ءتاڭىرتاۋ تورابى   ›   ۇيرەنۋ   ›   شولۋ

جاڭا داۋىردە قول ۇستاسىپ، تىڭ شۇعىلا جاراتايىق

− ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ اشىلۋى جونىندە

شينحۋا اگەنتتىگىنىڭ تىلشىلەرى شيۇڭ جىڭيان، شى جيڭنان، چىن ۋيۋي

  3 - ايدىڭ 3 - كۇنى ساعات 14، حالىق سارايىنىڭ ورتالىق زالى. اسكەري فورما كيگەن، جۇڭگونىڭ عارىشقا ۇشقان تۇڭعىش عارىشكەرى، مۇشە ياڭ ليۋي «مۇشەلەر دالىزىندە» ءبىرىنشى بولىپ جۇڭگولىق، شەتەلدىك تىلشىلەردىڭ الدىنا كەلدى.

  « جاڭا ءداۋىر − كۇرەسكەرلەردىڭ ءداۋىرى!». ياڭ ليۋي عارىش ىستەرىن مۇرات تۇتاتىن، ايانباي ەڭبەكتەنۋگە باتىل جاس دوستارعا ۇندەۋ جاريالاپ، ولاردىڭ عارىش ىستەرى قوسىنىنا قوسىلىپ، مەملەكەتىمىزدى عارىش ىستەرىندەگى ەگەي ەل ەتىپ قۇرىپ شىعىپ، جاڭا ءداۋىر ۇندەۋىنىڭ تالابىنان شىعۋىن ءۇمىت ەتتى.

  بۇل كەزدە حالىق سارايىندا ءار ۇلتتىڭ، ءار سالانىڭ، ءارقايسى دەموكراتيالىق پارتيا - توپتىڭ 2100 دەن استام مەملەكەتتىك ساياسي كەڭەس مۇشەسى ميلليارد حالىقتىڭ تىلەگىن ارقالاپ، شار تاراپتان وسى اراعا جينالىپ، ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناستى.

  بۇل جاڭا ءداۋىردىڭ سالتاناتتى جينالىسى. وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇدەرە العا باسىپ، پارتيا مەن مەملەكەت ىستەرىندە تاريحي تابىسقا جەتۋدى، تاريحي وزگەرىس تۋدىرۋدى ىلگەرىلەتتى.

  جاڭا ءداۋىر كوورديناتىندا بيىلعى ءماجىلىس نازاردى ايرىقشا اۋداردى.

  100 نەشە كۇننىڭ الدىندا، پارتيا 19 - قۇرىلتايى جەڭىسپەن جابىلدى. قۇرىلتاي شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جۇڭگو كوممۋنيستىك پارتياسى، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىرىپ، جاپپاي دوڭگەلەك داۋلەتتى قوعام ورناتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوسپارىن كەسكىندەدى.

  2018 - جىل − پارتيا 19 - قۇرىلتايىنىڭ رۋحىن دايەكتىلەندىرۋدىڭ باستاما جىلى، رەفورما جاساپ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋداعى، «13 - بەسجىلدىق» جوبانى اتقارۋدا الدىڭعىنى سوڭعىعا جالعاۋداعى شەشۋشى جىل.

  كوكتەم سامالى ەسىپ، جىلى شۋاق شاشىلدى، حالىق سارايى ايبىندى سالتاناتقا شومدى. تۇستەن كەيىن ساعات بىردەن وتكەندە، شىعىس قاقپانىڭ سىرتىنداعى الاڭدا جۇڭگولىق، شەتەلدىك تىلشىلەر مۇشەلەردى كۇتىپ تۇردى.

  شىعىس قاقپا سىرتىنداعى الاڭنان حالىق سارايىنىڭ شىعىس زالىنا دەيىنگى ارالىقتا كەيبىر مۇشەلەر تىلشىلەردىڭ قورشاۋىندا قالدى...

  «ءبىز شي جينپيڭ جولداستى ۇيتقى ەتكەن ج ك پ ورتالىق كوميتەتىن باتىل قولدايمىز، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مىندەت اتقارىپ، جاۋاپكەرلىكتى ادا ەتىپ، جاڭا ىسكەرلىك كورسەتۋىمىز كەرەك». يۇنناننان كەلگەن مۇشە ياڭ نيڭ (بايزۋ)، مۇشە حى شياڭحۇڭ (ناشي) ۇلتتىق كيىم كيىپ، ءوزارا پىكىرلەسىپ باسپالداققا شىقتى.

  «پارتيا 19 - قۇرىلتايىنا قاتىناسقاننان تۇڭعىش رەت ساياسي كەڭەس ماجىلىسىنە قاتىناسقانعا دەيىن، جاۋاپكەرلىگىمنىڭ ماڭىزدىلىعىن، بورىشىمنىڭ داڭقتىلىعىن سەزىندىم. ءبىز پارتيا 19 - قۇرىلتايىنداعى ورنالاستىرۋلاردى ناقتى ارەكەتىمىزگە اينالدىرىپ، سەنىمدى بەكەمدەپ، قيىنشىلىقتاردى جەڭە العا ۇمتىلىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزىپ، دوڭگەلەك داۋلەتتى ورەگە بۇكىل ەلىمىزبەن تەڭ قادامدا جەتۋگە كۇش سالامىز»، - دەدى گۇيجوۋ ولكەسى پانجوۋ قالاسى يۇيني اۋىلى يانبو قىستاعى پارتكومىنىڭ شۋجيى، مۇشە ليۋ فىن.

  «مەن رەفورما جاساپ، ەسىك اشۋدان يگىلىكتەنگەندەردىڭ ءبىرىمىن، مەملەكەتتىڭ دامۋى حالىقتى ارماندارىن جۇزەگە اسىرۋ ورايىنا يە ەتتى. جاڭا داۋىردە رەفورما جاساپ، ەسىك اشۋدا، ءسوز جوق، جاڭا جاعداي جارىققا شىعادى، ءبىز، ءسوزسىز، تالىقپاي تالپىنۋىمىز كەرەك»، - دەدى شىنجىن ياچاڭ مادەنيەت توبىنىڭ باسالقاسى، مۇشە ۋان جيە.

  سارايدىڭ ءىشى گۇل شوقتارىمەن جايناپ، تىرشىلىك تىنىسى جالىندادى. زالدا مۇشەلەر ءبىر اراعا باس قوسىپ، بولاشاق جونىندە اقتارىلا اڭگىمەلەستى.

  «قوس 100 جىلدىق كۇرەس نىساناسى كىسىنى جىگەرلەندىرەدى، ءبىز ۋاقىتپەن جارىسۋ كوكەي تەستىلىك سەزىمىمەن جانە مەنەن باسقا كىم بار دەيتىن جاۋاپكەرلىك سەزىممەن جوعارى ساپالى دامۋدى ىلگەرىلەتىپ، جاڭا داۋىردە مۇنان دا زور تابىستارعا قول جەتكىزۋىمىز كەرەك»، - دەدى مەملەكەتتىك اكىمشىلىك ينستيتۋتى ەكونوميكا وقىتۋ - زەرتتەۋ ءبولىمىنىڭ مەڭگەرۋشىسى، مۇشە جاڭ جانبين.

  10 مىڭ ادامدىق ۇلكەن جيىن زالىندا جۇڭگو حالىق ساياسي كەڭەسىنىڭ گەربى شۇعىلا شاشىپ تۇر.

  قىزۋ قول شاپالاق ءۇنى ىشىندە، شي جينپيڭ قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  ساعات 15 تە، ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى ءتوراعالار القاسىنىڭ ءماجىلىسىن باسقارۋشى ۋاڭ ياڭ ءماجىلىستىڭ اشىلعاندىعىن جاريالادى. بارلىق ادام ورىندارىنان تۇرىپ، مەملەكەت گيمنىن شىرقادى.

  ساياسي كەڭەس مەملەكەتتىك 12 - كەزەكتى كوميتەتىنىڭ ءتوراعاسى يۇي جىڭشىڭ مىنبەگە شىعىپ ءسوز سويلەپ، ساياسي كەڭەس مەملەكەتتىك 12 - كەزەكتى كوميتەتى اتىنان ماجىلىسكە بايانداما جاسادى. وتكەن 5 جىلداعى قىزمەت ناتيجەلەرى ايتارلىقتاي بولدى −

  حالىق ساياسي كەڭەس ىستەرى بۇرىنعىعا مۇراگەرلىك ەتۋ بارىسىندا دامىپ، دامۋ بارىسىندا جاڭالىق اشىپ، ىنتىماقتى، دەموكراتيالى، سىندارلى، العا باسقان، ارشىندى قاداممەن العا باسقان جاڭا جاعدايدى تۇلعالاپ، جۇڭگوشا سوتسياليزم ءتۇزىمىنىڭ باسىمدىعى مەن ەرەكشەلىگىن ايگىلەدى؛

  يدەيالىق، ساياسي قۇرىلىستى جەتەكشى ەتىپ، ىنتىماقتاسا كۇرەسكەن ورتاق يدەيالىق ساياسي نەگىز بەكەمدەلدى؛

  حالىق ساياسي كەڭەسى ىنتىماقتىڭ، دەموكراتيانىڭ، جاراسىمدىلىقتىڭ جانۇياسىنا اينالدى؛

  «قاجەتتى كەزدە اقىل - كەڭەس بەردى، ۇكىمەت ىسىنە دۇرىس كەڭەس بەردى، شەشۋشى ورىندا باقىلادى»؛

  بولاشاققا نازار سالىپ، الداعى قىزمەتتەرگە شىنايى، ناقتى ۇسىنىس بەرەيىك −

  «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى بارىنەن دە ماڭىزدى ورىنعا قويدى»؛

  «جاڭا <2 كەزەڭدىك> ستراتەگيالىق ورنالاستىرۋىن ارقاۋ ەتىپ، كەشەندى، ستراتەگيالىق، كورەگەن كەڭەس تاقىرىپتارىن تاڭداپ، اقىل - كەڭەس بەردى»؛

  «كەڭەسۋدى، باقىلاۋدى، قاتىسۋدى، ىنتىماقتاستىقتى ءبىر تۇلعالاندىرىپ، ساياسي كەڭەستىڭ دەموكراتيالىق باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ەرەكشە رولىن اناعۇرلىم جاقسى ساۋلەلەندىردى»...

  بۇكپەسىز دە ىزگى نيەتتى سوزدەردى ەستىگەن مۇشەلەر قايتا - قايتا دۋ قول شاپالاق سوقتى جانە كۇشتى اڭىس ءبىلدىردى.

  «مەن جاڭا مۇشەمىن، مۇشە تانىمىمدى كۇشەيتىپ، جاۋاپكەرلىكتى ارقالاپ، ىستەردى جادىمدا ساقتايمىن، عىلمي ماسەلەلەرگە نازار اۋدارۋمەن قاتار، حالىق تۇرمىسى تاقىرىپتارىن دا اڭىس ەتەمىن، تەكسەرۋ - زەرتتەۋدى كۇشەيتىپ، مىندەتىمدى، جاۋاپكەرلىگىمدى ءتىپتى دە جاقسى اتقارامىن»، - دەدى جۇڭگو عىلىمدار اكادەمياسىنىڭ اكادەميگى، مۇشە سۇي شياڭچۇن.

  «جۇڭگو كوممۋنيستىك پارتياسىنىڭ 19 - قۇرىلتايىنان كەيىن، دەموكراتيالىق پارتيا - توپتار ساحنانىڭ ءتىپتى دە ۇلكەن، فۋنكتسيانى اتقارۋ كولەمىنىڭ ءتىپتى دە كەڭ ەكەنىن تەرەڭ سەزىندى. بيىل جۇڭگو دەموكراتيانى ىلگەرىلەتۋ قوعامى ورتالىق كوميتەتى تاراپتاردىڭ پىكىرىن ىشكەرىلەي تەكسەرىپ، زەرتتەپ، تولىق قابىلداپ، پارتيا - توپتاردىڭ 44 ۇسىنىس جوباسىن اكەلدى. ءسوزسىز، ىشكەرىلەي تەكسەرۋ - زەرتتەۋ جۇرگىزىپ، ءتىپتى دە ويداعىداي اقىل - كەڭەس بەرۋىمىز كەرەك»، - دەدى جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ورىنباسار ءتوراعاسى، مۇشە جۋ يۇڭشين.

  ساعات 16دان 30 مينۋت مولشەرىندە اشىلۋ ءراسىمى اياقتادى.

  حالىق سارايىنان شىققان جۇڭگو اسەمونەر سارايىنىڭ باستىعى، ءمۇسىنشى، مۇشە ۋ ۋيشان بىلاي دەدى: ۇلى ءداۋىر جاسامپازدىق شابىتىمىزدى تاسقىنداتتى، «اسپان كوزىنىڭ اتاسى» نان رىندۇڭنىڭ ءمۇسىنىن ەندى عانا جاساپ بولدىم، بيىل دا شۇعىل جۇمىس ىستەپ، ءتىپتى دە جاقسى تۋىندىممەن جاڭا ءداۋىردى بەينەلەيمىن، جاڭا ءداۋىردى ەستەلىككە الامىن، جاڭا ءداۋىردى ايگىلەيمىن!

    (شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى