماسى، پارتيا 18 - قۇرىلتايىنان بەرى پارتيامىز بەن مەملەكەتىمىز ىستەرىندە تاريحي جەتىستىكتەرگە قول جەتكىزۋدىڭ، تاريحي وزگەرىستەر تۋدىرۋدىڭ ءتۇبىرلى نازاريالىق جەتەكشىسى، ونىڭ ساياسي ءمانى، نازاريالىق ءمانى، امالياتتىق ءمانى اماليات جاعىنان تولىق دالەلدەنىپ، بۇكىل پارتيانىڭ، بۇكىل ەل حالقىنىڭ وسكەلەڭ قۇپتاۋىنا يە بولدى.
پارتيانىڭ 19 - قۇرىلتايىندا ماقۇلدانعان پارتيا ۋستاۆىنىڭ وزگەرىس ەنگىزىلگەن نۇسقاسى پارتيا ىشىندەگى ءتۇبىرلى زاڭ فورماسىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن بۇكىل پارتيانىڭ جەتەكشى يدەياسى ەتىپ تۇراقتاندىرىپ، پارتيانىڭ جەتەكشى يدەياسىنىڭ داۋىرمەن بىرگە ىلگەرىلەۋىن ىسكە اسىردى. نەگىزگى زاڭعا وزگەرىس ەنگىزۋ ارقىلى مەملەكەتتىڭ ءتۇبىرلى زاڭى فورماسىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسي جانە قوعامدىق ومىرىندەگى جەتەكشى ورنىن تۇراقتاندىرىپ، مەملەكەتتىڭ جەتەكشى يدەياسىنىڭ داۋىرمەن بىرگە ىلگەرىلەۋىن ىسكە اسىرۋ، بۇكىل پارتيانىڭ، بۇكىل ەلىمىزدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىن ءتىپتى دە بەكەمدەۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ءتۇرلى ىستەرىنە، ءتۇرلى قىزمەتتەرىنە جەتەكشىلىك ەتۋ رولىن تولىق ساۋلەلەندىرۋ، پارتيا مەن مەملەكەت ىستەرىنىڭ قاشاندا دۇرىس جولمەن العا ىلگەرىلەۋىنە كەپىلدىك ەتۋ جونىنەن كەلەلى دە تەرەڭ ماڭىزعا يە. سونىمەن قاتار، ەلىمىزدىڭ نەگىزگى زاڭدى كەمەلدەندىرۋىن، دامىتۋىن ىلگەرىلەتۋگە، نەگىزگى زاڭنىڭ ءبىر تۇتاستىعىن، بەدەلىن، قۇدىرەتتىلىگىن اناعۇرلىم جاقسى قورعاۋعا، نەگىزگى زاڭنىڭ ەلىمىزدىڭ ساياسي جانە قوعامدىق ءومىرىن ارناعا ءتۇسىرۋ، جەتەكتەۋ، ىلگەرىلەتۋ، قامتاماسىز ەتۋ رولىن اناعۇرلىم ويداعىداي ساۋلەلەندىرۋگە دە ءتيىمدى.
ەكىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزۋ مەملەكەتتىڭ جاڭا داۋىردەگى دامۋىنىڭ ءتۇبىرلى مىندەتىن، كۇرەس نىساناسىن، ستراتەگيالىق ورنالاسۋىن ىشكەرىلەي ايقىنداپ، بۇكىل پارتيانى، بۇكىل ەلدەگى ءار ۇلت حالقىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ءتىپتى دە ويداعىداي ىنتىماقتاستىرۋعا، شابىتتاندىرۋعا ءتيىمدى
ەلىمىزدىڭ نەگىزگى زاڭىن شەتەلدىڭ كەيبىر نەگىزگى زاڭدارىمەن سالىستىرعاندا، ۇلكەن ءبىر ەرەكشەلىگى بار، اتاپ ايتقاندا، مەملەكەتتىڭ ءتۇبىرلى مىندەتى، دامۋ جولى، كۇرەس نىساناسى ايقىن بەلگىلەنگەن، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى مەن مەملەكەتتىڭ ءتۇرلى جاقتارداعى ىستەرىنىڭ بارلىعى نەگىزگى زاڭدا بەينەلەنگەن، بارلىعىنا تالاپ قويىلعان. بۇل ەلىمىز نەگىزگى زاڭىنىڭ مەملەكەتتىڭ دامۋىن، العا باسۋىن ىلگەرىلەتۋدەگى، حالىقتىڭ باقىتتى تۇرمىس جاراتۋىنا كەپىلدىك ەتۋدەگى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتۋدەگى ماڭىزدى فاكتور.
شي جينپيڭنىڭ جاڭا ءداۋىر جۇڭگوشا سوتسياليزم يدەياسى نازاريا مەن امالياتتى ۇشتاستىرۋ تۇرعىسىنان جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ باس نىساناسى، باس مىندەتى، جالپى تۇلعالىق ورنالاستىرۋى، ستراتەگيالىق ورنالاستىرۋى جانە دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق كەزەڭى، سىرتقى شارت - جاعدايى، ساياسي كەپىلى سياقتى نەگىزگى ماسەلەلەرگە جۇيەلى جاۋاپ بەردى، ونىڭ ۇستىنە جاڭا اماليات نەگىزىندە ەكونوميكا، ساياسي، زاڭمەن جونگە سالۋ، عىلىم - تەحنيكا، مادەنيەت، وقۋ - اعارتۋ، حالىق تۇرمىسى، ۇلت، ءدىن، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى مەن ارميا، «ءبىر ەل، ەكى ءتۇزىم» مەن وتاننىڭ تۇتاستىعى، بىرلىكساپ، ديپلوماتيا، پارتيا قۇرىلىسى سياقتى جاقتاردا نازاريالىق تالداۋ جاسادى جانە ساياساتتىق جەتەكشىلىك ەتتى، پارتيا مەن مەملەكەت ىستەرىنىڭ دامۋى جونىنەن كەلەلى جەتەكشىلىك ەتۋ جانە جەتەكتەۋ ماڭىزىنا يە.
شي جينپيڭنىڭ جاڭا ءداۋىر جۇڭگوشا سوتسياليزم يدەياسى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، باس مىندەتى − سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ەكەندىگىن، جاپپاي دوڭگەلەك داۋلەتتى قوعام ورناتۋ نەگىزىندە ەكى ساتىعا ءبولىپ ءجۇرىپ، وسى عاسىردىڭ ورتا شەنىندە ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان ەل ەتىپ قۇرىپ شىعۋ ەكەنىن ايقىنداپ بەردى؛ جاڭا داۋىردەگى ەلىمىز قوعامىنداعى باستى قايشىلىق − حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەنىن، ءسوز جوق، حالىقتى وزەك ەتۋ سىندى دامۋ يدەياسىنا تاباندى بولىپ، ادامنىڭ جان - جاقتى جەتىلۋىن، جالپى حالىقتىڭ بىرگە بايۋىن ۇزدىكسىز جەبەۋ كەرەكتىگىن ايقىنداپ بەردى؛ جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى − «بەستى ءبىر تۇلعالاندىرۋ»، ستراتەگيالىق ورنالاستىرۋى − «ءتورتتى جاپپاي ورىنداۋ» ەكەنىن ايقىنداپ بەرىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋدى باسا دارىپتەدى، رەفورمانى جاپپاي تەرەڭدەتۋدىڭ باس نىساناسى − جۇڭگوشا سوتسياليستىك ءتۇزىمدى كەمەلدەندىرىپ جانە دامىتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ەكەنىن ايقىنداپ بەردى؛ مەملەكەتتى زاڭمەن جونگە سالۋدى جاپپاي ىلگەرىلەتۋدىڭ باس نىساناسى − جۇڭگوشا سوتسياليستىك زاڭمەن جونگە سالۋ جۇيەسىن ورناتۋ، سوتسياليستىك زاڭمەن جونگە سالىناتىن مەملەكەت قۇرۋ ەكەنىن ايقىنداپ بەردى؛ پارتيانىڭ جاڭا داۋىردەگى ارميانى قۇدىرەتتەندىرۋ نىساناسى − پارتيانىڭ قولباسشىلىعىنا بويسۇناتىن، شايقاستا جەڭىسكە جەتەتىن، ستيلى تاڭداۋلى حالىق ارمياسىن قۇرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ ەكەنىن ايقىنداپ بەردى؛ جۇڭگوشا ءىرى ەلدىك ديپلوماتيا جاڭاشا حالىقارالىق قاتىناستىڭ قالىپتاسۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەكتىگىن ايقىنداپ بەردى؛ جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى ەكەنىن، جۇڭگوشا سوتسياليزم ءتۇزىمنىڭ ەڭ زور ابزالدىلىعى − جۇڭگو كوممۋنيستىك پارتياسىنىڭ باسشىلىعى ەكەنىن، پارتيا − ەڭ جوعارى ساياسي باسشىلىق كۇش ەكەنىن ايقىنداپ بەرىپ، جاڭا داۋىردەگى پارتيا قۇرىلىسىنىڭ باس تالابىن ورتاعا قويىپ، ساياسي قۇرىلىستىڭ پارتيا قۇرىلىسىنداعى ماڭىزدى ورنىن كورنەكتىلەندىردى. جاڭا داۋىردە جۇڭگوشا سوتسياليزمگە تاباندى بولۋدا جانە ونى دامىتۋدا بارلىق قىزمەتتە پارتيانىڭ باسشىلىعىنا، ءسوزسىز، تاباندى بولۋ، حالىقتى وزەك ەتۋگە تاباندى بولۋ، رەفورمانى جاپپاي تەرەڭدەتۋگە تاباندى بولۋ، جاڭا دامۋ ۇستانىمىنا تاباندى بولۋ، حالىقتىڭ قوجا بولۋىنا تاباندى بولۋ، مەملەكەتتى جاپپاي زاڭمەن جونگە سالۋعا تاباندى بولۋ، سوتسياليستىك وزەكتى قۇن جۇيەسىنە تاباندى بولۋ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ، ادام مەن تابيعاتتىڭ جاراسىمدىلىعىنا، بىرگە جاساۋىنا تاباندى بولۋ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ، پارتيانىڭ حالىق ارمياسىنا شارتسىز باسشىلىعىنا تاباندى بولۋ، «ءبىر ەل، ەكى تۇزىمگە» جانە وتاننىڭ تۇتاستىعىن ىلگەرىلەتۋگە تاباندى بولۋ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە تاباندى بولۋ، پارتيانى جاپپاي قاتاڭ جونگە سالۋعا تاباندى بولۋ كەرەكتىگى باسا دارىپتەلدى. وسى «8 ايقىنداپ بەرۋ» جانە «14 تاباندى بولۋ» − جەتەكشى يدەيا مەن ارەكەت پروگرامماسىنىڭ ورگانيكالى ۇشتاسقاندىعىنىڭ ايگىسى، پارتيانىڭ حالىقتى ىنتىماقتاستىرىپ، باستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، سوتسياليستىك وسىزاماندانعان مەملەكەت قۇرۋدىڭ تىڭ جورىعىنا شەرۋ تارتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا قۇلشىنىس جاسايتىن ارەكەت پروگرامماسى جانە ءتۇبىرلى ولشەمى.
ءبىر ۇلتتىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى يدەيا جاعىنداعى ىنتىماعى مەن بىرلىگىنەن كەلەدى، ءبىر مەملەكەت وسىزاماندانۋدى جۇزەگە اسىرۋدا، ءسوزسىز، عىلمي نازاريانى ارەكەت باعدارلاماسى ەتۋى كەرەك. زامانىمىزداعى جۇڭگودا، تەك جۇڭگوشا سوتسياليزم عانا ەلىمىزدەگى قالىڭ حالىق بۇقاراسىن ىنتىماقتاستىرا، ۇيىستىرا الادى؛ تەك ماركسيزمنىڭ جۇڭگوشالانۋىنىڭ ەڭ جاڭا جەتىستىگى عانا ەلىمىزدىڭ رەفورما جاساپ، ەسىك اشۋىن جانە سوتسياليستىك وسىزامانداندىرۋ قۇرىلىسىن دۇرىس بەتالىسقا باستايدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزىپ، مەملەكەتتىڭ ءتۇبىرلى زاڭى فورماسىندا ەلىمىزدىڭ جاڭا داۋىردەگى دامۋىنىڭ ءتۇبىرلى مىندەتىن، باسشىلىق ۇيتقىسىن، جەتەكشى يدەياسىن، دامۋ جولىن، كۇرەس نىساناسىن، ستراتەگيالىق شاراسىن، نەگىزگى جوباسىن تۇراقتاندىرۋ بۇكىل پارتيانىڭ، بۇكىل ەلىمىزدەگى ءار ۇلت حالقىنىڭ پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، يدەيانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بىرلىككە كەلتىرىپ، كۇش - قۋاتتى پارتيا 19 - قۇرىلتايىندا بەلگىلەنگەن كەلەلى ستراتەگيالىق ورنالاستىرۋلارعا شوعىرلاندىرىپ، 2020 - جىلعا بارعاندا جاپپاي دوڭگەلەك داۋلەتتى قوعام ورناتۋعا، 2035 - جىلعا بارعاندا سوتسياليستىك وسىزاماندانۋدى نەگىزىنەن جۇزەگە اسىرۋعا، وسى عاسىردىڭ ورتا شەنىنە بارعاندا جاپپاي وسىزاماندانعان سوتسياليستىك قۇدىرەتتى ەل قۇرۋعا كەپىلدىك ەتۋ جونىنەن كەلەلى ماڭىز الادى.
ءۇشىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزىپ، پارتيانىڭ بارلىق قىزمەتكە باسشىلىق ەتەتىندىگى سىندى وسى ەڭ جوعارى ساياسي پرينسيپكە تاباندى بولۋدى ىشكەرىلەي ايقىنداۋ پارتيانىڭ بيلىك جۇرگىزۋ ورنى مەن بيلىك جۇرگىزۋ نەگىزىن بەكەمدەۋگە ءتيىمدى بولىپ، مەملەكەتتىڭ دامۋى مەن ۇلتتىڭ گۇلدەنۋىن پارمەندى ساياسي كەپىلمەن قامتاماسىز ەتەدى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىندا مىنالار ايقىن ورتاعا قويىلدى: جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ زور ابزالدىلىعى − جۇڭگو كوممۋنيستىك پارتياسىنىڭ باسشىلىعى، پارتيا − ەڭ جوعارى ساياسي باسشىلىق كۇش؛ پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالادا جانە بارلىق جەردە پارتيا بارلىعىنا باسشىلىق ەتەتىندىگى، پارتيانىڭ بارلىق قىزمەتكە باسشىلىق ەتۋىنە، ءسوزسىز، تاباندى بولۋ كەرەكتىگى باسا دارىپتەلدى. بۇل جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ءتۇبىرلى جوباسى ءارى ەلىمىزدىڭ ساياسي جانە قوعامدىق ومىرىنىڭ ەڭ جوعارى ساياسي پرينسيبى.
پارتيانىڭ بارلىق قىزمەتكە باسشىلىق ەتۋىنە تاباندى بولۋدا، ەڭ اۋەلى، پارتيانىڭ يدەيا جاقتاعى باسشىلىعىنا تاباندى بولۋ كەرەك. ماۋ زىدۇڭ جولداس: «يدەيالىق باسشىلىقتى مىقتى يگەرۋ − بارلىعىنا باسشىلىق ەتۋدى مىقتى يگەرۋدەن جوعارى تۇرادى» دەپ ورتاعا قويعان بولاتىن. پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، كوممۋنيزم ۇلى مۇراتىن جانە جۇڭگوشا سوتسياليزم ورتاق مۇراتىن جۇزەگە اسىرۋ جولىندا كۇرەس جۇرگىزۋدە، ءسوزسىز، زاڭدا بەلگىلەنگەن ءتارتىپ ارقىلى پارتيانىڭ جەتەكشى يدەياسىن مەملەكەتتىڭ جەتەكشى يدەياسىنا اينالدىرىپ، مەملەكەتتىڭ سان سالالى ىستەرى، ءار سالا قىزمەتى جونىندەگى يدەيالىق باسشىلىق ۇقىقتى مىقتى يگەرۋ كەرەك.
ەلىمىزدىڭ نەگىزگى زاڭىندا جۇڭگو كوممۋنيستىك پارتياسىنىڭ بيلىك جۇرگىزۋ ورنى، پارتيانىڭ مەملەكەتتىڭ بيلىك قۇرىلىمىندا جالپى جاعدايدى مەڭگەرەتىن، ءارقايسى جاقتى سايكەستىرەتىن ۇيتقىلىق ورنى تۇراقتاندىرىلعان، بۇل پارتيامىزدىڭ ۇزاق ۋاقىت بيلىك جۇرگىزۋدەگى ءتۇبىرلى زاڭدىق نەگىزى. پارتيانىڭ 18 - قۇرىلتايىنان بەرى، باس شۋجي شي جينپيڭ بىلاي دەپ ايقىن ورتاعا قويدى: مەملەكەتتى زاڭمەن جونگە سالۋعا تاباندى بولۋدا، ەڭ اۋەلى، مەملەكەتتى نەگىزگى زاڭمەن جونگە سالۋعا، زاڭ بويىنشا بيلىك جۇرگىزۋگە تاباندى بولۋدا، ەڭ اۋەلى، نەگىزگى زاڭ بويىنشا بيلىك جۇرگىزۋگە تاباندى بولۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزۋ وسى يدەيانىڭ مەملەكەت قىزمەتىندەگى جەتەكشى ورنىنا كەپىلدىك ەتىپ، پارتيانىڭ بيلىك جۇرگىزۋ ورنى مەن بيلىك جۇرگىزۋ نەگىزىن ىشكەرىلەي بەكەمدەۋدى نەگىزگى زاڭمەن قامتاماسىز ەتەدى. وسى كەلەلى وزگەرىس ەنگىزۋ بۇكىل پارتيانىڭ، بۇكىل ەلدەگى ءار ۇلت حالقىنىڭ ساياسي تانىمىن، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، باس شۋجي شي جينپيڭنىڭ پارتيا ورتالىق كوميتەتىنىڭ، بۇكىل پارتيانىڭ ۇيتقىسى ورنىن سانالىلىقپەن قورعاۋى، پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن سانالىلىقپەن قورعاۋى جونىنەن، پارتيامىزدىڭ نەگىزگى زاڭ ارقىلى مەملەكەتتىڭ سان سالالى ىستەرىنە، ءار سالا قىزمەتىنە باسشىلىق ەتىپ، مەملەكەتتى زاڭمەن جونگە سالۋدى، زاڭ بويىنشا بيلىك جۇرگىزۋدى ويداعىداي ىلگەرىلەتۋى جونىنەن كەلەلى ماڭىز الادى، تەرەڭ ىقپال كورسەتەدى.
نەگىزگى زاڭنىڭ ەڭ جوعارى زاڭدىق مارتەبەسى، زاڭدىق بەدەلى، زاڭدىق قۋاتى بولادى، ول مەملەكەتتىڭ ساياسي جانە قوعامدىق ومىرىندەگى ەڭ جوعارى ارەكەت ولشەمى. بۇكىل ەلىمىزدەگى ءار ۇلت حالقى، بارلىق مەملەكەت ورگاندارى جانە قارۋلى كۇشتەر، ءارقايسى ساياسي پارتيالار مەن قوعامدىق توپتار، ءارقايسى كاسىپورىن، ءىسورىن ۇيىمدارى، قالا - اۋىل نەگىزگى ساتىداعى ءوزىن - ءوزى باسقاراتىن ۇيىمدار نەگىزگى زاڭدى ءتۇبىرلى ارەكەت ولشەمى ەتۋى، نەگىزگى زاڭنىڭ بەدەلىن قورعاۋ، نەگىزگى زاڭنىڭ اتقارىلۋىنا كەپىلدىك ەتۋ جاۋاپكەرلىگىن ۇستىنە الۋى ءتيىس. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزىپ، وعان ەڭ جوعارى زاڭدىق بەدەل جانە زاڭدىق كۇش بەرىپ، ونى تۇتاس حالىقتىڭ ورتاق ەركىنە، مەملەكەتتىڭ سان سالالى ىستەرىنىڭ، ءار سالا قىزمەتىنىڭ ءتۇبىرلى كەپىلىنە اينالدىرۋ تۇتاس حالىقتىڭ پارتيانىڭ باسشىلىعى جونىندەگى تانىمىن كۇشەيتىپ، پارتيانىڭ باسشىلىعىن مەملەكەت قىزمەتىنىڭ تۇتاس بارىسى مەن ءارقايسى جاعىندا تياناقتاندىرىپ، پارتيانىڭ مەملەكەتتىڭ سان سالالى ىستەرى، ءار سالا قىزمەتىندەگى جالپى بەتتىك باسشىلىعىنا كەپىلدىك ەتۋگە پايدالى.