شينجياڭ ۋاكىلدەر ۇيىرمەسى گرۋپپا ءماجىلىسىن اشىپ، ۇكىمەت قىزمەتىنەن باياندامانى ۇزدىكسىز قارادى

　　چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ گرۋپپا ماجىلىسىنە قاتىناستى

　　تىلشىلەرىمىز ياۋ تۇڭ، لي ياڭ، شى شين 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى تۇستەن بۇرىن جانە تۇستەن كەيىن، مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى گرۋپپا ءماجىلىسىن اشىپ، ۇكىمەت قىزمەتىنەن باياندامانى ۇزدىكسىز قارادى.

　　شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار ماجىلىسكە قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى ماجىلىسكە سىرتتاي قاتىناستى. مەملەكەتتىڭ مينيسترلىك، كوميتەتتەرىندەگى قاتىستى جاۋاپتى جولداستار ماجىلىسكە قاتىناسىپ، پىكىرلەردى تىڭدادى.

　　ۋاكىل نايىم ياسىن بىلاي دەدى: ۇكىمەت قىزمەتىنەن باياندامانىڭ مازمۇندارى سۇرىپتالعان، ساندى مالىمەتتەرى شىنايى، تۇيىندەرى كورنەكتى، شىندىققا جۇگىنىپ، وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ ەكونوميكالىق، قوعامدىق دامۋىندا قول جەتكەن تاريحي جەتىستىكتەرگە، جارىققا شىققان تاريحي وزگەرىستەرگە جاپپاي شولۋ جاسالعان. باياندامادا شي جينپيڭنىڭ جاڭا ءداۋىر جۇڭگوشا سوتسياليزم يدەياسى جەتەكشى ەتىلىپ، پارتيا 19 - قۇرىلتايىندا جاسالعان ايبىندى جوبا بويىنشا بيىلعى قىزمەتتەردىڭ جالپى تالابى، نەگىزگى نىساناسى جانە ءتۇيىندى مىندەتتەرى ايقىندالعان، مەن بۇكىلدەي قۇپتايمىن. پارتيا 19 - قۇرىلتايىندا بەلگىلەنگەن ارەكەت باعدارناماسى مەن ايبىندى جوبا بويىنشا تاباندىلىقپەن ىستەگەندە، ەلىمىزدىڭ ەكونوميكالىق، قوعامدىق دامۋى شۇعىلالى جەتىستىكتەرگە جەتىپ، حالىقتىڭ تۇرمىس دەڭگەيى، ءسوز جوق، اناعۇرلىم جوعارىلايدى.

　　ۋاكىل شى داگاڭ بىلاي دەدى: پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى − باس شۋجي شي جينپيڭنىڭ رول ۇستاپ، جول باستاۋىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جاڭا داۋىرگە ءوتىپ، جاڭا جاعداي اشىپ، جاڭا جەتىستىكتەرگە قول جەتكىزدىك. ۇكىمەت قىزمەتىنەن باياندامادا ناتيجەلەر وبيەكتيۆ تۇردە قورىتىندىلانىپ، ماسەلەلەرگە تەرەڭ تالداۋ جاسالىپ، شارالار ءدال العا قويىلعان، مەن بۇكىلدەي قۇپتايمىن. ەگىنشى - مالشىلاردىڭ تابىس سەزىمى مەن باقىت سەزىمى − جاپپاي دوڭگەلەك داۋلەتتى قوعام ورناتۋدىڭ ناقتى ناتيجەسى مەن سوتسياليستىك وسىزامانداندىرۋدىڭ ساپاسىن بەلگىلەيدى. ءبىز حالىقتى وزەك ەتكەن دامۋ يدەياسىنا تاباندى بولىپ، ەل تىلەگىن تىڭداپ، ناقتى جاعدايدى باعامداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ شينجياڭدا شىنايى تياناقتاندىرىلىپ، ءونىم بەرۋىن ىلگەرىلەتۋىمىز كەرەك.

　　ۋاكىل لي ۋي بىلاي دەدى: ۇكىمەت قىزمەتىنەن باياندامادا شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحى ارقاۋ ەتىلىپ، 5 جىلدان بەرگى ۇكىمەت قىزمەتى جاپپاي قورىتىندىلانعان، ول − شىنايى جاۋاپ ءارى تىڭعىلىقتى جىلدىق جوسپار، جۇرت جۇرەگىن جەلپىنتىپ، ادامدى العا باسۋعا جەتەلەيدى، مەن بۇكىلدەي قۇپتايمىن. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، «4 تانىمدى» شىن مانىندە كۇشەيتىپ، «4 سەنىمدى» بەكەمدەپ، تىنىش جۇڭگو قۇرىلىسىن ىلگەرىلەتىپ، مەملەكەتتىڭ حاۋىپسىزدىگى مەن الەۋمەتتىك حاۋىپسىزدىكتى قورعاپ، جاپپاي دوڭگەلەك داۋلەتتى قوعام ورناتۋدى، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدى حاۋىپسىزدىك جاعىنان قامتاماسىزداندىرۋىمىز كەرەك.

　　ۋاكىل ما شۋەجۇن بىلاي دەدى: پارتيا مەن مەملەكەت ىستەرىندە قول جەتكەن تاريحي جەتىستىكتەردىڭ، جارىققا شىققان تاريحي وزگەرىستەردىڭ ەڭ شەشۋشى كىلتى، ەڭ ءتۇپ تياناعى − باس شۋجي شي جينپيڭنىڭ − وسى ۇيتقىنىڭ رول ۇستاپ، جول باستاعاندىعى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ بولعاندىعى. ۇكىمەت قىزمەتىنەن بايانداما − وسى داۋ جۇرمەس قيسىندى جاندى، ناقتى، شىنايى تۇسىندىرگەن تاماشا بايانداما ءارى ۇلى تۋدى بيىك ۇستاپ، ۇيتقىنى باتىل قولداپ، اۋەلگى ماقسات پەن بورىشتان جازباي، كۇش ۇيىستىرىپ شىنايى ىستەپ، شىنايى ونىمدىلىككە جەتكەن جاقسى بايانداما، مەن بۇكىلدەي قۇپتايمىن. نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، پارتيا قۇرىلىسىن يگەرىپ، ورنىقتىلىقتى ساقتاپ، دامۋدى جەبەپ، كەدەيلىكتەن شىنايى قۇتىلدىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شىنايى تياناقتاندىرىلۋىن ىلگەرىلەتۋىمىز كەرەك.

　　ۋاكىل لو دۇڭچۋان بىلاي دەدى: ۇكىمەت قىزمەتىنەن باياندامادا شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحى جاپپاي دايەكتىلەندىرىلىپ، ناتيجەلەر وبيەكتيۆ تۇردە جاپپاي قورىتىندىلانىپ، نىسانا شىنايى دا ۇتىمدى تۇردە بەلگىلەنگەن، ول − زەيىن - زەردە، كۇش - قۋاتتى شوعىرلاندىرىپ، ادامدى العا باسۋعا جەتەلەيتىن جاقسى بايانداما، مەن بۇكىلدەي قۇپتايمىن. شينجياڭنىڭ ءتارتىپ تەكسەرۋ، باقىلاۋ - تەكسەرۋ كادرلارى «4 تانىمدى» ونان ارى كۇشەيتىپ، «4 سەنىمدى» بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، پارتيا ۋستاۆى مەن نەگىزگى زاڭدا بەرىلگەن قىزمەت جاۋاپكەرلىگىن ادالدىقپەن وتەپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە پارمەندى كەپىلدىك ەتۋ كەرەك.

　　ۋاكىل عانيبات سابىكەي ۇلى بىلاي دەدى: 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى كۇرەستەردى، ۇلى ينجەنەريالاردى، ۇلى ىستەردى، ۇلى ارماندى ءبىر تۇتاس جوسپارلاپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزىپ، تاريحي وزگەرىستەر تۋدىردى. ۇكىمەت قىزمەتىنەن بايانداما − شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، 2018 - جىلعى ۇكىمەت قىزمەتى جونىندە جاپپاي ورنالاستىرۋلار جاساپ، مىندەتتەردى ايقىنداپ، تۇيىندەردى كورنەكتىلەندىرىپ، پارمەندى شارالار ورتاعا قويدى، مەن بۇكىلدەي قۇپتايمىن. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قىزمەتتەردى ءبىر تۇتاس جوسپارلاپ، ىلگەرىلەتىپ، وڭتۇستىك شينجياڭنىڭ ورنىقتىلىعىنىڭ، دامۋىنىڭ تىڭ جاعدايىن تىنباي اشۋىمىز كەرەك.

　　ۋاكىل پىڭ جيارۇي بىلاي دەدى: ۇكىمەت قىزمەتىنەن باياندامادا قىزمەتتەر شىندىقتى ءىس جۇزىنەن ىزدەي وتىرىپ قورىتىندىلانعان، جاعدايعا وبيەكتيۆ تۇردە ىشكەرىلەي تالداۋ جاسالعان، قىزمەتتەر عىلمي، دالمە - ءدال ورنالاستىرىلعان، مەن بۇكىلدەي قۇپتايمىن. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن تاباندىلىقپەن بيىك ۇستاپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە بيڭتۋاننىڭ ورنى جونىندەگى تالاپتارىن جاپپاي دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن تىعىز ارقاۋ ەتىپ، جاڭا دامۋ ۇستانىمىنان جازباي، جوعارى ساپالى دامۋ تالابىنا ساي، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «3 ءىرى فۋنكتسيانى» ويداعىداي اتقارىپ، «4 ۇلكەن رولدى» ساۋلەلەندىرىپ، جاڭا داۋىردەگى بيڭتۋاننىڭ قىزمەت جاۋاپكەرلىگىن اتقارىپ، بورىشىن ادا ەتۋ سىندى جاڭا بەينەسىن قۇلشىنا جۇزەگە اسىرامىز.

　　ۋاكىل ابدۇراقىپ ءتومۇرنياز بىلاي دەدى: ۇكىمەت قىزمەتىنەن باياندامانى بۇكىلدەي قۇپتايمىن. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي ناتيجەلەرگە قول جەتىپ، تاريحي وزگەرىستەر تۋىلدى، ونى بارلىعىمىز باسىمىزدان كەشىردىك، شىنايى سەزىندىك، ءبىز باس شۋجي شي جينپيڭگە، پارتيا ورتالىق كوميتەتىنە شىن جۇرەكتەن العىس ايتامىز. باس شۋجيدىڭ تاپسىرماسىن، ءسوز جوق، ەستە بەرىك ساقتاپ، ۇلتتاردىڭ ۇلى ىنتىماعى تۋىن بيىك ۇستاپ، ءوزارا كومەكتەسۋ، قارايلاسۋ تانىمىن ىشكەرىلەي اتقارىپ، «5 ورتاق تانىمدى» ۇزبەي كۇشەيتىپ، ۇلتتار تىنىستاس، تاعدىرلاس، جۇرەكتەس بولىپ، كوركەم شينجياڭدى بىرگە قۇرامىز.

　　ۋاڭ گاڭ، ياسىن سىدىق، جاۋ جينلۇڭ، نۇر مامەت، لياۋ چاۋياڭ، رۋحيام ماتسەيىت، جاڭ چىڭ - ي، قايسار ابدىكەرىم، ليۋ باۋزىڭ، زۇمۇرات وبۇل، گو شياۋحۇڭ، قۇربان نياز، مامەت جۇما، مۇساجان نۇردۇن، اكبار ءماتناسىر، ۋاڭ يانچيڭ، مامەتيمىن قادىر، يوۋ لياڭيىڭ قاتارلى ۋاكىلدەر دە ۇكىمەت قىزمەتىنەن باياندامانى بۇكىلدەي قۇپتايتىندىقتارىن ءبىلدىردى. كوپشىلىك بىلاي دەستى: وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىز ءتۇرلى قيىنشىلىقتار مەن سىن - سايىستارعا ءساتتى توتەپ بەرىپ، كۇللى جۇرتتى تامساندىرعان تاريحي ناتيجەلەرگە قول جەتكىزىپ، تاريحي وزگەرىستەر تۋدىردى، ءار ۇلت حالقى ونان ارى شاتتانىپ، ونان ارى اسەرلەنىپ، ونان ارى شابىت الدى. ەكونوميكالىق، قوعامدىق دامۋداعى ادامدى تەبىرەنتەرلىك سان - سيفرلار پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىمىزدى، باقىتتى تۇرمىسقا دەگەن سەنىمىمىز بەن بەكىمىمىزدى ونان ارى بەكەمدەدى. شينجياڭداعى ءار ۇلت حالقى باس شۋجي شي جينپيڭنىڭ تاپسىرماسىن، ءسوز جوق، ەستە بەرىك ساقتاپ، اناردىڭ دانىندەي تىعىز ۇيىسىپ، ءوزارا كومەكتەسىپ، قارايلاسىپ، ىنتىماقتاسا كۇرەس جاساپ، وتاننىڭ شينجياڭىن ونان ارى كوركەم ەتىپ قۇرىپ شىعادى.