تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى ءماجىلىس وتكىزىپ، باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات جەتكىزدى، ۇيرەندى

  يدەيا مەن ارەكەتتى باس شۋجيدىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، ۇلتتار ءوزارا قولداۋ كورسەتىپ جانە جاردەم بەرىپ، جۇڭگوشا سوتسياليستىك شينجياڭدى جۇمىلا قۇرۋى كەرەك

  چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتارلىلار ماجىلىسكە قاتىناستى

  ءتىلشىمىز ياۋ تۇڭ 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى، مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى ءماجىلىس وتكىزىپ، باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.

  مەملەكەتتىك حالىق قۇرىلتايىنىڭ ۋاكىلدەرى ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتارلىلار ماجىلىسكە قاتىناستى.

  چىن چۋانگو مىنالاردى اتاپ كورسەتتى: باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ دەڭگەيى بيىك، يدەياسى تەرەڭ، مازمۇنى باي، ءمانى زور. ماڭىزدى ءسوز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇلتتىق، شەكارا وڭىرلەرگە باسا نازار اۋدارىپ، شىنايى قامقورلىق جاساپ وتىرعانىن، پارتيا ورتالىق كوميتەتىنىڭ دامۋى كەنجە قالعان وڭىرلەردىڭ دامۋىن جەدەلدەتىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋگە نىق سەنىم بايلاپ وتىرعانىن تولىق ايگىلەپ، جاڭا داۋىردەگى ۇلتتىق، شەكارا وڭىرلەردىڭ قىزمەتىن جاقسى ىستەۋگە عىلمي باعدار جانە ءتۇبىرلى ولشەم كورسەتتى. باس شۋجي شي جينپيڭنىڭ ماڭىزدى ءسوزىنىڭ كەلەلى ماڭىزىن تەرەڭىنەن تانىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، دايەكتىلەندىرۋمەن، پارتيا 19 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋمەن، تياناقتاندىرۋمەن ۇشتاستىرۋعا تاباندى بولۋىمىز كەرەك. «4 تانىمدى» بەرىك ورناتىپ، «4 سەنىمدى» ۇزبەي كۇشەيتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيا، ساياسي، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تامىر تارتىپ، جەمىس بەرۋىن ىلگەرىلەتۋىمىز قاجەت.

  چىن چۋانگو مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، جاڭا دامۋ ۇستانىمىن ورناتىپ جانە ىسكە اسىرىپ، جاڭا داۋىرگە بەيىمدەلىپ، جاڭا تالاپتاردى نازارعا الىپ، جاڭا ورنالاستىرۋلاردى تياناقتاندىرىپ، ەكونوميكالىق دامۋدىڭ ساپاسىنىڭ، تيىمدىلىگىنىڭ، قوزعاۋشى كۇشتەرىنىڭ وزگەرىسىن بار كۇشپەن جەبەپ، ناقتى ەكونوميكانى نىعايتىپ، كۇشەيتىپ، ساپالىلاندىرىپ، ەلەۋلى حاۋىپ - قاتەردەن ساقتانۋ مەن ونى باسەڭدەتۋ، كەدەيلىكتەن دالمە - ءدال قۇتىلدىرۋ، لاستانۋدان ساقتانۋ مەن ونى وڭاۋدان قامال الۋ شايقاستارىن باتىل، ويداعىداي جۇرگىزىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس ىلگەرىلەتىپ، ەكونوميكالىق، قوعامدىق دامۋدىڭ تاعى ءبىر تىڭ بەلەسكە كوتەرىلۋىن جەبەپ، شينجياڭداعى ءار ۇلت حالقىنىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم جاقسى قاناعاتتاندىرۋ كەرەك.

  چىن چۋانگو مىنالاردى تالاپ ەتتى: باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ جونىندەگى ماڭىزدى نۇسقاۋىنىڭ رۋحىن، اسىرەسە، كەدەيلىكتەن دالمە - ءدال قۇتىلدىرۋدان قامال الۋ شايقاسىن ءساتتى جۇرگىزۋ جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، كەدەيلىكتەن قۇتىلدىرۋدان قامال الۋدى اۋىل - قىستاقتاردى كوركەيتۋ ستراتەگياسىن اتقارۋمەن جاندى تۇردە ۇشتاستىرىپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال قۇتىلدىرۋعا تاباندى بولىپ، «6 دالمە - ءدالدى» تياناقتاندىرىپ، كەدەيلىكتەن قۇتىلدىرۋ ساپاسىن جوعارىلاتىپ، اۋىر كەدەي وڭىرلەردى نازارعا الىپ، كەدەيلىكتەن قۇتىلدىرۋدان قامال الۋدىڭ 3 جىلدىق جوباسىن تىعىز ارقاۋ ەتىپ، شارۋاشىلىقتى دامىتۋ، باسقا سالاعا ويىستىرىپ جۇمىسقا ورنالاستىرۋ، جەردى اداقتاپ قايتا ءبولۋ، ەكولوگيالىق تولەم بەرۋ، كەدەيلەردى باسقا جەرگە قونىستاندىرىپ سۇيەمەلدەۋ سياقتى شارالار ارقىلى كەدەي بۇقارانىڭ ۋاعىندا كەدەيلىكتەن قۇتىلۋىنا كەپىلدىك ەتۋ كەرەك. اۆتونوميالى رايون، ايماق، اۋدان، اۋىل، قىستاق دارەجەلى شۋجيلەر جۇمىلا يگەرۋگە، پارتيا، ۇكىمەت ورىندارىنىڭ ءبىرىنشى باسشىلارى تىكەلەي يگەرۋگە تاباندى بولىپ، كەدەيلەردى سۇيەمەلدەۋ مەن ەرىك - جىگەر، اقىل - پاراسات ارقىلى سۇيەمەلدەۋدى ۇشتاستىرىپ، قيىندىقتاردى جەڭىپ، تۇيىندەردى يگەرىپ، ولقىلىقتاردى تولىقتاپ، وسال تۇستاردى قۋاتتاندىرىپ، وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەيلىكتىڭ قامالىن الۋعا كۇشتى شوعىرلاندىرىپ، 2020 - جىلعا دەيىن كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋگە كەپىلدىك ەتۋ كەرەك.

  چىن چۋانگو مىنالاردى باسا دارىپتەدى: ۇلتتار ىنتىماعى − ءار ۇلت حالقىنىڭ جان تامىرى، ۇلتتار ىنتىماعى ۇلى تۋىن بيىك ۇستاپ، ءوزارا قولداۋ كورسەتۋ جانە جاردەم بەرۋ ۇستانىمىن تەرەڭدەي امالياتتان وتكىزىپ، ۇلتتاردىڭ ىنتىماعى مەن شەكارا ءوڭىردىڭ بەكەمدىگىن تىڭعىلىقتى ىلگەرىلەتۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، ۇلتتىق تەرريتوريالىق اۆتونوميا ءتۇزىمىنىڭ نازاريالىق قاينارىن ونان ارى تەرەڭدەتىپ، امالياتتىق نەگىزىن ونان ارى بەكەمدەۋ كەرەك. «ۇلتتار ىنتىماعىنىڭ بەرەكەلى شاڭىراعى»، ۇلتتار ىنتىماعى بىرلەسكەن دوستىق قيمىلىن، تۋىستاسۋ اپتالىعى قيمىلىن تەرەڭدەتىپ، ۇلتتار ىنتىماعى، العاباسارلىعى تاربيەسىنىڭ ورگاندارعا، مەكتەپتەرگە، كاسىپورىندارعا، الەۋمەتتىك اۋماقتارعا، اۋىل - قىستاقتارعا، اسكەري كازارمالارعا، پولك - روتالارعا، ءدىني قيمىل ورىندارىنا دەيىن قانات جايۋىن ىشكەرىلەي ىلگەرىلەتىپ، ءار ۇلت كادر - جۇرتشىلىعىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا جەتەكتەپ، «5 ورتاق تانىمدى» نىعايتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، اناردىڭ دانىندەي تىعىز ۇيىسىپ، جۇڭحۋا ۇلتى ورتاق تۇلعاسىنىڭ تاعانىن ونان ارمان نىعايتىپ، دانەكەرىن ونان ارمان بەكەمدەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى بىرگە قۇرۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، ليۋ حايشيڭ، شى داگاڭ، لي ۋي، ما شۋەجۇن، لو دۇڭچۋان، پىڭ جيارۇي، ابدۇراقىپ ءتومۇرنياز قاتارلىلار ماجىلىسكە قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.