ەركىنعازى احىمەتباي ۇلى حابارلايدى. 3 - ايدىڭ 2 - كۇنى، كۇيتۇن قالاسى، بيڭتۋان 7 – شسى، تيانبەي جاڭا رايونى بىرلەسىپ «بيڭتۋان مەن جەرگىلىكتى ورىننىڭ دامۋىن جەبەۋ، ۇلتتار ىنتىماعىنىڭ بەرەكەلى شاڭىراعى» اتتى يۋانشياۋ مەرەكەسىن قۇتتىقتاۋ قيمىلىن وتكىزدى.
كۇيتۇن قالاسىنىڭ، بيڭتۋان 7 – شىسىنىڭ باسشىلارى مەن ءار ۇلت حالىق بۇقاراسى ويىن نومىرلەرىن تاماشالادى.
قيمىلدا كۇيتۇن قالاسى، 7 - شىسى، تيانبەي جاڭا رايونىنان كەلگەن 27 ويىن قويۋ اترەتى جەكە - جەكە تاماشا ويىن نومىرلەرىن ورىندادى. اسقاق مۋزىكا ريتىمىنە ىلەسە، ايباتتى بارابانشىلار مەن ايداعار بيشىلەرى، ياڭگى ءبيى مەن قويۋ ءتۇس العان جەرگىلىكتى تەاترلار قايىق ءبيىن بيلەۋ، ەسەككە ءمىنىپ اشەكەيلى كۇيمە كوتەرۋ سىندى ادەت - عۇرىپ ويىندارىن كورسەتىپ، جاڭا جىلدىڭ تاماشا تۇرمىسىنا بولعان ارماندارىن بەينەلەدى.
ويىن اقىرلاسقاننان كەيىن ءار قايسى ويىن قويۋ اترەتتەرى قالا ىشىندەگى نەگىزگى كوشە جولدارىندا ويىن كورسەتىپ، قالا تۇرعىندارىنا تاماشا يۋانشياۋ ويىنىن كورۋ ورايىن جاراتىپ، تۇتاس قالادا مەرەكەنى بىرلىكتە قۇتتىقتاۋداي قويۋ مەرەكەلىك ءتۇس قالىپتاستىرىپ، جول بويىنداعى بۇقارانىڭ كوز مەيىرىن قاندىردى.
بيىلعى يۋانشياۋ مەرەكەسىن قۇتتىقتاۋ ويىنى ءداستۇرلى حالىقتىق اشەكەيلى ماشينا، ياڭگى ءبيى، قايىق ءبيى، بارابان سوعۋ سياقتىلاردى نەگىز ەتىپ، ءداستۇردى جالعاستىرۋدى ماقسات ەتكەن ءار ۇلتتىڭ ەرەكشە سالت - سانا مادەنيەتىن ارالاستىرىپ، قويۋ مەرەكەلىك ورتا جاراتتى.
كۇيتۇن قالاسى مەن 7 - شىسى بىرلىكتە باي مازمۇندى مادەني قيمىلداردى ورىستەتۋ ارقىلى ءار ۇلت بۇقاراسىنا مادەنيەت مايەگىن سيلاپ، ەكى جاق حالقىنىڭ قارىم - قاتىناس، پىكىر الماستىرۋ، توعىسۋىن بەكەمدەپ، بيڭتۋان مەن جەرگىلىكتى ورىننىڭ توعىسپالى دامۋىنا نەگىز قالاۋدى ىلگەرىلەتتى.
ويىن نومىرلەرىن كورسەتكەن ارتيس حۋ فىڭجى بىلاي دەدى : «مەنىڭ وسىنداي يۋانشياۋ مەرەكەسى قيمىلىنا قاتىناسقانىما 8 جىل بولدى، ءوزىمدى ەرەكشە باقىتتى سانايمىن. بۇدان كەيىن جالعاستى يۋانشياۋ مەرەكەسى ويىن نومىرلەرىنە قاتىناسىپ، 7 – شىسى مەن كۇيتۇننىڭ مادەني قيمىلدارىنا ۇلەسىمدى قوسامىن».
ءتىلشىنىڭ قىزمەت ورنى : كۇيتۇن حالىق راديو ستانسياسى
