تۋىستارىمەن بىرگە دومالاق كوجە ءىشتى
ءوز قولدارىمەن جاساعان دومالاق كوجەنى تۋىستارىمەن بىرگە ءىشتى، ياڭ سىن مەن ونىڭ قىزمەتتەستەرى ىشتەي ءدان ريزا بولدى
يۋانشياۋ مەرەكەسىنىڭ الدىندا، شينجياڭ اۋىل شارۋاشىلىق عىلىم اكادەمياسىنىڭ 9 زەرتتەۋ ورنىنىڭ قىستاقتا تۇراتىن قىزمەت اترەتىنىڭ مۇشەلەرى قاشقار ايماعى قاشقار كونە ءشار اۋدانى قامسارىق اۋىلى قامسارىق قىستاعىنا كەلىپ، تۋىستارىمەن بىرگە دومالاق كوجە جاساپ، مەرەكەنى قارسى الدى.
2 - ايدىڭ 28 - كۇنى تۇستەن كەيىن، شينجياڭ اۋىل شارۋاشىلىق عىلىم اكادەمياسى وسىمدىك قورعاۋ ورنىنىڭ زەرتتەرمەنى ياڭ سىن مەن بىرنەشە قىزمەتتەستەرى بىرگە تۋىسى احاتتىڭ ۇيىنە كەلگەندە، دومالاق كوجە جاساۋعا قاجەتتى ماتەريالداردى الا كەلدى.
«كەلىڭدەر، بىرگە دومالاق كوجە جاسايىق». ياڭ سىن تۋىستارىن بىرگە جاساۋعا شاقىردى، تۋىسىنىڭ 18 جاستاعى قىزى روشانگۇل ەڭ تەز ۇيرەنىپ الدى، ول قۋانا بىلاي دەدى : «دومالاق كوجەنى ءبىرىنشى رەت جاساۋىم، بۇدان كەيىن جەگىم كەلسە، ءوزىم جاسايمىن».
ءبىر ساعاتتان كەيىن، 3 كيلوگرامدىق ۇن دوپ - دومالاق كوجەگە اينالدى، كوپشىلىك اڭگىمەلەسە وتىرىپ، بىرلىكتە ءدام تاتتى.
دومالاق كوجە دوستىقتارىن ءتىپتى دە تەرەڭدەتتى
«تۇڭعىش رەت كوپشىلىكپەن بىرگە دومالاق كوجە جاساپ، جۇمباق شەشتىم، وتە قىزىقتى ەكەن»،-دەدى 2 - ايدىڭ 28 - كۇنى ءۇرىمجى قالاسى ياڭزىجياڭ الەۋمەتتىك اۋماعىنىڭ قيمىل ۇيىندە تۋىسىمنە بىرگە الدىن الا يۋانشياۋ مەرەكەسىن وتكىزگەن تۇراحۇن تۇرسىن قۋانا.
سول كۇنى، اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ياڭزىجياڭ الەۋمەتتىك اۋماعىندا تۇراتىن قىزمەت اترەتى «ۇلتتار ىنتىماعىنىڭ بەرەكەلى شاڭىراعى — يۋانشياۋ مەرەكەسىن بىرگە تويلادى» تاقىرىپتىق قيمىلىن وتكىزدى.
سول كۇنى، الەۋمەتتىك اۋماق تۇرعىندارى، قىزمەت اترەتى تۋىستارىمەن بىرگە دومالاق كوجە ءىشتى. 2 ساعاتتا قىزمەت ۇستەلى ءتۇرلى تۇستەگى دومالاق كوجەگە لىق تولدى. «بۇل دومالاق كوجەلەردىڭ ءتۇسى ادەمى ەكەن، سۋرەت قۇراستىرايىق»،-دەپ الەۋمەتتىك اۋماقتىك ءبىرىنشى شۋجيىنىڭ ۇسىنىسىمەن، كوپشىلىك جاساپ قويعان دومالاق كوجەنى تاباققا سالىپ، «باس قوسۋ» دەگەن جازۋدى قۇراستىرىپ شىقتى. (اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» قيمىلى بويىنشا ياڭزىجياڭ الەۋمەتتىك اۋماعىندا تۇراتىن قىزمەت اترەتى قامدادى)
دومالاق كوجە پىسقانشا، كوپشىلىك جۇمباق شەشىپ، مەرەكەنىڭ مەرەيىن اسىردى.
يۋانشياۋ مەرەكەسىندە، بىرلىكتە جۇمباق شەشتى
2 - ايدىڭ 28 - كۇنى تۇستەن كەيىن، يۋانشياۋ مەرەكەسىن قارسى الىپ، قول ۇستاسا جاڭا داۋىرگە قادام تاستايىق» تاقىرىبىنداعى قيمىل ءۇرىمجى قالاسى جۇڭيا وڭتۇستىك جولى ءمالى باسقارماسى ىنتىماق جاڭا قىستاعى الەۋمەتتىك اۋماعىندا وتكىزىلىپ، كوپتەگەن تۇرعىنداردى باۋرادى.
3 - ايدىڭ 1 - كۇنى، ءۇرىمجى اۋدانى شۇيشيگوۋ قالاشىعى شياۋدۇڭگوۋ قىستاعى مادەنيەت قيمىل ۇيىندە قىزىل تۇمشالامالى شام قاز - قاتار ءىلىندى، ءۇرىمجى قالاسى جىلۋمەن قامداۋ باس سەرىكتەستىگىنىڭ قىستاقتا تۇراتىن قىزمەت اترەتى 500 دەن استام شام دايىنداپ، 200 دەن استام قىستاق تۇرعىنى جۇمباق شەشۋگە قاتىناستى.
