مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە اشىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە اشىلدى

  شي جينپيڭ، جاڭ دىجياڭ، يۇي جىڭشىڭ، جاڭ گاۋلي، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار ءتوراعالار مىنبەسىنەن ورىن الدى

 لي كىچياڭ ۇكىمەت قىزمەتىنەن بايانداما جاسادى، لي جانشۋ ءماجىلىستى باسقاردى نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسى جونىندەگى تۇسىنىكتى تىڭدادى

  مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 5 - كۇنى بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 3 - ايدىڭ 5 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 5 - كۇنى ءتۇستىڭ الدىندا حالىق سارايىندا اشىلدى. ءماجىلىستىڭ اشىلۋ جيىنىنىڭ 4 ءتۇرلى كەڭەستىك ءتارتىبى مىناداي: ۇكىمەت قىزمەتىنەن باياندامانى تىڭداۋ، جوسپار بايانداماسىن تەكسەرۋ، مەجە ەسەپ بايانداماسىن تەكسەرۋ، نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسى جونىندەگى تۇسىنىكتى تىڭداۋ.

  بەيجيڭدە العاشقى كوكتەمنىڭ جىلى لەبى ەسىپ، بارلىق جەردەن تىرشىلىك تىنىسى جالىن اتتى. حالىق سارايىنىڭ 10 مىڭ ادامدىق ۇلكەن زالى ايبىندى، قىزۋ مەرەيگە شومدى، ءتوراعالار مىنبەسىندەگى شىمىلدىقتىڭ ءدال ورتاسىنداعى مەملەكەت گەربى نارت قىزىل تۋمەن جايناي ءتۇستى. جاڭا كەزەكتى مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، سالتاناتتى جينالىسقا قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت مىندەتتەرىن مۇقيات وتەدى.

  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ ءتوراعالار مىنبەسىندەگى اتقارۋشى ءتوراعالار ورنىنا جايعاستى.

  شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، ۋاڭ ياڭ، ۋاڭ حۋنيڭ، جاۋ لىجي، حان جىڭ جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسۋعا ءتيىستى ۋاكىل 2980 ادام. 3 - ايدىڭ 5 - كۇنگى ءتۇستىڭ الدىنداعى جيىنعا 2970 ۋاكىل قاتىناستى، 10 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

  تۇستەن بۇرىن ساعات 9دا لي جانشۋ جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسىنىڭ اشىلعاندىعىن جاريالادى. زالداعى بارلىق ادام ورىندارىنان تۇرىپ، اسكەري وركەستردىڭ سۇيەمەلدەۋىمەن مەملەكەت گيمنىن اسقاقتاتا شىرقادى.

    ءماجىلىستىڭ كەڭەستىك ءتارتىبى بويىنشا، لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما 3 بولىمنەن قۇرالعان: 1. وتكەن 5 جىلداعى قىزمەتتەرگە شولۋ؛ 2. 2018 - جىلعى ەكونوميكالىق، قوعامدىق دامۋدىڭ جالپى تۇلعالىق تالاپتارى جانە ساياساتتىق باعدارى؛ 3. 2018 - جىلعى ۇكىمەت قىزمەتى تۋرالى ۇسىنىستار.

  مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 5 - كۇنى بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ ۇكىمەت قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  مەملەكەتتىك 12 - كەزەكتى حالىق قۇرىلتايىنىڭ 1 - ماجىلىسىنەن بەرگى 5 جىل − ەلىمىزدىڭ دامۋ اياق الىسىنداعى ايرىقشا 5 جىل. لي كىچياڭ مىناداي 9 جاقتا وتكەن 5 جىلداعى قىزمەتتەرگە جاپپاي ايالدادى: قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، ماكرولىق تىزگىندەۋدە كۇش سالا جاڭالىق اشىلىپ جانە ول كەمەلدەندىرىلىپ، ەكونوميكا اينالىمىنىڭ ۇيلەسىمدى كولەمى ساقتالىپ، ورنىقتىلىق بارىسىندا جاقسى جاققا قاراي دامۋشىلىقتار بولدى؛ قامداۋ جاعىنداعى قۇرىلىمدىق رەفورمانى نەگىزگى جەلى ەتۋ باتىل جالعاستىرىلىپ، دامۋدىڭ تىڭ يقۋاتى كۇش سالا جەتىلدىرىلىپ جانە ۇلعايتىلىپ، ەكونوميكالىق قۇرىلىمنىڭ ساپالىلانۋى جەدەلدەدى، دارەجەسى جوعارىلاتىلدى؛ دامۋدى جاڭالىق اشۋ جولىمەن جەتەكتەۋگە تاباندى بولىپ، قوعامنىڭ جاسامپازدىق قۋاتىن تاسقىنداتىپ، تۇتاس جاڭالىق اشۋ قابىلەتى مەن ءونىمى كورنەكتى جوعارىلادى؛ رەفورمانى جاپپاي تەرەڭدەتۋگە تاباندى بولىپ، ءتۇزىلىس پەن مەحانيزمدەگى كىناراتتاردى جويۋعا كۇش سالىپ، دامۋدىڭ قۋاتى ۇزدىكسىز كۇشەيدى؛ سىرتقا ەسىك اشۋ سىندى مەملەكەتتىڭ نەگىزگى ساياساتىندا تاباندى بولىپ، سەلبەستىك جاساپ، تەڭ يگىلىكتەنۋدى ىسكە اسىرۋعا كۇش سالىپ، اشىق ۇستالاتىن شارۋاشىلىق ورەسى كورنەكتى جوعارىلادى؛ وڭىرلەردىڭ سايكەستى دامۋى مەن جاڭاشا قالا - قالاشىقتانۋ ستراتەگياسىن اتقارۋعا تاباندى بولىپ، بىركەلكى دامۋدى ىلگەرىلەتۋگە كۇش سالىپ، تىڭ ارتۋ ۇيەك - بەلدەۋلەرىنىڭ جەتىلۋى تەزدەتىلدى؛ حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋعا جانە جاقسارتۋعا كۇش سالىنىپ، حالىق جۇرتشىلىعىنىڭ تابىس سەزىمى ۇزدىكسىز ارتتى؛ ادام مەن تابيعاتتىڭ جاراسىمدى دامۋىنا تاباندى بولىپ، ورتانىڭ لاستانۋىن جونگە سالۋعا كۇش سالىپ، ەكولوگيالىق وركەنيەت قۇرىلىسىندا كورنەكتى ناتيجەلەرگە قول جەتتى؛ ۇكىمەت فۋنكتسياسىن زاڭ بويىنشا جاپپاي اتقارۋعا تاباندى بولىپ، قوعامدىق وڭاۋدى كۇشەيتۋگە جانە وندا جاڭالىق اشۋعا باسا كۇش سالىنىپ، قوعامدا جاراسىمدىلىق پەن ورنىقتىلىق ساقتالدى.

  لي كىچياڭ مىنانى ءبىلدىردى: وتكەن 5 جىلعا كوز جىبەرەتىن بولساق، كوپتەگەن قايشىلىق ءبىر - بىرىمەن قاباتتاسىپ، ءتۇرلى حاۋىپ - قاتەرلەر مەن سىندار ءبىر - بىرىنە ۇلاسىپ وتىردى، ىشكى - سىرتقى كوپتەگەن جاعدايلارعا رەفورما مەن ەسىك اشۋدان بەرى كەزىگىپ كورگەن ەمەسپىز، ەلىمىزدىڭ رەفورماسى مەن دامۋىنىڭ تابىستارى وڭايلىقپەن قولعا كەلگەن جوق. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ ناتيجەسى.

  لي كىچياڭ بىلاي دەپ اتاپ كورسەتتى: ءبىز ەلىمىزدىڭ ءالى دە سوتسياليزمنىڭ العاشقى ساتىسىندا تۇرعاندىعىن، سونداي - اق وندا ۇزاق ۋاقىت تۇراتىندىعىن، ءالى دە دۇنيە جۇزىندەگى ەڭ ۇلكەن دامۋ ۇستىندەگى ەل ەكەندىگىن، دامۋدىڭ بىركەلكى، تولىق بولماۋى سىندى ءىشىنارا ماسەلەلەردىڭ ءالى دە شەشىلمەي كەلە جاتقاندىعىن سەرگەكتىكپەن تاني ءبىلۋىمىز كەرەك. ءبىز، ءسوز جوق، مەملەكەت پەن حالىققا وسكەلەڭ جاۋاپتى بولۋ رۋحىمەن، قيىنشىلىقتاردان تايسالمايتىن ەرلىكپەن، قاجىمايتىن جىگەرمەن قىزمەتتى بار پەيىلىمىزبەن ويداعىداي ىستەۋىمىز ءتيىس، حالىقتىڭ ۇكىمەتى حالىقتىڭ كۇتكەن زور ءۇمىتىن، ءسوزسىز، اقتاۋى كەرەك.

  لي كىچياڭ باياندامادا 2018 - جىلعى دامۋدىڭ باستى مەجەلى نىسانالارىن العا قويدى: ىشكى ءوندىرىستىڭ جالپى ءونىم قۇنىن %6.5 شاماسىندا ارتتىرۋ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %3 شاماسىندا تىزگىندەۋ؛ قالا - قالاشىقتا تىڭنان جۇمىستاناتىنداردىڭ سانىن 11 ميلليوننان اسىرۋ، قالا - قالاشىقتاعى انىقتالاتىن جۇمىسسىزدىق مولشەرىن %5.5تەن، تىزىمگە الىنعان جۇمىسسىزدىق مولشەرىن %4.5تەن اسىرماۋ؛ تۇرعىندار كىرىسىن ەكونوميكانىڭ ارتۋىمەن نەگىزىنەن تەڭ ارتتىرۋ؛ يمپورت - ەكسپورتتى ورنىقتى بولۋدان ارتۋعا باستاۋ، حالىقارالىق كىرىس - شىعىستا نەگىزىنەن تەپە - تەڭدىكتى ساقتاۋ؛ ىشكى ءوندىرىستىڭ جالپى ءونىم قۇنىنداعى ەنەرگيانىڭ بىرلىكتىك جۇمسالىمىن %3تەن استام ازايتۋ، باستى لاس زاتتاردىڭ شىعارىلۋىن ۇزدىكسىز ازايتۋ؛ قامداۋ جاعىنداعى قۇرىلىمدىق رەفورمادا ناقتى ىلگەرىلەۋشىلىككە قول جەتكىزۋ، ماكرولىق سۇيمەن شاماسىنىڭ ورنىقتىلىعىن نەگىزىنەن ساقتاۋ، ءتۇرلى حاۋىپ - قاتەرلەردەن جۇيەلى، ۇتىمدى تۇردە ساقتانۋ جانە ونى تىزگىندەۋ.

  لي كىچياڭ بىلاي دەدى: 2018 - جىلعى قىزمەتتەردى ويداعىداي ورىنداۋ ءۇشىن، شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكالىق يدەياسىن مۇقيات دايەكتىلەندىرىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، ورنىقتىرۋ مەن ىلگەرىلەۋدى جالپى تۇلعا رەتىندە مەڭگەرۋدە مىنا بىرنەشە تۇيىنگە باسا ءمان بەرۋ كەرەك: ءبىرىنشى، جوعارى ساپالى دامۋدى زور كۇشپەن ىلگەرىلەتۋ؛ ەكىنشى، رەفورما جاساۋ مەن ەسىك اشۋدىڭ تەبىنىن ارتتىرۋ؛ ءۇشىنشى، جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە قول جەتكىزۋدەگى 3 ءىرى قامال الۋ شايقاسىن ويداعىداي مىقتى يگەرۋ.

  لي كىچياڭ بىلاي دەدى: 2018 - جىلى مىناداي 9 ءتۇرلى قىزمەتتى تىڭعىلىقتى ىستەۋ كەرەك: ءبىرىنشى، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋ؛ ەكىنشى، جاڭاشىل ەل قۇرۋدى جەدەلدەتۋ؛ ءۇشىنشى، نەگىزدىك ءتۇيىندى سالالارداعى رەفورمانى تەرەڭدەتۋ؛ ءتورتىنشى، قامال الۋدىڭ 3 ءىرى شايقاسىن باتىل ويداعىداي جۇرگىزۋ؛ بەسىنشى، اۋىل - قىستاقتى كوركەيتۋ ستراتەگياسىن زور كۇشپەن اتقارۋ؛ التىنشى، وڭىرلەردى سايكەستى دامىتۋ ستراتەگياسىن تىڭعىلىقتى ىلگەرىلەتۋ؛ جەتىنشى، تۇتىنۋدى بەلسەنە ۇلعايتۋ جانە ۇتىمدى قارجى قوسۋدى جەبەۋ؛ سەگىزىنشى، جاپپاي ەسىك اشۋ جاڭا جاعدايىنىڭ قالىپتاسۋىن ىلگەرىلەتۋ؛ توعىزىنشى، حالىق تۇرمىسىن قامتاماسىزداندىرۋ جانە جاقسارتۋ دەڭگەيىن جوعارىلاتۋ.

  لي كىچياڭ ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە مۇھاجىرلار قىزمەتى، مەملەكەت قورعانىسى جانە ارميا قۇرىلىسى، شياڭگاڭ، اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى جونىندە دە بايىمدادى.

  ءماجىلىستىڭ كەڭەستىك تارتىبىنە سايكەس، ءماجىلىس 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2018 - جىلعى حالىق شارۋاشىلىعى مەن قوعامدىق دامۋ جوسپارى جوباسى بايانداماسىن، سونداي - اق 2018 - جىلعى جوسپار جوباسىن، 2017 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2018 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى بايانداماسىن، سونداي - اق 2018 - جىلعى بۇكىل ەلدىڭ مەجە ەسەپ جوباسىن تەكسەردى.

  ءماجىلىس مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ ورىنباسار باستىعى، باس حاتشىسى ۋاڭ چىن جاساعان جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىنىڭ العاشقى نۇسقاسى جونىندەگى تۇسىنىكتى تىڭدادى.

  ۋاڭ چىن بىلاي دەپ اتاپ كورسەتتى: نەگىزگى زاڭ − مەملەكەتتىڭ ءتۇبىرلى زاڭى، ەلدى الاڭسىز ەتىپ، مەملەكەتتى باسقارۋدىڭ باس ەرەجەسى، پارتيا مەن حالىق ەركىنىڭ شوعىرلى بەينەسى. پارتيا 18 - قۇرىلتايىنان بەرى، باس شۋجي شي جينپيڭ مەملەكەتتى زاڭمەن جونگە سالۋعا تاباندى بولۋدا، ەڭ الدىمەن، مەملەكەتتى نەگىزگى زاڭمەن جونگە سالۋعا تاباندى بولۋ، زاڭ بويىنشا بيلىك جۇرگىزۋگە تاباندى بولۋدا، ەڭ الدىمەن، نەگىزگى زاڭ ارقىلى بيلىك جۇرگىزۋگە تاباندى بولۋ كەرەكتىگىن تالاي رەت باسا دارىپتەدى. نەگىزگى زاڭعا وزگەرىس ەنگىزۋ − پارتيا مەن مەملەكەتتىڭ ساياسي ومىرىندەگى ءىرى ءىس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ جالپى جاعدايى مەن ستراتەگياسى تۇرعىسىنان جاساعان كەلەلى شەشىمى، مەملەكەتتى جاپپاي زاڭمەن جونگە سالۋدى ىلگەرىلەتۋدەگى، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى شارا.

   ۋاڭ چىن بىلاي دەدى: ەلىمىزدە قازىر اتقارىلىپ وتىرعان نەگىزگى زاڭ − مەملەكەت جاعدايىنا، ءىس جۇزىندىك جاعدايعا، ءداۋىردىڭ دامۋ تالابىنا ۇيلەسەتىن تاماشا نەگىزگى زاڭ، ول رەفورما جاساۋ مەن ەسىك اشۋعا جانە سوتسياليستىك وسىزامانداندىرۋ قۇرىلىسىنا ءتۇبىرلى زاڭدىق كەپىل ازىرلەدى، سوندىقتان، ءسوز جوق، ونى باتىل قورعاۋ، ۇزاق ۋاقىت تاباندى بولۋ، جاپپاي دايەكتىلەندىرۋ كەرەك. نەگىزگى زاڭ ۇزدىكسىز تۇردە جاڭا جاعدايعا ۇيلەسىپ، جاڭا تاجىربيەلەردى قابىلداپ، جاڭا جەتىستىكتەردى تۇراقتاندىرىپ، جاڭا ولشەمدەر جاساپ وتىرعاندا عانا، باياندى ومىرشەڭ كۇشكە يە بولادى. جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ جاڭا جاعدايىنا، جاڭا امالياتىنا سايكەس، ەلىمىز نەگىزگى زاڭىنىڭ ۇلاسپالىلىعىن، تۇراقتىلىعىن، بەدەلدىلىگىن جالپى جاقتان ساقتاۋ نەگىزىندە، ەلىمىزدىڭ نەگىزگى زاڭىنا ۇيلەسىمدى وزگەرىستەر ەنگىزۋ قاجەتتى.

 مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 5 - كۇنى بەيجيڭدەگى حالىق سارايىندا اشىلدى. لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن 

  ۋاڭ چىن مىنانى اتاپ كورسەتتى: نەگىزگى زاڭعا وزگەرىس ەنگىزۋ − جالپى جاعدايعا ساياتىن ماڭىزدى ساياسي قيمىل جانە ماڭىزدى زاڭ شىعارۋ قيمىلى، ءسوز جوق، پارتيا ورتالىق كوميتەتىنىڭ ورتالىقتانعان شوعىرلى ءبىر تۇتاس باسشىلىعىندا جۇرگىزىلۋى كەرەك. وسى رەت نەگىزگى زاڭعا وزگەرىس ەنگىزۋدىڭ پارتيا ورتالىق كوميتەتى تۇراقتاندىرعان جالپى تالابى − جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، پارتيا 19 - قۇرىلتايىندا بەلگىلەنگەن ماڭىزدى نازاريالىق كوزقاراستار مەن كەلەلى باعىت - ساياساتتاردى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مەملەكەتتىڭ ءتۇبىرلى زاڭىنا ەنگىزىپ، پارتيا مەن مەملەكەت ىستەرىنىڭ دامۋىنىڭ جاڭا تابىستارىن، جاڭا تاجىريبەلەرىن، جاڭا تالاپتارىن ايگىلەپ، ەلىمىزدىڭ نەگىزگى زاڭىنىڭ ۇلاسپالىلىعىن، تۇراقتىلىعىن، بەدەلدىلىگىن جالپى جاقتان ساقتاۋ نەگىزىندە، نەگىزگى زاڭنىڭ داۋىرمەن بىرگە العا باسۋىن، دامۋى مەن كەمەلدەنۋىن ىلگەرىلەتىپ، جاڭا داۋىردە جۇڭگوشا سوتسياليزمگە تاباندى بولىپ جانە ونى دامىتىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى نەگىزگى زاڭمەن پارمەندى قامتاماسىز ەتۋ.

  ۋاڭ چىن بىلاي دەدى: وسى ايتىلعان جالپى تالاپتى دايەكتىلەندىرۋ جانە ايگىلەۋ ءۇشىن، وسى رەت نەگىزگى زاڭعا وزگەرىس ەنگىزگەندە مىنا پرينسيپتەر باسشىلىققا الىنۋى كەرەك: ءبىرىنشى، پارتيانىڭ نەگىزگى زاڭعا وزگەرىس ەنگىزۋگە باسشىلىعىن كۇشەيتۋ؛ ەكىنشى، نەگىزگى زاڭعا وزگەرىس ەنگىزۋدى قاتاڭ زاڭدىق ءتارتىپ بويىنشا ىلگەرىلەتۋ؛ ءۇشىنشى، دەموكراتيانى تولىق ساۋلەلەندىرىپ، كەڭ كولەمدە ورتاق تانىم قالىپتاستىرۋ؛ ءتورتىنشى، نەگىزگى زاڭعا ءىشىنارالاپ وزگەرىس ەنگىزۋگە، ۇلكەن وزگەرىس ەنگىزبەۋگە تاباندى بولۋ.

  ورتالىق كوميتەتتىڭ نەگىزگى زاڭعا وزگەرىس ەنگىزۋ ۇسىنىسى مەن نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىنىڭ قالىپتاسۋ بارىسىنا تۇسىنىك جاساعاندا، ۋاڭ چىن نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىنىڭ ناقتى مازمۇنىن مىنا 11 جاقتان تانىستىردى: عىلمي دامۋ كوزقاراسىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسي جانە قوعامدىق ومىرىندەگى جەتەكشى ورنىن تۇراقتاندىرۋ؛ جۇڭگوشا سوتسياليزم ىستەرىنىڭ جالپىلىق ورنالاستىرۋى مەن ەكىنشى 100 جىلدىق كۇرەس نىساناسىنىڭ مازمۇنىن رەتتەپ تولىقتاۋ؛ مەملەكەتتى زاڭمەن جونگە سالۋ جانە نەگىزگى زاڭدى اتقارۋ شارالارىن كەمەلدەندىرۋ؛ ەلىمىزدىڭ توڭكەرىس جانە قۇرىلىس ىستەرىنىڭ دامۋ تاريحى جونىندەگى مازمۇنداردى تولىقتاپ كەمەلدەندىرۋ؛ وتانشىلدىق بىرلىكساپ جانە ۇلتتار قاتىناسى جونىندەگى مازمۇنداردى تولىقتاپ كەمەلدەندىرۋ؛ بەيبىت ديپلوماتيالىق ساياسات جاعىنداعى مازمۇنداردى تولىقتاۋ؛ جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولۋ جانە ونى كۇشەيتۋ جونىندەگى مازمۇنداردى تولىقتاۋ؛ سوتسياليستىك وزەكتى قۇن كوزقاراسىن دارىپتەۋ جونىندەگى مازمۇنداردى قوسۋ؛ مەملەكەت ءتوراعاسىنىڭ مىندەت وتەۋىنە قاتىستى بەلگىلەمەگە وزگەرىس ەنگىزۋ؛ رايوندارعا ايىرىلعان قالالار جەرگىلىكتى زاڭدىق ەرەجەلەر جاساۋ جونىندەگى بەلگىلەمەنى قوسۋ؛ باقىلاۋ - تەكسەرۋ كوميتەتى جونىندەگى ءتۇرلى بەلگىلەمەنى قوسۋ.

  ديڭ شۋەشياڭ، ما كاي، ليۋ حى، ليۋ ياندۇڭ، شۇي چيلياڭ، سۇن چۇنلان، لي شي، لي چياڭ، لي جيانگو، لي حۇڭجۇڭ، لي يۋانچاۋ، ياڭ جيەچى، ياڭ شياۋدۋ، جاڭ يوۋشيا، چىن چۋانگو، چىن مين - ىر، فان چاڭلۇڭ، حۋ چۇنحۋا، گو شىڭكۇن، حۋاڭ كۇنميڭ، ساي چي، ۋاڭ چيشان، يوۋ چۋان، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭبا پيڭسو، جاڭ باۋۋىن، چاڭ ۋانچۋان، ۋاڭ يۇڭ، جوۋ چياڭ، دۋ چيڭلين، حان چيدى، پابالا گىلەلاڭجيە، دۇڭ جيانحۋا، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين، لياڭ جىنيىڭ، ليۋ چيباۋ، سونداي - اق ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، جاۋ كىشى، ۋ شىڭلي، ما شياۋتيان قاتارلىلار دا ءتوراعالار مىنبەسىنەن ورىن الدى.

  شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.

  ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.

  ءار ەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.