ءتاڭىرتاۋ تورابى   ›   ۇيرەنۋ   ›   شولۋ

جاڭا ءداۋىردىڭ كۇرەسكەرلىك ۇلى كۇشىن ۇيىستىرايىق

− مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ اشىلعاندىعىن قىزۋ قۇتتىقتايمىز

  جازعىتۇرىم بايتاق دالا شىت جاڭا تۇسكە ەندى. كۇللى دۇنيە كوز تىككەن مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بۇگىن سالتاناتپەن اشىلادى. الداعى 10 نەشە كۇندە جاڭا كەزەكتى مەملەكەتتىك حالىق قۇرىلتايىنىڭ 3000عا تاياۋ ۋاكىلى وسى ارادا مەملەكەت ءىسىن بىرگە اقىلداسىپ، جاڭا داۋىردەگى رەفورمانىڭ، دامۋدىڭ ۇلى جوباسىن جاسايدى. ءبىز قۇرىلتايدىڭ اشىلعاندىعىن قىزۋ قۇتتىقتايمىز!

  پارتيا 19 - قۇرىلتايى وسى عاسىردىڭ ورتا شەنىنە دەيىنگى ەلىمىزدىڭ دامۋ ۇلى جوباسىن جاسادى، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن باستادى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى نەگىزگى زاڭنىڭ وزگەرىس ەنگىزىلگەن جوباسى نۇسقاسىن جانە باقىلاۋ - تەكسەرۋ زاڭىنىڭ جوباسىن قارايدى، جاڭا كەزەكتى مەملەكەتتىك ورگاننىڭ باسشىلارىن سايلايدى جانە تاعايىنداۋدى ۇيعارادى، ىقپالى تەرەڭ ءبىرسىپىرا كەلەلى ىستەردى ۇيعارادى. وسى رەتكى ءماجىلىستى ويداعىداي اشىپ، پارتيانىڭ دارىپتەمەسى مەن حالىقتىڭ تىلەگىن مەملەكەت ەركىنە ۇيىستىرۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جولىندا تىنباي كۇرەس جاساۋعا جۇمىلدىرۋ جونىنەن ەرەكشە ماڭىزدى ءمان الادى.

  وتكەن 5 جىلدا، مەملەكەتتىك 12 - كەزەكتى حالىق قۇرىلتايى جانە ونىڭ تۇراقتى كوميتەتى پارتيا 18 - قۇرىلتايى مەن پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتە وتىرىپ قىزمەت ۇقىعىن زاڭ بويىنشا اتقاردى. مەيلى «13 - بەسجىلدىق» جوبا باعدارلاماسىن زاڭ بويىنشا تەكسەرىپ - بەكىتۋ، جاسامپازدىق سيپاتتى ءتاسىل قولدانىپ، لياۋنيڭنىڭ داۋىس جيناپ، سايلاۋعا قارالىق ىستەۋ دەلوسىنداعى ەرەكشە ماسەلەلەردى دەر كەزىندە ۇتىمدى ءبىر جاقتى ەتۋ بولسىن، الدە شياڭگاڭنىڭ ءتۇبىرلى زاڭىنىڭ 104 - تارماعىنا زاڭ بويىنشا تۇسىنىك جاساۋ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋگە زاڭدىق قامتاماسىزدىق اپەرۋ بولسىن، مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ءىرى، ماڭىزدى ىستەردە باتىلدىقپەن جاۋاپكەرلىك ارقالاپ، شەبەرلىكپەن ءىس تىندىرىپ، ءار جاقتاعى قىزمەتتەردە كورنەكتى ناتيجەگە قول جەتكىزدى. 5 جىلعى مىندەتتى اتقارىپ، جاۋاپكەرلىكتى ادا ەتۋدە حالىق قۇرىلتايى قىزمەتى پارتيانىڭ باسشىلىعىنا، حالىقتىڭ قوجا بولۋىنا، مەملەكەتتى زاڭمەن جونگە سالۋعا تاباندى بولۋ سىندى 3 جاقتىڭ شىنايى ۇشتاسۋىن، ورگانيكالى بىرلىگىن جۇزەگە اسىردى. اماليات حالىق قۇرىلتايى ءتۇزىمىنىڭ جۇمىس ىستەۋ، جۇمىستى تىندىرىمدى ىستەۋ، جۇمىستان ناتيجە شىعارۋ سىندى ءتۇبىرلى ساياسي تۇزىمگە ۇتىمدى كەپىلدىك ەتكەندىگىن تولىق دالەلدەدى.

  وتكەن 5 جىلداعى بارىسقا قايىرىلا قاراساق، مىناداي تۇجىرىم ەرەكشە ايقىن: پارتيانىڭ باسشىلىعىنا تاباندى بولۋ − حالىق قۇرىلتايى ءتۇزىمىنىڭ ماندىك تالابى جانە ەڭ ۇلكەن باسىمدىعى، حالىق قۇرىلتايى قىزمەتىن ويداعىداي ىستەۋدىڭ ءتۇبىرلى كەپىلى جانە شەشۋشى ءتۇيىنى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى حالىق قۇرىلتايى تۇزىمىنە ۇزاق ۋاقىت تاباندى بولۋعا، ونى ۇزدىكسىز كەمەلدەندىرۋگە عىلمي نازاريالىق جەتەكشىلىك ازىرلەدى. تەك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باتىل تاباندى بولىپ، جۇڭگوشا سوتسياليزمنىڭ دامۋ تالابىمەن تىعىز بايلانىستىرىپ، ماركسيزمنىڭ جۇڭگوشالانعان ەڭ جاڭا جەتىستىكتەرىن سانالى قولدانىپ، امالياتقا جەتەكشىلىك ەتىپ، قيىن تاقىرىپتاردى شەشەتىن بولساق، حالىق قۇرىلتايى ءتۇزىمى مەن حالىق قۇرىلتايى قىزمەتى سوندا عانا تىڭ ومىرشەڭدىك كۇشكە يە بولادى، اناعۇرلىم داۋىرلىك سيپات الادى.

  جاڭا ءداۋىردىڭ نىسانالارى مەن مىندەتتەرىنە كوز جىبەرسەك، مىناداي تالاپتى، ءسوز جوق، ەستە بەرىك ساقتاۋ كەرەك: جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە حالىقتىڭ قوجا بولۋىن مەملەكەتتىڭ ساياسي تۇرمىسى مەن قوعامدىق تۇرمىسى بارىسىندا شىنايى تياناقتاندىرۋ كەرەك. ءاربىر حالىق قۇرىلتايى ۋاكىلى جونىنەن العاندا، حالىقتى وزەك ەتۋگە تاباندى بولۋ ابستراكتتىك ەمەس، قايتا ول حالىقتىڭ ۇنىنە جاۋاپ قايتارۋدا ايگىلەنەدى، قاي - قاشان دا حالىقتىڭ تىلەگىنە قۇرمەت ەتۋدە، حالىقتىڭ ۇقىق - مۇددەسىن قامتاماسىزداندىرۋدا، حالىقتى باقىتقا كەنەلتۋدە، حالىقتىڭ جاسامپازدىق قۋاتىن جۇمىلدىرۋدا ايگىلەنەدى، ۇقىقتى حالىق ءۇشىن پايدالانۋدا، مىندەتتى حالىق ءۇشىن اتقارۋدا، حالىق ءۇشىن قىزمەت ىستەۋدە ايگىلەنەدى، سوندىقتان حالىقتىڭ باقىلاۋىن سانالى تۇردە قابىلداپ، بۇقارانىڭ ءتول مۇددەسىنە قاتىستى ءتۇيىندى، قيىن ماسەلەلەردى ويداعىداي شەشۋ كەرەك.

  زاڭمەن جونگە سالۋ − ەل باسقارۋدىڭ نەگىزگى ءتاسىلى، ءبىزدىڭ سوتسياليستىك وسىزاماندانعان مەملەكەتتى جاپپاي قۇرۋىمىزداعى ماڭىزدى ءبىر نارسە − جۇڭگوشا سوتسياليستىك زاڭمەن جونگە سالۋ جۇيەسىن قۇرۋ، سوتسياليستىك زاڭمەن جونگە سالىناتىن مەملەكەت قۇرۋ. پارتيا 19 - قۇرىلتايى مەملەكەتتى زاڭ بويىنشا جاپپاي جونگە سالۋدى ىلگەرىلەتۋ، مەملەكەتتى زاڭمەن جونگە سالۋدى تەرەڭدەتۋ امالياتى جونىندە جاڭا تالاپ قويدى. زاڭ شىعارۋدىڭ الدا جۇرۋىنە تاباندى بولىپ، زاڭ شىعارۋدىڭ جەتەكشىلىك جانە ىلگەرىلەتۋ رولىن ساۋلەلەندىرىپ، زاڭمەن جونگە سالۋ جاعدايىندا رەفورمانى ىلگەرىلەتۋ، رەفورما بارىسىندا زاڭمەن جونگە سالۋدى كەمەلدەندىرۋ؛ نەگىزگى زاڭدا، زاڭداردا بەرىلگەن باقىلاۋ ۇقىعىنان شىنايى ويداعىداي پايدالانىپ، زاڭداردىڭ دۇرىس، ۇتىمدى اتقارىلۋىنا كەپىلدىك ەتۋدى مەملەكەتتى جاپپاي زاڭمەن جونگە سالۋدى ىلگەرىلەتۋدىڭ ماڭىزدى تۇتقاسى ەتىپ، قاتاڭ زاڭ اتقارۋدى، ءادىل ءادىليانى، جالپى حالىقتىڭ زاڭعا بويسۇنۋىن ىلگەرىلەتۋدە مەملەكەتتىك حالىق قۇرىلتايى جانە ونىڭ تۇراقتى كوميتەتى ماڭىزدى مىندەت ارقالايدى، ۇلكەن ءىس تىندىرادى.

  2018 - جىل − پارتيا 19 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى ءارى مەملەكەتتىك 13 - كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ مىندەتىن زاڭ بويىنشا اتقارۋىنداعى العاشقى جىل. وتكەنگە قايىرىلا قاراساق، حالىق قۇرىلتايى ءتۇزىمى حالىققا تامىر تارتقان، ءداۋىردى تياناق ەتكەن، قۇدىرەتتى ومىرشەڭدىك كۇشكە جانە كورنەكتى باسىمدىققا يە بولعان. بولاشاققا كوز جىبەرسەك، حالىق قۇرىلتايى ءتۇزىمىنىڭ الداعى جەردە جاڭا داۋىردە جاڭا بەينەنى ايگىلەيتىندىگى، جاڭا ءىس تىندىراتىندىعى ءشۇباسىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى كۇرەسكەرلىك ۇلى كۇشتى ۇيىستىرىپ، حالىق ءۇشىن تىنباي كۇرەس جاساپ، حالىقپەن بىرگە كۇرەسىپ، جۇڭگوشا سوتسياليزم ىستەرىنىڭ جاڭا تاراۋىن بىرگە جازايىق.

  قۇرىلتايدىڭ تولىق تابىستى بولۋىن تىلەيمىز!

    (شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى