ءتاڭىرتاۋ تورابى   ›   جاڭالىقتار   ›   شۋجي ەستەلىگى

شينجياڭ ۋاكىلدەر ۇيىرمەسى نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن قارادى

  چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ ءسوز سويلەدى

  تىلشىلەرىمىز ياۋ تۇڭ، لي ياڭ، شى شين 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى تۇستەن بۇرىن جانە تۇستەن كەيىن، مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن جانە گرۋپپالار جيىنىن وتكىزىپ، «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن (العاشقى نۇسقا)» قارادى.

  شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ ءسوز سويلەدى. مەملەكەتتىك حالىق قۇرىلتايىنىڭ قاتىستى ورىندارىنداعى جاۋاپتى جولداستار جيىنعا قاتىناسىپ، پىكىرلەردى تىڭدادى.

  ۋاكىل چىن چۋانگو بىلاي دەدى: نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن بۇكىلدەي قۇپتايمىن، باتىل قولدايمىن. نەگىزگى زاڭعا وزگەرىس ەنگىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى مەن ستراتەگياسى تۇرعىسىنان جاساعان كەلەلى شەشىمى، سونداي - اق مەملەكەتتى زاڭمەن جونگە سالۋدى ىلگەرىلەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى شاراسى، ول پارتيانىڭ دارىپتەمەسى مەن حالىق ەركىنىڭ وسكەلەڭ بىرلىگىن ايگىلەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگى مەن كۇشتى جۇرەك ءۇنىن تولىق بەينەلەدى، ول جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى، ءسوز جوق، نەگىزگى زاڭمەن پارمەندى كەپىلدىك ەتەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەسەتىن ورتاق يدەيالىق نەگىزىن بەكەمدەۋدە كەلەلى ماڭىز الادى؛ «جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى» دەگەن ءسوزدى نەگىزگى زاڭنىڭ جالپى پروگرامماسىنا ەنگىزۋ پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ءتۇبىرلى تۇزىممەن قامتاماسىزداندىرىپ، جۇڭگوشا سوتسياليزم ىستەرىنىڭ، ءسوز جوق، قاشاندا دۇرىس ارنامەن العا باسۋىنا شىنايى كەپىلدىك ەتەدى؛ مەملەكەت ءتوراعاسىنىڭ مىندەت وتەۋى تۋرالى بەلگىلەمەگە وزگەرىس ەنگىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋعا ءتيىمدى، مەملەكەتتىڭ باسشىلىق ءتۇزىلىسىن كۇشەيتۋگە جانە كەمەلدەندىرۋگە ءتيىمدى، پارتيا مەن مەملەكەتتىڭ باياندى تىنىشتىعىنا ءتيىمدى، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءتيىمدى. ول جۇڭگوشا سوتسياليزمنىڭ ساياسي ارتىقشىلىعى مەن تۇزىمدىك ارتىقشىلىعىنىڭ ماڭىزدى بەينەسى؛ باقىلاۋ - تەكسەرۋ كوميتەتى تۋرالى نەگىزگى زاڭعا قوسىلعان بەلگىلەمەلەر رەفورمانى جاپپاي تەرەڭدەتۋدىڭ، مەملەكەتتى جاپپاي زاڭمەن جونگە سالۋدىڭ، پارتيانى جاپپاي قاتاڭ جونگە سالۋدىڭ ورگانيكالىق بىرلىگىن ايگىلەدى. شينجياڭ «4 تانىمدى» بەرىك ورناتىپ، باس شۋجي شي جينپيڭنىڭ ۇيتقى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيا مەن ارەكەتتى پارتيا ورتالىق كوميتەتىنىڭ ماڭىزدى شەشىمدەرىمەن جانە ورنالاستىرۋلارىمەن باتىل بىرلىككە كەلتىرىپ، نەگىزگى زاڭنىڭ بەدەلىن سانالى تۇردە قورعاپ، نەگىزگى زاڭنىڭ اتقارىلۋىنا كەپىلدىك ەتۋ كەرەك.

  ۋاكىل ەركىن يمىرباقى بىلاي دەدى: نەگىزگى زاڭ − مەملەكەتتىڭ ءتۇبىرلى زاڭى، نەگىزگى زاڭعا وزگەرىس ەنگىزۋ − مەملەكەتتىڭ ساياسي ومىرىندەگى ءىرى ءىس، پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ، ونى دامىتۋ جالپى جاعدايى جانە ستراتەگياسى تۇرعىسىنان شىعارعان كەلەلى شەشىمى ءارى مەملەكەتتى جاپپاي زاڭمەن جونگە سالۋدى ىلگەرىلەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ كەلەلى شاراسى. نەگىزگى زاڭعا وزگەرىس ەنگىزۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىردى، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىن تولىق ايگىلەدى، نەگىزگى زاڭنىڭ داۋىرمەن بىرگە العا باسۋىن، كەمەلدەنۋىن، دامۋىن ىلگەرىلەتۋ جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى نەگىزگى زاڭمەن پارمەندى قامتاماسىزداندىرۋ جونىنەن ەرەكشە كەلەلى ءمان الادى. ءبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نەگىزگى زاڭعا وزگەرىس ەنگىزۋ جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، «4 تانىمدى» بەرىك ورناتىپ، «4 سەنىمدى» بەكەمدەپ، باس شۋجي شي جينپيڭنىڭ ۇيتقى ورنى مەن بەدەلىن تاباندى، باتىل تۇردە قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن بۇلجىتپاي قورعاپ، ابسوليۋتتى ادال بولۋدى، ۇيتقىنى قورعاۋدى نەگىزگى زاڭعا وزگەرىس ەنگىزۋدە شىنايى ايگىلەپ، نەگىزگى زاڭعا وزگەرىس ەنگىزۋدى زاڭ، ءتارتىپ بويىنشا قاتاڭ ىلگەرىلەتۋىمىز كەرەك.

  ۋاكىل شوكىرات زاكىر بىلاي دەدى: نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ەرەكشە ايقىن بەينەلەدى، جۇڭگوشا سوتسياليستىك ءتۇزىمنىڭ ماندىك تالابىن بەينەلەدى، نەگىزگى زاڭنىڭ داۋىرمەن بىرگە العا باسۋىن، كەمەلدەنۋىن، دامۋىن ىلگەرىلەتۋدىڭ ايقىن ەرەكشەلىگىن بەينەلەدى، مەن باتىل قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن قورعاپ، نەگىزگى زاڭنىڭ مەملەكەتتىڭ ءتۇبىرلى ءىرى زاڭى بولۋداي زاڭدىق بەدەلىن قورعاپ، پارتيا باسشىلىق ەتۋ تانىمىن كۇشەيتىپ، پارتيانىڭ باسشىلىعىن مەملەكەتتىڭ ساياسي ءومىرى مەن قوعامدىق ءومىرىنىڭ بارلىق سالاسىندا دايەكتىلەندىرىپ، تياناقتاندىرىپ، پارتيانىڭ مەملەكەتتىڭ ءتۇرلى ىستەرىنە، ءار جاقتاعى قىزمەتتەرىنە جاپپاي باسشىلىق ەتۋىنە كەپىلدىك ەتۋ كەرەك.

  ۋاكىل شاۋكەت يمىن بىلاي دەدى: نەگىزگى زاڭعا وزگەرىس ەنگىزۋ − پارتيا مەن مەملەكەتتىڭ ساياسي ومىرىندەگى كەلەلى ءىس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى جانە ستراتەگياسى تۇرعىسىنان جاساعان كەلەلى شەشىمى ءارى مەملەكەتتى جاپپاي زاڭمەن جونگە سالۋدى ىلگەرىلەتۋدەگى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى شاراسى، ءداۋىردىڭ قاجەتى، امالياتتىڭ قاجەتى، زاڭمەن جونگە سالۋدىڭ قاجەتى، حالىقتىڭ تىلەگى، مەن بۇكىلدەي قۇپتايمىن. اۆتونوميالى رايوندىق حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، نەگىزگى زاڭدى ءتۇبىرلى قيمىل ولشەمى ەتىپ، نەگىزگى زاڭعا شىنايى قۇرمەت ەتىپ، نەگىزگى زاڭدى قاتاڭ اتقارىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، جۇڭگوشا سوتسياليستىك شينجياڭ قۇرۋعا قۇلشىنادى.

  ۋاكىل سۇن جينلۇڭ بىلاي دەدى: وسى جولعى نەگىزگى زاڭعا وزگەرىس ەنگىزۋدە پارتيا مەن حالىقتىڭ اماليات بارىسىندا قول جەتكىزگەن كەلەلى نازاريالىق جاسامپازدىق تابىستارىن، امالياتتىق جاسامپازدىق تابىستارىن، ءتۇزىم جاسامپازدىعى تابىستارىن نەگىزگى زاڭ بەلگىلەمەسى دەڭگەيىنە كوتەردى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسى نەگىزگى زاڭعا ەنگىزىلىپ، بۇكىل پارتيانىڭ، بۇكىل ەل حالقىنىڭ جاڭا داۋىردە ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىنە اينالدى. مەملەكەت ءتوراعاسىنىڭ مىندەت وتەۋىنە وزگەرىس ەنگىزۋ تۋرالى بەلگىلەمە بۇكىل پارتيانىڭ، بۇكىل ەل حالقىنىڭ ورتاق تىلەگى مەن كۇشتى ءۇنىن بەينەلەدى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋعا ءتيىمدى، مەملەكەتتىڭ باسشىلىق ءتۇزىلىسىن كۇشەيتۋگە جانە كەمەلدەندىرۋگە ءتيىمدى. نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن مەن بۇكىلدەي قۇپتايمىن، باتىل قولدايمىن. بيڭتۋان نەگىزگى زاڭ تانىمىن شىن مانىندە كۇشەيتىپ، شينجياڭدى زاڭمەن جونگە سالۋ جالپى جوباسىن تياناقتاندىرادى.

  ليۋ حايشيڭ، مۇقيات جارمۇقامەت ۇلى، نياز اشىم، جوۋ شۇييۇڭ، فاتيما، سۇي جيۋشيۋ قاتارلى ۋاكىلدەر نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن بۇكىلدەي قۇپتايتىندىقتارىن، باتىل قولدايتىندىقتارىن ءبىلدىردى. كوپشىلىك بىلاي دەپ ەسەپتەدى: نەگىزگى زاڭنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋداعى، مەملەكەتتى جاپپاي زاڭمەن جونگە سالۋدى ىلگەرىلەتۋدەگى ماڭىزدى رولىن اناعۇرلىم ويداعىداي ساۋلەلەندىرۋ ءۇشىن، نەگىزگى زاڭعا ۇيلەسىمدى وزگەرىس ەنگىزۋ قاجەتتى. نەگىزگى زاڭعا وزگەرىس ەنگىزۋ ارقىلى پارتيا 19 - قۇرىلتايىندا بەلگىلەنگەن كەلەلى نازاريالىق كوزقاراستار مەن كەلەلى باعىت - ساياساتتاردى مەملەكەتتىڭ ءتۇبىرلى زاڭىنا كىرگىزىپ، پارتيا مەن مەملەكەت ىستەرى دامۋىنداعى جاڭا جەتىستىكتەردى، جاڭا تاجىريبەلەردى، جاڭا تالاپتاردى ايگىلەۋدىڭ جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى نەگىزگى زاڭمەن پارمەندى قامتاماسىز ەتەتىندىگى، ءسوزسىز.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، ما شۋەجۇن، لو دۇڭچۋان، پىڭ جيارۇي، ابدۇراقىپ ءتومۇرنياز قاتارلىلار ماجىلىسكە قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى