پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
جۇڭگوشا سوتسياليزم ءتۇزىمىن كەمەلدەندىرۋدى جانە دامىتۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى رەفورمانى جاپپاي تەرەڭدەتۋدىڭ باس نىساناسىن كوزدەي وتىرىپ، پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ءتىپتى دە جوعارى باستامادا رەفورمانى جوسپارلادى جانە ىلگەرىلەتتى، پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جونىندە كەمەلدى جوبا، جۇيەلى ورنالاستىرۋ جاساپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ، سوتسياليستىك ءتۇزىمنىڭ ءوزىن - ءوزى كەمەلدەندىرۋى مەن دامۋىن جەبەۋ جونىنەن ماڭىزدى قادام تاستادى. پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋدە پارتيا مەن مەملەكەت قۇرىلىمدارى رەفورماسىن تەرەڭدەتۋدەگى ءتۇرلى ورنالاستىرۋلاردى، ءسوزسىز، جاپپاي تياناقتاندىرۋدان، مەملەكەتتى جونگە سالۋدى وسىزامانداندىرۋدى تىنباي العا جەبەۋدەن جازباۋ قاجەت.
وسى جولعى جالپى ماجىلىستە پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جونىندە مىناداي 4 جاقتان ورنالاستىرۋ جاسالدى: پارتيانىڭ جالپى بەتتىك باسشىلىق ەتۋ ءتۇزىمىن كەمەلدەندىرۋ جانە وعان تاباندى بولۋ؛ ۇكىمەت قۇرىلىمدارىنىڭ ورنالاسۋى مەن فۋنكتسيالىق سەپتەلۋىن جاقسارتۋ؛ پارتيا، ۇكىمەت، ارميا، حالىقتىق قۇرىلىمدار رەفورماسىن ءبىر تۇتاس جوسپارلاۋ؛ جەرگىلىكتى ورىندار قۇرىلىمىن ۇيلەسىمدى قۇرۋ. مۇنداي ورنالاستىرۋ جاساۋدا پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋدەگى ماڭداي الدى مىندەتىمىز − پارتيانىڭ سان سالالى قىزمەتتەرگە بولعان باسشىلىعىن كۇشەيتىپ، پارتيانىڭ ۇيىمدىق قۇرىلىمىن جاقسارتۋ ارقىلى قۇرىلىمدىق فۋنكتسيادا پارتيانىڭ بارلىق قىزمەتكە باسشىلىق ەتۋىندەگى ءتۇزىلىس مەحانيزمى ماسەلەسىن شەشىپ، پارتيانىڭ ۇزاق ۋاقىت بيلىك جۇرگىزۋ بارىسىندا مەملەكەتتى جونگە سالۋ جۇيەسىندە پارتيا، ۇكىمەت، ارميا، حالىقتىق ۇيىمداردىڭ قۇرىلىمدىق فۋنكتسيا قاتىناسى ماسەلەسىن شەشىپ، پارتيانىڭ باسشىلىعى سىندى ەڭ ۇلكەن ءتۇزىم باسىمدىعىن ءونىمدى ساۋلەلەندىرۋدى كەمەلدى دە پارمەندى ءتۇزىلىس مەحانيزمىمەن قامتاماسىز ەتىپ، بەرىك ۇيىمدىق نەگىزدى جانە ءونىمدى قىزمەت كورسەتۋ جۇيەسىن بەكەمدەپ، پارتيا باسشىلىعىنىڭ ءتىپتى دە پارمەندى دە قۋاتتى بولۋىنا كەپىلدىك ەتۋ. ۇكىمەت فۋنكتسياسىنا بۇرىلىس جاساۋ − پارتيا مەن مەملەكەت قۇرىلىمدارى رەفورماسىن تەرەڭدەتۋدەگى ماڭىزدى مىندەت، مۇندا بازاردىڭ بايلىقتى جايعاستىرۋدا شەشۋشى رول كورسەتۋىنە، ۇكىمەتتىڭ رولىن اناعۇرلىم ساۋلەلەندىرۋىنە تۇساۋ بولاتىن ءتۇزىلىس مەحانيزمىندەگى كىناراتتاردى باتىل جويۋ كەرەك. پارتيانىڭ ورتالىقتانعان ءبىر تۇتاس باسشىلىعىن كۇشەيتىپ، قۇرىلىم فۋنكتسياسىنىڭ جاقسارۋىن، سايكەسىمدىلىگىن، ونىمدىلىگىن جۇزەگە اسىرۋ بىزدەن پارتيا، ۇكىمەت، ارميا، حالىقتىق قۇرىلىمدار رەفورماسىن ءبىر تۇتاس جوسپارلاۋدى، ورتالىق پەن جەرگىلىكتى ورىن جاۋاپكەرشىلىگى قاتىناسىن جونگە سالىپ، ءار جاقتىڭ بەلسەندىلىگىن ءتىپتى دە ويداعىداي ساۋلەلەندىرۋدى تابيعي تالاپ ەتەدى.
ماسەلەنى نىشان ەتۋگە تاباندى بولىپ، ءتۇيىندى سالالاردى كورنەكتىلەندىرىپ، جالپى ماجىلىستە ورتاعا قويىلعان 4 جاقتاعى رەفورما ورنالاستىرۋىنا دەن قويىپ، جاڭا داۋىردەگى جۇڭگوشا سوتسياليزمنىڭ دامۋ قاجەتىنە ۇيلەسپەيتىن سالا، بۋىن جانە تۇستاردى نازارعا الىپ، ءبىرىنشى 100 جىلدىق كۇرەس نىساناسىن جۇزەگە اسىرۋدى تياناق ەتىپ، كورنەكتى قايشىلىقتارعا مەڭزەس، ماڭىزدى ءتۇيىندى يگەرىپ، ولقىلىقتاردى تولىقتاپ، ءالسىز تۇستاردى نىعايتىپ، حاۋىپ - قاتەردەن ساقتانىپ، پارتيا مەن مەملەكەت قۇرىلىمدارىنىڭ فۋنكتسيالىق جاقتان جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزۋىنە كەپىلدىك ەتۋ؛ ەكىنشى 100 جىلدىق كۇرەس نىساناسىن جۇزەگە اسىرۋدى كوزدەي وتىرىپ، ۇزاق بولاشاققا ساياتىن ءتۇزىلىس مەحانيزمىندىك ماسەلەلەردى شەشۋگە باسا ءمان بەرىپ، نەگىز قالاپ، تىرەك تۇرعىزىپ، ارقاۋ تارتىپ، اناعۇرلىم كەمەلدى جۇڭگوشا سوتسياليزم ءتۇزىمىن قالىپتاستىرۋعا ءتيىمدى شارت - جاعداي ازىرلەۋ كەرەك. وسى رەفورما ورنالاستىرۋلارىن دايەكتىلەندىرۋدە، تياناقتاندىرۋدا، ءسوزسىز، پارتيانىڭ جالپى بەتتىك باسشىلىعىن كۇشەيتۋدى جەتەكشى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى بەتالىس، پارتيا مەن مەملەكەت قۇرىلىمدارى فۋنكتسياسىنىڭ جاقسارۋىن، سايكەسىمدىلىگىن، جوعارى ونىمدىلىگىن ىلگەرىلەتۋدى كۇش سالۋ ءتۇيىنى ەتىپ، حالىق قۇرىلتايى، ۇكىمەت، ساياسي كەڭەس، باقىلاۋ - تەكسەرۋ ورگانى، سوت جۇرگىزۋ ورگانى، پروكۋراتۋرا ورگانى، حالىقتىق ۇيىمدار، كاسىپورىندار مەن ءىسورىندارى، قوعامدىق ۇيىمدار پارتيانىڭ ءبىر تۇتاس باسشىلىعىندا سايكەستى ارەكەتتەنىپ، بىرىككەن كۇشتى نىعايتىپ، مەملەكەتتى جونگە سالۋ قابىلەتى مەن جونگە سالۋ ورەسىن جاپپاي جوعارىلاتۋ كەرەك.
وسى جولعى جالپى ماجىلىستە قۇرىلىم شتاتىن زاڭداندىرۋ جونىندە دە ماڭىزدى ورنالاستىرۋ جاسالدى. قازىرگى جاعدايدان الىپ قاراعاندا، قۇرىلىم شتاتىنىڭ عىلميلانۋ، جۇيەگە ءتۇسۋ، زاڭدانۋى سالىستىرمالى تۇردە كەنجە بولىپ، قۇرىلىم شتاتىن باسقارۋ تاسىلىنە جالعاستى وزگەرىس ەنگىزۋگە تۋرا كەلەدى. پارتيا مەن مەملەكەت قۇرىلىمدارى زاڭ - ەرەجە، تۇزىمدەرىن كەمەلدەندىرىپ، قۇرىلىمدىق شتاتتى باسقارۋداعى قاتىپ - سەمگەن بۇعاۋدى تالقانداۋدى كۇشەيتكەندە، قۇرىلىمدىق شتاتتاعى تارتىپكە، زاڭعا قايشى ارەكەتتەردى تەكسەرۋ تەبىنىن ارتتىرعاندا، سان الۋان ۇيىمدىق قۇرىلىمداردى زاڭ بويىنشا باسقارۋدى، ورگان، فۋنكتسيا، ۇقىق شەكتەمەسى، ءتارتىپ، جاۋاپكەرشىلىكتى زاڭداندىرۋ اياق الىسىن تەزدەتكەندە عانا، پارتيا مەن مەملەكەت قۇرىلىمدارى رەفورماسىن تەرەڭدەتۋدى ماڭىزدى كەپىلمەن قامداۋعا بولادى.
ورنالاستىرۋ ءبىر ۇلەستى، تياناقتاندىرۋ توعىز ۇلەستى ۇستايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋدەگى ءتۇرلى ورنالاستىرۋلاردى قاز - قالپىندا، جاپپاي تياناقتاندىرعاندا عانا، ءبىز پارتيا مەن مەملەكەت قۇرىلىمدارىنىڭ جۇيەسى كەمەلدى، عىلمي، ولشەمدى، اينالىمى ۇتىمدى فۋنكتسيالىق جۇيەسىن ورناتىپ، ەلىمىزدىڭ سوتسياليزم ءتۇزىمىنىڭ باسىمدىعىن ءتىپتى دە ويداعىداي ساۋلەلەندىرە الامىز.
(شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)
