تيانشان تورى
تيانشان تورى   ›   ۇيرەنۋ   ›   شولۋ

جاڭا ءداۋىردىڭ داڭقتى بورىشىن ورىندايىق

− ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ اشىلعاندىعىن قىزۋ قۇتتىقتايمىز

  ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى بۇگىن بەيجيڭدە اشىلدى. جاڭا ءداۋىر قادامىنا ىلەسىپ، ءبىر ميلليارد 300 ميلليوننان استام حالىقتىڭ ءۇمىتىن ارقالاعان جاڭا كەزەكتى مەملەكەتتىك ساياسي كەڭەستىڭ 2100دەن استام مۇشەسى استانادا باس قوسىپ، رەفورما، دامۋ جونىندە بىرگە اقىل قوسىپ، ءادىس - شارا قاراستىرادى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  5 جىل − ءبىر اينالىم، 5 جىل − ءبىر بەلەس، جۇڭگونىڭ دامۋى، العا باسۋى مەملەكەتتىڭ ساياسي ءومىرىنىڭ ريتىمىمەن تىعىز بايلانىستى. وتكەن 5 جىل پارتيا مەن مەملەكەتتىڭ دامۋ ۇردىسىندەگى ايرىقشا 5 جىل بولدى، ج ك پ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيىندىقتارعا مويىماي ورگە باسىپ، كونەنى وزگەرتىپ، جاڭانى جارىققا شىعاردى، جۇڭگوشا سوتسياليزم جاڭا داۋىرگە ءوتتى. رەفورما جولىندا ىزدەنىس جاساۋدىڭ، جۇڭگو ارمانىن جۇزەگە اسىرۋدىڭ ۇلى امالياتىندا حالىق ساياسي كەڭەسى مەن رەسپۋبليكانىڭ تامىرى قاشاندا بىرگە سوقتى. پارتيا مەن مەملەكەت ىستەرىندە تاريحي تابىسقا جەتۋ تاريحي وزگەرىس جارىققا شىعارۋ بارىسىندا، حالىق ساياسي كەڭەسىنىڭ ورنىن باسقا ەشتەڭە باسا المايتىن ماڭىزدى رولى بارلىق تۇستا ايگىلەنىپ، حالىق ساياسي كەڭەسىنىڭ ەرەسەن ماڭىزدى ۇلەسى ءسىڭدى.

  5 جىلدان بەرى، حالىق ساياسي كەڭەسى ىنتىماق پەن دەموكراتيا سىندى ەكى ۇلكەن تاقىرىپقا تاباندى بولىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ۇكىمەت ىستەرىنە كەڭەس بەرۋ ارناسىن ۇزدىكسىز كەمەلدەندىرىپ، دەموكراتيالىق باقىلاۋ فۋنكتسياسىن كۇشەيتىپ، ىنتىماق، دوستىق قىزمەتىن كەڭەيتىپ، مىندەت اتقارۋ قابىلەتى قۇرىلىسىن كۇشەيتىپ، ىنتىماقتى، دەموكراتيالى، سىندارلى، العا ۇمتىلعان، قارىشتاپ دامىعان جاڭا جاعدايدى ونان ارى تۇلعالاي ءتۇستى. 5 جىلدىق ۇدەرە العا باسۋ مىنانى تولىق دالەلدەدى: جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىق ساياسي كەڭەسىنىڭ سيپاتى مەن ورنىنان جازباي، وزەكتى ارقاۋ ەتۋدەن اۋىتقىماي، جالپى جاعدايعا قىزمەت ەتكەندە عانا، كەڭ كولەمدى، ءونىمدى كەڭەس دەموكراتياسىن جۇزەگە اسىرۋعا، جاڭا داۋىردەگى حالىق ساياسي كەڭەسى ىستەرىنىڭ ۇزدىكسىز العا باسۋىن جەبەۋگە بولادى.

  ج ك پ 19 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. جاڭا داۋىرمەن قاۋىشىپ، جاڭا ۇستانىمداردى دايەكتىلەندىرىپ، نازاردى جاڭا نىساناعا شوعىرلاندىرىپ، جاڭا ورنالاستىرۋلاردى تياناقتاندىرۋدا ءبىز قايشىلىقتارعا تولى ەل ءىشى جانە حالىقارالىق جاعدايعا ءدوپ كەلەمىز، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزەمىز، بۇل حالىق ساياسي كەڭەسىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋىن، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن مۇقيات اتقارۋىن، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن وڭ ەنەرگيانى كەڭىنەن توپتاۋىن تىپتەن قاجەت ەتەدى.

  ءبىر نيەتكە جۇمىلا بىلگەندە عانا، كۇش ءبىر ارنادا توعىسادى. ىنتىماق − كۇشتىڭ قاينارى. جاڭا ءبىر جىلعا كوز سالعاندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ەڭ ماڭىزدى ورىنعا قويۋ، يدەيا مەن ارەكەتتى ج ك پ 19 - قۇرىلتايىندا جاسالعان ماڭىزدى شەشىمدەرمەن، ورنالاستىرۋلارمەن سانالى تۇردە بىرلىككە كەلتىرۋ حالىق ساياسي كەڭەسىنىڭ ماڭداي الدى ساياسي مىندەتى؛ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە اقىل قوسىپ، كۇش ۇستەۋ حالىق ساياسي كەڭەسىنىڭ قىزمەت ارقاۋى بولىپ تابىلادى. يدەيادا جاڭا ورتاق تانىمدى ۇزدىكسىز كۇشەيتىپ، ارەكەتتە ىنتىماقتى جاعدايدى ۇزدىكسىز كەڭەيتىپ، كەرەناۋ فاكتوردى بەلسەندى فاكتورعا اينالدىرىپ، دەموكراتيالىق پارتيا - توپتاردىڭ، ءار ۇلت، ءار سالا قايراتكەرلەرىنىڭ ۇلى ىنتىماعىن، ۇلى بىرلىگىن جەبەۋدە پارتيا 19 - قۇرىلتايىندا بەلگىلەنگەن كۇرەس نىسانالارىن جۇزەگە اسىرۋ ءۇشىن، كەدەرگى كۇشتى ازايتىپ، دەمەۋشى كۇشتى كوبەيتىپ، بىرىككەن كۇش قالىپتاستىرۋدا حالىق ساياسي كەڭەسى داڭقتى بورىش، كەلەلى جاۋاپكەرشىلىك ارقالايدى.

  كەڭەسپەن ورتاقتىق تۋىنداسا، سەلبەستىكپەن ءىس بىتەدى. دەموكراتيا بولعاندا عانا، ومىرشەڭدىك بولادى. مۇددەلەردىڭ كوپ نەگىزدەنۋ جانە يدەيالاردىڭ كوپ تۇرلىلەنۋ شىندىعى الدىندا، بىردەيلىك بارىسىندا الۋان تۇرلىلىككە قۇرمەت ەتۋگە تاباندى بولىپ، الۋان تۇرلىلىكتى قامتىۋ بارىسىندا بىردەيلىككە تالپىنىپ، ەڭ ۇلكەن ورتاقتىقتى تابۋ، ەڭ ۇلكەن سەنترلەستىككە ۇمتىلۋ قاجەت. «قوس 100 جىلدىق» كۇرەس نىساناسىنا قىزمەت ەتۋدى مىندەت اتقارۋدىڭ باستى بەتالىسى، دامۋدىڭ بىركەلكى، تولىق بولماۋى ماسەلەسىن ويداعىداي شەشۋدى قىزمەتتىڭ كۇش سالۋ ءتۇيىنى ەتىپ، حالىق ساياسي كەڭەسىنىڭ دارىندىلار جينالعان، اقىل - پاراسات شوعىرلانعان، كەڭ بايلانىس ورناتقان باسىمدىعىن تولىق ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ جالپى بارىسىنا ءسىڭىرىپ، ماسەلەلەردى تالقىلاۋعا، تەڭ تۇرعىدا اۋىس - كۇيىس جاساۋعا، ىقپالداستىقتى كۇشەيتۋگە، ورتاق تانىمدى نىعايتۋعا كوبىرەك كۇش سالىپ، شىنايى كەڭەسىپ، ناقتى باقىلاپ، ۇكىمەت ءىسىن تەرەڭدەي كەڭەسسە، قالىڭ ساياسي كەڭەس مۇشەلەرى، ءسوز جوق، سوتسياليستىك دەموكراتيانى ساۋلەلەندىرىپ، حالىق بۇقاراسىنىڭ ءۇمىت - تىلەگىن ورىنداۋعا ءتىپتى دە كوپ اقىل - پاراسات جانە كۇش - قۋات قوسا الادى.

  «قۇلشىنعان تابىسقا جەتەدى، قاجىماعان مۇراتىنا جەتەدى». بولاشاقتىڭ بەينەسى جىگەرلەنە العا باسقانداردىڭ ىستىق ىنتاسىمەن جانە كۇرەسىمەن قالىپتاسادى. جاڭا باستامانى تياناق ەتىپ، جاڭا ساپارعا قادام تاستاعاندا، ساياسي كەڭەستىڭ ءار مۇشەسىنەن اۋەلگى ماقساتتى ۇمىتپاي، بورىشتى ەستە بەرىك ساقتاپ، جىگەرلەنە ءىس تىندىراتىن رۋحاني كۇيدى، تىڭعىلىقتى دا تاباندى قىزمەت ستيلىن ءارقاشان ساقتاۋدى، سىندارلى اقىل قوسىپ، بۇكپەسىز پىكىر بەرىپ، دامۋدىڭ كۇشىن شوعىرلاندىرۋدى، وسكەلەڭ جاۋاپكەرشىلىك سەزىممەن، كۇشتى بورىشتىلىق سەزىممەن ج ك پ 19 - قۇرىلتايىنىڭ شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ۇلى امالياتىنا بەلسەنە ارالاسۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇدەرە العا تارتىپ، تىنباي كۇرەس جۇرگىزۋدى كۇتەمىز.

  ءماجىلىستىڭ تابىستى بولۋىن تىلەيمىز!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.