سەرىك يمانقان ۇلى حابارلايدى. جۇرت جۇرەگىن شاتتىققا بولەيتىن كوكتەم مەرەكەسى اياقتاپ، كوكتەمنىڭ جىلى لەبى بەلەڭ بەردى. 3 - ايدىڭ 6 - كۇنى ايماقتىق پارتكومنىڭ شۋجيى جاڭ يان ارناۋلى بۋرىلتوعاي اۋدانىنا ات باسىن بۇرىپ، نەگىزگى ساتىداعى كادر بۇقارالارمەن شىنايى كوڭىلمەن سىرلاسىپ، كەزەكتەگى قىزمەتتىڭ نەگىزگى ساتىدا ويداعىداي تياناقتانۋىنا نازار اۋدارىپ، جەتەكشىلىك ەتتى، جاڭ يان شۋجيى ەڭ اۋەلى قاراماعاي قالاشىعى، كوكاعاش اۋىلىنىڭ ءىشىنارا قىستاقتارىنا بارىپ جاعداي ۇعىسىپ، مالىمەت تىڭدادى، بۇقارامەن شىنايى اڭگىمەلەسىپ، قاتستى ارحيۆ ماتەريالدارىن تەكسەرىپ، نەگىزگى ساتىنىڭ شەپ قۇرىلىسىن تىكەلەي كوزدەن كەشىردى. بۋرىلتوعاي اۋدانىنىڭ قوعام ورنىقتىلىعى، ۇلتتار ىنتىماعىنىڭ بەرەكەلى شاڭىراعى قيمىلى، نەگىزگى ساتى ۇيىمى قۇرىلىسى سياقتى قىزمەتتەردىڭ ورىستەتىلۋ احۋالىن ىشكەرىلەي ۇعىسىپ، كوزالدا ساقتالىپ وتىرعان ماسەلەلەرمەن بۇدان كەيىنگى قىزمەت قۇلشىنىستارى جايلى ىشكەرىلەي تالداۋ جاساپ جەتەكشىلىك ەتتى.
كوكاعاش اۋىلىنىڭ ەسكى قۇم قىستاعىندا جاڭ يان شۋجي قىستاق القاسى جانە قىزمەت اترەتىندەگىلەردەن باس نىسانانى ارقاۋ ەتىپ ءتۇرلى قىزمەتتەردى جاقسى ىستەۋدى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ەستە بەرىك ساقتاپ، پارتيا 19 - قۇرىلتايىنىڭ رۋحى مەن اۆتونوميالى رايوندىق پارتكومنىڭ ءتۇرلى ءتيىمدى ساياساتتارىن ۇگىتتەۋدى اناعۇرلىم ويداعىداي ىستەپ، بۇقارامەن ەمەن - جارقىن سىرلاسىپ، ەتەنە بولىپ، بۇقارانىڭ حال - جاعدايىن ءتۇسىنىپ، بۇقارانى كونە عۇرىپ - ادەتتەن اۋلاق بولۋعا، جاڭا ءداۋىردىڭ اعىمىنا ىلەسىپ، تىڭ تەبىن تىنىستى تىرلىكتى دارىپتەۋدى تالاپ ەتتى. وسىدان كەيىن، جاڭ يان شۋجيى نەگىزگى ساتىداعى كادرلاردىڭ حال - جاعدايىن ەگجەي - تەگجەيلى ۇعىسۋمەن قاتار ءار دارەجەلى كادرلاردىڭ بۇقارامەن تۋىستىق قاتىناس ورناتقان قىزمەت جاعدايلارىن ەگجەي- تەگجەيلى سۇراپ ۇعىسىپ، قىزمەتتىڭ تياناقتانۋ بەتالىسىن ايقىندادى.
جاڭ يان شۋجي تەكسەرىپ - زەرتتەۋ بارىسىندا قورتىندىلاي كەلىپ، بۇقارالىق قىزمەتتىڭ مىندەتى اۋىر، ءمانى تەرەڭ ەكەندىگىن ايتىپ، ءار دارەجەلى كادرلاردان بۇقارالىق قىزمەتتى شىنايى ويداعىداي ىستەپ، جۇرت جۇرەگىنە ۇيالاتۋلارىن، ستيلگە بۇرىلىس جاساپ، بۇقارامەن قويان - قولتىق ارالاسىپ، ءوندىرىس، تۇرمىستارىنا قولعابىس ەتۋلەرىن، جاڭا داۋىردەگى كادرلار وبرازىن تىكتەپ، بۇقارامەن بولعان قارىم - قاتىناستى جاقسارتۋلارىن، نەگىزگى ساتى ۇيىمىن بەكەمدەپ، جۇرت جۇرەگىن ۇيىستىرىپ، ءار ۇلت بۇقاراسىن پارتياعا شاپاعات ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، قوعام ورنىقتىلىعى مەن باياندى تىنشتىقتى ساقتاۋدىڭ بەرىك نەگىزىن بەكەمدەۋدى تالاپ ەتتى.
ءتىلشىنىڭ قىزمەت ورنى : بۋرىلتوعاي اۋداندىق ورگان ىستەرىن باسقارۋ مەكەمەسى
