شينجياڭ گازەتى مەكەمەسى پارتكومىنىڭ مۇشەسى، ورىنباسار باس رەداكتور
يىلحام ءۋالي
باس شۋجي شي جينپيڭ: يدەولوگيالىق قىزمەت − پارتيانىڭ توتەنشە ماڭىزدى قىزمەتى. يدەولوگيالىق قىزمەتتى ويداعىداي ىستەي الۋ - ىستەي الماۋ پارتيامىزدىڭ بولاشاق تاعدىرىنا، مەملەكەتىمىزدىڭ باياندى تىنىشتىعىنا، ۇلتتىڭ ۇيىسۋ قۋاتى مەن شوعىرلانۋ قۋاتىنا سايادى، - دەپ اتاپ كورسەتتى. قازىر يدەولوگيا سالاسىنداعى بولشەكتەۋشىلىككە قارسى كۇرەس ءالى دە قيان - كەسكى، شيەلەنىستى، باتىستاعى جاۋ كۇشتەردىڭ ايتاقتاۋىمەن، شەكارا ءىشى - سىرتىنداعى «ءۇش ءتۇرلى كۇش» تاريحتى بۇرمالاپ، ۇلتتار ارا قاتىناسقا ىرتكى سالىپ، بىزدەن شەپتى تارتىپ الۋعا، جۇرت قالاۋىن تارتىپ الۋعا، شينجياڭنىڭ قوعام ورنىقتىلىعىن، ۇلتتار ىنتىماعىن بۇلدىرۋگە، «ءپانىسلاميزم»، «پانتۇركيزم» يدەياسى ارقىلى شينجياڭدى بىلىقتىرىپ، ءدىني ۇشقارىلىق يدەياسى ارقىلى جاراسىمدىلىقتى بۇلدىرۋگە ۇرىندى.
قازىر يدەولوگيا سالاسىنداعى «ەكىبەتكەيلەر» ءالى دە اشىق، جاسىرىن پالە تۋدىرىپ، لاڭ سالۋدا. تەكسەرىپ وقۋ، وتكەلدى يگەرۋ قىزمەتىندە باسقارا الماۋ، ۇيلەسە الماۋ، جاۋاپكەرشىلىك ارقالاماۋ، ءىس تىندىرماۋ، ساياسي قىراعىلىعى جەتەرسىز بولۋ سياقتى ماسەلەلەر ءالى دە ورىن تەۋىپ وتىر. پارتيانىڭ اقپارات - ۇگىت شەبىندەگى كادر رەتىندە ءبىز، تەك «ءۇش ءتۇرلى كۇشتىڭ» يدەيالىق نەگىزىن تۇبىرىنەن قۇرتقاندا عانا، ونىڭ ءوربىپ، اۋ جايۋ ماسەلەسىن تۇبىرىنەن ءبىر جاقتى ەتۋگە بولاتىندىعىن، ءسوز جوق، ايقىن تانۋىمىز كەرەك، يدەولوگيا سالاسىندا بولشەكتەۋشىلىككە قارسى تۇرۋ سىندى وسى ارقاۋدى، ءسوز جوق، قاي - قاشان دا مىقتاپ شيراتىپ، تەكسەرىپ وقۋ، وتكەلدى يگەرۋ قىزمەتىندە جاۋاپكەرشىلىك سەزىمدى، بورىشتىلىق سەزىمدى جانە كوكەي تەستىلىك سەزىمدى شىنايى كۇشەيتۋىمىز كەرەك، وتكەلدى مىقتى يگەرىپ، شەپتى ويداعىداي قورعاپ، «ءۇش ءتۇرلى كۇشكە»، «ەكىبەتكەيلەرگە» استە تيتتەي دە وراي بەرمەۋىمىز، يدەولوگيا سالاسىنىڭ ابسوليۋتتى حاۋىپسىزدىگىنە شىنايى كەپىلدىك ەتۋىمىز كەرەك. تەكسەرىپ وقۋ، وتكەلدى يگەرۋ قىزمەتىندەگى ءبىرىنشى جاۋاپكەرشىلىك باعىتتى، بەتالىستى مىقتى يگەرۋ ەكەندىگىن جىعا تانۋىمىز ءتيىس. دۇرىس ساياسي بەتالىستان بۇلجىماۋعا، ساياسي تۇرعىدا بەرىك تۇرۋعا باستان - اياق تاباندى بولىپ، پارتيانىڭ نازارياسى مەن لۋشيان، باعىت - ساياساتتارىن، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل ۇگىتتەپ، مەيلى قانداي ۋاقىتتا، قانداي شەپتە، قانداي ورىندا بولسا دا، زورلىقتى كۇش لاڭكەستىگىن، ۇلتتىق بولشەكتەۋشىلىكتى، ءدىني ۇشقارىلىقتى تاراتۋعا استە جول بەرمەۋىمىز كەرەك.
مەن اقپارات - ۇگىت شەبىندەگى پارتيالى كادر رەتىندە، بىرىنشىدەن، دۇرىس ساياسي بەتالىستى، ءسوز جوق، مىقتى يگەرەمىن. «4 تانىمدى» بەرىك ورناتىپ، ساياسي پرينسيپتە، ساياسي تۇرعىدا، ساياسي بەتالىستا، ساياسي جولدا باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ ءۇنى مەن قۋاتتاماسىن جاقسى جەتكىزىپ، ۇلكەن دۇرىس - ۇلكەن بۇرىس، ساياسي تۇرعى ماسەلەسىندە استە كۇڭگىرت سويلەمەيمىن، استە كەرى شەگىنبەيمىن، جاۋىنگەرلىك باتىلدىقپەن جاۋاپكەرلىك ارقالاپ، مىقتى يگەرۋگە، باسقارۋعا باتىل بولىپ، باتىل ءۇن قاتىپ، ايقىن پوزيتسيا بىلدىرەمىن. ەكىنشىدەن، يدەولوگيا سالاسىنداعى قىزمەتتىڭ ءبىرىنشى شەبىندە تۋىم ايقىن تۇردە تۇرىپ، تەكسەرىپ وقۋ، وتكەلدى يگەرۋ قىزمەتى ءتۇزىمىن اناعۇرلىم تياناقتاندىرىپ، تەكسەرىپ وقۋ قىزمەتىن گازەت شىعارۋ قىزمەتىنىڭ تۇتاس بارىسىنا، ءار جاقتارىنا ءسىڭىرىپ، تەكسەرىپ وقۋ، وتكەلدى يگەرۋ جاۋاپكەرشىلىگىن ءاربىر بۋىنعا، ءاربىر ادامعا دەيىن تياناقتاندىرىپ، يدەولوگيا سالاسىنىڭ يدەيالىق قورعانىس شەبىن باتىل بەكەمدەيمىن. ۇشىنشىدەن، كومەسكى ماسەلەلەردى، ءسوز جوق، شەبەرلىكپەن بايقايمىن. «3 مەزگىل قاباتتاسقان» ەرەكشە جاعدايدا، الۋان ءتۇرلى، ءتۇسىن وزگەرتكەن «ءپانىسلاميزم»، «پانتۇركيزم» يدەياسى، ءدىني ۇشقارى يدەيا سياقتى كەرتارتپا يدەيالىق اعىمدار سىنالاپ كىرۋىن استە توقتاتقان ەمەس، مۇنداي كەرتارتپا يدەيالىق اعىمداردىڭ تارالۋ جولدارىن ءۇزىلدى - كەسىلدى كەسىپ تاستاۋ كەرەك. تەكسەرىپ وقۋ، وتكەلدى يگەرۋ قىزمەتىنىڭ جاۋاپكەرشىلىگى اۋىر، بورىشى داڭقتى، بۇل بىزدەن تەكسەرىپ وقۋ، وتكەلدى يگەرۋ قىزمەتىن ماڭىزدى ساياسي جاۋاپكەرشىلىك ەتىپ، قىزمەت مىندەتىمىزدى اتقارىپ، شەپتى ويداعىداي قورعاپ، تەكسەرىپ وقۋ وتكەلىن قاتاڭ يگەرىپ، كەرتارتپا يدەيالىق اعىمداردىڭ تارالۋىنا استە جول بەرمەۋدى تالاپ ەتەدى. تورتىنشىدەن، قىزمەت ءتارتىبىن قاتايتىپ، ساياسي تارتىپكە، ساياسي قاعيداعا قاتاڭ بويسۇنىپ، قىزىل شەك بەلگىلەپ، قاعيدا ورناتىپ، جاۋاپكەرشىلىكتى كۇشەيتەمىن. يدەولوگيا سالاسىنىڭ قىزمەت جاۋاپكەرشىلىگى ءتۇزىمىن قاتاڭ تياناقتاندىرىپ، نازاردى باس نىساناعا مىقتاپ شوعىرلاندىرىپ، ەرەكشە قاتاڭ دا ناقتى قىزمەت شارالارى جانە رۋحي قالىپپەن تەكسەرىپ وقۋ، وتكەلدى يگەرۋ قىزمەتىنە كىرىسىپ، وسكەلەڭ ساياسي سانالىلىقپەن، جاۋاپكەرشىلىكتى باتىل ارقالاپ، يدەولوگيا سالاسىنىڭ وتكەلىن مىقتى يگەرۋشى، جاقسى قورعاۋشى بولىپ، يدەولوگيا سالاسىنىڭ بۇكىلدەي حاۋىپسىزدىگىنە شىنايى كەپىلدىك ەتىپ، شينجياڭ قوعامىنىڭ ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تاماشا يدەيالىق قوعامدىق پىكىر ورتاسىن ازىرلەيمىن.
