ءتاڭىرتاۋ تورابى   ›   جاڭالىقتار   ›   اۋىل تىنىسى

ءتول الۋ قىزمەتىن مىقتى يگەردى

  سەرىك يمانقان ۇلى حابارلايدى. كوكتەم كەلىپ، قىسقى تولدەردىڭ اياقتانۋ جۇمىسى دا اقىرلاسايىن دەدى. وتكەن جىلى جەلتوقسان ايىنىڭ 20 - كۇنىنەن باستاپ، ءتول الۋدىڭ قاۋىرت مەزگىلى باستالعاننان قازىرگە دەيىن، قىسقى ءتولدىڭ سانى 172 مىڭ تۇياققا جەتىپ، ءتولىن قاتارعا قوسقان باعىمشىلىق وتباسىلارى 1393 وتباسىنا جەتىپتى.

  سوڭعى جىلداردان بەرى، بۋرىلتوعاي اۋدانى باستان - اياق قىسقى ءتول ءوندىرىسىن مال شارۋاشىلىعىن بۇرىلىس جاساپ دامىتۋدىڭ، اسىرەسە ەگىن شارۋاشىلىق رايوندارىنىڭ مال شارۋاشىلىعىن دامىتۋدىڭ ماڭىزدى ءتۇيىنى ەتتى. قىسقى ءتولدىڭ اياقتانۋى تەز، بازارعا كىرۋى ەرتە، وزىندىك قۇنى تومەن بولۋ جاعىنان ۇگىت تەبىنىن كۇشەيتىپ، ەگىنشى - مالشىلاردى ەكونوميكالىق ەسەپ شوتتى جاقسى سوعۋعا ءناسيحاتتاپ، شىنايى، ناقتىلى باعىمشىلىق سالىستىرمالى ونىمدىلىك ارقىلى شارۋالاردىڭ قىسقى ءتول الۋ كولەمىن ارتتىرۋ بەلسەندىلىگىن جۇمىلدىردى. وتكەن جىلى جەلتوقسان ايىنىڭ 20-كۇنى قىسقى ءتول الۋ جۇمىسى باستالعاننان بەرى، بۋرىلتوعاي اۋدانى ءارقايسى اۋىل - قالاشىقتارى بۇل قىزمەتكە باسا ءمان بەرىپ، كوپ ءتۇرلى شارالار قولدانىپ، ەرتە باستان دايىندىق جاساپ، جاۋاپكەرلىكتى تياقتاندىرۋدى مىقتى يگەرىپ، قىسقى ءتول الۋ قىزمەتىن ءساتتى ورىندادى.

  بيىل جەتپىستەن اسقان جاماقات رامازان ۇلى بۋرىلتوعاي اۋدانى قاراماعاي قالاشىعى سارقۇم قىستاعىنىڭ مالشىسى. ونىڭ قولىندا 300 تۇياق قويى بار، مۇنىڭ ىشىندە ساۋلىعى 200 تۇياقتان استام. ول تىلشىگە : «بيىل قىسقى ءتولىم 200 تۇياققا جەتىپ، قاتارعا قوسىلۋى جاقسى بولدى، وتكەن جىلى دايىنداعان جەم - شوبىم دە جەتكىلىكتى بولدى، ءبىر تولدەن شامامەن 100 يۋاننىڭ ۇستىندە پايدا قالدى، بۇدان بىلاي جالعاستى قۇلشىنامىن»،-دەدى.

  قىسقى ءتول الۋ قىزمەتىن جاقسى ىستەۋ ءۇشىن، بۋرىلتوعاي اۋدانى قىسقى ءتولدى بورلاپ تەز ارادا بازارعا سالۋ تەحنيكاسىن جالپىلاستىرۋدى بەلسەنە جاقسى ىستەدى. عىلىم - تەحينكالىق كۋرس، ناق مايداندا جەتەكشىلىك ەتۋ سياقتى جولدارىمەن قىسقى ءتول ءوندىرىس ابزالدىلىعىن كۇشەيتتى. قىستاق كوميتەتى مەن قىزمەت اترەتتەرى دە شارۋالاردىڭ ۇيىنە بارىپ، قىسقى ءتول ءوندىرىسىن جانە قاتارعا قوسىلۋ جاعدايىن يەلەپ، قىسقى ءتول قىزمەتىن ءساتتى جۇرگىزۋگە كەپىلدىك ەتتى.

  قازىرگە دەيىن قىسقى ءتولدىڭ جالپى سانى 8432 تۇياققا جەتتى، قىسقى ءتولدىڭ قاتارعا قوسىلۋى مولشەرى جوعارى. اۋداندىق مال شيپاگەرلىك مەكەمەسى، قالاشىق مال شيپاگەرلىك پۋنكتى قىسقى ءتول الۋ قىزمەتىنە باسا ءمان بەرىپ، ۇنەمى شارۋالارمەن بىرگە بولىپ، تەحينكا جانە ىندەتتىڭ الدىن - الۋ جاعىنان ويداعىداي قىزمەت ەتىپ، قىسقى ءتول الۋ قىزمەتىنىڭ ونىمدىلىگىن جوعارىلاتۋعا كۇش سالدى»،- دەدى سارقۇم قىستاق مەڭگەرۋشسى جاڭالبەك بايباقىت ۇلى.

ءتىلشىنىڭ قىزمەت ورنى : بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى