ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى بەيجيڭدە اشىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى بەيجيڭدە اشىلدى

  شي جينپيڭ، لي كىچياڭ، جاڭ دىجياڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناسىپ قۇتتىقتادى

 يۇي جىڭشىڭ ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى، ۋاڭ ياڭ ءماجىلىستى باسقاردى، ۋان گاڭ ۇسىنىس جوبا قىزمەتى جاعدايىنان بايانداما جاسادى

جۇڭگو حالىق ساياسي كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسى 3 - ايدىڭ 3 - كۇنى بەيجيڭدەگى حالىق سارايىندا اشىلدى. شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

      شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. زەيىن - زەردەنى، كۇش - قۋاتتى شوعىرلاندىرىپ، جاڭا داۋىردە قول ۇستاسىپ، الدىڭعىلاردىڭ ىزىمەن كەيىنگىلەرگە جول اشىپ، جاڭا شۇعىلا جاراتايىق! داڭقتى جىلداردى باستان كەشىرىپ، ىنتىماق پەن دەموكراتيا سىندى 2 ۇلكەن تاقىرىپقا تاباندى بولعان حالىق ساياسي كەڭەسى تاعى ءبىر ماڭىزدى تاريحي ساتكە كۋا بولدى: جۇڭگو حالىق ساياسي كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسى 3 - ايدىڭ 3 - كۇنى تۇستەن كەيىن حالىق سارايىندا اشىلدى.

  ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ ماجىلىسكە جاساعان قىزمەت بايانداماسىندا مىنالار ورتاعا قويىلدى: ج ك پ 19 - قۇرىلتايى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ۇلى جوباسىن كەسكىندەپ، پارتيا مەن مەملەكەت ىستەرىنىڭ العا باسۋ بەتالىسىن ونان ارى ايقىندادى. حالىق ساياسي كەڭەسى ج ك پ 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن جاپپاي مەڭگەرۋدىڭ جالپى باعدارلاماسى، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق، ساياسي نەگىزدى بەكەمدەۋدىڭ ارقاۋى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن ءادىس - شارا ۇسىنىپ، كۇش قوسۋدى قىزمەتتىڭ نەگىزگى جەلىسى ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاڭا دامۋ ۇستانىمىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، ىنتىماق جانە دەموكراتيا سىندى 2 ۇلكەن تاقىرىپقا تاباندى بولىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ فۋنكتسياسىن مۇقيات اتقارىپ، جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەت قۇرۋ ءۇشىن تىڭ ۇلەس قوسۋ كەرەك.

  3 - ايداعى بەيجيڭدە كوكتەم لەبى ەستى. حالىق سارايىنىڭ 10 مىڭ ادامدىق زالىنىڭ دوعاشا توبەسى جاقۇتتاي جارقىراپ، زال سالتاناتتى، دۋماندى مەرەيگە شومدى. جۇڭگو حالىق ساياسي كەڭەسىنىڭ گەربى ءتوراعالار مىنبەسىنىڭ تورىنە ءىلىنىپ، ەكى جاعىنا بەستەن نارت قىزىل تۋ قويىلعان.
     
    مەملەكەتتىك ساياسي كەڭەس 13 - كەزەكتى كوميتەتىنىڭ 1 - ماجىلىسىنە قاتىناسۋعا ءتيىستى 2158 مۇشەنىڭ 2149ى ماجىلىسكە قاتىناستى، بۇل بەلگىلەمەدەگى ادام سانىنا ۇيلەسەدى.

  مەملەكەتتىك ساياسي كەڭەس 13 - كەزەكتى كوميتەتى 1 - ءماجىلىسى ءتوراعالار القاسىنىڭ تۇراقتى ءتوراعالارى ۋاڭ ياڭ، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ ءتوراعالار مىنبەسىنىڭ الدىڭعى قاتارىنان ورىن الدى.

  پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.

  تۇستەن كەيىن ساعات 3 تە، ۋاڭ ياڭ ءماجىلىستىڭ اشىلعانىن جاريالادى، زالداعىلار تۇگەل ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت گيمنىن اسقاقتاتا شىرقادى.

  ساياسي كەڭەس مەملەكەتتىك 12 - كەزەكتى كوميتەتىنىڭ ءتوراعاسى يۇي جىڭشىڭ ساياسي كەڭەس مەملەكەتتىك 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە وتكەن 5 جىلداعى قىزمەتتەن بايانداما جاسادى. ول مىنالاردى اتاپ كورسەتتى: ج ك پ 18 - قۇرىلتايىنان بەرگى 5 جىل − پارتيا مەن مەملەكەتتىڭ دامۋ ۇردىسىندەگى ەرەكشە 5 جىل بولدى. شي جينپيڭ جولداستى ۇيتقى ەتكەن ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيا مەن مەملەكەت ىستەرىندە تاريحي تابىسقا جەتۋدى، تاريحي وزگەرىس تۋدىرۋدى ىلگەرىلەتىپ، جۇڭگوشا سوتسياليزم جاڭا داۋىرگە ءوتتى. 5 جىلدان بەرى، شي جينپيڭ جولداستى ۇيتقى ەتكەن ج ك پ ورتالىق كوميتەتى حالىق ساياسي كەڭەسى قىزمەتىنە جالپى بەتتىك باسشىلىقتى كۇشەيتتى. باس شۋجي شي جينپيڭ كوپ رەت ماڭىزدى ءسوز سويلەپ، ءبىرقاتار جاڭا يدەيا، جاڭا تۇجىرىمداما، جاڭا تالاپ ورتاعا قويىپ، حالىق ساياسي كەڭەسى ىستەرىنىڭ دامۋىنداعى ماڭىزدى نازاريالىق جانە امالياتتىق ماسەلەلەرگە عىلمي جاۋاپ بەردى. ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى ج ك پ 18 - قۇرىلتايىنىڭ جانە 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، ىنتىماق جانە دەموكراتيا سىندى 2 ۇلكەن تاقىرىپقا تاباندى بولىپ، وزەكتى ارقاۋ ەتىپ، جالپى جاعدايعا قىزمەت ەتىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق، ساياسي نەگىزدى بەكەمدەۋدىڭ ارقاۋى ەتىپ، ۇكىمەت ىسىنە كەڭەس بەرۋ ارناسىن كەمەلدەندىرىپ، دەموكراتيالىق باقىلاۋ فۋنكتسياسىن كۇشەيتىپ، ىنتىماق، دوستىق قىزمەتىن كەڭەيتىپ، مىندەت اتقارۋ قابىلەتى قۇرىلىسىن كۇشەيتىپ، حالىق ساياسي كەڭەسى ىستەرىن مۇراگەرلىك ەتۋ بارىسىندا دامىتۋدى، دامىتۋ بارىسىندا جاڭالىق اشۋدى ىلگەرىلەتىپ، ىنتىماقتى، دەموكراتيالى، سىندارلى، العا ۇمتىلعان، قارىشتاپ دامىعان جاڭا جاعداي تۇلعالاپ، جۇڭگوشا سوتسياليزم ءتۇزىمنىڭ ارتىقشىلىقتارى مەن ەرەكشەلىكتەرىن ايگىلەپ، پارتيا مەن مەملەكەت ىستەرىندە كەم بولسا بولمايتىن ماڭىزدى رول اتقارىپ، كەلەلى ۇلەس قوستى.
    
      يۇي جىڭشىڭ باياندامادا دۇرىس ساياسي بەتالىستى مىقتى يگەرۋ، نازاردى پارتيا مەن مەملەكەتتىڭ وزەكتى مىندەتتەرىنە شوعىرلاندىرۋ، حالىقتى وزەك ەتكەن دامۋ يدەياسىن دايەكتىلەندىرۋ، ساياسي كەڭەستىڭ كەڭەستىك دەموكراتيا قۇرىلىسىن ىلگەرىلەتۋ، دەموكراتيالىق باقىلاۋ قىزمەتىن كۇشەيتۋ جانە جاقسارتۋ، بىرلىكساپتىڭ ۇيىمدىق رولىن تولىق ساۋلەلەندىرۋ، شەتەلدەرمەن دوستىق بارىس - كەلىستى كەڭىنەن ورىستەتۋ، ءوز قۇرىلىسىن بار كۇشپەن نىعايتۋ سياقتى 8 جاقتان ساياسي كەڭەس مەملەكەتتىك 12 - كەزەكتى كوميتەتىنىڭ قىزمەتىن ەسكە الدى، سونىمەن بىرگە، جۇڭگو كوممۋنيستىك پارتياسىنىڭ باسشىلىعىنا تاباندى بولۋ، حالىق ساياسي كەڭەسىنىڭ سيپاتى مەن ورنىنا تاباندى بولۋ سياقتى 6 ءتۇرلى زاڭدىلىق سيپاتتى تانىم مەن اسەردى قورىتىندىلادى، سونداي - اق بۇدان كەيىنگى قىزمەتتەر جونىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ سياقتى 5 ءتۇرلى ۇسىنىس ورتاعا قويدى.

  ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ تاپسىرۋىمەن، ۋان گاڭ ماجىلىسكە ساياسي كەڭەس مەملەكەتتىك 12 - كەزەكتى كوميتەتىنىڭ ۇسىنىس جوبا قىزمەتى جاعدايىنان بايانداما جاسادى. ول بىلاي دەدى: ساياسي كەڭەس مەملەكەتتىك 12 - كەزەكتى كوميتەتى كەزىندە ساياسي كەڭەس مۇشەلەرى، ساياسي كەڭەسكە قاتىناسۋشى ءار ورىن جانە ءار ارناۋلى كوميتەت قامداۋ جاعىنداعى قۇرىلىمدىق رەفورمانى ىلگەرىلەتۋ، ءادىليا ءتۇزىلىسى رەفورماسى، سوتسياليستىك وزەكتى قۇن كوزقاراسىن جەتىلدىرۋ جانە ىسكە اسىرۋ، كەدەيلىكتەن قۇتىلدىرۋدان قامال الۋ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى تىزگىندەۋ سياقتى كەلەلى ماسەلەلەردى تىعىز ارقاۋ ەتىپ، 29 مىڭ 378 ۇسىنىس جوبا ورتاعا قويدى، تەكسەرۋ ارقىلى ونىڭ 23 مىڭ 975ى ەستەلىككە الىندى. 2018 - جىلى 2 - ايدىڭ 20 - كۇنىنە دەيىن، %99 ۇسىنىس جوبا ءبىر جاقتى ەتىلىپ، جاۋاپ قايتارىلدى. باسىم كوپ ساندى ۇسىنىس جوبالارداعى پىكىر - ۇسىنىستار قابىلداندى نەمەسە بىرتىندەپ تياناقتاندىرىلۋدا.

  ديڭ شۋەشياڭ، ما كاي، ۋاڭ چىن، ليۋ ياندۇڭ، شۇي چيلياڭ، سۇن چۇنلان، لي شي، لي چياڭ، لي جيانگو، لي حۇڭجۇڭ، لي يۋانچاۋ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، فان چاڭلۇڭ، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋاڭ شىڭجۇن، چىن چاڭجى، يان جۇنچي، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ىشياڭ، جاڭ باۋۋىن، چىن جۋ، چاڭ ۋانچۋان، ۋاڭ يۇڭ، جوۋ چياڭ، ساۋ جيانميڭ، دۋ چيڭلين، حان چيدى، لين ۋىن - ي، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي جيچۇن، ما پەيحۋا، ليۋ شياۋفىڭ، ۋاڭ چينمين قاتارلى باسشى جولداستار دا ءتوراعالار مىنبەسىنەن ورىن الدى.

  ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتى جولداستارى ۇسىنىس بويىنشا اشىلۋ ماجىلىسىنە سىرتتاي قاتىناستى. ءار ەلدىڭ جۇڭگوداعى ەلشىلەرى، اقپارات ءمانساپتىلارى جانە شەتەلدەگى مۇھاجىر باۋىرلاستار دا ۇسىنىس بويىنشا اشىلۋ ماجىلىسىنە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.