ءتاڭىرتاۋ تورابى   ›   ۇيرەنۋ   ›   شولۋ

پارتيا مەن مەملەكەت قۇرىلىمى رەفورماسىن تەرەڭدەتۋدىڭ پرينسيبىن مىقتى يگەرەيىك

پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

  بەتالىس پەن پرينسيپ توتەنشە ماڭىزدى. قانداي رەفورما بەتالىسىنا تاباندى بولۋ، قانداي رەفورما پرينسيبىنە بويسۇنۋ رەفورمانىڭ سيپاتى مەن سوڭعى ناتيجەسىن بەلگىلەيدى.

  پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە پارتيا مەن مەملەكەت قۇرىلىمى رەفورماسىنىڭ جەتەكشى يدەياسى مەن نىساناسى ايقىندالىپ، رەفورما جاساۋدا پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، ساپاعا، سايكەستىلىككە، جوعارى ونىمدىلىككە تاباندى بولۋ، مەملەكەتتى جاپپاي زاڭمەن جونگە سالۋعا تاباندى بولۋ پرينسيبىن، ءسوزسىز، دايەكتىلەندىرۋ باسا دارىپتەلدى. پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋدە، دايەكتىلەندىرۋدە قۇرىلىم رەفورماسىن تەرەڭدەتۋدىڭ 4 پرينسيبىن مىقتى يگەرىپ، رەفورمانى ىلگەرىلەتۋ سانالىلىعى مەن تاباندىلىعىن كۇشەيتۋ كەرەك.

  پارتيانىڭ جالپى بەتتىك باسشىلىعى − پارتيا مەن مەملەكەت قۇرىلىمى رەفورماسىن تەرەڭدەتۋدىڭ ءتۇبىرلى كەپىلى. پارتيانىڭ جالپى بەتتىك باسشىلىعىنا تاباندى بولۋدى كەمەلدەندىرۋ ءتۇزىمى − پارتيا مەن مەملەكەت قۇرىلىمى رەفورماسىن تەرەڭدەتۋدەگى ماڭداي الدى مىندەت. جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمىنىڭ ەڭ زور باسىمدىعى. پارتيا مەن مەملەكەت قۇرىلىمى رەفورماسىن تەرەڭدەتىپ، اناعۇرلىم كەمەلىنە كەلگەن، اناعۇرلىم بەكەمدەلگەن جۇڭگوشا سوتسياليزم ءتۇزىمىن قالىپتاستىرۋعا قۇلشىنۋدا وسى ەڭ ماندىك ەرەكشەلىكتى، ءسوزسىز، كورنەكتىلەندىرۋىمىز، وسى ەڭ زور باسىمدىقتى ساۋلەلەندىرۋىمىز كەرەك. پارتيانىڭ جالپى بەتتىك باسشىلىعىن ءبىر تۇتاس جەتەكشى ەتىپ، پارتيانىڭ بارلىق قىزمەتكە باسشىلىق ەتۋىن كۇشەيتۋدى رەفورمانىڭ ءارقايسى جاعىنا جانە تۇتاس بارىسىنا ءسىڭىرىپ، پارتيانىڭ ۇيىمدىق قۇرىلىمىن ساپالىلاندىرىپ، پارتيا باسشىلىعىنىڭ تولىق قامتۋىنا، پارتيانىڭ باسشىلىعىنىڭ اناعۇرلىم پارمەندى، قۋاتتى بولۋىنا شىنايى كەپىلدىك ەتكەندە عانا، پارتيانىڭ بەتالىستى مەڭگەرۋ، جالپى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن ۇزدىكسىز جوعارىلاتۋعا بولادى.

  حالىقتى وزەك ەتۋ − پارتيانىڭ ءتۇبىرلى ماقساتىنىڭ تياناعى، پارتيانىڭ بارلىق قىزمەتىنىڭ ارقاۋى، ءبىز، ءسوزسىز، تاباندى بولاتىن رەفورمانىڭ قۇن بەتالىسى. باس شۋجي شي جينپيڭ مىنانى تالاي رەت باسا دارىپتەدى: حالىق بۇقاراسى نەلەرگە كوڭىل بولسە، نەنى ارمانداسا، رەفورمادا سونى مىقتى يگەرۋ، سونى ىلگەرىلەتۋ كەرەك، رەفورما ارقىلى حالىق بۇقاراسىن اناعۇرلىم مول تابىس سەزىمىنە كەنەلدىرۋ قاجەت. پارتيا مەن مەملەكەت قۇرىلىمى رەفورماسىن تەرەڭدەتۋدە قالىڭ حالىقتىڭ ءتۇبىرلى مۇددەسىن ىسكە اسىرۋدى، ويداعىداي قورعاۋدى، دامىتۋدى رەفورمانىڭ شىعار ءتۇيىنى جانە تابان تىرەر تياناعى ەتىپ، ءتۇرلى جاقتارداعى تۇزىمدىك ورنالاستىرۋلاردان بەينەلەۋ كەرەك. حالىقتىڭ تۇلعالىق ورنىنا تاباندى بولىپ، حالىقتىڭ قوجايىن بولۋ ءتۇزىمى جۇيەسىن كەمەلدەندىرىپ، حالىقتىڭ مۇددەسىن كوزدەيتىن، حالىق ءۇشىن ءىس ىستەيتىن، حالىقتىڭ مۇڭ - مۇقتاجىن شەشەتىن، حالىقتىڭ مۇددەسىنە كەپىلدىك ەتەتىن، حالىقتىڭ ۇنىنە قۇلاق اساتىن، حالىقتىڭ باقىلاۋىن قابىلدايتىن ءتۇزىلىس پەن مەحانيزمدى كەمەلدەندىرگەندە عانا، حالىق ءۇشىن مەملەكەت ىستەرىن زاڭمەن باسقارۋدى، ەكونوميكا - مادەنيەت ىستەرىن باسقارۋدى، قوعامدىق ىستەردى باسقارۋدى اناعۇرلىم پارمەندى قامتاماسىز ەتۋگە بولادى.

  ساپالىلىق، سايكەستىلىك، ونىمدىلىك − پارتيا مەن مەملەكەت قۇرىلىمى رەفورماسىن تەرەڭدەتۋدەگى كۇش سالۋ ءتۇيىنى، رەفورمانىڭ نىساناسى − پارتيا مەن مەملەكەت قۇرىلىمىنىڭ جۇيەسى كەمەلدى، عىلمي ارناعا تۇسكەن، اينالىم ونىمدىلىگى جوعارى فۋنكتسيا جۇيەسىن قالىپتاستىرۋ. ساپالى بولۋ − عىلمي دا ۇيلەسىمدى بولۋدى، ۇقىق پەن جاۋاپكەرلىكتىڭ بىركەلكى بولۋىن، سايكەستىلىك − ءبىرىڭعايلىق پەن پارىقتى، نەگىزگى جاق پەن قوسىمشا جاقتى، ونىمدىلىك − قىزمەت جاۋاپكەرلىگىن تىڭعىلىقتى تياناقتاندىرۋدى، ىركىلىسسىز بولۋدى مەڭزەيدى. ماسەلەنى نىشان ەتۋگە تاباندى بولىپ، نازاردى دامۋدىڭ قاجەتىنە، نەگىزگى ساتىنىڭ تىلەگىنە، حالىقتىڭ قالاۋىنا شوعىرلاندىرىپ، قۇرىلىمداردىڭ ورنالاسۋى مەن فۋنكتسيالىق سەپتەلۋىن ساپالىلاندىرىپ، سايكەسە ارەكەتتەنۋدى كۇشەيتىپ، ونىمدىلىكتى جوعارىلاتىپ، اركىمنىڭ باس - باسىنا بيلەۋىنەن، جاۋاپكەرلىكتىڭ ايقىن بولماۋىنان، جاۋاپكەرلىكتەن قاشقالاقتاۋدان اۋلاق بولىپ، رەفورما مەن دامۋعا تۇساۋ بولاتىن تۇزىلىستىك، مەحانيزمدىك كىناراتتاردى بەلدى بەكەم بايلاي وتىرىپ الاستاعاندا عانا، پارتيا مەن مەملەكەت قۇرىلىمىن اناعۇرلىم عىلمي قۇرۋعا، فۋنكتسياسىن اناعۇرلىم ساپالىلاندىرۋعا، ۇقىق پەن جاۋاپكەرلىكتى اناعۇرلىم سايكەستىرۋگە، باقىلاۋ مەن باسقارۋدى اناعۇرلىم كۇشەيتۋگە، جۇمىس جۇرگىزۋ ونىمدىلىگىن اناعۇرلىم جوعارىلاتۋعا بولادى.

  مەملەكەتتى زاڭمەن جونگە سالۋ − پارتيانىڭ حالىققا باسشىلىق ەتىپ مەملەكەتتى جونگە سالۋىنىڭ ءتۇبىرلى فورماسى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ قاجەتتى تالابى. پارتيا مەن مەملەكەت قۇرىلىمى رەفورماسىن تەرەڭدەتۋدە مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى، ءسوزسىز، بەتالىس ەتىپ، زاڭمەن جونگە سالۋ ارناسىمەن جۇرۋگە، رەفورما مەن زاڭمەن جونگە سالۋدى ءوزارا بىرلىككە كەلتىرۋگە، ءبىرى ارقىلى ءبىرىن جەبەۋگە تاباندى بولىپ، پارتيا مەن مەملەكەت قۇرىلىمىنىڭ فۋنكتسياسىن زاڭمەن، ەرەجەمەن كەمەلدەندىرۋ كەرەك. زاڭمەن جونگە سالۋدىڭ رەفورمانى جۇيەگە ءتۇسىرۋ، رەفورماعا كەپىلدىك ەتۋ رولىن ساۋلەلەندىرىپ، زاڭمەن جونگە سالۋ بارىسىندا رەفورمانى ىلگەرىلەتىپ، كەلەلى رەفورمانىڭ زاڭدىق نەگىزى بولۋدى ىسكە اسىرۋ ءارى رەفورما ارقىلى زاڭمەن جونگە سالۋ قىزمەتىن كۇشەيتىپ، رەفورما بارىسىندا زاڭمەن جونگە سالۋدى كەمەلدەندىرۋ جانە كۇشەيتۋ كەرەك.

   جالپى جاعدايدى مەڭگەرگەندە بەتالىستى تۇزەۋگە، نەگىزدى مىقتى يگەرگەندە سوڭعىلاردى جونگە سالۋعا بولادى. پارتيا مەن مەملەكەت قۇرىلىمى رەفورماسىن تەرەڭدەتۋدەگى 4 پرينسيپ − قۇرىلىم رەفورماسىن تەرەڭدەتۋدىڭ تانىم نازارياسى ءارى قۇرىلىم رەفورماسىن تەرەڭدەتۋدىڭ ءادىس نازارياسى، رەفورمانى دۇرىس بەتالىسپەن ىلگەرىلەتۋدىڭ ماڭىزدى كەپىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا مەن مەملەكەت قۇرىلىمى رەفورماسىن تەرەڭدەتۋدىڭ جەتەكشى يدەياسىن، نىساناسىن، پرينسيبىن مىقتى يگەرىپ، وعان باستان - اياق تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى مىقتى يگەرۋدەن جازباي، رەفورما مىندەتتەرىن تولىق ورىنداۋعا، ءسوزسىز، كەپىلدىك ەتىپ، مەملەكەتتى زاڭمەن جونگە سالۋ قابىلەتى مەن زاڭمەن جونگە سالۋ ورەسىن جاپپاي جوعارىلاتىپ، اناعۇرلىم كەمەلدى جۇڭگوشا سوتسياليستىك ءتۇزىم ورناتۋعا ءتيىمدى شارت - جاعداي ازىرلەۋىمىز كەرەك.

    (شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى