ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

[باقىت جولىندا كۇرەسۋشى] اينۇر ابباستىڭ كاسىبى وركەندەدى

  اينۇر ابباس (وڭدا) پەن ءابيباھان ءماتتۇرسىن گۇل قىستىرۋ بازاسىندا بىرلىكتە گۇل قوراپتاۋدا

  3 - ايدىڭ 5 - كۇنى، ءتىلشى اينۇر ابباس ءۇرىمجى قالاسى سايباق رايونى شينجۇي الەۋمەتتىك اۋماعى بازاسىنىڭ كەڭسەسىنە كەلگەندە، تامدا ءىلۋلى تۇرعان قولمەن قۇراستىرعان «ۇلتتار ىنتىماعىنىڭ بەرەكەلى شاڭىراعى» دەگەن جازۋعا كوزى ءتۇستى. بۇل جازۋدىڭ استىندا، ءۇرىمجى اينۇر ونەركاسىپ ساۋدا شەكتى سەرىكتەستىگى دەگەن جازۋ بار ەكەن.

  اينۇر وسى سەرىكتەستىكتىڭ باس ديرەكتورى ءارى شينجياڭ گۇل قوعامىنىڭ ورىنباسار باس حاتشىسى، قازىر ونىڭ 7 گۇل دۇكەنى، 3 الەۋمەتتىك اۋماقتا گۇل قىستىرۋ بازاسى، 1 تولايىم ساتۋ ورنى، 3 بولىمشە سەرىكتەستىگى، 2 ەگىمشىلىك بازاسى بار، 20 نەشە جىلدىڭ الدىندا اينۇر ۇرىمجىدەگى ءبىر گۇل دۇكەنىندە شاكىرت بولىپ ىستەيتىن.

  كۇرەس — تاعدىردى وزگەرتەدى

  1996 - جىلى، اينۇر قۇلجادان ۇرىمجىگە ورايىن تاۋىپ، تەحنيكا ۇيرەنۋگە كەلگەن.

  اقىلىنا كوركى ساي اينۇر سۇلۋلىقتى ۇناتاتىن. «گۇل دۇكەنىنە بارىپ ىستە، ءار كۇنى جايقالعان گۇلدەردى كورىپ، كوڭىل - كۇيىڭ دە جاقسى بولادى». ءسويتىپ، اينۇر گۇل دۇكەنىنە بارىپ جۇمىس ىستەيدى. جارىم جىلدان كەيىن، ول گۇل دۇكەنىنەن ۇيرەنگەن بىلىمدەرگە قاناعاتتانبايدى. تيانجينگە بارىپ، گۇل قىستىرۋدى ۇيرەنەدى، ەندى ءبىر جاعىنان مەملەكەتتە ءبىر تۇتاس قولدانىلاتىن ءتىلدى ۇيرەنەدى. مۇعالىمنىڭ ىجداعاتپەن ۇيرەنۋى جانە كاسىپتىك ورەسىنىڭ جوعارى بولۋى مەن ساباقتاستارىنىڭ كومەگىنىڭ ارقاسىندا، بۇل كاسىپتى بارعان سايىن جاقسى كورەدى.

  1998 - جىلى، اينۇر ۇرىمجىگە قايتىپ كەلەدى، ىنتىماق جولىنان 7 شارشى مەترلىك ءۇيدى مايعا الىپ شاعىن دۇكەن اشادى، ءوزى اشەكەيلەتەدى، ماڭايىنداعىلاردىڭ كومەكتەسۋىندە گۇل كىرگىزەدى، بۇل اينۇر گۇل دۇكەنى وسىلايشا بارلىققا كەلەدى.

  2000 - جىلى، اينۇر 50 مىڭ يۋان قارىز الىپ، دۇكەنىن 30 شارشى مەترگە كەڭەيتتى.

  ونىڭ قۇلشىنىسىنىڭ ارقاسىندا، دۇكەننىڭ ساۋداسى بارعان سايىن كۇسەت بولدى، 2004 - جىلدىڭ ءبىر كۇنى، ءبىر قاريدار شەتەلدىكتى ەرتىپ كەلىپ اينۇردان : «گۇلدەرىڭدى ەكسپورت ەتپەيسىڭ بە؟»،-دەپ سۇرايدى. بۇنى اينۇر ەجەلدەن ويلاپ كورمەگەن ەدى. قاريداردىڭ قاجەتىن قاناعاتتاندىرۋ ءۇشىن، اينۇر : «مەن ەكسپورت ەتۋدىڭ تالابى مەن شارتتارىن ۇعىسىپ كورىپ سىزگە حابارلاسايىن»،-دەيدى.

  ۇعىسۋ ارقىلى، اينۇر ەكسپورت ەتۋ ءۇشىن قاتىستى راسمياتتەردى ءبىتىرۋ كەرەكتىگىن بىلەدى. ورايدى قولدان بەرمەۋ كەرەك. اينۇر زاكاز قاجەتىن تۇسىنگەننەن كەيىن، سەرىكتەستىك ءراسمياتىن بىتىرەدى دە، كاسىپتەسى ەكەۋى زاكاز قابىلدايدى.

  ەكسپورت ەتىپ، 20 مىڭ يۋان پايدا تاپقاندا، تەبىرەنگەنىنەن كوز جاسىنا يە بولا المادى. بۇل ساۋدا اينۇردى باس ديرەكتور بولۋعا جەتەلەدى.

  باقىت — كۇرەس ارقىلى قولعا كەلەدى

  گۇل — اينۇردىڭ كاسىبىن وركەندەتىپ، باقىت سيلادى. كارحانا بارعان سايىن كەڭەيەدى، 2014 - جىلى، اينۇر ءۇرىمجى قالاسى سايباق رايونى پيڭديڭشان الەۋمەتتىك اۋماعىنان ۇعىسۋ ارقىلى، وڭتۇستىك شينجياڭنان كەلگەن كوپتەگەن ايەلدەر ۇرىمجىدەن قىزمەت تابا الماي جۇرگەنىن بىلەدى. الەۋمەتتىك اۋماق كادرى مەن اقىلداسىپ، الەۋمەتتىك رايوندا بازا قۇرىپ، گۇل قىستىرۋ تەحنيكاسىن ۇيرەتىپ، وتباسىنان شىعىپ، كاسىپ جاراتىپ، باقىتتى تۇرمىس كەشىرۋگە شابىتتاندىرادى.

  4 جىلدان بەرى، اينۇر ىلگەرىندى - كەيىندى 3 الەۋمەتتىك اۋماقتا گۇل قىستىرۋ بازاسىن قۇرىپ، بىلتىر جىل سوڭىندا بالكۇلشە پىسىرۋعا تاربيەلەپ، 300 دەن استام ايەلدەردى كاسىپتەندىرەدى.

  قازىر سايباق رايونى شينجۇي الەۋمەتتىك اۋماعى بازاسىنىڭ قىزمەتكەرى ابيباھان ءماتتۇرسىن تىلشىگە : «اينۇر ماعان گۇل قىستىرۋدى ۇيرەتپەگەن بولسا، مەن ۇيدە ومالىپ وتىرعان بولار ەدىم، دەنساۋلىعىم جاقسى ەمەس، كىرىسىم دە جوق. قازىر تۇرمىسىم ريتىمدى، دەنساۋلىعىم دا جاقسى، ءار كۇنى 8 ساعات قىزمەت ىستەيمىن، اپتا سوڭىندا دەمالامىن، 2000 يۋاننان جوعارى ەڭبەكاقى الامىن»،-دەدى.

  اينۇر : «كۇرەس بارىسى جاپالى، ونى اۋىزعا العىم كەلمەيدى، ءبىراق، ۇزدىكسىز ۇيرەنۋگە جەتەلەيدى. ءتىپتى دە كوپ ايەلدەردىڭ كۇرەس ارقىلى تۇرمىسى مەن تاعدىرىن وزگەرتۋىن، دەربەس بولۋىن ءۇمىت ەتەمىن»،-دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى