تيانشان تورى
تيانشان تورى   ›   ۇيرەنۋ   ›   نازاريا

جاڭا داۋىردە ەكپىندەي ىلگەرىلەپ، بولاشاققا ءبىر تىلەكپەن جول الايىق

− مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ اشىلۋىنان ەستەلىك

تىلشىلەرىمىز لي ياڭ، شى شين، ياۋ تۇڭ

  مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 5 - كۇنى بەيجيڭدە اشىلدى. ساعات 8 شاماسىندا، رايونىمىزدان مەملەكەتتىك حالىق قۇرىلتايىنا قاتىناساتىن 60 ۋاكىل شينجياڭداعى 23 ميلليون ءار ۇلت حالقىنىڭ كەلەلى تاپسىرماسىن ارقالاپ، حالىق سارايىنا نىق قاداممەن ىركەس - تىركەس كىردى.

  تاريحي ساتتە وسى رەتكى ءماجىلىستىڭ ەرەكشە ماڭىزى ايگىلەندى −

  2018 - جىل − پارتيا 19 - قۇرىلتايىنىڭ رۋحىن جان - جاقتى دايەكتىلەندىرۋدىڭ باستاپقى جىلى، رەفورما جاساپ، ەسىك اشۋدىڭ 40 جىلدىعى ءارى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، «13 - بەسجىلدىق» جوبانى اتقارۋدا بۇرىنعىعا مۇراگەر بولىپ، كەلەشەككە جول الاتىن شەشۋشى جىل... ەكپىندەي ىلگەرىلەگەن «جۇڭگو» اتتى كەمە ۇلتتىڭ گۇلدەنۋىنىڭ شەشۋشى كەزەڭىنە كىردى.

  حالىق سارايىنىڭ شىعىس قاقپاسىنداعى 39 باسپالداقتى بىردەن باسىپ ورلەپ، شۇعىلا شاشقان مەملەكەت گەربىنە ىززەتپەن كوز سالعان مەملەكەتتىك حالىق قۇرىلتايىنىڭ ۋاكىلى قايسار ابدۇكارىم ەرەكشە اسەرلەنىپ بىلاي دەدى: «پارتيا 19 - قۇرىلتايى جۇڭگوشا سوتسياليزمنىڭ جاڭا داۋىرگە وتكەنىن جاريالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن بۇكىل پارتيا، ءسوزسىز، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىرىپ، جۇڭحۋا ۇلتىنىڭ ۇلى گۇلدەنۋىنىڭ شۇعىلالى كەلەشەگى مەن ايبىندى جوباسىن جاسادى. جاڭا داۋىرگە ءوتىپ، جاڭا ساپارعا قادام باسقاندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا مەملەكەت ىستەرىنىڭ گۇلدەنىپ - كوركەيگەن كورىنىسىن كوزىمىزبەن كورىپ، شىنايى سەزىندىك. بۇگىن ءبىزدىڭ سەنىمىمىز ءتىپتى نىعايىپ، كۇشىمىز اناعۇرلىم تاسقىندادى، ويتكەنى ءبىز ۇلى گۇلدەنۋ سىندى جۇڭگو ارمانىنا تاعى ءبىر قادام جاقىندادىق».

  ساعات ءدال 9دا، مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى سالتاناتتى مەملەكەت ءانى ىشىندە شىمىلدىق اشتى. جيىن زالىندا، لي كىچياڭ زۇڭلي جاساعان ۇكىمەت قىزمەتىنەن بايانداما قۇلاقتان كىرىپ كوكەيگە قوندى.

  «شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلىمىزدەگى ءار ۇلت حالقىن ىنتىماقتاستىرىپ جانە باستاپ ۇدەرە العا تارتىپ، <بەستى ءبىر تۇلعالاندىرۋ> جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، <ءتورتتى جاپپاي ورىنداۋ> ستراتەگيالىق ورنالاستىرۋىن سايكەستى ىلگەرىلەتىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا جاپپاي جاڭا جاعداي جاراتتى».

  «حالىقتى وزەك ەتكەن دامۋ يدەياسىنا تاباندى بولىپ، ەلىمىزدىڭ نەگىزگى جاعدايىن شىعار ءتۇيىن ەتىپ، جۇمىسقا قايراتتانا كىرىسىپ، شاماعا قاراي ىستەپ، حالىق ەڭ كوڭىل ءبولىپ، ەڭ باسىن قاتىرىپ وتىرعان ىستەردى ءبىر - بىرلەپ ويداعىداي شەشۋ كەرەك».

  «كەدەرگىلەردى الاستاپ، ۇساقشىلدىق پەن قىتىمىرلىقتان اۋلاق بولىپ، جولدى داڭعىلداندىرىپ، بازار سۋبيەكتتەرىنە ومىرشەڭدىك بەرىپ، بۇقاراعا قولايلىلىق تۋدىرۋ كەرەك».

  «ءبىز تىزە قوسا وتىرىپ قيمىلداپ، اسپانى اشىق، جەرى جاسىل، سۋى تۇنىق كوركەم جۇڭگو قۇرۋعا ات سالىسۋىمىز كەرەك».

  ...

  مىنبەدە جانە مىنبەنىڭ الدىندا كوڭىلدەر ۇندەسىپ جاتتى. دۋ قول شاپالاق ءۇنى بۇكىل زالدى قايتا - قايتا كەرنەدى.

  «كوڭىلدى جەلپىندىردى! ادامدى قۇلشىنا ىلگەرىلەۋگە شابىتتاندىردى! شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىقتىڭ مۇددەسىن ەڭ جوعارى ورىنعا قويدى، وتكەن 5 جىلدا پارتيامىز بەن مەملەكەتىمىز جان - جاقتى، باستامالىق سيپاتقا يە جەتىستىكتەرگە قول جەتكىزدى. وسى 5 جىلدا شينجياڭنىڭ ىستەرى دە زور ناتيجەلەرگە قول جەتكىزىپ، ەكونوميكا ءۇرتىس باياندى دامىپ، حالىق الاڭسىز تىرشىلىك ەتتى، مەن مۇنان بارىنشا جىگەرلەندىم جانە ماقتانىش سەزىندىم، بۇكىل شينجياڭ حالقىمەن بىرگە باس شۋجيگە، پارتيا ورتالىق كوميتەتىنە العىس ايتامىن. ناقتى ىستەر تىندىرعاندا عانا، ءداۋىردىڭ ۇمىتىنەن شىعىپ، جاڭا ناتيجەلەر جاراتۋعا بولادى»، - دەدى مەملەكەتتىك حالىق قۇرىلتايىنىڭ ۋاكىلى ياسىن سىدىق.

  ۋاكىلدەر: «ءسوزسىز، <4 تانىمدى> بەرىك ورناتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ناقتى تياناقتاندىرىپ، ءىس جۇزىندىك ارەكەتىمىز ارقىلى پارتيا ورتالىق كوميتەتىنىڭ شىنايى قامقورلىعىن اقتايمىز»، - دەستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.