ءتىلشىنىڭ ەڭ جوعارى حالىق سوتىنان ۇعىسۋىنشا، ەڭ جوعارى حالىق سوتى جۋىردا «ج ك پ ورتالىق كوميتەتى مەن مەملەكەتتىك كەڭەستىڭ اۋىل – قىستاقتى كوركەيتۋ ستراتەگياسى جونىندەگى پىكىرىن» مۇقيات ۇيرەنۋ – دايەكتىلەندىرۋ ۇقتىرۋىن جاريالاپ، ءار دارەجەلى حالىق سوتىنان اۋىل – قىستاقتى كوركەيتۋ ستراتەگياسىن اتقارۋ بارىسىنداعى ءتۇرلى دەلولاردى ۇيلەسىمدى ءبىرجاقتى ەتۋدى، اۋىل – قىستاقتاردى كوركەيتۋ مەن دامىتۋعا زاڭمەن باسقارىلاتىن تاماشا ورتا جاراتۋدى تالاپ ەتتى.
ۇقتىرۋدا مىنالار باسا دارىپتەلگەن: اۋىل – قىستاقتا كوتەرەگە العان جەر مەن قورا – جاي سالىناتىن جەرگە قاتىستى «ءۇش ۇقىقتى ءبولۋ» دەلوسىن ويداعىداي ءبىرجاقتى ەتىپ، اۋىل – قىستاقتارداعى نەگىزدىك تيجارات ءتۇزىمىن كەمەلدەندىرىپ، اۋىل – قىستاقتارداعى جەر ءتۇزىمى رەفورماسىن ىلگەرىلەتۋ كەرەك. سونىمەن بىرگە، اۋىل – قىستاقتاردا الەۋمەتتىك ءتارتىپتى بۇلدىرەتىن، اۋىل شارۋاشىلىعى نارىعىنىڭ ءتارتىبىن بۇلدىرەتىن، اۋىل – قىستاقتارداعى قارجىلاندىرۋ ورتاسىنا زالال جەتكىزەتىن قىلمىستىق ءىس دەلولارىن؛ اۋىل – قىستاقتارداعى مال – مۇلىك ۇقىعى، نەگىزدىك قۇرىلعىلار قۇرىلىسى، اۋىل – قىستاقتارداعى عىلىم – تەحنيكالىق جاسامپازدىق، ەڭبەككۇشتەردىڭ كاسىپتەنۋىن قورعاۋ سياقتىلارعا ساياتىن ازاماتتىق ىستەر، ساۋدا ىستەرى دەلولارىن؛ سونداي – اق، اۋىل شارۋاشىلىعىنا پايدالاناتىن جەردى وتكىزىپ الۋ، اۋىل – قىستاق قۇرىلىسىن جوسپارلاۋ، اۋىل – قىستاق ەكونوميكاسىن باسقارۋ سىندى اكىمشىلىك دەلولاردى ۇيلەسىمدى ءبىرجاقتى ەتۋ كەرەك.